ಪ್ರಶಸ್ತಿ ಪುರಸ್ಕೃತರು - ನಾನು ಮೂರು ಪುಸ್ತಕಗಳನ್ನು ಬರೆದಿದ್ದೇನೆ, ಪುಸ್ತಕಗಳನ್ನು ಬರೆಯಲು ನನ್ನ ಮುಖ್ಯ ಕಾರಣ ನಾನು ಓದುವುದನ್ನು ಇಷ್ಟಪಡುವುದಾಗಿದೆ. ಮತ್ತು ನನಗೆ ಅಪರೂಪದ ಈ ಕಾಯಿಲೆ ಇದೆ ಮತ್ತು ನನಗೆ ಬದುಕಲು ಕೇವಲ ಎರಡು ವರ್ಷಗಳ ಸಮಯಾವಕಾಶಗಳನ್ನು ನೀಡಲಾಯಿತು,  ಆದರೆ ನನ್ನ ತಾಯಿ, ನನ್ನ ಸಹೋದರಿ, ನನ್ನ ಶಾಲೆ, ಮತ್ತು ನನ್ನ ಪುಸ್ತಕಗಳನ್ನು ನಾನು ಪ್ರಕಟಿಸಿದ ವೇದಿಕೆ ….. ಮುಂತಾದವುಗಳ ಸಹಾಯದಿಂದ ನಾನು ಪುಸ್ತಕಗಳನ್ನು ಬರೆಯಲು, ಹಾಗೂ ನಾನು ಇಂದು ಏನಾಗಿದ್ದೇನೆಯೋ, ಅದು ಆಗಲು ಸಾಧ್ಯವಾಯಿತು.

ಪ್ರಧಾನಮಂತ್ರಿ - ನಿಮಗೆ ಯಾರು ಸ್ಫೂರ್ತಿ?

ಪ್ರಶಸ್ತಿ ಪುರಸ್ಕೃತರು - ನನ್ನ ಇಂಗ್ಲಿಷ್  ಶಿಕ್ಷಕ ಇದಕ್ಕೆ ಕಾರಣ ಎಂದು ನಾನು ಭಾವಿಸುತ್ತೇನೆ.

ಪ್ರಧಾನಮಂತ್ರಿ - ಈಗ ನೀವು ಇತರರಿಗೆ ಸ್ಫೂರ್ತಿಯಾಗಿದ್ದೀರಿ, ಪ್ರೇರಣೆ ನೀಡುತ್ತಿದ್ದೀರಿ. ಅವರು ನಿಮ್ಮ ಬಗ್ಗೆ ಬರೆಯುತ್ತಾರೆಯೇ, ನಿಮ್ಮ ಪುಸ್ತಕವನ್ನು ಓದುತ್ತಾರೆಯೇ?

ಪ್ರಶಸ್ತಿ ಪುರಸ್ಕೃತರು- ಹೌದು.

ಪ್ರಧಾನಮಂತ್ರಿ – ಈಗ ನೀವು ಯಾವ ರೀತಿಯ ಸಂದೇಶಗಳನ್ನು ಸ್ವೀಕರಿಸುತ್ತೀರಿ?

ಪ್ರಶಸ್ತಿ ಪುರಸ್ಕೃತರು - ನನಗೆ ಸಿಕ್ಕಿರುವ ದೊಡ್ಡ ಸಂತಸದ ವಿಷಯವೆಂದರೆ, ಜನರು ತಮ್ಮದೇ ಆದ ಪುಸ್ತಕಗಳನ್ನು ಬರೆಯಲು ಪ್ರಾರಂಭಿಸಿದ್ದಾರೆ.

ಪ್ರಧಾನಮಂತ್ರಿ - ನಿಮ್ಮ ಈ ಕೆಲಸವನ್ನು ನೀವು ಎಲ್ಲಿ ಮಾಡುತ್ತೀರಿ? ಇದಕ್ಕಾಗಿ ನಿಮ್ಮ ತರಬೇತಿಯನ್ನು ನೀವು ಎಲ್ಲಿ ಪಡೆದಿದ್ದೀರಿ? ಇದು ಹೇಗೆ ಸಂಭವಿಸಿತು?

