: ممبئی ، 10 اکتوبر 2025

کلیکٹیو میڈیا نیٹ ورک نے بھارت کی سب سے مشہور داستان ‘مہابھارت ’ کی ایک نئی اور جدید ترین تخلیقی تخیل کو اے آئی  کی مدد سے دوبارہ تخلیق کرنے کا اعلان کیا ہے۔ اس سیریز کا خصوصی ڈیجیٹل پریمیئر ویوز او ٹی ٹی پر 25 اکتوبر 2025 کو ہوگا، جس کے بعد 2 نومبر 2025 سے ہر اتوار صبح 11 بجے دُوردرشن پر اس کونشر کیا جائے گا۔ یہ سیریز بھارت اور دنیا بھر میں ویوز او ٹی ٹی کے ذریعے ڈیجیٹل ناظرین کے لیے بھی بیک وقت دستیاب ہوگی۔

یہ پہلی بار اس نوعیت کا تعاون بھارت کے عوامی نشریاتی ادارے کی وراثت اور ملک گیر رسائی کو اگلی نسل کے میڈیا نیٹ ورک کی تخلیقی جدت کے ساتھ جوڑتا ہے۔ جدید اے آئی ٹولز کا استعمال کرتے ہوئے، یہ سیریز مہابھارت کے وسیع کائنات، اس کے کرداروں، جنگی میدانوں، جذبات اور اخلاقی پیچیدگیوں کو سینمائی پیمانے اور متاثر کن حقیقت پسندی کے ساتھ دوبارہ تخلیق کرتی ہے۔ یہ منصوبہ ‘‘میک ان انڈیا’’  اور ‘‘ڈیجیٹل انڈیا’’  کی روح کی عکاسی کرتا ہے، جو ورثے اور جدت کو ایک ساتھ آگے بڑھانے کا مظاہرہ کرتا ہے۔

کلیکٹیو میڈیا نیٹ ورک کے ساتھ اس شراکت داری پر پرسار بھارتی کے سی ای او گورو دیویدی نے کہا کہ ‘‘پرسار بھارتی نے ہمیشہ ہر بھارتی گھر تک قومی اور ثقافتی اہمیت کی کہانیاں پہنچائی ہیں۔ لاک ڈاؤن کے دوران اصل مہابھارت کی دوبارہ نشر کاری نے ہمیں یاد دلایا کہ یہ داستانیں خاندانوں اور نسلوں کو کس قدر گہرائی سے جوڑتی ہیں۔ اے آئی  کی مدد سے اس دوبارہ تخلیقی تخیل میں شراکت داری ناظرین کو بھارت کے عظیم ترین مہاکاویہ قصے کو ایک نئے انداز میں دیکھنے کا موقع فراہم کرتی ہے، جہاں روایت کی عزت کے ساتھ کہانی سنانے میں جدید ترین ٹیکنالوجی کو اپنایا گیا ہے۔ یہ جدید نشریات میں ترقی اور ورثے کے ملاپ کا ایک اظہار ہے۔’’

اس شراکت داری پر غور کرتے ہوئے، کلیکٹیو آرٹسٹس نیٹ ورک کے بانی اور گروپ سی ای او وجے سبرامنیم نے کہا کہ ‘‘لاکھوں بھارتیوں کی طرح، میں بھی ہر اتوار ٹیلی ویژن پر کلاسیکی مہابھارت دیکھ کر بڑا ہوا ہوں۔ یہ ایک ایسا تجربہ تھا جس نے میرے تخیل کو پروان چڑھایا اور ہماری ثقافت کے ساتھ میرا تعلق مضبوط کیا۔ مہابھارت کے ساتھ، ہماری امید ہے کہ آج کی نسل کو بھی ایک ایسا ہی سنگِ میل فراہم کریں جو اتنا ہی مکمل اور یکجہتی پیدا کرنے والا ہو جتنا ہمارے لیے تھا، مگر آج کی ٹیکنالوجی کے امکانات کے ذریعے بیان کیا گیا ہو۔ یہ بھکتی اور ترقی کا سفر ہے جو ساتھ چل کر کچھ ایسا تخلیق کرتا ہے جو گہرائی میں روایت سے جڑا ہوا ہے اور جرات مندانہ طور پر مستقبل کی طرف دیکھتا ہے۔’’

ویوز، پرسار بھارتی کا سرکاری او ٹی ٹی پلیٹ فارم، بھارت کی ثقافت، خبریں اور تفریح کا ایک جامع ڈیجیٹل مرکز ہے۔ ویڈیو آن ڈیمانڈ، لائیو ایونٹس اور ٹی وی، ریڈیو، آڈیو اور میگزین کے متنوع مواد کے ساتھ، ویوز نے اپنے معتبر، خاندانی دوست اور کثیرلسانی مواد کے ذریعے جلد ہی لاکھوں صارفین حاصل کیے ہیں۔ شمولیت، جدت اور ورثے کے ستونوں پر قائم یہ پلیٹ فارم بھارت کی لازوال میراث کو جدید کہانی سنانے کے انداز کے ساتھ جوڑتا ہے۔ اس کی کلیکٹیو اے آئی  مہابھارت کے ساتھ شراکت داری اس بات کی مثال ہے کہ کس طرح ٹیکنالوجی اور روایت مل کر طاقتور، جدید کہانیاں تخلیق کر سکتی ہیں جو بھارت اور دنیا بھر کے ناظرین کے دلوں کو چھو لیتی ہیں۔

*********

ش ح۔ش ت ۔م الف

U. No-7382