প্রধান মন্ত্রী শ্রী নরেন্দ্র মোদীনা ঙসি নোংচুপ বেঙ্গলগী দুর্গাপুরদা লুপা কোতি ৫,৪০০ হেনবগী দিবেলপমেন্ত প্রোজেক্তশিংগী উরেপ উয়ুং তমখ্রে, শঙ্গাখ্রে অমসুং জাতিদা কত্থোকখ্রে। মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি স্তীল সিতি হায়না খঙনবা দুর্গাপুর অসি ভারতকী শিন্মীশিংগী মরুওইবা মফম অমনি। মহাক্না ভারতকী চাউখৎ থৌরাংদা মরুওইবা থৌদাং লৌরিবা অদু খঙখি অমসুং ঙসিদি মসিগী থৌদাং অসিবু হেন্না মপাঙ্গল কনখৎহন্নবা খুদোংচাবা অমা পীরি হায়না ফোংদোকখি। ঙসি হৌদোকখিবা প্রোজেক্তশিং অসিনা লমদম অসিদা কনেক্তিবিতী হেঙ্গৎহল্লগনি অমসুং গ্যাসতা য়ুম্ফম ওইবা ত্রান্সপোর্ত অমসুং গ্যাসতা য়ুম্ফম ওইবা শেন্মিৎলোন হেঙ্গৎহল্লগনি অমসুং দুরগাপুরবু স্তীল সিতী অমা ওইনা মশক তাক্কনি হায়না শ্রী মোদীনা অকনবা ৱাফম থমখি। প্রধান মন্ত্রীনা মখা তাখি মদুদি প্রোজেক্তশিং অসি "মেক ইন ইন্দিয়া, মেক ফোর ৱার্ল্দ"গী ভিজনগা চুনৈ অমসুং মসিনা নোংচুপ বেঙ্গলবু মাংলোমদা পুখৎপদা মতেং পাংগনি। লমদম অসিগী নহারোলশিংগীদমক্তা অনৌবা থবক ফংহন্নবা মশিং য়াম্লবা খুদোংচাবশিং শেমগৎলগনি হায়না মহাক্না ফোংদোকখি। চাউখৎ-থৌরাংগী প্রোজেক্তশিং অসিগীদমক মহাক্না ময়াম পুম্নমকপু থাগৎপা ফোংদোকখি।

প্রধান মন্ত্রীনা হায়খি মদুদি ঙসি মালেমগী ওইবা ৱারোল অসি চাউখৎলবা লৈবাক অমা ওইনবা ভারতকী ৱারেপ অদুদা য়ুম্ফম ওইরি। মহাক্না হায়খি মদুদি ভারত্তা অহোংবা পুরক্লিবা অসি চাউখৎলবা ভারত অমগী য়ুম্ফম ওইরি। অসিগুম্বা অহোংবশিং অসিগী মরুওইবা শরুক অমা হায়রগদি ইনফ্রাস্ত্রকচরনি। মসিদা সোসিএল, ফিজিকেল অমসুং দিজিতেল য়াওরি। শ্রী মোদীনা মরুওইবা মাইপাকপশিং অদু পনখি: লায়রবশিংগীদমক পুক্কা হাউস করোর ৪ হেনবা, তোইলেট করোর কয়া, পাইপকী ঈশিং কন্নেক্সন করোর ১২ হেনবা, কিলোমিতর লিশিং কয়াগী অনৌবা লম্বী অমসুং হাইৱে, অনৌবা রেলৱে লাইন, অপীকপা শহরশিংদা এয়রপোর্তশিং অমসুং খুঙ্গং অমসুং য়ুমথোং খুদিংদা ইন্তরনেত এক্সেস য়ৌহনবা কয়া অসিগী মতাংদা পনখি। মোদর্ন ইনফ্রাস্ত্রকচর অসিনা ৱেস্ত বেঙ্গল য়াওনা রাজ্য খুদিংমক্তা কান্নবা পীরি হায়না মহাক্না ফোংদোকখি। প্রধান মন্ত্রীনা ৱেস্ত বেঙ্গলদা ত্রেন কনেক্তিবিতীদা মমাংদা অমুক্তা ওইখিদ্রিবা খুমাং চাওশিল্লকপা অদুসু পনখি। বেঙ্গল অসি বন্দে ভারত ত্রেন মশিং য়াম্না চেনবা রাজ্যশিংগী মরক্তা অমনি হায়না মহাক্না ফোংদোকখি। মহাক্না কোলকতা মেত্রোগী খোঙজেল য়াংনা পাকথোক চাউথোকপা অমসুং অনৌবা রেল লাইনশিং, ত্রেক অনি হেনগৎহনবা অমসুং ইলেক্ত্রিফিকেসনগী থবকশিং চত্থবগী মতাংদা পনখি। শ্রী মোদীনা মখা তারদুনা হায়খি মদুদি রেলৱে স্তেসন কয়া অমা মোদর্নাইজ তৌরি অমসুং রেল ওভর ব্রিজ কয়া অমা শারি। ঙসি বেঙ্গলদা রেলৱে ওভর ব্রিজ অনি অমুক হাংদোক্লে হায়না মহাক্না লাওথোকখি। মসিগী থবকশিং অসিনা বেঙ্গলগী মীয়ামগী পুন্সিদা য়াম্না লাইথোকহল্লগনি হায়না মহাক্না মখা তাখি।

লমদম অসিগী এয়রপোর্ত অসি উরান স্কিমগা পুন্সিনখ্রে হায়না পল্লদুনা শ্রী মোদীনা হায়খি মদুদি হৌখিবা চহি অমখক্তদা পেসেঞ্জর লাখ ৫ হেন্না মসিগী ফেসিলিতী অসিগী খুত্থাংদা চৎখ্রে। অসিগুম্বা ইনফ্রাস্ত্রকচর অসিনা খুদোংচাবশিং হেনগৎহনবতা নত্তনা নহা লিশিং কয়াগীদমক থবক ফংহনবদসু মহাক্না অকনবা ৱাফম থমখি। প্রোজেক্তশিং অসিদা শিজিন্নরিবা মচাকশিং পুথোকপদসু থবক ফংহন্নবগী অচৌবা খুদোংচাবা কয়া লৈরি হায়না মহাক্না ফোংদোকখি।

হৌখিবা চহি ১০-১১ অসিদা, ভারতনা গ্যাস কনেক্তিবিতীদা মমাংঙৈদা ওইখিদ্রিবা মওংদা খুমাং চাউশিল্লে হায়না পল্লদুনা প্রধান মন্ত্রীনা হায়খি মদুদি চহী তরা অসিদা এল.পি.জি. মহাক্না সরকারনা 'ৱান নেসন, ৱান গ্যাস গ্রিদ'গী মিৎয়েংদা পায়খৎলিবা থবকশিং অমসুং প্রধান মন্ত্রী উর্জা গঙ্গা য়োজনা হৌদোকপগী মতাংদা পনখি। মসিগী খোংথাং অসিগী মখাদা, নোংপোক থংবা রাজ্য তরুক্তা গ্যাস পাইপলাইনশিং শঙ্গাগনি। মসিগী পান্দমদি রাজ্যশিং অসিগী ইন্দস্ত্রীশিং অমসুং চাকখুমদা মমল হোংবা পাইপকী গ্যাস ফংহনবনি হায়না পল্লদুনা প্রধান মন্ত্রীনা হায়খি মদুদি গ্যাস ফংহনবা অসিনা সি.এন.জি.দা চৎপা ভেহিকলশিং অমসুং ইন্দস্ত্রীশিংদা গ্যাসতা য়ুম্ফম ওইবা তেক্নোলোজী শিজিন্নবা ঙমহনগনি। মহাক্না হরাওবা ফোংদোকখি মদুদি দুর্গাপুরগী ইন্দস্ত্রিএল রিজন অসি হৌজিক নেস্নেল গ্যাস গ্রিদকী শরুক অমা ওইরে। শ্রী মোদীনা হায়খি মদুদি প্রোজেক্ত অসিনা লমদম অসিগী ইন্দস্ত্রীশিংদা কান্নবা পীগনি অমসুং ৱেস্ত বেঙ্গলগী ইমুং লাখ ৩০রোমদা পাইপকী খুত্থাংদা মমল হোংবা গ্যাস ফংহল্লগনি। মসিনা ইমুং মিলিয়ন কয়া, মরু ওইনা মমাশিং অমসুং ইচলশিংগী পুন্সিদা লাইথোকহল্লগনি অমসুং মীওই লিশিং কয়াদা থবক ফংহল্লগনি হায়না মহাক্না ফোংদোকখি।