ಪ್ರಶಸ್ತಿ ಪುರಸ್ಕೃತರು- ನನಗೆ ಯಾವುದೇ ಔಪಚಾರಿಕ ತರಬೇತಿ ಇರಲಿಲ್ಲ.

ಪ್ರಧಾನಮಂತ್ರಿ - ಏನೂ ಇಲ್ಲವೇ? ನೀವು ಅದನ್ನು ಮಾಡಬೇಕೆಂದು ನಿಮಗೆ ಅನಿಸುತ್ತದೆಯೇ?

ಪ್ರಶಸ್ತಿ ಪುರಸ್ಕೃತರು - ಹೌದು, ಸರ್.

ಪ್ರಧಾನಮಂತ್ರಿ - ನೀವು ಇತರ ಯಾವ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಿದ್ದೀರಿ?

ಪ್ರಶಸ್ತಿ ಪುರಸ್ಕೃತರು - ನಾನು ಇಂಗ್ಲಿಷ್, ಉರ್ದು ಮತ್ತು ಕಾಶ್ಮೀರಿ ಭಾಷೆಗಳ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತೇನೆ.

ಪ್ರಧಾನಮಂತ್ರಿ - ನೀವು ಯೂಟ್ಯೂಬ್ ಚಾನೆಲ್ ಹೊಂದಿದ್ದೀರಾ ಅಥವಾ ನೀವು ಎಲ್ಲಿಯಾದರೂ ಪ್ರದರ್ಶನ ನೀಡುತ್ತೀರಾ?

ಪ್ರಶಸ್ತಿ ಪುರಸ್ಕೃತರು - ಹೌದು, ಸರ್. ನಾನು ಯೂಟ್ಯೂಬ್‌  ನಲ್ಲಿದ್ದೇನೆ ಮತ್ತು ನಾನು ಪ್ರದರ್ಶನ  ಸಹ ನೀಡುತ್ತೇನೆ.

ಪ್ರಧಾನಮಂತ್ರಿ - ನಿಮ್ಮ ಕುಟುಂಬದಲ್ಲಿ ಹಾಡುವವರು ಯಾರಾದರೂ ಇದ್ದಾರೆಯೇ?

ಪ್ರಶಸ್ತಿ ಪುರಸ್ಕೃತರು - ಇಲ್ಲ, ಸರ್, ಬೇರೆ ಯಾರೂ ಅಲ್ಲ.

ಪ್ರಧಾನಮಂತ್ರಿ - ನೀವು ಇದನ್ನು ಪ್ರಾರಂಭಿಸಿದ್ದೀರಾ?

ಪ್ರಶಸ್ತಿ ಪುರಸ್ಕೃತರು - ಹೌದು, ಸರ್.

ಪ್ರಧಾನಮಂತ್ರಿ - ನೀವೇನು ಮಾಡಿದ್ದೀರಿ? ನೀವು ಚೆಸ್ ಆಡುತ್ತೀರಾ?

ಪ್ರಶಸ್ತಿ ಪುರಸ್ಕೃತರು - ಹೌದು.

ಪ್ರಧಾನಮಂತ್ರಿ - ನಿಮಗೆ ಚೆಸ್ ಕಲಿಸಿದವರು ಯಾರು?

ಪ್ರಶಸ್ತಿ ಪುರಸ್ಕೃತರು - ನನ್ನ ತಂದೆ ಮತ್ತು ಯೂಟ್ಯೂಬ್.

ಪ್ರಧಾನಮಂತ್ರಿ - ಓಹ್, ನಾನು ನೋಡುತ್ತೇನೆ.

ಪ್ರಶಸ್ತಿ ಪುರಸ್ಕೃತರು - ಮತ್ತು ನನ್ನ ಶಿಕ್ಷಕ ಕೂಡ‌ ಕಲಿಸಿದ್ದಾರೆ.

ಪ್ರಧಾನಮಂತ್ರಿ - ದೆಹಲಿಯಲ್ಲಿ ಸಾಕಷ್ಟು ಚಳಿ ಇದೆ, ತುಂಬಾ ಚಳಿ.

