প্রধানমন্ত্রীগী লোইশঙ
কেনাদাগী ফোরেন মিনিস্তরনা প্রধান মন্ত্রী শ্রী নরেন্দ্র মোদীগা উনখ্রে
পি.এম.না বাইলেতরেল পার্তনরশিপ অসিদা মহাক্কী খোঙচৎনা অনৌবা শাহৌ পীগনি ফোংদোকখ্রে
পি.এম.না G7 সম্মিৎকীদমক কেনাদাদা চৎখিবা মহাক্কী খোঙচৎ অমসুং পি.এম. কার্নীগা লোয়ননা উনখিবা অদু নীংশিংখ্রে
পি.এম.না ললোন-ইতিক, ইনর্জী, তেক্নোলোজী, লৌউ-শিংউ অমসুং পিপল-তু-পিপলগী মরীশিংদা লৈবাক অনিগী মরক্তা তেংবাং পীনবা হেনগৎপগী মরু ওইবা অদু থমখ্রে
পি.এম. মোদীনা পি.এম. কার্নীদা য়াইফ-পাউজেল পীখ্রে অমসুং মখোয়গী লাক্কদৌরিবা থবক-থৌরমশিং অদুবু খৌরাংনা ঙাইরি ফোংদোকখ্রে
Posted On:
13 OCT 2025 2:42PM by PIB Imphal
কেনাদাগী ফোরেন এফিয়র্স মিনিস্তর ঐচ.ই. শ্রীমতী অনিতা অনন্দনা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রীনা ফোরেন মিনিস্তর অনন্দবু তরাম্না ওকখি অমসুং মহাক্কী খোঙচৎ অসিনা ইন্দিয়া-কেনাদা বাইলেতরেল পার্তনরশিপ অসিদা অনৌবা শাহৌ অমা পীনবা হোৎনরিবা অসিদা শরুক তমলগনি হায়না ফোংদোকখি।
প্রধান মন্ত্রীনা চহি অসিগী জুন থাদা মহাক্না G7 সম্মিৎকীদমক কেনাদাদা চৎখিবা অদু নীংশিংখি, মসিগী মনুংদা মহাক্না প্রধান মন্ত্রী মার্ক কার্নীগা য়াম্না চাউনা মহৈ য়াল্লবা মীফম অমা পাংথোকখি।
প্রধান মন্ত্রীনা লৈবাক অনিগী মরক্তা ললোন-ইতিক, ইনর্জী, তেক্নোলোজী, লৌউ-শিংউ অমসুং পিপল-তু-পিপলগী মরীশিংদা তেংবাং পীনবা হেনগৎহনবগী মরুওইবা অদু পনখি।
প্রধান মন্ত্রীনা প্রধান মন্ত্রী মার্ক কার্নীদা মহাক্কী য়াইফ পাউজেল পীখি অমসুং মখোয় অনিগী লাক্কদৌরিবা থবক-থৌরমশিং অদুগীদমক মহাক্না খৌরাংনা ঙাইদুনা লৈরি হায়না ফোংদোকখি।
***
(Release ID: 2178795)
Visitor Counter : 5
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam