প্রধান মন্ত্রী শ্রী নরেন্দ্র মোদী মে ২৯ অমসুং মে ৩০ দা সিক্কিম, নোংচুপ বেঙ্গল, বিহার অমসুং উত্তর প্রদেসতা চৎকনি।

মে ২৯ দা, প্রধান মন্ত্রী সিক্কিমদা চৎকনি অমসুং মফম অদুদা মহাক্না অয়ুক পুং ১১ রোম তাবদা “Sikkim@50: চাউখৎপগা পান্দমগা উনফম অমসুং মহৌশানা চাউখৎপা য়োকখৎপা” শরুক য়াগনি। মহাক্না সিক্কিমদা তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি অমসুং থৌরম অদুদা মীয়ামদা ৱা ঙাংগনি।

তুংদা, নুংথিলগী পুং ২:১৫ রোম তাবদা, প্রধান মন্ত্রীনা নোংচুপ বেঙ্গলগী অলিপুদুয়ার জিলাদা অনিপুরদুয়ার অমসুং কুচ বেহার জিলাশিংদা সিতি গ্যাস দিষ্ট্রিব্যুসন প্রোজেক্কী উরেপ-উয়ুং তমগনি। মখা তারকপদা, নুংথিলগী পুং ৫:৪৫ রোম তারকপদা প্রধান মন্ত্রী বিহারদা চৎকনি অমসুং পাতনা এয়রপোর্ততা অনৌবা তর্মিনেল বিল্দিং শঙ্গাগনি। 

মে ৩০ গী অয়ুক পুং ১১ রোম তাবদা, প্রধান মন্ত্রীনা বিহারগী করাকাত্ত লুপা করোর ৪৮,৫২০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। মহাক্না থৌরম অদুদা মীয়ামদা ৱা ঙাংগনি।

তুংদা, প্রধান মন্ত্রী উত্তর প্রদেসতা চৎকনি অমসুং মফম অদুদা নুংথিলগী পুং ২:৪৫ রোম তারকপদা, প্রধান মন্ত্রীনা উত্তর প্রদেসকী কানপুর নগরদা লুপা করোর ২০,৯০০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি। মহাক্না থৌরম অদুদা মীয়ামদা ৱা ঙাংগনি।

সিক্কিমদা প্রধান মন্ত্রী

রাজ্য ওইরকপগী চহি ৫০ মপুংফারকপা থৌরমদা, প্রধান মন্ত্রীনা “Sikkim@50: চাউখৎপগা পান্দমগা উনফম অমসুং মহৌশানা চাউখৎপা য়োকখৎপা” শরুক য়াগনি।। “সুনাওলো, সমরিদ্ধ অমসুং সমার্থ সিক্কিম” থিমগী মখাদা চহি অমা চুপ্না তোঙান তোঙানবা থৌরমশিং পাংথোক্নবা সিক্কিম সরকারনা থৌরাং তৌরি, মসিদা সিক্কিমগী ইনাকখুল্লবা নাৎ, চৎনবী, মহৌশাগী ফজবা অমসুং মসিগী পুৱারি হরাওবা ফোঙদোক্কনি।

প্রধান মন্ত্রীনা তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি। প্রোজেকশিংগী মনুংদা নামজি জিলাদা লুপা করোর ৭৫০ হেনবগী ফমুং ৫০০ লৈগদবা অনৌবা দিষ্ট্রিক হোস্পিতাল অমা; গ্যালসিং জিলাগী পেল্লিংদা লৈবা শঙ্গাচোইলিংদা পেসেঞ্জর রোপৱে; গেংতোক জিলাদা শঙ্গখোলাদা অতল অমৃত উরানদা ভারত রত্ন অতল বিহারি বাজপায়গী মীতম অমসুং অতৈ কয়া য়াওরি।

