প্ৰধানমন্ত্ৰীৰ কাৰ্যালয়
ব্ৰাজিলৰ ৰাষ্ট্ৰপতিৰ সৈতে প্ৰধানমন্ত্ৰীৰ বৈঠক
प्रविष्टि तिथि:
20 NOV 2024 8:05PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে ১৯ নৱেম্বৰত ৰিঅ' ডি জেনেৰিঅ'ত অনুষ্ঠিত জি২০ সন্মিলনৰ সমান্তৰালভাৱে ব্ৰাজিলৰ ৰাষ্ট্ৰপতি মাননীয় লুইজ ইনাছিঅ' লুলা দা চিলভাক সাক্ষাৎ কৰে। প্ৰধানমন্ত্ৰীয়ে ৰাষ্ট্ৰপতি লুলাক তেওঁৰ আতিথ্যৰ বাবে ধন্যবাদ জনায় আৰু ব্ৰাজিলৰ জি২০ আৰু আইবিএছএৰ সফল অধ্যক্ষতাৰ বাবে তেওঁক অভিনন্দন জনায়। প্ৰধানমন্ত্ৰীয়ে দৰিদ্ৰতা আৰু ভোকৰ বিৰুদ্ধে বিশ্বজনীন মিত্ৰজোঁট স্থাপনৰ বাবে ব্ৰাজিলৰ পদক্ষেপক প্ৰশংসা কৰে আৰু ইয়াৰ প্ৰতি ভাৰতৰ দৃঢ় সমৰ্থন প্ৰকাশ কৰে। জি-২০ ত্ৰয়িকাৰ সদস্য হিচাপে প্ৰধানমন্ত্ৰীয়ে ব্ৰাজিলৰ জি-২০ এজেণ্ডাৰ প্ৰতি ভাৰতৰ সমৰ্থনৰ কথাও উল্লেখ কৰে, য'ত বহনক্ষম উন্নয়ন আৰু বৈশ্বিক প্ৰশাসন সংস্কাৰৰ ওপৰত গুৰুত্ব আৰোপ কৰা হৈছে, য'ত বৈশ্বিক দক্ষিণৰ উদ্বেগক প্ৰাধান্য দিয়া হৈছে। তেওঁ ব্ৰিকছ আৰু চিঅ'পি ৩০ত ব্ৰাজিলৰ নেতৃত্বৰ বাবে শুভেচ্ছা জ্ঞাপন কৰে আৰু ভাৰতৰ পূৰ্ণ সমৰ্থনৰ আশ্বাস দিয়ে।
বৈঠকত কৃষি, প্ৰতিৰক্ষা, ডিজিটেল প্ৰযুক্তি, পৰ্যটন, জৈৱ ইন্ধন, ফাৰ্মাচিউটিকেলছ আৰু মহাকাশৰ দৰে ক্ষেত্ৰসমূহত গুৰুত্ব প্ৰদান কৰি ভাৰত-ব্ৰাজিলৰ কৌশলগত অংশীদাৰিত্বৰ সম্প্ৰসাৰণৰ বিষয়েও আলোচনা কৰা হয়।
দুয়োগৰাকী নেতাই বৈশ্বিক আৰু আঞ্চলিক গুৰুত্বৰ বিভিন্ন বিষয়ৰ ওপৰতো মত বিনিময় কৰে।
(रिलीज़ आईडी: 2178297)
आगंतुक पटल : 13
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam