ইয়োর এক্সেলেন্সী প্রসিদেন্ত হুরেলসুখ,
লৈবাক অনিমক্কী দেলিগেৎশিং

মদিয়াগী মরুপশিং

খুরুমজরি!

সৈন-বৈন-ও

রাস্ত্রপতি হুরেলসুখ অমসুং মহাক্কী দেলিগেসনবু ভারত্তা তরাম্না ওকচবগা লোয়ননা অদুক্কী মতিক হরাওবা ফাওজৈ।  

চহী তরুক্কী মতুংদা মঙ্গোলিয়াগী রাস্ত্রপতিনা  ভারত্তা লাকপিবা হায়বসি মশানা অদুম্মক নিংথিজরবা তাজ্ঞা অমনি।অমসুং মসিগী খোংচৎ অসি  ভারত অমসুং মঙ্গোলিয়ানা দিপ্লোমেতিক ওইবা মরি শম্নখিবগী চহী 70 শুবা অমসুং স্ত্রেতিজিক পার্ত্নরশিপকী চহী 10 শুবগী কুমওন পাংথোকপা মতমসিদা ওইরে। মসিগী থৌরম অসিদা ঙসি ঐখোয়না ঐখোয়গী ইপানাৎ-ইপুনাৎ, খেৎনবশিং অমসুং অকনবা সিবিলাইজেসনবু পুথোক্নদুনা জোইন্ত পোস্তেল স্তাম্প অমা চৎনহনখিবা অসিনা মরি অসিগী চাওরবা খুদম অমনি।
মরুপশিং,

ঙসি ঐখোয়না উন্নবা হৌবা অসি এক পের মা কে নামগী মখাদা উ থাবনা হৌদোকখ্রে। রাস্ত্রপতি হুরেলসুখনা মহাক্কী লাইওইখ্রবা ইমাগী মিংদা উ থাখি, মসি লাক্কদৌরিবা মীরোল কয়া–কয়া ফাওবা ঐখোয়গী লুনা মরুপ ওইনবা অমসুং মহৌশাগী অকোয়বগী মফমদা ঐখোয়গী শেয়র তৌনবগী অচেৎপা ৱাশক অদুগী খুদম ওইদুনা লৈহৌরগনি।
মরুপশিং,

চহী তরাগী মমাংদা ঐহাক্কী মঙ্গোলিয়া খোংচৎকী মতমদা ঐখোয়না অমগা অমগা সেয়র তৌনদুনা স্ত্রেতিজিক পার্ত্নরশিপকী মওং অসি ওইহনখি। হৌখিবা চহী তরাসিদা মসিগী পার্ত্নরশিপকী দাইমেন্সন খুদিংমক হেন্না লুশিল্লকই, নৌনা পাঙ্গল কনখৎলকখি।

ঐখোয়গী দিফেন্স অমসুং সেক্যুরিতীগী তেংবাংসু লেপ্তনা ফগৎলক্লি। ত্রেনিং প্রোগ্রামদগী হৌরগা এম্বেসীদা দিফেন্স এতেচেগী এপোইন্তমেন্তফাওবা ঐখোয়না অনৌবা খোংথাং কয়া পায়খৎখ্রে। মঙ্গোলিয়াগী পনখৈদা সেক্যুরিতী ফোর্সশিংগীদমক্তা ভারতনা অনৌবা কেপাসিতী বিল্দিং প্রোগ্রামসু হৌরগনি।  

মরুপশিং,

মালেমগী ইসুশিংদা ঐখোয়গী মীৎয়েং, ঐখোয়গী শেয়র ভেল্যুশিংদা য়ুম্ফম ওই। ইন্তর্নেস্নেল প্লেৎফোর্মশিংদা ঐখোয়না নক্না শেয়র তৌনরি। ঐখোয়না লৈবাক অনিমক্তা ফ্রী, ওপন, ইনক্লুসিব অমসুং রুল বেজ ওইবা ইন্দো-পেসিফিকপু শৌগৎলি। গ্লোবেল সাউথকী খোজ্ঞেল অসি কনখৎহন্নবগীদমক্তসু ঐখোয় পুন্না থবক তৌমিন্নৈ।
মরুপশিং,

