প্রধানমন্ত্রীগী লোইশঙ
প্রধান মন্ত্রীনা ব্রাজিলগী রাস্ত্রপতি উনখ্রে
Posted On:
20 NOV 2024 8:05PM by PIB Imphal
ব্রাজিলগী রিও দে জেনিরোদা নবেম্বর ১৯,২০২৪ দা পাংথোকখিবা জি-২০ মীফমগী নাকলদা ভারতকী প্রধান মন্ত্রী শ্রী নরেন্দ্র মোদীনা ব্রাজিলগী রাস্ত্রপতি লুইজ ইনাসিও লুলা দা সিলভা উনখ্রে। মহাক্না তরাম্না ওকখিবা অমসুং মাইপাক্না ব্রাজিলনা জি-২০ অমসুং আই.বি.এস.এগী প্রসিদেন্ত ওইখিবদা প্রধান মন্ত্রীনা রাস্ত্রপতি লুলা থাগৎপা ফোঙদোকখ্রে। লায়রবা অমসুং চারা হেনবা কোকহন্না মালেমগী চুংশিন্নবা অমা লিংখৎনবা ব্রাজিলগী থবক প্রধান মন্ত্রীনা থাগৎপা ফোঙদোকখ্রে অমসুং মসিদা ভারতনা মপুংফানা শৌগৎপা ফোঙদোকখ্রে। জি-২০ ত্রোইকা মেম্বর অমা ওইনা, গ্লোবেল সাউথকী মরুওইনা লৌবা ৱাফমশিং ওইরিবা, স্তেনেবল দিবলপমেন্ত অমসুং মালেমগী লৈঙাক্কী অওনবশিং পুরক্নবা ব্রাজিল জি-২০ এজেন্দাদা ভারতনা শৌগৎপা অদু প্রধান মন্ত্রীনা ফোঙদোকখ্রে। মথং চহিদা ব্রাজিলনা ব্রিক্স অমসুং কোপ ৩০ গী লুচিংবা ওইবদা মহাক্না মহাক্কী য়াইফ-পাউজেল পীখ্রে অমসুং ভারতনা মপুংফানা শৌগৎকনি হায়বগী থাজবা মহাক্না পীখ্রে।
লৌউ-শিংউ, দিফেন্স, দিজিতেল তেক্নোলোজি, তুরিজম, বাইওফুয়েলশিং, ফার্মাসিউতিকেলশিং অমসুং স্পেসগুম্বা হিরমশিংদা মীৎয়েং থমদুনা, ইন্দিয়া-ব্রাজিল স্ত্রাতেজিক পার্তনরশিপ ফগৎহন্নবা মীফম অদুদা লুচিংবশিং খন্নখ্রে।
লৈবাক অনিনা দরকার ওইবা লমদম লমদমগী অমসুং মালেমগী থৌদোক-ৱাথোকশিংগী মতাংদা মরুওইবা ৱাফম কয়া লুচিংবশিংনা খন্নখ্রে।
***
(Release ID: 2075318)
Visitor Counter : 3