ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୨୩.୦୨.୨୦୨୪) ବାରାଣାସୀର ବି.ଏଚ.ୟୁ ସ୍ଥିତ ସ୍ୱତନ୍ତ୍ର ସଭାଘରଠାରେ ଆୟୋଜିତ ସାଂସଦ ସଂସ୍କୃତ ପ୍ରତିଯୋଗିତାର ପୁରସ୍କାର ବିତରଣ ସମାରୋହରେ ଅଂଶଗ୍ରହଣ କରିଛନ୍ତି । ସେ ମଧ୍ୟ ଏକ କାଶୀ ସଂସଦ ପ୍ରତିଯୋଗିତାରେ ଏକ ପୁସ୍ତିକା ଏକ କଫି ଟେବୁଲ ପୁସ୍ତକ ଉନ୍ମୋଚନ କରିଛନ୍ତି । ପ୍ରଧାନମନ୍ତ୍ରୀ ମଧ୍ୟ କାଶୀ ଜ୍ଞାନ ପ୍ରତିଯୋଗିତା, କାଶୀ ସାଂସଦ ଫଟୋ ଉତ୍ତୋଳନ ପ୍ରତିଯୋଗିତା ଓ କାଶୀ ସାଂସଦ ସଂସ୍କୃତ ପ୍ରତିଯୋଗିତାର ବିଜେତାଙ୍କୁ ପୁରସ୍କାର ବିତରଣ କରିଥିଲେ । ସେ ମଧ୍ୟ ବହି, ପୋଷାକ, ବାଦ୍ୟଯନ୍ତ୍ର ଓ ମେଧାବୃତ୍ତି ବାରାଣାସୀର ସଂସ୍କୃତ ବିଦ୍ୟାର୍ଥୀମାନଙ୍କୁ ପ୍ରଦାନ କରିଥିଲେ । ସେ ମଧ୍ୟ କାଶୀ ସାଂସଦ ଚିତ୍ରୋତ୍ତଳନ ପ୍ରତିଯୋଗିତା ଗ୍ୟାଲେରୀ ବୁଲି ଦେଖିଥିଲେ ଓ ‘ସନୱେର କାଶୀ ବିଷୟବସ୍ତୁ ଉପରେ ହୋଇଥିବା ଚିତ୍ରକଳାର ଅଂଶଗ୍ରହଣକାରୀଙ୍କ ସହ କଥାବାର୍ତ୍ତା ହୋଇଥିଲେ । 