রাজ্য ওইরকপা চহি ৫০ মপুংফারকপগী কম্মেমোরেতিপ শেনয়েক, সোভেনিয়র শেনয়েক অমসুং স্তাম্পসু প্রধান মন্ত্রীনা ফোঙগনি।

নোংচুপ বেঙ্গলদা প্রধান মন্ত্রী

ভারত্ত সিতী গ্যাস দিস্ত্রিব্যুসন (সি জি দি) নেতৱার্ক পাকথোক-চাউথোক্নবা মাইকৈদা থাংজিনবা মরুওইবা খোঙথাং অমদা, প্রধান মন্ত্রীনা নোংচুপ বেঙ্গলগী অলিপুদুয়ার জিলাদা অনিপুরদুয়ার অমসুং কুচ বেহার জিলাশিংদা সিতি গ্যাস দিষ্ট্রিব্যুসন প্রোজেক্কী উরেপ-উয়ুং তমগনি। লুপা করোর ১০১০ হেনবগী সিতী গ্যাস দিস্ত্রিব্যুসন (সি জি দি) প্রোজেক্ত অসিনা য়ুমথোঙ লাখ ২.৫ হেনবা, কম্মর্সিএল এসস্তাব্লিসমেন্ত অমদি ইন্দস্ত্রী ১০০ হেনবদা পাইপ নেচরেল গ্যাস (পি এন জি) ফংহন্নবা, লোয়ননা লৈঙাক্না থম্লিবা মিনিমম ৱর্ক প্রোগ্রাম ( এম দব্লি পি) গী পরিংদা সি.এন.জি স্তেসন ১৯ লোম লিংখত্তুনা ভেহিকুলর ত্রাফিক্তা কমপ্রেস নেচরেল গ্যাস ফংহন্নবা পান্দম থম্লি‍। মসিনা লমদম অসিদা খুদোংচাবা, থাজনিংঙাই ওইবা, মহৌশাগা চুনবা, অমদি শেল চঙদবা থাউ সপ্লাই লৈহনগনি অমদি থবক পীবগী খুদোংচাবশিং শেমগৎকনি।

বিহারদা প্রধান মন্ত্রী

মে ২৯ দা, প্রধান মন্ত্রীনা পাতনা এয়রপোর্ততা অনৌবা পেসেঞ্জর তর্মিনেল বিল্দিং শঙ্গাগনি।  অনৌবা পেসেঞ্জর তর্মিনেল বিল্দিং অসি লুপা করোর ১২০০ রোম চঙনা শাবনি অমসুং মসিনা চহি অমদা পেসেঞ্জর করোর ১ চৎথোক-চৎশিন তৌবা য়াগনি। প্রধান মন্ত্রীনা বিহতা এয়রপোর্ততা লুপা করোর ১৪১০ হেনবগী অনৌবা সিবিল ইনক্লেপগী উরেপ-উয়ুং তমগনি। বিহতা এয়রপোর্তনা পাতনা ময়াদা লাইরিক-লাইশুগী মফম অমা ওইরক্লিবা আই.আই.তি পাতনা অমসুং শাগদৌরিবা এন.আই.তি  পাতনা কেম্পসকী থবক তৌগনি।

মে ৩০ দা, প্রধান মন্ত্রীনা বিহারগী করাকাত্ত লুপা করোর ৪৮,৫২০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি।

লমদম অসিগী পৱার ইনফ্রাস্ত্রকচরদা ইনোৎ হাপ্লদুনা, প্রধান মন্ত্রীনা বিহার অমদি নোংপোক ভারত্তা ইনর্জী সিক্যুরিতী লৈহনগদবা ঔরঙ্গবাদ দিস্ত্রিক্তা লুপা করোর ২৯,৯৩০ হেন্না চঙনা শেমগৎকদবা নবিনগর সুপর থর্মেল পৱার প্রোজেক্ত, স্তেজ-২ (৩x৮০০ মেগাৱাত)কী উরেপ উয়ুং তমগনি। মসিনা লমদম অসোমদা ইন্দস্ত্রী চাওখৎহনগনি, থবক্কী খুদোংচাবা শেমগৎকনি, অমদি অতাবা মমলদা মৈ ফংহনগনি।