প্রধান মন্ত্রীনা হায়খি মদুদি দুর্গাপুর অমসুং রঘুনাথপুরদা লৈবা মরুওইবা স্তীল অমসুং পাৱর প্লান্তশিং অসি অনৌবা তেক্নোলোজীগা লোয়ননা অপগ্রেদ তৌখ্রে। মসিগী ফেসিলিতীশিংদা চাউরাক্না লুপা করোর ১৫০০গী ইনবেস্তমেন্ত তৌখ্রে। মহাক্না হায়খি মদুদি প্লান্তশিং অসি হৌজিক হেন্না ইফিসিএন্ত ওইরে অমসুং মালেমগী থাক্তা চাংয়েংনবা ঙম্মি। প্রোজেক্তশিং অসি মায় পাক্না লোইশিনখিবদা মহাক্না বেঙ্গলগী মীয়ামদা অখন্নবা থাগৎপা ফোংদোকখি।

প্রধান মন্ত্রীনা হায়খি মদুদি ভারতকী ফেক্টরীশিং নৎত্রগা মসিগী লমশিংদা ইং ২০৪৭ ফাওবদা ভারতপু চাউখৎলবা লৈবাক অমা ওইহন্নবগী ৱারেপ অমখক্তনা হোৎনরি। মহাক্না সরকারগী মাংলোমদা চংশিনগদৌরিবা লম্বীগী মতাংদা পনখি: চাউখৎ-থৌরাংগী খুত্থাংদা শক্তি পীনবা, থবক পীবগী খুত্থাংদা মশা-মরোমদোম লেপচবা, অমসুং রেস্পোন্সিবিতীগী খুত্থাংদা অফবা গবর্নান্স। শ্রী মোদীনা ৱারোইশিন পীরদুনা হায়খি মদুদি হায়রিবা ভেল্যুশিং অসি ঙাক্না চৎতুনা, ৱেস্ত বেঙ্গল অসি ভারতকী চাউখৎ থৌরাংগী খোঙচৎকী মপাঙ্গল লৈবা ইঞ্জিন অমা ওইহল্লগনি।

ৱেস্ত বেঙ্গলগী গবর্নর, দা. সি.ভি. অনন্দা বোস, কেন্দ্রগী মন্ত্রীশিং শ্রী হরদীপ সিংহ পুরী, শ্রী শান্তনু ঠাকুর, দোক্তর মোদী, থৌরম অদুদা সুকান্তা মজুমদার অমসুং অতৈ মকোক থোংবশিংসু শরুক য়াখি।

বেকগ্রাউন্দ

প্রধান মন্ত্রীনা ওইল অমসুং গ্যাস, পাৱর, রোদ অমসুং রেল সেক্তরদা কৎথোকপা চাউখৎ-থৌরাংগী প্রোজেক্ত কয়াগী উরেপ-উয়ুং তমখি, শঙ্গাখি অমসুং জাতিদা কত্থোকখি।

লমদম অসিদা ওইল অমসুং গ্যাসকী ইনফ্রাস্ত্রকচরদা চাউনা ইনোৎ পীরদুনা প্রধান মন্ত্রীনা ভারত পেত্রোলিয়ম কোর্পোরেসনগী উরেপ উয়ুংসু তমখি। বেঙ্কুরা অমসুং পুরুলিয়া দিস্ত্রিক্তকী সিতি গ্যাস দিস্ত্রিব্যুসন (সি.জি.দি.) মসিনা পি.এন.জি. কনেক্তিবিতী য়ুমথোংশিং, কম্মর্সিএল ইস্তাব্লিসমেন্তশিং অমসুং ইন্দস্ত্রীএল কস্তমরশিংদা ফংহল্লগনি, অমসুং রিতেল আউৎলেৎশিংদা সি.এন.জি. ফংহল্লগনি অমসুং লমদম অসিদা থবক ফংহন্নবা খুদোংচাবশিংসু ফংহল্লগনি।