ସମବେତ ଜନତାଙ୍କୁ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ ସେଠାରେ ଉପସ୍ଥିତ ରହିଥିବା ନିମନ୍ତେ ଖୁସି ପ୍ରକଟ କରି ତାଙ୍କର ଉପସ୍ଥିତି ଏପରି ଯୁବ ବିଦ୍ୱାନୀମାନଙ୍କ ସହ ଜ୍ଞାନଗଙ୍ଗାରେ ବୁଡ ପକାଇବା ସହ ସମାନ ବୋଲି କହିଥିଲେ । ପ୍ରାଚୀନ ନଗରୀର ପରିଚୟକୁ ଯେଉଁମାନେ ମଜବୁତ କରିଛନ୍ତି ସେହି ଯୁବପିଢିର ସେ ପ୍ରଶଂସା କରିଥିଲେ । ଅମୃତକାଳରେ ଦେଶର ଏହି ଯୁବପିଢି ଦେଶକୁ ନୂତନ ଶିଖରରେ ପହଞ୍ଚାଇବେ ଓ ଏହା ଏକ ଗର୍ବର ବିଷୟ ବୋଲି ସେ କହିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ “କାଶୀ ହେଉଛି ଚିରନ୍ତନ ଜ୍ଞାନର ରାଜଧାନୀ ଓ ସମଗ୍ର ଦେଶ ନିମନ୍ତେ ଏହା ଗର୍ବର ବିଷୟ ଯେ କାଶୀ ତା’ର ଗୌରବ ଫେରିପାଉଛି । ସେ କାଶୀ ସାଂସଦ ଜ୍ଞାନ ପ୍ରତିଯୋଗିତା, କାଶୀ ସାଂସଦ ଚିତ୍ର ଉତ୍ତୋଳନ ପ୍ରତିଯୋଗିତା ଓ କାଶୀ ସାଂସଦ ସଂସ୍କୃତ ପ୍ରତିଯୋଗିତାର ବିଜେତା ମାନଙ୍କୁ ପୁରସ୍କୃତ କରିବା ସହ ସେମାନଙ୍କୁ ଅଭିନନ୍ଦନ ଜଣାଇଥିଲେ । ଯେଉଁମାନେ ବିଜୟୀ ହୋଇ ନ ପାରିଲେ ସେମାନଙ୍କୁ ମଧ୍ୟ ସେ ଉତ୍ସାହ ଦେଇଥିଲେ । “କୌଣସି ପ୍ରତିଯୋଗୀ ହାରି ନାହାନ୍ତି କି ପଛରେ ପଡିଯାଇନାହାଁନ୍ତି । ସେମାନଙ୍କ ଅଭିଜ୍ଞତାରୁ ଶିକ୍ଷାଲାଭ କରିଛନ୍ତି ବୋଲି କହି ପ୍ରତ୍ୟେକ ପ୍ରଶଂସାର ପାତ୍ର ବୋଲି ପ୍ରଧାନମନ୍ତ୍ରୀ କହିଥିଲେ । ପ୍ରଧାନମନ୍ତ୍ରୀ କାଶୀ ବିଶ୍ୱନାଥ ମନ୍ଦିର ନ୍ୟାସ, କାଶୀ ବିଦ୍‌ବତ୍ ପରିଷଦ ଓ ବିଦ୍ୱାନମାନଙ୍କୁ ମଧ୍ୟ ଧନ୍ୟବାଦ ଜଣାଇଥିଲେ । ଗତ ଦଶବର୍ଷ ମଧ୍ୟରେ କାଶୀର ଯେଉଁ ପୁନର୍ବିନ୍ୟାସ ଘଟିଛି ତାହା ଆଜି ଉନ୍ମୋଚିତ କାଶୀ କଫି ଟେବୁଲ ପୁସ୍ତିକାରେ ସନ୍ନିବେଶିତ ହୋଇଛି ବୋଲି ଶ୍ରୀ ମୋଦୀ କହିଥିଲେ । 

 କାଶୀ ଦଶବର୍ଷ ମଧ୍ୟରେ ହୋଇଥିବା ପ୍ରଗତିକୁ ସ୍ୱୀକାର କରି ପ୍ରଧାନମନ୍ତ୍ରୀ ଆମେ ସମସ୍ତେ ପ୍ରଭୁ ମହାଦେବଙ୍କ ନିମିତ୍ତ ମାତ୍ର ବୋଲି କହିଥିଲେ । ମହାଦେବଙ୍କ ଆଶୀର୍ବାଦ ବିକାଶର ଡମ୍ବରୁ ଦଶବର୍ଷ ଧରି କାଶୀକୁ ଅନୁରଣିତ କରିଛି । 

କୋଟି କୋଟି ଟଙ୍କାର ପ୍ରକଳ୍ପକୁ ନେଇ ସେ କହିଥିଲେ ଯେ ଶିବରାତ୍ରି ଓ ରଙ୍ଗ ଭରି ଏକାଦଶୀ ଆଗରୁ କାଶୀ ବିକାଶର ପର୍ବ ଆଜି ପାଳନ କରୁଛି । ‘ବିକାଶ କି ଗଙ୍ଗା’ ଜରିଆରେ ପ୍ରତ୍ୟେକ ଏହି ଅବସ୍ଥାନ୍ତରକୁ ଲକ୍ଷ୍ୟ କରିଛନ୍ତି ।

