وزیر اعظم جناب نریندر مودی نے کوالکوم کے صدر اور سی ای او جناب کرسٹیانو آر امون سے ملاقات کی اور مصنوعی ذہانت ، اختراع اور ہنر مندی میں ہندوستان کی پیش رفت پر تبادلہ خیال کیا ۔

وزیر اعظم نے ہندوستان کے سیمی کنڈکٹر اور اے آئی مشنوں کے تئیں کوالکوم کے عزم کی ستائش کی ۔  انہوں نے کہا کہ ہندوستان میں ایسی ٹیکنالوجی بنانے کے لیے بے مثال صلاحیتیں اور پیمانے موجود ہیں جو جامع مستقبل  کی تشکیل کریں گے۔

کوالکوم کے صدر اور سی ای او جناب کرسٹیانو آر امون نے انڈیا اے آئی اور انڈیا سیمی کنڈکٹر مشن کی مدد  میں کوالکوم اور بھارت کے درمیان شراکت داری کو مضبوط کرنے کے ساتھ ساتھ 6 جی کی طرف منتقلی پرسودمند بات چیت کے لیے وزیر اعظم کا شکریہ ادا کیا ۔  انہوں نے اے آئی اسمارٹ فونز ، پی سیز ، اسمارٹ گلاسز ، آٹوموٹو ، صنعتی شعبوں اور دیگر میں ہندوستانی ماحولیاتی نظام تیار کرنے کے مواقع کو اجاگر کیا ۔

وزیر اعظم نےایکس پر لکھا ؛

’’مسٹر کرسٹیانو آر امون کے ساتھ یہ ایک شاندار ملاقات تھی اور مصنوعی ذہانت ، اختراع اور ہنر مندی میں ہندوستان کی پیش رفت پر تبادلہ خیال کیا گیا ۔  ہندوستان کے سیمی کنڈکٹر اور اے آئی مشنوں کے تئیں کوالکوم کے عزم کو دیکھ کر اچھا لگا ۔  ہندوستان ایسی ٹیکنالوجی بنانے کے لیے بے مثال صلاحیت اور پیمانے کی پیشکش کرتا ہے جو ہمارے جامع مستقبل کی تشکیل کرے گی ۔

@cristianoamon

@Qualcomm”

*****

ش ح-ا ع خ  ۔ر  ا

U-No- 7420