2025-26 ஆம் ஆண்டிற்கான மாநில பேரிடர் நிவாரண நிதியின், மத்திய பங்கின் 2வது தவணையாக ரூ.1,950.80 கோடியை முன்கூட்டியே விடுவிக்க மத்திய உள்துறை அமைச்சர் திரு. அமித் ஷா ஒப்புதல் அளித்துள்ளார். இந்த ஆண்டு தென்மேற்கு பருவமழையின் போது ஏற்பட்ட மிகக் கனமழை மற்றும் வெள்ளத்தால் பாதிக்கப்பட்ட மக்களுக்கு உடனடி நிவாரண உதவிகளை வழங்க இந்த மாநிலங்களுக்கு உதவ, மொத்த தொகையான ரூ.1,950.80 கோடியில், கர்நாடகாவிற்கு ரூ.384.40 கோடியும், மகாராஷ்டிராவிற்கு ரூ.1,566.40 கோடியும் அனுமதிக்கப்பட்டுள்ளது.

பிரதமர் திரு. நரேந்திர மோடியின் தலைமையிலும், மத்திய உள்துறை அமைச்சர் திரு. அமித் ஷாவின் வழிகாட்டுதலிலும், வெள்ளம், நிலச்சரிவு மற்றும் மேகவெடிப்பு ஆகியவற்றால் பாதிக்கப்பட்ட மாநிலங்களுக்கு சாத்தியமான அனைத்து உதவிகளையும் வழங்க மத்திய அரசு முழுமையாக உறுதிபூண்டுள்ளது.

இந்த ஆண்டு, மத்திய அரசு ஏற்கனவே மாநில பேரிடர் நிவாரண நிதியின்  கீழ் 27 மாநிலங்களுக்கு ரூ.13,603.20 கோடியையும், தேசிய பேரிடர் நிவாரண நிதியின் கீழ் 15 மாநிலங்களுக்கு ரூ.2,189.28 கோடியையும் விடுவித்துள்ளது. கூடுதலாக, 21 மாநிலங்களுக்கு மாநில பேரிடர் தணிப்பு நிதியிலிருந்து  ரூ.4,571.30 கோடியும், தேசிய பேரிடர் தணிப்பு நிதியிலிருந்து  ரூ.372.09 கோடியும் விடுவிக்கப்பட்டுள்ளது.

வெள்ளம், நிலச்சரிவு, மேகமூட்டம் போன்றவற்றால் பாதிக்கப்பட்ட அனைத்து மாநிலங்களுக்கும் தேவையான தேசிய பேரிடர் மீட்புக் குழுக்கள், ராணுவ குழுக்கள் மற்றும் விமானப்படை ஆதரவு உள்ளிட்ட அனைத்து தளவாட உதவிகளையும் மத்திய அரசு வழங்கியுள்ளது. இந்த ஆண்டு பருவமழைக் காலத்தில், மீட்பு மற்றும் நிவாரண நடவடிக்கைகளுக்காக 30 மாநிலங்கள்/யூனியன் பிரதேசங்களில் அதிகபட்சமாக 199  குழுக்கள் ஈடுபடுத்தப்பட்டன.    

***

AD/PKV/SH