ভারত অমসুং মঙ্গোলিয়াগী মরি অসি সুপ্নতগী দিপ্লোমেতিক ওইবখক্তমক নত্তে — মসি ঐখোয়গী মরক্তা নুংগী অমসুং স্পিরিচুএল ওইবা মরীনি। ঐখোয়গী মরীশিং অসি শেংনা লুবা  অমসুং পাক শনবনা ঐখোয়গী পীপল-তু-পীপলগী মরী অসি উবা ফংই।

চহী কয়াদগী লৈবাক অনিমক বৌদ্ধ লাইনিংগী লিপুন্না পুনশিল্লি, মসিগী মরম্না  ঐখোয় অসি স্পিরিচুএল সিবিলিংসু হায়নৈ। ঙসি মসিগী চৎনবী অসি হেন্না ফগৎহন্নবা অমসুং পুৱারীগী মরীশিং অদুদা অনৌবা পাঙ্গল অদু লৈহন্নবগীদমক্তা ঐখোয়না মরুওইবা ৱারেপ কয়া অমা লৌরে। মথংগী চহীদা বুদ্ধগী অথোইবা শিশ্য অনি—সারিপুত্র অমসুং মৌদগল্যাকী হোলী ওইরবা রেলিক্স অসি ভারত্তগী মঙ্গোলিয়াদা থারগনি।  
ঐখোয়না ‘গন্দন মোনাস্ত্রীদা বৌদ্ধ গ্রন্থশিং মফমদুদা লুনা তম্বিনবা অমসুং মমাংঙৈগী ৱাখল-লৌশিংগী চৎনবী অদু হেন্না ফগৎহন্নবা সংস্কৃতকী ওজা অমসু থারগনি। ঐখোয়না অরিবা মেনুস্ক্রীপ মিলিয়ন 1 দাইজেসন তৌনবা প্রোজেক্তসু থুনা হৌনবা ৱারেপ লৌরে। মঙ্গোলিয়াদা বৌদ্ধ লাইনিংগী ওইনা নালন্দা য়ুনিবর্সিতীনা মরুওইবা থৌদাং লৌদুনা লাক্লি।  অদুগা ঙসি ঐখোয়না নালন্দা অমসুং ‘গন্দন মোনাস্ত্রী’ অসি পুনশিন্নদুনা মসিগী পুৱারীগী মরী অসিদা অনৌবা ইনর্জী অমা পুরক্নবা লেপ্লে।
ঐখোয়গী মরী অসি শুপ্নতগী কেন্দ্র সরকারশিংখক্তদা লোইবা নত্তে— ঙসি লদাখ ওতোনোমস হিল কাউন্সীল এন্দ মঙ্গোলিয়াগ के "আর খাঙ্গায় প্রোবিন্স” কী মরক্তা তৌনখিবা মৌ অদুদগী ঐখোয়গী নাৎকী মরীশিং অসিদা অনৌবা ইনর্জী ফংলগনি।  
মরুপশিং,

ঐখোয়গী ঙমখৈশিং অসি শম্নদে অদুবু ভারতনা মঙ্গোলিয়া অসিবু মতম পুম্নমক্তা য়ুম্লোন্নবগী মওংদা য়েংই। অদুনা মসি ওইবা মরম্না  ঐখোয়না পীপল-তু-পীপলগী মরী অসি হেন্না ফগৎহন্নবা অদুম্মক তৌগনি। ঐখোয়না মঙ্গোলিয়াগী সিতিজেনশিং অসি লেম্না ই-ভিজা পীরগনি। মসিগা লোয়ননা চহী খুদিংগী ভারতনা মঙ্গোলিয়াদগী য়ুথ কলচরেল এম্বাসেদরগী ভারত খোংচৎসু স্পোন্সর তৌগনি।  
মরুপশিং,

ভারত মঙ্গোলিয়া চাওখৎনবা হকচিনবা অমসুং থাজনিংঙাই ওইনা শেয়র তৌনরি। ভারতকী বিলিয়ন দোলর 1.7 গী লাইন ওফ ক্রেদিৎত্তগী শারিবা ওইল রিফাইনরীগী প্রোজেক্ত অসি  মঙ্গোলিয়াগী ইনর্জী সেক্যুরিতীদা অনৌবা পাঙ্গল লৈহল্লগনি। মসি ভারতকী মালেম অসিদা খ্বাইদগী চাওবা দিভেলপমেন্ত পার্ত্নরশিপ প্রোজেক্তনি। অমসুং লিশিং অনি মখায়দগী হেনবা ভারতকী মীসিংনা মাগী মঙ্গোলিয়াগী মরুপশিংগা পুন্না মসিগী  প্রোজেক্ত অসি মপুং ফাহনগদৌরি।
স্কীল দিভেলপমেন্ততসু ঐখোয়গী সপোর্ত অসি ঐখোয়না হেনগৎহল্লি। অতল বিহারী বাজপায়ী সেন্তর ওফ এক্সেলেন্স ফোর আই.তি. অমসুং ভারত-মঙ্গোলিয়া ফ্রেন্দশিপ স্কুলগী থোংদগী মঙ্গোলিয়াগী নহাশিংগী মংলানদা অনৌবা মায় পাকপগী লম্বী অমা ফংলি। মসি প্রোজেক্তশিং অসি ঐখোয়গী লুনা মরুপ ওইবগী মওং অসি মায় পাকপগী খুদম্নি। মসিগা লোয়ননা ঐখোয়না চুম্নগী মীচমগী পুন্সিদা পোজিতিব ওইবা অওনবা অমা পুরক্কদবা অসিগুম্বা প্রোজেক্ত কয়া লাওথোক্লগনি। মঙ্গোলিয়াগী মীশিংনা মথৌ তাবগী মওংদা ঐখোয়না মসিগী থবক অসিসু মখা তানা চত্থগনি। 
ঐখোয়গী প্রাইবেৎ সেক্তরসু ইনর্জী, ক্রিতিকেল মিনরেল, রেয়র-আর্থ, দিজিতেল মাইনিং, এগ্রীকলচর, দায়রী অমসুং কোওপরেতিবশিংনচিংবা লম কয়াদা অনৌবা ওইরকপা য়াবশিং থিরি হায়বসিদা ঐহাক য়াম্না নুংঙাই।  

এক্সেলেন্সী,

ঐখোয়গী মরী অসি অরিবা সিবিলাইজেসন অনিগী মরক্তা থাজবা অমসুং মরুপ-মপাং ওইবগী চেৎলবা য়ুম্ফমদা লেপ্লিবনি। শেয়র তৌনবা কলচরেল হেরিতেজ, দেমোক্রেতিক ভেল্যুশিং অমসুং চাউখৎনবগীদমক্তা থম্নখিবা অচেৎপা ৱাশক অসি মসিনা শেম্লিবনি। ঐখোয়না পুল্লগা মসিগী স্ত্রেতিজিক পার্ত্নরশিপ অসি হেন্না ফগৎহনগনি হায়না ঐহাক্না থাজৈ।  
অমুক্কা হন্না অদোম্বু পুৱারী ওইরবা খোংচৎ অমসুং ভারতকী মফমদা থম্বিরিবা অদোমগী লেংদ্রবা ৱাশক অমসুং মরুপ-মপাং ওইবগীদমক্তা অদোম্বু তৌবিমল খংবা উৎচরি।

"বায়র-লা”

হন্না-হন্না থাগৎচরি।

***