লমদম অদুগী লম্বী থোংগী ইনফ্রাস্ত্রকচর অমদি কন্নেক্তিবিতীদা অচৌবা ইনোৎ অমা হাপ্তুনা, প্রধান মন্ত্রীনা এন.ঐচ-১১৯এ গী পত্না-অরাহ-সাসারাম সেক্সন লেন মরিদা ওন্থোকপা, অমদি বরানসি-রাঞ্চি-কোলকতা হায়ৱে (এন.ঐচ-৩১৯বি) অমসুং রামনগর-কচ্চি দর্গাহ পরিং (এন.ঐচ-১১৯দি) লেন তরুক্তা ওন্থোকপা, অমদি বক্সার অমসুং ভরাউলি মনাক্তা অনৌবা গঙ্গা থোং অমা শাগৎপা য়াওনা লম্বী-থোংগী প্রোজেক্ত কয়াগী উরেপ উয়ুং তমগনি‍। প্রোজেক্তশিং অসিনা স্তেত অসিদা লল্লোন ইতিক অমদি রিজনেল কন্নেক্তিবিতী হেনগৎহনবগা লোয়ননা অপনবা লৈতবা হায়-স্পীদ কোরিদোর শেমগৎকনি‍। মহাক্না লুপা করোর ৫,৫২০ রোমগী ওইগদবা এন.ঐচ-২২ গী পত্না-গয়া-দোভি সেক্সন লেন মরিদা ওনখৎপা, অমদি এলেভেতেদ হায়ৱে লেন মরি পাকথোকপা, অমসুং এন.ঐচ-২৭ গী গোপালগঞ্জ তাউনগী গ্রেদ ইমপ্রুভমেন্ত অমদি অতৈ প্রোজেক্ত কয়াসু শঙ্গাগনি।

লৈবাক থুংনা রেল ইনফ্রাস্ত্রকচর ফগৎহন্নবা মহাক্কী খোঙফম পরিংদা, প্রধান মন্ত্রীনা অতৈ প্রোজেক্ত কয়াগা লোয়ননা লুপা করোর ১৩৩০ হেন্না শেমগৎখিবা সোন নগর–মোহম্মদ গঞ্জ মরক্কী ৩শুবা রেল লাইনসু লৈবাক্কী মফমদা কৎথোক্কনি।

উত্তর প্রদেসতা প্রধান মন্ত্রী

লমদম অসিগী ইনফ্রাষ্ট্রকচর অমসুং  লম্বী-থোঙ চাউখৎনবা পান্দমদা প্রধান মন্ত্রীনা তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি। মহাক্না লুপা করোর ২,১২০ হেনবগী কানপুর মেত্রো রেল প্রোজেক্কী চুন্নিগঞ্জ মেত্রো ষ্টেসন্দগী কানপুর সেন্ত্রেল মেত্রো ষ্টেসন সেক্সন শঙ্গাগনি। মসি অনৌবা লৈনুংগী ষ্টেসন মঙাগা লোয়ননা ষ্টেসন ১৪ য়াওরি অমসুং মসিনা সহর অসিগী মরুওইবা মফমশিং অমসুং ললোন-ইতিক্কী মফমশিং মেত্রো নেতৱার্কতা য়াওহল্লগনি। মসিগী মথক্ত, প্রধান মন্ত্রীনা জি.তি রোদকী লম্বী পাকথোকপা অমসুং ফগৎহনবগী থবকসু শঙ্গাগনি।

