প্রধান মন্ত্রী শ্রী নরেন্দ্র মোদীনা ফেব্রুৱারী ২৬কী নুংথিল পুং ১২:৩০ তাবা মতমদা ভিদিও কনফরেন্সকী থোংদা লুপা কোতি ৪১,০০০ হেনবগী রেলৱে ইনফ্রাস্ত্রকচর প্রোজেক্ত ২০০০ রোম উরেপ উয়ুং তমগনি, শঙ্গাগনি অমসুং লৈবাক মীয়ামদা কত্থোক্কনি।

প্রধান মন্ত্রীনা রেলৱে স্তেসনশিংদা ৱার্ল্দ ক্লাস এমেনিতীশিং ফংহনবগী মরুওইবা ৱাফমশিং তোইনা ফোংদোক্লি। মসিদা মরুওইবা খোংথাং অমা ওইনা প্রধান মন্ত্রীনা অমৃত ভারত স্তেসন স্কিমগী মখাদা রেলৱে স্তেসন ৫৫৩ নৌনা শেমগৎনবগীদমক উরেপ উয়ুং তমগনি। রাজ্য অমসুং য়ুনিয়ন তেরিতোরী ২৭দা লৈরিবা মসিগী স্তেসনশিং অসি লুপা করোর ১৯,০০০ হেন্না চংনা নৌনা শেমগৎলগনি। মসিগী স্তেসনশিং অসিনা শহরগী নাকল অনিমক শম্নহনবদা ‘সিতী সেন্তরশিং’ ওইনা মথৌ তৌগনি। মখোয়দা রুফ প্লাজা, ফজরবা লেন্দস্কেপিং, ইন্তর মোদেল কনেক্তিবিতী, হেন্না ফরবা মোদর্ন ফেসেদ, অঙাংশিংগী শান্নফম, কিয়োকস, ফুদ কোর্ত অসিনচিংবা মোদর্ন পেসেঞ্জর এমেনিতীশিং লৈগনি। মখোয়বু ইনভাইরনমেন্ত ফ্রেন্দলী অমসুং দিব্যাং ফ্রেন্দলী ওইনসু নৌনা শেমগৎকনি। স্তেসন বিলদিংশিং অসিগী দিজাইনশিং লোকেল কলচর, হেরিতেজ অমসুং আর্কিতেকচরদা ইন্সপায়র তৌগনি।

মখা তারকপদা, প্রধান মন্ত্রীনা লুপা করোর ৩৮৫গী শেনফম অমগা লোইননা নৌনা শেমগৎলবা উত্তর প্রদেশকী গোমতি নগর স্তেসন শঙ্গাগনি। তুংদা পেসেঞ্জর মশিং হেনগৎলক্কদবা অদু য়েংদুনা স্তেসন অসি থুংফম অমসুং লমথাফম তোখাই তোখাইহল্লে। মসিনা শহরগী নাকল অনিমক শম্নহল্লে। সেন্ত্রেল্লি এয়র কন্দিসন ওইবা স্তেসন অসিদা এয়র কোনকোর্স, কঞ্জেসন ফ্রী সর্কুলেসন, ফুদ কোর্তস অমসুং অপ্পর অমসুং লৱার বেসমেন্তদা এম্পল পোর্কিং স্পেসগুম্বা মোদর্ন পেসেঞ্জর এমেনিতীশিং লারে।

প্রধান মন্ত্রীনা লম্বী ওভর ব্রিজ অমসুং আন্দরপাস ১৫০০সু উরেপ উয়ুং তমগনি, শঙ্গাগনি অমসুং লৈবাক মীয়ামদা কত্থোক্কনি। মসিগী লম্বী ওভর ব্রিজশিং অমসুং আন্দরপাসশিং অসি রাজ্য অমসুং য়ুনিয়ন তেরিতোরী ২৪তা লৈরি, প্রোজেক্তশিং অসিগী অপুনবা মমল অসি চাউরাক্না লুপা করোর ২১,৫২০নি। প্রোজেক্তশিং অসিনা মী চিনবা হন্থহল্লগনি, সেফতী অমসুং কনেক্তিবিতী হেনগৎলগনি, কেপাসিতী অমসুং রেল ত্রাবেলগী ইফিসেন্সী হেনগৎলগনি।

***