য়োর এক্সিলেন্সী, প্রধান মন্ত্রী স্তার্মর,

ভারত অমসুং UKগী বিজিনেসকী লুচিংবশিং,

খুরুমজরি!

ইন্দিয়া-UK CEO ফোরমগী ঙসিগী মীফম অসিদা শরুক য়াবা ফংজবা অসিদা ঐহাক য়াম্না নুংঙাইবা ফাওই। অহানবদা, মহাক্কী মমল য়াম্লবা ৱাখল্লোনশিং থম্বিরম্বগীদমক ঐহাক্না প্রধান মন্ত্রী স্তার্মরদা থাগৎপা ফোংদোকচরি।

হৌখিবা চহিশিংদা, বিজিনেসকী লুচিংবশিং ওইনা অদোম্না লেপ্পা লৈতনা হোৎন্দুনা লাকপনা ফোরম অসি ভারত-UKগী স্ত্রেতেজিক পার্তনরশিপকী মরু ওইবা য়ুম্বী অমা ওইরক্লি। ঙসি অদোমগী ৱাখল্লোনশিং অদু ঐহাক্না তারবা মতুংদা, ঐখোয়না মহৌশাগী ওইবা পার্তনরশিং ওইনা হেন্না য়াংনা মাংলোমদা চংশিল্লগনি হায়বগী ঐগী থাজবা অদু হেন্না চেৎশিল্লক্লি। মসিগীদমক্তা ঐহাক্না ময়াম পুম্নমকপু থম্মোয় শেংনা থাগৎচরি।

মরুপশিং,

হৌজিক মালেমগী ওইনা ওইরক্লিবা ফীভম অসি য়েংলগা, চহি অসি য়াম্না শিংথানিংঙাই ওইখি। মসিনা ভারত-UKগী মরীগী অচেৎপা মরী অদু মপাঙ্গল কনখৎহনখি। ঐহাক্কী UKগী খোংচৎ মনুংদা জুলাই থা অসিদা ঐখোয়না কমপ্রেহেন্সিব ইকোনোমিক অমসুং ত্রেদ এগ্রীমেন্ত (CETA) দা খুৎয়েক পীনখি। ঐহাক্না ঐহাক্কী মরুপ, প্রধান মন্ত্রী স্তার্মরবু, পুৱারী ওইরবা এচিবমেন্ত অসিগীদমক মহাক্কী থৌনা অমসুং ৱাখল্লোনগীদমক থাগৎপা ফোংদোকচরি অমসুং নুংঙাইবা ফোংদোকচরি। মসি শুপ্নগী ত্রেদ এগ্রীমেন্ত অমা নত্তে, মসি মালেমগী মরুওইবা শেন্মিৎলোন অনীগী মরক্তা শেয়র প্রোগ্রেস, শেয়র প্রোস্পেরিতী অমসুং পিপল-তু-পিপল কন্নেক্সনশিংগী রোদমেপ অমনি। মার্কেত এক্সেসকা লোয়ননা, মসিগী এগ্রীমেন্ত অসিনা লৈবাক অনিমক্তা MSMEশিংবু মপাঙ্গল কনখৎহল্লগনি অমসুং নহারোল মিলিয়ন কয়াগীদমক্তা থবক ফংহন্নবা অনৌবা লম্বীশিং হাংদোক্লগনি।

মরুপশিং,

CETAনা মসিগী মপুং ফাবা পোতেন্সিএল ফংহনবদা মতেং পাংনবা, ঐহাক্না অদোমগী মমাংদা পার্তনরশিপ অসিগী অনৌবা দাইমেন্সন মরি পুথোকচবা পাম্মি। মসিগী দাইমেন্সনশিং অসিনা মসিগী য়ুম্ফম অসি হেন্না পাকথোক চাউথোকহনগনি:

