প্রধান মন্ত্রী, শ্রী নরেন্দ্র মোদীনা ঙসি বানারসিগী বি.ঐচ.য়ু.গী স্বতন্ত্র সভাঘরদা সন্সদ সংস্কৃত প্রতীয়োগিতাগী মনা য়েন্থোকপগী থৌরমদা শরুক য়াখ্রে। মহাক্না কাশী সনসাদ প্রতীয়োগিতাগী লাইরিক অমসুং কোফি তেবল বুক অমা মায়খুম হাংদোকখি। প্রধান মন্ত্রীনা কাশী সংসদ গ্যান প্রতীয়োগীতা, কাশী সংসদ ফোতোগ্রাফী প্রতীয়োগীতা অমসুং কাশী সংসদ সংস্কৃত প্রতীয়োগীতাগী মায় পাক্লবশিংদা মনাশিং পীখি। মহাক্না বানারসিগী সংস্কৃত মহৈরোইশিংদা লাইরিকশিং, য়ুনিফোর্ম সেৎশিং, ম্যুজিকেল ইন্সত্রুমেন্তশিং অমসুং মেরিৎ স্কোলারশিপশিংসু য়েন্থোকখি। মহাক্না কাশী সনসাদ ফোতোগ্রাফী প্রতীয়োগিতা গেল্লরীদসু চৎখি অমসুং শরুক য়ারিবশিংগা লোয়ননা 'সন্ৱর্তী কাশী'গী থিমদা ফোতোগ্রাফ এন্ত্রিশিংগা লোয়ননা ৱারী শানখি।

মীয়াম তিনখিবা অদুদা ৱা ঙাংলদুনা, প্রধান মন্ত্রীনা নহা ওইরিবা স্কোলরশিংগী মরক্তা লৈবদা নুংঙাইবা ফোংদোকখি অমসুং গঙ্গাগী লৌশিংগা মান্ননা লৈ হায়না ফোংদোকখি। মহাক্না অরিবা শহর অসিগী মশক মওং অসি মপাঙ্গল কনখৎহন্নবা হোৎনরিবা নহা ওইরিবা মীরোলশিংবু থাগৎপা ফোংদোকখি। মহাক্না হায়খি মদুদি ভারতকী নহারোলশিংনা অমৃত কালদা লৈবাক অসিবু অনৌবা থাক্তা পুখৎলকপা অসি চাউথোকচনীংঙাই অমসুং নুংঙাইবা অমনি। প্রধান মন্ত্রীনা হায়খি, "কাশী অসি মতম চুপ্পগী ওইবা লৌশিংগী কোনুংনি।" কাশীগী মগুন অমসুং মওং-মতৌনা মসিগী মগুন অদু অমুক হন্না ফংবা অসি লৈবাক পুম্বগীদমক্তা চাউথোকচনীংঙাইনি। মহাক্না ঙসি কাশী সংসদ গ্যান প্রতীয়োগিতা, কাশী সংসদ ফোতোগ্রাফী প্রতীয়োগিতা অমসুং কাশী সংসদ সংস্কৃত প্রতীয়োগিতাগী মনা ফংলবশিংবু ইকায় খুম্নবা উৎখি অমসুং মনা ফংলবশিংবু থাগৎপা ফোংদোকখি। মহাক্না মায় পাক্লবশিংগী লিস্ততা য়াওবা ঙমদ্রবশিংবুসু পুক্নিং থৌগৎখি। শরুক য়ারিবা মীওই অমত্তা মাইথীবা ফংখিদে নৎত্রগা মাঙখিদে, মসিগী মহুত্তা, মীপুম খুদিংমক্না মসিগী এক্সপরিয়েন্স অসিদগী তমখি হায়না প্রধান মন্ত্রীনা হায়খি। শরুক য়ারিবা মীওই খুদিংমক থাগৎপা ফোংদোকখি। প্রধান মন্ত্রীনা কাশীগী এম.পি. ওইনা মহাক্কী ৱাখল্লোনবু মাংলোমদা পুখৎলকপগীদমক শ্রী কাশী বিশ্বনাথ মন্দির নিয়াস, কাশী বিদবৎ পরিষদ অমসুং স্কোলরশিংদা থাগৎপা ফোংদোকখি। ঙসি ফোঙখিবা কোফি তেবলগী লাইরিকশিং অসিদা হৌখিবা চহি ১০দা কাশীগী নৌহৌননা শেমগৎলকপগী ৱারী য়াওরি হায়নসু মহাক্না পনখি।