লমদম অসিদা মৈ পুথোকপা হেনগৎহন্নবা, তোঙান তোঙানবা প্রোজেকশিং পায়খৎকনি। লমদম অসিগী দরকার ওইবা মৈ ফংহন্নবা গৌতম বুদ্ধ নগর, যমুনা এক্সপ্রেসৱে ইন্দষ্ট্রিয়েল দিবলপমেন্ত ওথোরিতি(যৈদা) দা সেক্তর ২৮ দা কেভি ২২০ গী       সবষ্টেসন অমা প্রধান মন্ত্রীনা উরেপ-উয়ুং তমগনি। মহাক্না গ্রেতর নোইদাদা ইকোতেক-৮ অমসুং ইকোতেক-১০ দা লুপা করোর ৩২০ হেনবগী কেভি ১৩২ গী সবষ্টৈসনশিংসু শঙ্গাগনি।

উত্তর প্রদেসকী মৈ পুথোকপা হেনগৎহন্নবা কানপুরদা লুপা করোর ৮,৩০০ হেনবগী পানকি থর্মেল পৱার এক্সতেন্সন প্রোজেক (মেগাৱাত ৬৬০) প্রধান মন্ত্রীনা শঙ্গাগনি। মৈ ফংহনবা শিংথাবা য়ানা ফগৎহন্নবা লুপা করোর ৯,৩৩০ হেনবগী ঘাতম্পুর থর্মেল পৱার প্রোজেক্কী মেগাৱাত ৬৬০ গী য়ুনিতি অহুমসু প্রধান মন্ত্রীনা শঙ্গাগনি।

প্রধান মন্ত্রীনা কানপুরদা পানকি পৱার হাওস রেলৱে ক্রোসিং মথক্ত রেল ওভর ব্রিজ অমসুং কলয়ানপুর পানকি মন্দিরদা পানকি রোদতা পানকি ধাম ক্রোসিংসু শঙ্গাগনি। মসিনা কয়লা অমসুং থাউ পুথোক-পুশিনদা খুদোংচাবা পীদুনা পানকি থর্মেল এক্সতেন্সন প্রোজেক্তা মতেং পাংগনি অমসুং লমদম অসিগী মীয়ামদা লম্বী চিনবা হন্থহনগনি।

প্রধান মন্ত্রীনা কানপুরদা বিনগাৱান্দা লুপা করোর ২৯০ হেনবগী ৪০ এম.এল.দি (মিল্লিয়ন লিতর পর দে) তরসিয়ারি ত্রিৎমেন্ত প্লান্ত শঙ্গাগনি। মসিনা লমদম অসিদা শেংদোক্লবা অমোৎপা ঈশিং অমুক হন্না শীজিন্নবা ঙমহনগনি, ঈশিং তুংশিনবা হেনগৎহনগনি অমসুং তুংকোইনা লনশিং শীজিন্নবা ঙমগনি।

লমদম অসিগী ইনফ্রাষ্ট্রকচর অমসুং  লম্বী-থোঙ চাউখৎনবা পান্দমদা প্রধান মন্ত্রীনা কানপুর জিলাদা উদ্যোগ চাউখৎনবা গৌরিয়া পালি মার্গ  পাকথোক্নবা অমসুং ফগৎনবা; কানপুর নগর জিলাদা দিফেন্স কোরিদোরগী মখাদা প্রায়াগ্রজ হায়ৱেদগী কানপুর দিফেন্স নোদ (লেন মরি) ফাওবা নরৱাল মোদ (এ.ঐচ-১) দা শম্ননবা লম্বী পাকথোকপা অমসুং ফগৎহনবা উরেপ-উয়ুং তমগনি অমসুং মসিনা দিফেন্স কোরিদোরগী চৎথোক-চৎশিন ফগৎহনগনি।

প্রধান মন্ত্রীনা পি.এম অয়ুস্মান বাই বন্দনা য়োজনা,  নেসনেল লাইফলিহুদ মিসন অমসুং পি.এম সুর্য়াঘর মুফ বিজলি য়োজনাগী কান্নবা ফংলবা মীওইশিংদা সর্তিফিকেদশিং অমসুং চেকশিং য়েন্থোক্কনি।

***