C না কম্মর্স অমসুং ইকনোমী তাক্লি

E না এজুকেসন অমসুং পিপল-তু-পিপলগী মরী তাক্লি

T না তেক্নোলোজী অমসুং ইন্নোভেসন তাক্লি

A না এস্পিরেসনশিং তাক্লি

ঙসিদি, ঐখোয়গী লৈবাক অনিগী ত্রেদ অসি দোল্লর বিল্লিয়ন 56 রোম ওইরি। ঐখোয়না মসি 2030 ফাওবদা শরুক অনি হেনগৎহন্নবা পান্দম থম্লি, অমসুং মসিগী পান্দম অসি ঐখোয়না মতম চানা ফংবা ঙমগনি হায়না ঐহাক্না থাজবা থম্লি।

মরুপশিং,

ঙসি ভারতনা পোলিসী স্তেবিলিতী, প্রেদিক্তিবল রেগুলেসন, অমসুং অচৌবা দিমান্দ ফংহল্লি। অসিগুম্বা ফিভম অসিদা, ইনফ্রাস্ত্রকচর, ফার্মাস্যুতিকেল্স, ইনর্জী অমসুং ফাইনান্স য়াওনা সেক্তর খুদিংদা মমাংদা অমুক্তা ওইখিদ্রিবা খুদোংচাবশিং লৈরি। UKগী য়ুনিভর্সিতী নিপাননা অথুবা মতমদা ভারত্তা কেম্পস হাংদোক্কনি হায়বসি খঙবদা নুংঙাইবা ফাওই। অঙকপা তুংলমচৎতা, একাদেমিয়া-ইন্দস্ত্রী পার্তনরশিপশিং অসি ঐখোয়গী ইন্নোভেসন ইকনোমীগী খ্বাইদগী চাউবা দ্রাইভিং ফোর্স অমা ওইরগনি।

মরুপশিং,

ঙসিদি, তেলিকোম, AI, বাইওতেক, ক্বান্তম তেক্নোলোজী, সেমিকন্দক্তর, সাইবর অমসুং স্পেসকুম্বা লমশিংদা ঐখোয়গী মরক্তা তেংবাং পীনবগী অনৌবা ওইথোকপা য়াবশিং থোরক্লি। দিফেন্স সেক্তরদসু ঐখোয়না কো-দিজাইন অমসুং কো-প্রদক্সনগী মায়কৈদা চংশিল্লি। হৌজিক অসি ওইথোকপা য়াবা পুম্নমক অসি খোঙজেল অমসুং দিতের্মিনেসনগা লোয়ননা কংক্রিৎ ওইবা কোলাবোরেসনদা ওন্থোক্নবা মতম ওইরে। ঐখোয়না ক্রিতিকেল মিনরেলশিং, রিয়র আর্থশিং, অমসুং APIশিংগুম্বা স্ত্রেতেজিক সেক্তরশিংদা স্ত্রকচর তৌরবা অমসুং কোওর্দিনেৎ ওইবা মওংদা মাংলোমদা চংশিনবা তাই। মসিনা ঐখোয়গী পার্তনরশিপপু ফ্যুচরস্তিক ওইবা মাইকৈ অমা পুগনি।

মরুপশিং,

ফিনতেক সেক্তরদা ভারতকী পাঙ্গল অসি অদোম পুম্নমক্না উবা ফংলে। ঙসিদি, মালেমগী ওইবা রিএল-তাইম দিজিতেল ত্রাঞ্জেক্সনশিংগী চাউরাক্না 50%দি ভারত্তা পাংথোক্লি। ফাইনান্সিএল সর্ভিসশিংদা UKগী এক্সপর্তিস অসি ভারতকী দিজিতেল পব্লিক ইনফ্রাস্ত্রকচর (DPI) গা পুনশিন্দুনা ঐখোয়না মীওইবা খুন্নাই পুম্নমক্কীদমক চাউনা কান্নবা পীবা ঙমগনি।