ಪ್ರಶಸ್ತಿ ಪುರಸ್ಕೃತರು - ಈ ವರ್ಷ, ಕಾರ್ಗಿಲ್ ವಿಜಯ್ ದಿವಸದ ಬೆಳ್ಳಿ ಮಹೋತ್ಸವವನ್ನು ವಿಶೇಷ ರೀತಿಯಲ್ಲಿ ಆಚರಿಸಲು, ನಾನು ಕಾರ್ಗಿಲ್ ಯುದ್ಧ ಸ್ಮಾರಕದಿಂದ ರಾಷ್ಟ್ರೀಯ ಯುದ್ಧ ಸ್ಮಾರಕದವರೆಗೆ 1,251 ಕಿಲೋಮೀಟರ್ ಸೈಕಲ್‌ನಲ್ಲಿ ಪ್ರಯಾಣಿಸಿದೆ. ಎರಡು ವರ್ಷಗಳ ಹಿಂದೆ, ಆಜಾದಿ ಕಾ ಅಮೃತ್ ಮಹೋತ್ಸವ ಮತ್ತು ನೇತಾಜಿ ಸುಭಾಸ್ ಚಂದ್ರ ಬೋಸ್ ಅವರ 125 ನೇ ಜನ್ಮದಿನವನ್ನು ಆಚರಿಸಲು, ನಾನು ಮೊಯಿರಾಂಗ್‌ ನಲ್ಲಿರುವ ಐ.ಎನ್‌.ಎ. ಸ್ಮಾರಕದಿಂದ ನವದೆಹಲಿಯ ರಾಷ್ಟ್ರೀಯ ಯುದ್ಧ ಸ್ಮಾರಕಕ್ಕೆ ಸೈಕಲ್‌ ನಲ್ಲಿ ಪ್ರಯಾಣಿಸಿದೆ.

ಪ್ರಧಾನಮಂತ್ರಿ - ನೀವು ಪ್ರತಿ ಪ್ರಯಾಣದಲ್ಲಿ, ಸರಿಸುಮಾರು ಎಷ್ಟು ದಿನಗಳನ್ನು ಕಳೆದಿದ್ದೀರಿ?

ಪ್ರಶಸ್ತಿ ಪುರಸ್ಕೃತರು - ಮೊದಲ ಪ್ರಯಾಣಕ್ಕಾಗಿ, ನಾನು 32 ದಿನಗಳ ಅವಧಿಯಲ್ಲಿ ಸೈಕಲ್‌ ಸವಾರಿ ಮೂಲಕ 2,612 ಕಿಲೋಮೀಟರ್‌ಗಳನ್ನು ಕ್ರಮಿಸಿದೆ. ಈ ಬಾರಿ, 13 ದಿನಗಳನ್ನು ತೆಗೆದುಕೊಂಡಿತು.

ಪ್ರಧಾನಮಂತ್ರಿ - ನೀವು ಒಂದು ದಿನದಲ್ಲಿ ಎಷ್ಟು ದೂರ ಕ್ರಮಿಸುತ್ತೀರಿ?

ಪ್ರಶಸ್ತಿ ಪುರಸ್ಕೃತರು - ಎರಡೂ ಪ್ರವಾಸಗಳಲ್ಲಿ ಒಟ್ಟಾಗಿ, ನಾನು ಒಂದೇ ದಿನದಲ್ಲಿ ಗರಿಷ್ಠ 129.5 ಕಿಲೋಮೀಟರ್ ಸೈಕಲ್ ಸವಾರಿ ಮಾಡಿದ್ದೇನೆ.

ಪ್ರಶಸ್ತಿ ಪುರಸ್ಕೃತರು - ನಮಸ್ತೆ, ಸರ್.

ಪ್ರಧಾನಮಂತ್ರಿ - ನಮಸ್ತೆ.

ಪ್ರಶಸ್ತಿ ಪುರಸ್ಕೃತರು - ನಾನು ಎರಡು ಅಂತಾರಾಷ್ಟ್ರೀಯ ಪುಸ್ತಕಗಳಲ್ಲಿ ದಾಖಲೆಗಳನ್ನು ಸಾಧಿಸಿದ್ದೇನೆ. ಮೊದಲನೆಯದು ಒಂದು ನಿಮಿಷದಲ್ಲಿ 31 ಅರೆ-ಶಾಸ್ತ್ರೀಯ ಶ್ಲೋಕಗಳನ್ನು ಪಠಿಸುವುದು ಮತ್ತು ಎರಡನೆಯದು ಒಂದು ನಿಮಿಷದಲ್ಲಿ 13 ಸಂಸ್ಕೃತ ಶ್ಲೋಕಗಳನ್ನು ಪಠಿಸುವುದು.

ಪ್ರಧಾನಮಂತ್ರಿ - ನೀವು ಇದನ್ನೆಲ್ಲ ಎಲ್ಲಿ ಕಲಿತಿದ್ದೀರಿ?

ಪ್ರಶಸ್ತಿ ಪುರಸ್ಕೃತರು - ಸರ್, ನಾನು ಅದನ್ನು ಯೂಟ್ಯೂಬ್  ನಿಂದ ಕಲಿತಿದ್ದೇನೆ.

ಪ್ರಧಾನಮಂತ್ರಿ - ಸರಿ. ಒಂದು ನಿಮಿಷ, ನೀವು ಏನು ಮಾಡುತ್ತೀರಿ ಎಂದು ನನಗೆ ತೋರಿಸಿ ನೋಡೋಣ.

ಪ್ರಶಸ್ತಿ ಪುರಸ್ಕೃತರು – ॐ ಭೂರ್ಭುವ: ಸ್ವ: ತತ್ಸವಿತುರ್ವರೇಣ್ಯಂ ಭರ್ಗೋ ದೇವಸ್ಯ ಧೀಮಹಿ ಧಿಯೋ: ಯೋ. (ಸಂಸ್ಕೃತ ದಲ್ಲಿಪಠಣ)

ಪ್ರಶಸ್ತಿ ಪುರಸ್ಕೃತರು - ನಮಸ್ತೆ, ಸರ್.

ಪ್ರಧಾನಮಂತ್ರಿ - ನಮಸ್ತೆ.

ಪ್ರಶಸ್ತಿ ಪುರಸ್ಕೃತರು - ನಾನು ರಾಷ್ಟ್ರೀಯ ಮಟ್ಟದಲ್ಲಿ ಜೂಡೋ ಕ್ರೀಡೆಯಲ್ಲಿ ಚಿನ್ನದ ಪದಕವನ್ನೂ ಗೆದ್ದಿದ್ದೇನೆ.

ಪ್ರಧಾನಮಂತ್ರಿ - ಎಲ್ಲರೂ ನಿಮ್ಮ ಬಗ್ಗೆ ಭಯಪಡಬೇಕು! ನೀವು ಇದನ್ನು ಎಲ್ಲಿ ಕಲಿತಿದ್ದೀರಿ – ಯಾವ ಶಾಲೆಯಲ್ಲಿ?

ಪ್ರಶಸ್ತಿ ಪುರಸ್ಕೃತರು - ಇಲ್ಲ, ಸರ್. ನಾನು ಅದನ್ನು ಇದರ ತರಬೇತುದಾರರಿಂದ ಕಲಿತಿದ್ದೇನೆ.

ಪ್ರಧಾನಮಂತ್ರಿ - ಇದು ಪ್ರಭಾವಶಾಲಿಯಾಗಿದೆ. ನಿಮ್ಮ ಮುಂದಿನ ಗುರಿ ಏನು?

ಪ್ರಶಸ್ತಿ ಪುರಸ್ಕೃತರು - ನಾನು ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕವನ್ನು ಗೆಲ್ಲುವ ಮೂಲಕ ದೇಶಕ್ಕೆ ಕೀರ್ತಿ ತರಲು ಹಾತೊರೆಯುತ್ತೇನೆ.

ಪ್ರಧಾನಮಂತ್ರಿ - ವಾಹ್, ಆದ್ದರಿಂದ ನೀವು ಕಷ್ಟಪಟ್ಟು ಬಹಳಷ್ಟು ಕೆಲಸ ಮಾಡುತ್ತಿದ್ದೀರಿ.

