وزیر اعظم جناب نریندر مودی 16 اکتوبر کو آندھرا پردیش کا دورہ کریں گے ۔  صبح تقریبا 11:15 بجے ، وہ نندیال ضلع کے سری سیلم میں سری بھرمارمبا ملیکارجن سوامی ورلا دیواستنم میں پوجا اور درشن کریں گے ۔  اس کے بعد ، تقریبا 12:15 بجے ، وہ سری سیلم میں شری شیواجی اسپورتی کیندر جائیں گے ۔

اس کے بعد وزیر اعظم کرنول جائیں گے، جہاں وہ قریب 2:30  بجے تقریبا13,430 کروڑ روپے کے متعدد ترقیاتی منصوبوں افتتاح کریں گے ، سنگ بنیاد رکھیں گے اور کو قوم کے نام وقف کریں گے ۔ وہ اس موقع پر ایک عوامی اجتماع سے بھی خطاب کریں گے ۔

سری سیلم میں وزیر اعظم

وزیر اعظم سری بھرمارمبا ملیکارجن سوامی ورلا دیواستنم میں پوجا اور درشن کریں گے ، جو 12 جیوترلنگوں اور 52 شکتی پیٹھوں میں سے ایک ہے ۔  اس مندر کی منفرد خصوصیت ایک ہی مندر کے احاطے میں جیوترلنگ اور شکتی پیٹھ ایک ساتھ موجود ہیں ، جو اسے پورے ملک میں منفرد نوعیت کا حامل بناتا ہے۔

وزیر اعظم سری شیواجی اسپورتی کیندر کا بھی دورہ کریں گے ، جو ایک یادگار کمپلیکس ہے، جس میں ایک دھیان مندر (مراقبہ ہال) شامل ہے، جس میں چاروں کونوں پر واقع چار مشہور قلعوں- پرتاپ گڑھ ، راج گڑھ ، رائے گڑھ اور شیوینیری کے ماڈل شامل ہیں ۔   اس کے مرکز میں چھترپتی شیواجی مہاراج کا مجسمہ نصب  ہے، جو گہرے دھیان کے انداز میں ہے ۔  یہ کیندر سری شیواجی میموریل کمیٹی کے ذریعے چلایا جاتا ہے ، جو 1677 میں چھترپتی شیواجی مہاراج کے مقدس مقام کے تاریخی دورے کی یاد میں سری سیلم میں قائم کیا گیا تھا ۔

کرنول میں وزیر اعظم

وزیر اعظم جناب نریندر مودی تقریبا 13,430 کروڑ روپے کے متعدد ترقیاتی منصوبوں کا سنگ بنیاد رکھیں گے ، افتتاح کریں گے اور انہیں قوم کے نام وقف کریں گے ۔  یہ منصوبے صنعت ، بجلی کی ترسیل ، سڑکوں ، ریلوے ، دفاعی مینوفیکچرنگ ، اور پٹرولیم اور قدرتی گیس سمیت کلیدی شعبوں کا احاطہ کرتے ہیں ، جو علاقائی بنیادی ڈھانچے کو بڑھانے ، صنعت کاری کو تیز کرنے اور ریاست میں جامع سماجی و اقتصادی ترقی کو فروغ دینے کے حکومت کے عزم کی عکاسی کرتے ہیں ۔

وزیر اعظم 2,880 کروڑ روپے سے زیادہ کی سرمایہ کاری سے کرنول- III پولنگ اسٹیشن پر ترسیلی نظام کو مضبوط بنانے کا سنگ بنیاد رکھیں گے ۔  اس پروجیکٹ میں 765 کے وی ڈبل سرکٹ کرنول-III پولنگ اسٹیشن-چلاکلوریپیٹا ٹرانسمیشن لائن کی تعمیر شامل ہے ، جو تبدیلی کی صلاحیت میں 6,000 ایم وی اے کا اضافہ کرے گی اور ملک کی ترقی میں مدد کے لیے قابل تجدید توانائی کی بڑے پیمانے پر ترسیل کو قابل عمل بنائے گی ۔

وزیر اعظم کرنول میں اورواکل انڈسٹریل ایریا اور کڈپا میں کوپرتھی انڈسٹریل ایریا کا سنگ بنیاد بھی رکھیں گے ، جس میں کل 4,920 کروڑ روپے سے زیادہ کی سرمایہ کاری کی جائےگی۔  نیشنل انڈسٹریل کوریڈور ڈیولپمنٹ اینڈ امپلی منٹیشن ٹرسٹ (این آئی سی ڈی آئی ٹی) اور آندھرا پردیش انڈسٹریل انفراسٹرکچر کارپوریشن لمیٹڈ (اے پی آئی آئی سی) کے ذریعے مشترکہ طور پر تیار کردہ یہ جدید ، کثیر شعبہ جاتی صنعتی مراکز پلگ اینڈ پلے انفراسٹرکچر اور واک ٹو ورک تصور کی خصوصیت رکھتے ہیں ۔  توقع ہے کہ یہ پروجیکٹ 21,000 کروڑ روپے کی سرمایہ کاری کو راغب کریں گے اور تقریبا ایک لاکھ ملازمتیں پیدا ہوئیں اور  آندھرا پردیش کے رائل سیما خطے میں صنعتی ترقی اور عالمی مسابقت کو فروغ دیں گے ۔

سڑک کے بنیادی ڈھانچے میں اضافے کے لیے وزیر اعظم سبابرم سے شیلانگر تک چھ لین والی گرین فیلڈ ہائی وے کا سنگ بنیاد رکھیں گے ۔  اس پر 960 کروڑ روپے کی لاگت  آئے گی، جس کا مقصد وشاکھاپٹنم میں بھیڑ کو کم کرنا اور تجارت اور روزگار کو آسان بنانا ہے ۔  اس کے علاوہ ،  1140 کروڑ روپے کی لاگت سے تقریبا 6 سڑک منصوبوں کا افتتاح کریں گے ، جس میں پیلرو-کلور سیکشن کو چار لائنوں میں تبدیل کرنا ، کڈپا / نیلور بارڈر سے سی ایس پورم تک چوڑائی ، این ایچ-165 پر گڈیواڈا اور نجیلا ریلوے اسٹیشنوں کے درمیان فور لین ریل اوور برج (آر او بی) ، این ایچ-716 پر دریائے پاپگنی پر بڑا پل ، این ایچ-565 پر کنیگیری بائی پاس ، اور این ایچ-544 ڈی ڈی پر این گنڈلاپلی ٹاؤن میں بائی پاس سیکشن کی بہتری شامل ہے ۔  یہ پروجیکٹ حفاظت کی صورت حال کو بہتر بنائیں گے ، سفر کے وقت کو کم کریں گے اور پورے آندھرا پردیش میں علاقائی رابطے کو مضبوط کریں گے ۔

اس کے علاوہ وزیر اعظم  1200 کروڑ روپے سے زیادہ لاگت کے  متعدد اہم ریل پروجیکٹوں کا سنگ بنیاد رکھیں گے اور قوم کے نام وقف کریں گے ۔   ان پروجیکٹوں میں کوٹاولاسا- وزیانگرم چوتھی ریلوے لائن اور پینڈورتی اور سمہاچلم نارتھ کے درمیان ریل فلائی اوور کا سنگ بنیاد رکھنا اور کوٹاولاسا-بوداور سیکشن اور شملی گڈا-گوراپور سیکشن کو دوگنا کرنے کے کام کو قوم کے نام کرنا شامل ہے ۔  یہ منصوبے بھیڑ بھاڑ کو کم کریں گے ، تیز اور محفوظ سفر کو یقینی بنائیں گے ، مسافروں اور مال برداری کی ہموار نقل و حرکت کو آسان بنائیں گے ، اور مقامی برادریوں کے لیے روزگار کے مواقع پیدا کرتے ہوئے پورے خطے میں صنعتی ، تجارت اور سیاحت کی ترقی کو فروغ دیں گے ۔

توانائی کے شعبے میں ، وزیر اعظم 1730 کروڑ روپے کی لاگت  والی گیل انڈیا لمیٹڈ کی سریکاکولم-انگول قدرتی گیس پائپ لائن کو قوم کے نام وقف کریں گے ، جو آندھرا پردیش میں تقریبا 124 کلومیٹر اور اڈیشہ میں 298 کلومیٹر پر محیط ہے ۔  وہ آندھرا پردیش کے چتوڑ میں انڈین آئل کے 60 ٹی ایم ٹی پی اے (ہزار میٹرک ٹن سالانہ) ایل پی جی باٹلنگ پلانٹ کا بھی افتتاح کریں گے ، جو تقریبا  200 کروڑ روپے کی سرمایہ کاری سے قائم کیا گیا ہے ۔  یہ پلانٹ آندھرا پردیش کے چار اضلاع ، تمل ناڈو کے دو اضلاع اور کرناٹک کے ایک ضلع میں 80 تقسیم کاروں کے ذریعے 7.2 لاکھ سے زیادہ صارفین کو خدمات فراہم کرے گا ۔  یہ خطے میں گھروں اور کاروبار کے لیے قابل اعتماد ایل پی جی سپلائی کو یقینی بنانے میں اہم رول ادا کرے گا ۔

دفاعی مینوفیکچرنگ کو مضبوط بنانے کے لئے ، وزیر اعظم کرشنا ضلع کے نمالورو میں رات میں دیکھنے کے جدید ترین آلات  بنانے والی فیکٹری کو وقف کریں گے ، جسے بھارت الیکٹرانکس لمیٹڈ نے تقریبا 360 کروڑ روپے کی سرمایہ کاری سے قائم کیا ہے ۔  یہ سہولت ہندوستانی دفاعی افواج کے لیے جدید الیکٹرو آپٹیکل سسٹم تیار کرے گی ، دفاعی پیداوار میں خود انحصاری کو تقویت دے گی اور خطے میں ہنر مند روزگار کو فروغ دے گی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش ب۔ ق ر)

U. No.9851