হৌখিবা চহি ১০দা কাশীগী চাউখৎ-থৌরাংগী মতাংদা প্রধান মন্ত্রীনা হায়খি মদুদি ঐখোয় পুম্নমক অসি ভগবান মহাদেবকী খুৎলাইশিংনি। মহাক্না হায়খি মদুদি মহাদেবকী য়াইফ-পাউজেলগা লোইননা, 'বিকাস কা দামরো' অসি কাশীদা হৌখিবা চহি ১০ অসিদা শন্দোরক্লি। লুপা ক্রোর কয়াগী প্রোজেক্তশিংগী মতাংদা পল্লদুনা প্রধান মন্ত্রীনা হায়খি মদুদি ঙসি শিবরাত্রি অমসুং রঙ্গভারী একাদশীগী মমাংদা কাশীনা চাউখৎপগী কুমহৈ পাংথোক্লি। মহাক্না হায়খি মদুদি মীপুম খুদিংমক্না 'বিকাস কি গঙ্গা'গী খুত্থাংদা অহোংবা অদু উবা ফংলে।

প্রধান মন্ত্রীনা হায়খি মদুদি কাশী অসি থাজবগী সেন্তর অমা খক্তা নত্তে, মসি ভারতকী মতম চুপ্পগী ওইবা চেতনাগী ভাইব্রেন্ত সেন্তর অমনি। মহাক্না হায়খি মদুদি মালেমদা ভারতকী অরিবা মিংচৎ অসি শেনমিৎলোনগী মপাঙ্গল খক্তদা য়ুম্ফম ওইদে অদুবু মসিগী মপুং ওইবা মরমদি মসিগী কলচরেল, স্পিরিচুএল অমসুং সোসিএল রিচদনি। কাশী অমসুং বিশ্বনাথ ধামগুম্বা মফমশিং অসি লৈবাক্কী চাউখৎপগী য়গ্যাশালাশিংনি হায়না মহাক্না হায়খি। মহাক্না ভারতকী লৌশিংগী চৎনবী অমসুং কলচর অমসুং স্পিরিচুএলিতীগী মফমশিংগা লৈনরিবা মরী অদু পনখি। কাশীগী খুদম পীরদুনা প্রধান মন্ত্রীনা হায়খি মদুদি কাশী অসি শিবাগী লম ওইবতা নত্তনা বুদ্ধগী পাউতাক্কী মফম অমসু ওইরি। মসি জৈন তিরথানকরশিংগী পোক্নফম অমসুং অদি শঙ্করচার্য়গী পুক্নিংগী মফম অমসু ওইরি। মহাক্না কাশীগী কোস্মোপোলিতীগী মগুন অদুসু পনখি মরমদি লৈবাক অসিগী মফম কয়াদগী অমসুং মালেমগী মফম কয়াদগী মীওই কয়া কাশীদা লাক্লি। অসিগুম্বা মখল-মখা কয়াগী মফম অমদা অনৌবা ৱাখল্লোনশিং পোক্লকই। অনৌবা ৱাখল্লোনশিংনা চাউখৎপগী ওইথোকপা লৈহল্লি।"