মরুপশিং,

প্রধান মন্ত্রী স্তার্মর অমসুং ঐহাক্না ঐখোয়গী মরীদা অনৌবা ইনর্জী পীনবা ভিজন 2035 লাউথোকখি। মসি ঐখোয়গী মান্নবা অপাম্বশিংগী ব্লুপ্রিন্ত অমনি। ভারত অমসুং UKগুম্বা ওপন অমসুং দেমোক্রেতিক সোসাইতীশিংগী মরক্তা, কোওপরেসন চাউখৎপা ঙমদবা লম লৈতে। ভারতকী তেলেন্ত অমসুং স্কেল, UKগী R&D অমসুং এক্সপর্তিসকা পুনশিন্নদুনা, অহোংবা পুরকপা ঙম্বা পার্তনরশিপ অমা শেম্মি। তার্গেৎ থম্বা অমসুং মতম চানা লোইশিনগদবা মওংদা এস্পিরেসনশিং অমসুং এম্বিশনশিং অসি মংফাওনহন্নবগীদমক অদোমগী সপোর্ত অমসুং কোলাবোরেসন অসি য়াম্না মরু ওই।

মরুপশিং,

অদোমগী কম্পনী কয়া ভারত্তা লৈরে। ঙসিদি, ভারতকী শেন্মিৎলোন অসি অচৌবা রিফোর্মশিং পায়খৎলি। মসিদা অহেনবা মথৌ তাদবা থবকশিং হন্থহন্দুনা ইজ ওফ দুইং বিজিনেসতা অকনবা মীৎয়েং থম্লি। হৌজিত্তি ঐখোয়না GSTগী রিফোর্মশিং লাউথোকখ্রে। মসিনা ঐখোয়গী মিদল ক্লাস অমসুং MSMEশিংগী গ্রোথকী স্তোরীবু হেন্না মপাঙ্গল কনখৎহল্লগনি।

মরুপশিং,

ইনফ্রাস্ত্রকচর দিবেলপমেন্ত অসি ঐখোয়গী মরুওইবা অমা ওইরি। ঐখোয়না মথংগী জেনরেসনগী ফিজিকেল ইনফ্রাস্ত্রকচরদা ইনভেস্ত তৌরি অমসুং 2030 ফাওবদা রিন্যুএবল ইনর্জী কেপাসিতী গিগাৱাৎ 500গী ঐখোয়গী পান্দম ফংনবা খোঙজেল য়াংনা চংশিল্লি। ঐহাক্না ন্যুক্লিয়র পৱার সেক্তরদা প্রাইবেৎ পার্তিসিপেসনগীদমক ঐখোয়না হাংদোক্লিবা অসি উবদা নুংঙাইবা ফাওই। হায়রিবা চাউখৎ-থৌরাং পুম্নমক অসিনা ভারত-UKগী মতেং পীনবা অসি হেন্না চাউখৎহন্নবা অনৌবা লম্বীশিং শেমগৎলি। ভারতকী চাউখৎ-থৌরাংগী খোঙচৎ অসিদা শরুক য়ানবা ঐনা অদোমবু কৌজরি। ঐহাক্না থাজৈ মদুদি ভারত অমসুং UKগী বিজিনেস লুচিংবশিংনা ফিনতেক, গ্রীন হাইদ্রোজেন, সেমিকন্দক্তর, নৎত্রগা স্তার্ত-অপ ওইগেরা ঐখোয় পুন্না মালেমগী লুচিংবা ওইগদবা সেক্তরশিং পুন্না মশক খঙদোকপা ঙমগনি। অসিগুম্বা লম কয়া অমা লৈরম্বা য়াই। ভারত অমসুং UKনা পুন্না গ্লোবেল বেঞ্চমার্কশিং শেম্বীয়ু!

অমুক্কা হন্না, ঙসি মফম অসিদা লাক্নবগীদমক্তা মতম কাইথোকপগীদমক্তা ময়াম পুম্নমকপু হন্না-হন্না থাগৎচরি।

***