মোদী চৰকাৰৰ নক্সালমুক্ত ভাৰত গঢ়াৰ দৃষ্টিভংগীৰ দিশত গ্ৰহণ কৰা বিশাল পদক্ষেপৰ ফলত  নক্সালবাদৰ দ্বাৰা আটাইতকৈ বেছি ক্ষতিগ্ৰস্ত জিলাৰ সংখ্যা ৬ খনৰ পৰা ৩ লৈ হ্ৰাস  পাইছে।

বাওপন্থী সন্ত্ৰাসবাদৰ দ্বাৰা ক্ষতিগ্ৰস্ত জিলাসমূহৰ সংখ্যাও ১৮ খনৰ পৰা মাত্ৰ ১১খনলৈ হ্ৰাস পাইছে । এতিয়া মাত্ৰ ১১খন জিলা বাওঁপন্থী সন্ত্ৰাসবাদৰ  দ্বাৰা আক্ৰান্ত হৈছে। ২০২৬ চনৰ ৩১ মাৰ্চৰ ভিতৰত নক্সালৰ পৰা সৃষ্ট বিপদ সম্পূৰ্ণৰূপে নিৰ্মূল কৰিবলৈ প্ৰতিশ্ৰুতিবদ্ধ মোদী চৰকাৰ।

প্ৰধানমন্ত্ৰী শ্ৰীযুত নৰেন্দ্ৰ মোদীৰ নেতৃত্বত আৰু কেন্দ্ৰীয় গৃহমন্ত্ৰী শ্ৰী অমিত শ্বাহৰ নিৰ্দেশনাত চলিত বৰ্ষৰ  কাৰ্যকৰী সফলতাই পূৰ্বৰ সকলো অভিলেখ অতিক্ৰম কৰিছে , য’ত চিপিআই (মাওবাদী) সাধাৰণ সম্পাদক আৰু আন ০৮ জন পলিট ব্যুৰো/ কেন্দ্ৰীয় সমিতিৰ সদস্যকে ধৰি ৩১২ জন বাওপন্থী সন্ত্ৰাসবাদত জড়িত কেডাৰক নিৰ্মূল কৰা হৈছে। ৮৩৬ গৰাকী বাওপন্থী সন্ত্ৰাসবাদত জড়িত কেডাৰক গ্ৰেপ্তাৰ হোৱাৰ লগতে ১৬৩৯ গৰাকীয়ে আত্মসমৰ্পণ কৰি মূলসুঁতিত যোগদান কৰিছে। আত্মসমৰ্পণ কৰা নক্সালসকলৰ ভিতৰত আছে এজন পলিট ব্যুৰোৰ সদস্য আৰু এজন কেন্দ্ৰীয় সমিতিৰ সদস্য আছে।

মোদী চৰকাৰৰ দিনত বহুমুখী পন্থাৰ কল্পনা কৰা ৰাষ্ট্ৰীয় কাৰ্য্য পৰিকল্পনা আৰু নীতিৰ কঠোৰ ৰূপায়ণৰ জৰিয়তে নক্সালৰ বিপদৰ বিৰুদ্ধে যুঁজ দিয়াত অভূতপূৰ্ব সফলতা লাভ কৰা হৈছে। ৰাষ্ট্ৰীয় কাৰ্য্য পৰিকল্পনা আৰু নীতিত বাওঁপন্থী উগ্ৰবাদ (এল ডব্লিউ ই) বিৰোধী অভিযানসমূহ নিখুঁত চোৰাংচোৱা তথ্যৰ ভিত্তিক আৰু জনবন্ধুত্বপূৰ্ণভাৱে সম্পন্ন কৰা হৈছে। এই পদক্ষেপসমূহৰ ভিতৰত আছে নিৰাপত্তাৰ ঘাটি  থকা অঞ্চলসমূহত দ্ৰুত আধিপত্য বিস্তাৰ, শীৰ্ষ নেতাসকলৰ লগতে কৰ্মীসকলক লক্ষ্য কৰি লোৱা, বিপজ্জনক  মতাদৰ্শক প্ৰতিহত কৰা, আন্তঃগাঁথনিৰ দ্ৰুত বিকাশ তথা  কল্যাণমূলক আঁচনিৰ পৰিপূৰকতা, সন্ত্ৰাসবাদীলৈ বিত্তৰ যোগান প্ৰতিহত কৰা , ৰাজ্য আৰু কেন্দ্ৰ চৰকাৰৰ মাজত সমন্বয় বৃদ্ধি তথা  মাওবাদী সম্পৰ্কীয় গোচৰৰ তদন্ত আৰু বিচাৰ ত্বৰান্বিত কৰা।

এসময়ত ২০১০ চনত তেতিয়াৰ প্ৰধানমন্ত্ৰীয়ে ভাৰতৰ “বৃহত্তম আভ্যন্তৰীণ নিৰাপত্তাৰ প্ৰত্যাহ্বান” বুলি অভিহিত কৰা নক্সালবাদৰ পৰা সৃষ্ট বিপদ  এতিয়া কমি গৈছে গৈছে। নক্সালসকলে ৰেড কৰিডৰৰ পৰিকল্পনা কৰিছিল - নেপালৰ পশুপতিৰ পৰা অন্ধ্ৰপ্ৰদেশৰ তিৰুপতিলৈকে। ২০১৩ চনত বিভিন্ন ৰাজ্যৰ ১২৬খন জিলাত নক্সাল সম্পৰ্কীয় হিংসাৰ বাতৰি প্ৰকাশ পাইছিল; ২০২৫ চনৰ মাৰ্চ মাহলৈকে এই সংখ্যা মাত্ৰ ১৮খন জিলালৈ হ্ৰাস পাইছিল, মাত্ৰ ৬খন জিলাক ‘সৰ্বাধিক আক্ৰান্ত জিলা’ হিচাপে শ্ৰেণীভুক্ত কৰা হৈছিল।

*****

RK/AK/RR/PS/PR/DM