প্রধান মন্ত্রীনা হায়খি, "বিশ্বনাথ ধামনা ৱারেপ লৌবা য়াবা লমজিং-লমতাকপীগনি অমসুং ভারতপু শিংথানিংঙাই ওইবা তুংলমচৎ অমদা পুরক্কনি।" মহাক্না কাশী বিশ্বনাথ ধামগী উরেপ-উয়ুং তমখিবা অদু নীংশিংখি অমসুং ঙসিগী থাজবা অদু অমুক হন্না ফোংদোকখি। মহাক্না অকনবা ৱাফম থমখি মদুদি বিশ্বনাথ ধাম কোরিদোর অসি ঙসিদি স্কোলারেল দিক্লারেসন অমা উবা ফংলি। প্রধান মন্ত্রীনা হায়খি মদুদি কাশীনা ক্লাসিকেল তেনশিংগা লোয়ননা স্ক্রিপচরেল দাইলোগশিংসু ঙাংবা ঙম্মি। মসিনা ৱাখল্লোনশিং এক্সচেঞ্জ তৌবা, অরিবা মতমগী লৌশিং ঙাকপা অমসুং অনৌবা ৱাখল্লোনশিং পুথোকপদা পুক্নিং থৌগৎকনি। মহাক্না হায়খি মদুদি কাশী সনসদ সংস্কৃত প্রতীয়োগিতা অমসুং কাশী সনসদ গ্যান প্রতীয়োগিতা অসি সংস্কৃত নৈনবগা লোইননা নহারোল লিশিং কয়াদা লাইরিকশিং, ফি-রোলশিং অমসুং অতৈ তঙাইফদবা রিসোর্সশিংগা লোয়ননা স্কোলারশিপশিং ফংহনবগী থবক অদুগী শরুক অমনি। ওজাশিংদসু মতেং পাংলি। শ্রী মোদীনা হায়খি, বিশ্বনাথ ধাম অসি কাশী তামিল সঙ্গমম অমসুং গঙ্গা পুশকরুলু মহোতসবগুম্বা 'এক ভারত, শ্রেস্থা ভারত' কেম্পেনগী শরুক অমা ওইরে। থাজবগী মফম অসিনা ত্রাইবেল কলচরেল ইভেন্তশিংগী খুত্থাংদা খুন্নাইদা য়াওহন্নবা ৱারেপ অদু মপাঙ্গল কনখৎহল্লি। শ্রী মোদীনা হায়খি মদুদি কাশীগী স্কোলরশিং অমসুং বিদৱত পরিষদনা অরিবা মতমগী লৌশিংবু মোদর্ন সাইন্সকী মীৎয়েংদগী য়েংলগা অনৌবা রিসর্চ তৌরি। মহাক্না শহরগী মফম কয়াদা লেম্না চিঞ্জাক পীবগী থৌরাং পায়খৎলিবা লাইশঙগী ত্রস্তকী মতাংদসু পনখি। প্রধান মন্ত্রীনা হায়খি, "অনৌবা কাশী অসি অনৌবা ভারতকী ইথিল অমা ওইরক্লি।" মহাক্না হায়খি মদুদি থাজবগী মফম অসি খুন্নাইগী অমসুং লৈবাক্কী ৱারেপশিং লৌবগীদমক মতৌ করম্না ইনর্জীগী মফম অমা ওইরকপা য়াবগে হায়বদু পনখি। মহাক্না থাজবা ফোংদোকখি মদুদি মফমসিদগী লাকপা নহারোলশিংনা মালেম পুম্বদা ভারতকী লৌশিং, চৎনবী অমসুং কলচরগী ফ্লেগ বিয়র ওইগনি।

প্রধান মন্ত্রীনা হায়খি, "ঐখোয়গী লৌশিং, সাইন্স অমসুং স্পিরিচুএলিতী চাউখৎহনবদা খ্বাইদগী চাউনা তেংবাংখিবা লোলশিংগী মরক্তা সংস্কৃত অসি খ্বাইদগী মশক থোকপা অমনি। ভারত অসি ৱাখল্লোন অমনি, অমসুং সংস্কৃত অসি মসিগী মরুওইবা ফোঙদোকফম্নি। ভারত অসি খোঙচৎ অমনি, সংস্কৃত অসি মসিগী পুৱারীগী মরুওইবা চেপ্তরনি। ভারত অসি তোঙান তোঙানবা লমশিংদা অমত্তা ওইবগী লমনি, সংস্কৃত অসি মসিগী হৌরকফমনি। মতম অমদা সংস্কৃত অসি এস্ত্রোনোমী, মেথমেতিক্স, মেদিসিন, লিতরেচর, ম্যুজিক অমসুং আর্তশিংদা মরুওইবা রিসর্চ লোল ওইরম্মি হায়না প্রধান মন্ত্রীনা নিংশিংখি। ভারতনা মসিগী মশক অসি হায়রিবা দিসিপ্লিনশিং অসিগী খুত্থাংদা ফংলে হায়না মহাক্না হায়খি। মহাক্না হায়খি কাশী অমসুং কাঞ্চীদা বেদশিং পাংথোকপা অসি "এক ভারত শ্রেস্থা ভারত"গী মগুনশিংনি।