ପ୍ରଧାନମନ୍ତ୍ରୀ କହିଥିଲେ ଯେ “ କାଶୀ କେବଳ ଏକ ବିଶ୍ୱାସର କେନ୍ଦ୍ର ନୁହଁ ଏହା ଭାରତୀୟ ନିରନ୍ତର ଚେତନାର କମ୍ପନ କେନ୍ଦ୍ର । ଭାରତର ପ୍ରାଚୀନ ମର୍ଯ୍ୟାଦା ବିଶ୍ୱରେ କେବଳ ଆର୍ଥିକ ଶକ୍ତି ଦୃଷ୍ଟିରୁ ନୁହେଁ ଏହା ପଛରେ ଏହାର ସାଂସ୍କୃତିକ, ଆଧ୍ୟାତ୍ମିକ ଓ ସାମାଜିକ ସମୃଦ୍ଧି ରହିଛି । କାଶୀ ଓ ବିଶ୍ୱନାଥ ଧାମ ଭଳି ତୀର୍ଥ ଦେଶ ବିକାଶର ଯଜ୍ଞଶାଳା ଥିଲା । ଭଗବାନ ଶିବଙ୍କ ଭୂମି ସହ କାଶୀ ମଧ୍ୟ ଭଗବାନ ବୁଦ୍ଧଙ୍କ ଶିକ୍ଷାଦାନ କ୍ଷେତ୍ର, ଜୈନ ତୀର୍ଥଙ୍କରଙ୍କ ଜନ୍ମସ୍ଥାନ ଓ ଆଜି ଶଙ୍କରାଚାର୍ଯ୍ୟଙ୍କ ଦିବ୍ୟ ଜ୍ଞାନପ୍ରାପ୍ତିର ସ୍ଥାନଭାବେ ପରିଚିତ । ଦେଶ ବିଦେଶରୁ ଅନେକ ଲୋକ କାଶୀ ଆସୁଥିବାରୁ ଏହାର ମହାନଗରୀ ମହତ୍ୱ ମଧ୍ୟ ରହିଛି ।” ଏଭଳି ବିବିଧତା ମଧ୍ୟରେ ନୂତନ ଆଦର୍ଶ ଜନ୍ମନିଏ ଓ ନୂତନ ଆଦର୍ଶ ପ୍ରଗତିର ସମ୍ଭାବନାକୁ ମଧ୍ୟ ବିକଶିତ କରିଥାଏ ବୋଲି ପ୍ରଧାନମନ୍ତ୍ରୀ କହିଥିଲେ । 

ବିଶ୍ୱନାଥ ଧାମ ଭାରତକୁ ଏକ ଉଜ୍ଜଳ ଭବିଷ୍ୟତ ଅଭିମୁଖେ ନେବାରେ ନିଷ୍ପ୍‌ତ୍ତି ମୂଳକ ମାର୍ଗ ପ୍ରଦର୍ଶନ କରିବ ବୋଲି ପ୍ରଧାନମନ୍ତ୍ରୀ ତାଙ୍କର କାଶୀ ବିଶ୍ୱନାଥ ଧାମ ଉଦ୍‌ଘାଟନୀ ଅଭିଭାଷଣର ସ୍ମୃତିଚାରଣ କରିବା ସହ ଆଜିର ବିଶ୍ୱାସକୁ ମଧ୍ୟ ଦୋହରାଇଥିଲେ । ବିଶ୍ୱନାଥ ଧାମ କରିଡର ଆଜି ଏକ ବିଦ୍ୱାନ ଘୋଷଣାର ଅବଲୋକନ କରିବା ସହ ନ୍ୟାୟର ଧର୍ମଗ୍ରନ୍ଥ ପରମ୍ପରାକୁ ମଧ୍ୟ ଉଦ୍‌ଜୀବିତ କରୁଛି । “କାଶୀ ଶାସ୍ତ୍ରୀୟ ବାଦନ ଶୁଣିବା ସହ ଧର୍ମଗ୍ରନ୍ଥ ବା ପୁରାଣରେ ସଂଳାପ ମଧ୍ୟ ଶୁଣିପାରିବେ ।” ଏହା ମତ ବିନିମୟ ପ୍ରାଚୀନ ଜ୍ଞାନର ସଂରକ୍ଷଣ ଓ ନୂତନ ଚିନ୍ତାଧାରା ସୃଷ୍ଟି କରିବାରେ ସକ୍ଷମ ବୋଲି ପ୍ରଧାନମନ୍ତ୍ରୀ କହିଥିଲେ । କାଶୀ ସାଂସଦ ସଂସ୍କୃତ ପ୍ରତିଯୋଗିତା ଓ କାଶୀ ସାଂସଦ ଜ୍ଞାନ ପ୍ରତିଯୋଗିତା ଏଭଳି ଉଦ୍ୟମର ଗୋଟିଏ ଲେଖାଏଁ ଅଂଶ ଯେଉଁଠି ପୁସ୍ତକ, ଲୁଗାପଟା ଓ ଆବଶ୍ୟକ ଖର୍ଚ୍ଚ ଓ ବୃତ୍ତି ଯେଉଁମାନେ ସଂସ୍କୃତ ପଢିବେ ତାଙ୍କୁ ପ୍ରଦାନ କରାଯାଇଛି । ଶିକ୍ଷକମାନଙ୍କୁ ମଧ୍ୟ ସହାୟତା ପ୍ରଦାନ କରାଯାଇଛି ।