ಪ್ರಶಸ್ತಿ ಪುರಸ್ಕೃತರು - ಹೌದು, ಸರ್.

ಪ್ರಧಾನಮಂತ್ರಿ - ನಿಮ್ಮಲ್ಲಿ ಹಲವಾರು ಹ್ಯಾಕರ್ ಕ್ಲಬ್‌ಗಳಿವೆ.

ಪ್ರಶಸ್ತಿ ಪುರಸ್ಕೃತರು - ಹೌದು. ಪ್ರಸ್ತುತ, ನಾವು ಜಮ್ಮು ಮತ್ತು ಕಾಶ್ಮೀರದಲ್ಲಿ ಕಾನೂನು ಜಾರಿಯನ್ನು ಬಲಪಡಿಸಲು ತರಬೇತಿ ನೀಡುತ್ತಿದ್ದೇವೆ. 5,000 ಮಕ್ಕಳಿಗೆ ಉಚಿತವಾಗಿ ಪಾಠವನ್ನೂ ಮಾಡಿದ್ದೇವೆ. ನಮ್ಮ ಹಿತಾಸಕ್ತಿಗಳನ್ನು ಅನುಸರಿಸುವಾಗ ಸಮಾಜಕ್ಕೆ ಸೇವೆ ಸಲ್ಲಿಸುವ ಉತ್ತಮ ಮಾದರಿಗಳನ್ನು ಕಾರ್ಯಗತಗೊಳಿಸುವುದು ನಮ್ಮ ಗುರಿಯಾಗಿದೆ.

ಪ್ರಧಾನಮಂತ್ರಿ – ಪ್ರೇರಣಾತ್ಮಕ.  ನಿಮ್ಮಈ “ಪ್ರಾರ್ಥನಾ “ ಯೋಜನೆಯು ಹೇಗೆ ಪ್ರಗತಿಯಲ್ಲಿದೆ?

ಪ್ರಶಸ್ತಿ ಪುರಸ್ಕೃತರು - "ಪ್ರಾರ್ಥನಾ" ಯೋಜನೆಯು ಇನ್ನೂ ಅಭಿವೃದ್ಧಿ ಹಂತದಲ್ಲಿದೆ. ಡಚ್ ಮತ್ತು ಇತರ ಕೆಲವು ಸಂಕೀರ್ಣ ಭಾಷೆಗಳಂತಹ ಇತರ ಹಲವು ಭಾಷೆಗಳಿಗೆ ವೇದಗಳ ಅನುವಾದಗಳನ್ನು ಸೇರಿಸಲು ನಾವು ಸಂಶೋಧನೆ ನಡೆಸುತ್ತಿದ್ದೇವೆ.

ಪ್ರಶಸ್ತಿ ಪುರಸ್ಕೃತರು - ಹೆಚ್ಚುವರಿಯಾಗಿ, ಪಾರ್ಕಿನ್ಸನ್ ಕಾಯಿಲೆ ಇರುವ ವ್ಯಕ್ತಿಗಳಿಗಾಗಿ ನಾನು ಸ್ವಯಂ-ಸ್ಥಿರಗೊಳಿಸುವ ಚಮಚವನ್ನು ಅಭಿವೃದ್ಧಿಪಡಿಸಿದ್ದೇನೆ ಮತ್ತು ನಾವು ಮೆದುಳಿನ ವಯಸ್ಸಿನ ಮುನ್ಸೂಚನೆಯ ಮಾದರಿಯನ್ನು ಕೂಡಾ ರಚಿಸಿದ್ದೇವೆ.

ಪ್ರಧಾನಮಂತ್ರಿ - ನೀವು ಎಷ್ಟು ವರ್ಷಗಳಿಂದ ಈ ಕೆಲಸ ಮಾಡುತ್ತಿದ್ದೀರಿ?

ಪ್ರಶಸ್ತಿ ಪುರಸ್ಕೃತರು - ಸರ್, ನಾನು ಈ ನಿಟ್ಟಿನಲ್ಲಿ ಎರಡು ವರ್ಷಗಳ ಕಾಲ ಕೆಲಸ ಮಾಡಿದ್ದೇನೆ.