প্রধান মন্ত্রীনা হায়খি, ঙসিদি কাশী অসি হেরিতেজ অমসুং দিবেলপমেন্তকী মোদেল অমা ওইনা উরি। ঙসি মালেম অসিনা চৎনবী অমসুং স্পিরিচুএলিতিগী অকোইবদা মোদর্নিতীনা পাকথোক চাউথোক্লিবা উরি। অনৌবা শাবা লাইশঙ অসিদা রাম লল্লাগী প্রন প্রতিষ্ঠা পাংথোক্লবা মতুংদা অয়োধ্যা অসিগা কাশীগা মান্ননা মতৌ করম্না চাউখৎলক্লিবা হায়বদু মহাক্না ফোংদোকখি। প্রধান মন্ত্রী মোদীনা কুশিনগরদা লৈবা ইন্তর্নেস্নেল এয়রপোর্তকী মতাংদা পনখি অমসুং লৈবাক অসিদা ভগবান বুদ্ধগা মরী লৈনবা মফমশিংদা মোদর্ন ইনফ্রাস্ত্রকচর অমসুং ফেসিলিতীশিং শেমগৎনবা সরকারনা হোৎনরিবশিং অদু পনখি। লাক্কদৌরিবা চহি ৫ অসিদা, লৈবাক অসিনা চাউখৎপগী অনৌবা খোঙজেল অমা পীরগনি অমসুং মাই পাকপগী অনৌবা মওং-মতৌ অমা শেম্লগনি হায়না প্রধান মন্ত্রীনা অকনবা ৱাফম থমখি। মসি মোদীগী গেরেন্তীনি, অমসুং মোদীগী গেরেন্তী হায়বসিনা গেরেন্তী অদু মপুং ফাহন্নবগী গেরেন্তী হায়বনি। প্রধান মন্ত্রীনা হায়খি মদুদি এক্সিবিশন অসিগী খ্বাইদগী ফবা ফোতোগ্রাফশিং অদু ভোৎ তৌদুনা খনগৎলবা মতুংদা তুরিস্তশিংগীদমক ফোতোগ্রাফী পোস্তকার্দ ওইনা শিজিন্নগদবনি। মহাক্না স্কেৎচিং কম্পিতিসন অমা পাংথোক্নবা অমসুং খ্বাইদগী ফবা স্কেৎচশিং অদু পোস্তকার্দশিংদা শেম্নবা ৱাফমসু থমখি। মহাক্না কাশীগী এম্বেসেদরশিং অমসুং ইন্তর্প্রিতরশিং শেমগৎনবা গাইদ কম্পিতিসন অমা পাংথোক্নবা মহাক্কী ৱাফম অমুক হন্না ফোংদোকখি। প্রধান মন্ত্রীনা কাশীগী মীয়াম অসি মসিগী খ্বাইদগী চাউবা শক্তিনি হায়না অকনবা ৱাফম থমখি অমসুং কাশীগী মীওই খুদিংদা তেংবাংলিবা অমসুং মরুপ ওইনা মতেং পাংনবা মহাক্কী ৱারেপ অদু অমুক হন্না ফোংদোকখি।

থৌরম অদুদা উত্তর প্রদেশকী মুখ্য মন্ত্রী শ্রী য়োগী অদিত্যনাথ অমসুং উত্তর প্রদেশকী মন্ত্রীশিংসু শরুক য়াখি।

***