ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ସ୍ୱଚ୍ଛତା ଏବଂ କାର୍ଯ୍ୟଦକ୍ଷତା ପାଇଁ ଗୃହ ମନ୍ତ୍ରଣାଳୟର ‘ସ୍ୱତନ୍ତ୍ର ଅଭିଯାନ’
Posted On:
07 OCT 2025 12:34PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟି ଏବଂ ଶ୍ରୀ ଅମିତ ଶାହଙ୍କ ମାର୍ଗଦର୍ଶନରେ ଆରମ୍ଭ ହୋଇଛି ଅଭିଯାନ
ନଭେମ୍ବର ୨୦୨୪ ରୁ ଅଗଷ୍ଟ ୨୦୨୫ ମଧ୍ୟରେ ସାଂସଦମାନଙ୍କ ଠାରୁ ୪୯୩ଟି ସନ୍ଦର୍ଭ, କ୍ୟାବିନେଟରୁ ୨ଟି ପ୍ରସ୍ତାବ, ରାଜ୍ୟ ସରକାରଙ୍କ ଠାରୁ ୧୦୪ଟି ସନ୍ଦର୍ଭ ଏବଂ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ୩୦ଟି ସନ୍ଦର୍ଭ ସମେତ ୪୦,୮୮୦ଟି ଜନ ଅଭିଯୋଗ ଏବଂ ୧୮୬୪ଟି ଅପିଲର ମଧ୍ୟ ସମାଧାନ କରାଯାଇଛି
କ୍ଷେତ୍ର/ବାହ୍ୟ କାର୍ଯ୍ୟାଳୟ ସମେତ ମନ୍ତ୍ରଣାଳୟ ଦ୍ୱାରା ବିଭିନ୍ନ ସ୍ଥାନରେ ୨୪୦୫ଟି ସ୍ୱଚ୍ଛତା ଅଭିଯାନ ପରିଚାଳିତ ହୋଇଛି
ଗୃହ ମନ୍ତ୍ରଣାଳୟ/ସି ଏ ପି ଏଫ୍ କାର୍ଯ୍ୟାଳୟଗୁଡ଼ିକରେ ୭୯,୭୭୪ ବର୍ଗଫୁଟ ସ୍ଥାନ ଖାଲି କରାଯାଇଛି
ଗୃହ ମନ୍ତ୍ରଣାଳୟ ଦ୍ୱାରା ଆୟୋଜିତ ସ୍ୱତନ୍ତ୍ର ଅଭିଯାନ ବିଚାରାଧୀନ ସନ୍ଦର୍ଭଗୁଡ଼ିକର ସମାଧାନ ସହିତ ସ୍ଥାୟୀ ଏବଂ ପରିବେଶ ଅନୁକୂଳ କାର୍ଯ୍ୟସ୍ଥଳୀ ଉପରେ ଧ୍ୟାନ ଦେଇଥାଏ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସ୍ୱଚ୍ଛତାକୁ ସଂସ୍ଥାଗତ କରିବା ଏବଂ ସରକାରୀ କାମ ହ୍ରାସ କରିବା ଦୃଷ୍ଟିକୋଣରୁ ଅନୁପ୍ରାଣିତ ହୋଇ, କେନ୍ଦ୍ର ଗୃହମନ୍ତ୍ରୀ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହଙ୍କ ମାର୍ଗଦର୍ଶନରେ ଗୃହ ମନ୍ତ୍ରଣାଳୟ ଏକ ସକ୍ରିୟ ଅଂଶୀଦାର ଭାବରେ ଏକ ସ୍ୱତନ୍ତ୍ର ଅଭିଯାନ ଚଳାଉଛି।
ଗୃହ ମନ୍ତ୍ରଣାଳୟ ଏବଂ ଏହାର ସଂଗଠନଗୁଡ଼ିକ ନଭେମ୍ବର ୨୦୨୪ ରୁ ଅଗଷ୍ଟ ୨୦୨୫ ପର୍ଯ୍ୟନ୍ତ ମାସିକ ଭିତ୍ତିରେ ବିଚାରାଧୀନ ମାମଲା ହ୍ରାସ କରିବା ପାଇଁ ସକ୍ରିୟ ଭାବରେ ସ୍ୱତନ୍ତ୍ର ଅଭିଯାନ ଚଳାଇଛନ୍ତି।
ଏହି ସମୟ ମଧ୍ୟରେ ପ୍ରମୁଖ ସଫଳତା ଗୁଡ଼ିକ ହେଲା :
- କ୍ଷେତ୍ର/ବାହ୍ୟ କାର୍ଯ୍ୟାଳୟ ସମେତ ମନ୍ତ୍ରଣାଳୟ ଦ୍ୱାରା ବିଭିନ୍ନ ସ୍ଥାନରେ ୨୪୦୫ଟି ସ୍ୱଚ୍ଛତା ଅଭିଯାନ ପରିଚାଳିତ ହୋଇଛି ।