ಪ್ರಧಾನಮಂತ್ರಿ - ಮುಂದೆ ಏನು ಮಾಡುತ್ತೀರಿ?

ಪ್ರಶಸ್ತಿ ಪುರಸ್ಕೃತರು - ಸರ್, ನನ್ನ ಸಂಶೋಧನೆಯನ್ನು ಮುಂದುವರಿಸಲು ನಾನು ಯೋಜಿಸುತ್ತೇನೆ.

ಪ್ರಧಾನಮಂತ್ರಿ - ನೀವು ಎಲ್ಲಿಂದ ಬಂದವರು?

ಪ್ರಶಸ್ತಿ ಪುರಸ್ಕೃತರು - ಸರ್, ನಾನು ಬೆಂಗಳೂರಿನವನು. ನನ್ನ ಹಿಂದಿ ಚೆನ್ನಾಗಿಲ್ಲ.

ಪ್ರಧಾನಮಂತ್ರಿ - ಇದು ಅತ್ಯುತ್ತಮವಾಗಿದೆ, ನನ್ನದಕ್ಕಿಂತಲೂ ಉತ್ತಮವಾಗಿದೆ.

ಪ್ರಶಸ್ತಿ ಪುರಸ್ಕೃತರು - ಧನ್ಯವಾದಗಳು ಸರ್.

ಪ್ರಶಸ್ತಿ ಪುರಸ್ಕೃತರು - ನಾನು ಕರ್ನಾಟಕ ಸಂಗೀತ ಮತ್ತು ಸಾಂಸ್ಕೃತಿಕ ಶ್ಲೋಕಗಳ ಮಿಶ್ರಣದೊಂದಿಗೆ ಹರಿಕಥಾ ಪ್ರದರ್ಶನಗಳನ್ನು ನೀಡುತ್ತಿದ್ದೇನೆ.

ಪ್ರಧಾನಮಂತ್ರಿ – ಎಷ್ಟು ಹರಿಕಥಾ ಪ್ರದರ್ಶನ ನೀಡಿದ್ದೀರಿ?

ಪ್ರಶಸ್ತಿ ಪುರಸ್ಕೃತರು - ನಾನು ಸುಮಾರು ನೂರು ಹರಿಕಥಾ ಪ್ರದರ್ಶನ ನೀಡಿದ್ದೇನೆ.

ಪ್ರಧಾನಮಂತ್ರಿ - ತುಂಬಾ ಒಳ್ಳೆಯದು.

ಪ್ರಶಸ್ತಿ ಪುರಸ್ಕೃತರು - ಕಳೆದ ಎರಡು ವರ್ಷಗಳಲ್ಲಿ, ನಾನು ಐದು ವಿವಿಧ ದೇಶಗಳಲ್ಲಿ ಐದು ಅತ್ಯುನ್ನತ ಪರ್ವತ ಶಿಖರಗಳನ್ನು ಏರಿದ್ದೇನೆ, ಪ್ರತಿಯೊಂದರಲ್ಲೂ ಭಾರತದ ಧ್ವಜವನ್ನು ಏರಿಸಿದ್ದೇನೆ. ನಾನು ಬೇರೆ ದೇಶಕ್ಕೆ ಭೇಟಿ ನೀಡಿದಾಗ ಮತ್ತು ಜನರು ನಾನು ಭಾರತದಿಂದ ಬಂದವನು ಎಂದು ತಿಳಿದಾಗ, ಅವರು ನನಗೆ ಅಪಾರ ಪ್ರೀತಿ ಮತ್ತು ಗೌರವವನ್ನು ತೋರಿಸುತ್ತಾರೆ.

ಪ್ರಧಾನಮಂತ್ರಿ – ವಿದೇಶಗಳಲ್ಲಿ, ಅಲ್ಲಿನ ಜನರು ನಿಮ್ಮನ್ನು ಭೇಟಿಯಾದಾಗ ಮತ್ತು ನೀವು ಭಾರತದಿಂದ ಬಂದವರು ಎಂದು ತಿಳಿದಾಗ, ಅವರು ಏನು ಹೇಳುತ್ತಾರೆ?