প্রধান মন্ত্রীনা লৈবাক মীয়ামদা দুরগাপুর-হালদিয়া নেচরেল গ্যাস পাইপলাইনগী দুরগাপুরদগী কলকাতা ফাওবা কিলোমিতর ১৩২গী সেক্সনসু কৎথোকখি। মসি জগদীশপুর-হালদিয়া অমসুং প্রধান মন্ত্রী উর্জা গঙ্গা (পি.এম.য়ু.জি.) প্রোজেক্ত হায়নসু খঙনবা বোকারো-ধামরা পাইপলাইনগী শরুক অমনি। লুপা কোতি ১,১৯০ হেন্না চংগদবা দুর্গাপুরদগী কলকাতা ফাওবগী সেক্সন অসি নোংচুপ বেঙ্গলগী পুরবা বর্ধমান, হুগলি অমসুং নাদিয়া জিলাশিংদগী চৎলি। পাইপলাইন অসিনা ইমপ্লিমেন্তেসন ফেজ মনুংদা হকথেংননা অমসুং নাকোইননা থবক পীখি অমসুং হৌজিক্তি লমদম অসিদা লৈরিবা ইমুং লাখ কয়াদা মহৌশাগী গ্যাস সপ্লাই তৌবদা মতেং পাংগনি।

মশা-মউ ফবা নুংশিৎ অমসুং মীপুম খুদিংমক্কী হকশেলগী সেক্যুরিতীগীদমক মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা লুপা করোর ১,৪৫৭ হেনবগী দুরগাপুর স্তীল থর্মেল পাৱর স্তেসন অমসুং দামোদার ভেলী কোর্পোরেসনগী রঘুনাথপুর থর্মেল পাৱর স্তেসনগী রেত্রোফিতিং পোলুসন কন্ত্রোল সিস্তেম-ফ্যু গ্যাস দিসলফুরাইজেসন (এফ.জি.দি.) মসিনা মফম অসিদা ক্লিনর ইনর্জী পুথোকপদা মতেং পাংদুনা অমসুং মফম অসিদা থবক ফংহন্নবা খুদোংচাবশিং শেমদুনা মফম অসিদা কান্নবা ফংহল্লগনি।

লমদম অসিদা রেল ইনফ্রাস্ত্রকচর হেনগৎহন্দুনা, প্রধান মন্ত্রীনা লুপা করোর ৩৯০ হেনবগী পুরুলিয়াদা পুরুলিয়া - কোচিলা রেল লাইন (কি.এম. ৩৬) দবল তৌবগী থবকসু লৈবাক মীয়ামদা কত্থোকখি। মসিনা জমশেদপুর, বোকারো অমসুং ধনবাদতগী রাঞ্চী অমসুং কলকাতাগা লোইননা ইন্দস্ত্রীশিংগী মরক্তা রেলগী কনেক্তিবিতী ফগৎহল্লগনি অমসুং পোৎচৈ পুথোক পুশিন তৌবগী ত্রেনশিং মপুং ফানা চলহল্লগনি, চৎথোক চৎশিন তৌবগী মতম হন্থহল্লগনি অমসুং ইন্দস্ত্রীশিং অমসুং বিজিনেসশিংগী লোজিস্তিক্স ফগৎহল্লগনি।

প্রধান মন্ত্রীনা সেতু ভারতম প্রোগ্রামগী মখাদা লুপা কোতি ৩৮০ হেনবগী শেনফমগা লোইননা পাসিম বর্ধমানগী তোপসী অমসুং পান্দাবেশ্বরদা শেমখিবা রোদ ওভর ব্রিজ (আর.ও.বি.) অনি শঙ্গাখি। মসিনা কনেক্তিবিতী ফগৎহনগনি অমসুং রেলৱে লেভেল ক্রোসিংদা এক্সিদেন্তশিং থীংবদা মতেং পাংগনি।

***