- ସାଂସଦମାନଙ୍କ ଦ୍ୱାରା ୪୯୩ଟି ସନ୍ଦର୍ଭ, କ୍ୟାବିନେଟ ଦ୍ୱାରା ୨ଟି ପ୍ରସ୍ତାବ, ରାଜ୍ୟ ସରକାରଙ୍କ ଦ୍ୱାରା ୧୦୪ଟି ସନ୍ଦର୍ଭ ଏବଂ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ଦ୍ୱାରା ୩୦ଟି ସନ୍ଦର୍ଭର ସମାଧାନ ।
- ନଭେମ୍ବର ୨୦୨୪ ରୁ ଅଗଷ୍ଟ ୨୦୨୫ ମଧ୍ୟରେ ପ୍ରାପ୍ତ ମୋଟ ୪୦,୮୮୦ ଟି ସାଧାରଣ ଅଭିଯୋଗ (ପିଜି) ଏବଂ ୧,୮୬୪ ଟି ପି ଜି ଆବେଦନ ମନ୍ତ୍ରଣାଳୟ ଦ୍ୱାରା ସମାଧାନ କରାଯାଇଛି ।
- ଗୃହ ମନ୍ତ୍ରଣାଳୟ/କେନ୍ଦ୍ରୀୟ ସଶସ୍ତ୍ର ପୁଲିସ ଏକବାହିନୀ (ସି. ଏ. ପି. ଏଫ୍.) କାର୍ଯ୍ୟାଳୟଗୁଡ଼ିକରେ ୭୯,୭୭୪ ବର୍ଗଫୁଟ ସ୍ଥାନ ଖାଲି କରାଯାଇଛି।
ସହଜ ଭାବେ ତଥ୍ୟ ସଂଗ୍ରହ କରିବା ଏବଂ ସଠିକତା ସୁନିଶ୍ଚିତ କରିବା ପାଇଁ, ଗୃହ ମନ୍ତ୍ରଣାଳୟ ଏକ ଆନ୍ତଃ-ମନ୍ତ୍ରଣାଳୟ ପୋର୍ଟାଲର ଉପଯୋଗ କରୁଛି, ଯେଉଁଥିରେ ମନ୍ତ୍ରଣାଳୟର ସମସ୍ତ ବିଭାଗ ତଥା କେନ୍ଦ୍ରଶାସିତ ଅଞ୍ଚଳ/ଦିଲ୍ଲୀ ପୋଲିସ ଏହି ଅଭିଯାନ ସହ ଜଡ଼ିତ ତଥ୍ୟ ଅପଲୋଡ କରୁଛନ୍ତି। ଏହା ଡିଭିଜନ/କାର୍ଯ୍ୟାଳୟଗୁଡ଼ିକ ସହିତ ଦକ୍ଷତାର ସହ ସମନ୍ୱୟ ରକ୍ଷା କରିବାରେ ସହାୟକ ହୋଇଛି, ଯାହାଦ୍ୱାରା ବିନା ବିଳମ୍ବରେ ସଠିକ୍ ତଥ୍ୟ ହାସଲ କରିବାରେ ସୁବିଧା ହୋଇଛି।
ପ୍ରଶାସନିକ ସଂସ୍କାର ଏବଂ ଜନ ଅଭିଯୋଗ ବିଭାଗ (ଡିଏଆରପିଜି) ଦ୍ୱାରା ପରିଚାଳିତ ଚାଲିଥିବା ସ୍ୱତନ୍ତ୍ର ଅଭିଯାନ ୫.୦ ପାଇଁ, ଗୃହ ମନ୍ତ୍ରଣାଳୟ ସକ୍ରିୟ ଭାବେ ସ୍ୱତନ୍ତ୍ର ଅଭିଯାନ ହାତକୁ ନେଉଛି, ଯେଉଁଥିରେ ସ୍ଥାୟୀ ଏବଂ ପରିବେଶ ଅନୁକୂଳ କାର୍ଯ୍ୟସ୍ଥଳୀ ଉପରେ ଧ୍ୟାନ ଦେବା ସହିତ ସାଂସଦମାନଙ୍କ ଠାରୁ ବିଚାରାଧୀନ ସନ୍ଦର୍ଭ, ରାଜ୍ୟ ସରକାରଙ୍କ ସନ୍ଦର୍ଭ, ସଂସଦ ଆଶ୍ୱାସନା, ଆନ୍ତଃ-ମନ୍ତ୍ରୀସ୍ତରୀୟ ପରାମର୍ଶ, ଜନ ଅଭିଯୋଗ/ଅପିଲ ଏବଂ ଉନ୍ନତ ରେକର୍ଡ ମ୍ୟାନେଜମେଣ୍ଟର ସମାଧାନ କରାଯାଉଛି।
ସ୍ୱତନ୍ତ୍ର ଅଭିଯାନ ୫.୦ ଉପରେ ମନ୍ତ୍ରଣାଳୟର ସର୍ବୋଚ୍ଚ ସ୍ତରରେ ନଜର ରଖାଯାଇଛି। କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀ (ସି.ଏ.ପି.ଏଫ୍.) ଏବଂ କେନ୍ଦ୍ରୀୟ ପୁଲିସ ସଙ୍ଗଠନ (ସି.ପି.ଓ.) ଗୁଡ଼ିକ ସ୍ୱତନ୍ତ୍ର ଅଭିଯାନ ଉପରେ ଗୁରୁତ୍ୱାରୋପ କରିଛନ୍ତି ଏବଂ ଚିହ୍ନଟ କରାଯାଇଥିବା ମାନଦଣ୍ଡ ଅନୁଯାୟୀ ସର୍ବୋତ୍ତମ ହାସଲ କରିବା ପାଇଁ ସେମାନେ ଅତିରିକ୍ତ ପ୍ରୟାସ କରିବାକୁ ପ୍ରସ୍ତୁତ ଅଛନ୍ତି।
HS
(Release ID: 2175838)
Visitor Counter : 7