ಪ್ರಶಸ್ತಿ ಪುರಸ್ಕೃತರು - ಅವರು ನನಗೆ ತುಂಬಾ ಪ್ರೀತಿ ಮತ್ತು ಗೌರವವನ್ನು ನೀಡುತ್ತಾರೆ. ನಾನು ಏರುವ ಪ್ರತಿಯೊಂದು ಪರ್ವತದ ಹಿಂದಿನ ಉದ್ದೇಶವು ಹೆಣ್ಣು ಮಕ್ಕಳ ಸಬಲೀಕರಣ ಮತ್ತು ದೈಹಿಕ ಸಾಮರ್ಥ್ಯವನ್ನು ಉತ್ತೇಜಿಸುವುದು.

ಪ್ರಶಸ್ತಿ ಪುರಸ್ಕೃತರು - ನಾನು ಕಲಾತ್ಮಕ ರೋಲರ್ ಸ್ಕೇಟಿಂಗ್ ಮಾಡುತ್ತೇನೆ. ಈ ವರ್ಷ ನ್ಯೂಜಿಲೆಂಡ್‌ನಲ್ಲಿ ನಡೆದ ರೋಲರ್ ಸ್ಕೇಟಿಂಗ್‌ನಲ್ಲಿ ನಾನು ಒಂದು ಅಂತರಾಷ್ಟ್ರೀಯ ಚಿನ್ನದ ಪದಕವನ್ನು ಪಡೆದುಕೊಂಡೆ ಮತ್ತು 6 ರಾಷ್ಟ್ರೀಯ ಪದಕಗಳನ್ನು ಕೂಡಾ ನಾನು ಪಡೆದುಕೊಂಡೆ.

ಪ್ರಶಸ್ತಿ ಪುರಸ್ಕೃತರು - ನಾನು ಸಹ ಪ್ಯಾರಾ-ಅಥ್ಲೀಟ್, ಸರ್. ಈ ತಿಂಗಳ ಡಿಸೆಂಬರ್ 1 ರಿಂದ 7 ರವರೆಗೆ ಥಾಯ್ಲೆಂಡ್‌ ನಲ್ಲಿ ನಡೆದ ಪ್ಯಾರಾ ಸ್ಪೋರ್ಟ್ ಯೂತ್ ಸ್ಪರ್ಧೆಯಲ್ಲಿ ನಾನು ಸ್ಪರ್ಧಿಸಿದ್ದೇನೆ, ಅಲ್ಲಿ ನಾವು ಚಿನ್ನದ ಪದಕವನ್ನು ಗೆದ್ದು ನಮ್ಮ ದೇಶಕ್ಕೆ ಕೀರ್ತಿ ತಂದಿದ್ದೇವೆ.

ಪ್ರಧಾನಮಂತ್ರಿ - ವಾಹ್.

ಪ್ರಶಸ್ತಿ ಪುರಸ್ಕೃತರು - ಈ ವರ್ಷ ಯೂತ್ ಚಾಂಪಿಯನ್‌ ಶಿಪ್‌ ನಲ್ಲಿ ನಾನು ಚಿನ್ನದ ಪದಕವನ್ನೂ ಗೆದ್ದಿದ್ದೇನೆ. 57 ಕೆಜಿ ವಿಭಾಗದಲ್ಲಿ ಚಿನ್ನ ಗೆದ್ದು, ಇದರ ಜೊತೆಗೆ 76 ಕೆಜಿ ವಿಭಾಗದಲ್ಲಿ ವಿಶ್ವ ದಾಖಲೆ ನಿರ್ಮಿಸಿ, ಅಲ್ಲಿಯೂ ಚಿನ್ನ ಗೆದ್ದಿದ್ದೇನೆ. ಒಟ್ಟಾರೆ ಸ್ಪರ್ಧೆಯಲ್ಲಿ ಚಿನ್ನದ ಪದಕವನ್ನೂ ಗೆದ್ದಿದ್ದೇನೆ.

ಪ್ರಧಾನಮಂತ್ರಿ - ಎಲ್ಲಾ ಪದಕಗಳನ್ನೂ ನೀವೇ ತೆಗೆದುಕೊಳ್ಳುತ್ತಿದ್ದೀರಿ!