“ବିଶ୍ୱନାଥ ଧାମ “ଏକ ଭାରତ ଶ୍ରେଷ୍ଠ ଭାରତ’ର ଏକ ଅଂଶ ହୋଇଯାଇଛି । କାଶୀ ତାମିଲ ସଙ୍ଗମମ୍ ଓ ଗଙ୍ଗା ପୁଷ୍କରୁଲୁ ମହୋତ୍ସବ ଭଳି ଅଭିଯାନ ଓ ଏହି ବିଶ୍ୱାସର କେନ୍ଦ୍ର ଆଦିବାସୀ ସାଂସ୍କୃତିକ କାର୍ଯ୍ୟକ୍ରମକୁ ସାମିଲ କରି ସାମାଜିକ ଅନ୍ତର୍ଭୁକ୍ତୀକରଣକୁ ମଜବୁତ କରିଛି । ଆଧୁନିକ ବିଜ୍ଞାନ ଦୃଷ୍ଟି କୋଣରୁ କାଶୀର ବିଦ୍ୱାନମାନଭଙ୍କୁ ନେଇ ପ୍ରାଚୀନ ଜ୍ଞାନ ସଂକ୍ରାନ୍ତରେ ଗବେଷଣା କରିବାକୁ ନିଷ୍ପତ୍ତି ହୋଇଛି । ନଗରୀରେ ମନ୍ଦିର ପ୍ରଶାସନ ପକ୍ଷରୁ ମାଗଣା ଆହାର ବ୍ୟବସ୍ଥା ଅନେକ ସ୍ଥାନରେ ହୋଇଛି । ନୂତନ କାଶୀ ନବଭାରତ ନିମନ୍ତେ ଏକ ପ୍ରେରଣା ହୋଇଛି ବୋଲି ପ୍ରଧାନମନ୍ତ୍ରୀ କହିଥିଲେ । ସାମାଜିକ ଓ ଜାତୀୟ ସଂକଳ୍ପ ନିମନ୍ତେ ଗୋଟିଏ ବିଶ୍ୱାସର କେନ୍ଦ୍ର କିପରି ଶକ୍ତି କେନ୍ଦ୍ର ହୋଇପାରେ ସେ ତାହା ଉପରେ ଆଲୋକପାତ କରିଥିଲେ । ଏଠାକୁ ଆସୁଥିବା ଯୁବା ଗୋଷ୍ଠୀ ଭାରତୀୟ ଜ୍ଞାନ, ପରମ୍ପରା ଓ ସଂସ୍କୃତର ଧ୍ୱଜାଧାରୀ ଭାବେ ବିଶ୍ୱରେ ପରିଗଣିତ ହେବେ ବୋଲି ଶ୍ରୀ ମୋଦୀ ବିଶ୍ୱାସ ପ୍ରକଟ କରିଥିଲେ । 