ಪ್ರಶಸ್ತಿ ಪುರಸ್ಕೃತರು - ಇಲ್ಲ, ಸರ್.

ಪ್ರಶಸ್ತಿ ಪುರಸ್ಕೃತರು - ಒಮ್ಮೆ, ಫ್ಲಾಟ್‌ ಗೆ ಬೆಂಕಿ ಹತ್ತಿಕೊಂಡಿತು, ಮತ್ತು ಅದನ್ನು ಆರಂಭದಲ್ಲಿ ಯಾರೂ ಅರಿತುಕೊಂಡಿರಲಿಲ್ಲ. ಮನೆಯಿಂದ ಹೊಗೆ ಬರುತ್ತಿರುವುದನ್ನು ನಾನು ಗಮನಿಸಿದೆ, ಉರಿಯುವ ಬೆಂಕಿ ನೋಡಿ ನಾನು ಆಗಲೇ ಹುಚ್ಚನಾಗಿದ್ದೆ, ಆದರೆ ಸುಟ್ಟುಹೋಗುವ ಭಯದಿಂದ ಅಲ್ಲಿದ್ದವರು ಯಾರೂ ಒಳಗೆ ಪ್ರವೇಶಿಸಲು ಧೈರ್ಯ ಮಾಡಲಿಲ್ಲ. ಹಾಗು, ಅವರು ನನ್ನನ್ನು ತಡೆಯಲು ಪ್ರಯತ್ನಿಸಿದರು, ಮತ್ತು ನಾನು ಒಳಗೆ ಹೋದರೆ ಸಾಯುತ್ತೇನೆ ಎಂದು ಅಲ್ಲಿದ್ದವರು ಹೇಳಿದರು. ಆದರೆ ನಾನು ಧೈರ್ಯದಿಂದ, ಒಳಗೆ ಹೋಗಿ ಬೆಂಕಿಯನ್ನು ನಂದಿಸಿದೆ.

ಪ್ರಧಾನಮಂತ್ರಿ - ಅನೇಕ ಜೀವಗಳನ್ನು ಉಳಿಸಲಾಗಿದೆಯೇ?

ಪ್ರಶಸ್ತಿ ಪುರಸ್ಕೃತರು - ಕಟ್ಟಡದಲ್ಲಿ 70 ಮನೆಗಳು ಮತ್ತು 200 ಕುಟುಂಬಗಳು ಇದ್ದವು.

ಪ್ರಧಾನಮಂತ್ರಿ - ನೀವು ಈಜುತ್ತೀರಾ?

ಪ್ರಶಸ್ತಿ ಪುರಸ್ಕೃತರು - ಹೌದು.

ಪ್ರಧಾನಮಂತ್ರಿ - ಹಾಗಾದರೆ ನೀವು ಎಲ್ಲರನ್ನೂ ಉಳಿಸಿದ್ದೀರಾ?

ಪ್ರಶಸ್ತಿ ಪುರಸ್ಕೃತರು - ಹೌದು.

ಪ್ರಧಾನಮಂತ್ರಿ - ನಿಮಗೆ ಭಯವಾಗಲಿಲ್ಲವೇ?

ಪ್ರಶಸ್ತಿ ಪುರಸ್ಕೃತರು - ಇಲ್ಲ.

ಪ್ರಧಾನಮಂತ್ರಿ - ಎಲ್ಲಾ ಮುಗಿದ ನಂತರ, ನೀವು ಏನೆಲ್ಲಾ ಮಾಡಿದ್ದೀರಿ ಎಂದು ತಿಳಿದು ನಿಮಗೆ ಸಂತೋಷವಾಗಿದೆಯೇ?

ಪ್ರಶಸ್ತಿ ಪುರಸ್ಕೃತರು - ಹೌದು.

ಪ್ರಧಾನಮಂತ್ರಿ -  ಓಳ್ಳೆಯ ಕೆಲಸ ಮಾಡಿದ್ದೀರಿ. ಸಾಧನೆ ಚೆನ್ನಾಗಿದೆ!

*****