ଭାଷା ଦୃଷ୍ଟିରୁ ଆମର ଜ୍ଞାନ, ବିଜ୍ଞାନ ଓ ଆଧ୍ୟାତ୍ମିକତା ଉପରେ ସବୁଠାରୁ ଅଧିକ ଯଦି ପ୍ରଭାବ ପକାଇଥାଏ ତାହା ହେଉଛି ସଂସ୍କୃତ । ଭାରତ ଏକ ଭାବନା ହେଲେ ସଂସ୍କୃତ ହେଉଛି ତା’ର ପରିପ୍ରକାଶ । ଭାରତ ଏକ ଯାତ୍ରା, ସଂସ୍କୃତ ସେହି ଇତିହାସରେ ମୁଖ୍ୟ ଅଧ୍ୟାୟ । ଭାରତ ବିବିଧତା ମଧ୍ୟରେ ଏକତାର ଏକ ଦେଶ ଓ ସଂସ୍କୃତ ଏହାର ମୂଳ । ଏକଦା ସଂସ୍କୃତ ହିଁ ଜ୍ୟୋତିଷଶାସ୍ତ୍ର, ଗଣିତ, ଭେଷଜ, ସାହିତ୍ୟ, ସଙ୍ଗୀତ ଓ କଳା କ୍ଷେତ୍ରରେ ଗବେଷଣାର ମୁଖ୍ୟ ଭାଷା ଥିଲା । କାଶୀ ଓ କାଞ୍ଚିରେ ବେଦର ଆବୃତ୍ତି ହେଉଛି ଏକ ଭାରତ ଶ୍ରେଷ୍ଠ ଭାରତର ସ୍ୱର । 

ପ୍ରଧାନମନ୍ତ୍ରୀ କହିଥିଲେ ଯେ ଆଜି କାଶୀକୁ ଐତିହ୍ୟ ଓ ବିକାଶର ଏକ ମଡେଲ ଭାବେ ଦେଖାଯାଉଛି । ପରମ୍ପରା ଓ ଆଧ୍ୟାତ୍ମିକତାକୁ ନେଇ କିପରି ଆଧୁନିକତା ସମ୍ପ୍ରସାରିତ ହୁଏ ତାହା ଆଜି ବିଶ୍ୱ ଦେଖୁଛି । ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ପରେ କାଶୀ ପରି ତାହାର ମଧ୍ୟ ପ୍ରଗତି ଘଟୁଛି । କୁଶୀନଗରର ଆନ୍ତର୍ଜାତିକ ବିମାନ ବନ୍ଦର ଓ ଦେଶରେ ଭଗବାନ ବୃଦ୍ଧଙ୍କ ସହ ସଂଶ୍ଳିଷ୍ଟ ସ୍ଥଳୀର ବିକାଶ ପାଇଁ ସରକାର କିପରି ଉଦ୍ୟମ କରୁଛନ୍ତି ଶ୍ରୀ ମୋଦୀ ତା’ଉପରେ ଆଲୋକପାତ କରିଥିଲେ । ଆଗାମୀ ପାଞ୍ଚବର୍ଷରେ ଦେଶ ବିକାଶକୁ ଅଧିକ ଗତି ଦେବ ଓ ସଫଳତା ଅର୍ଜନ କରିବ । “ ଏହା ମୋଦୀ ଗ୍ୟାରେଣ୍ଟି ଓ ମୋଦୀର ଗ୍ୟାରେଣ୍ଟି ଅର୍ଥ ହେଲା ଗ୍ୟାରେଣ୍ଟି ପୂରଣ କରିବା ବୋଲି ସେ କହିଥିଲେ । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଶ୍ରୀ ଯୋଗୀ ଆଦିତ୍ୟନାଥ ଓ ଉତ୍ତରପ୍ରଦେଶ ସରକାରଙ୍କ ମନ୍ତ୍ରୀଗଣ ଏହି ଅବସରରେ ଉପସ୍ଥିତ ଥିଲେ ।

*****

SM/SLP