नवी दिल्ली, 7 ऑक्टोबर 2025

शासकीय कामकाजात स्वच्छतेला संस्थात्मक स्वरुप मिळवून देणे आणि आणि प्रलंबित प्रकरणाची संख्या कमी करण्याबाबत पंतप्रधान नरेंद्र मोदी यांनी मांडलेल्या संकल्पापासून प्रेरित होऊन, केंद्रीय गृहमंत्रालय केंद्रीय गृहमंत्री आणि सहकार मंत्री अमित शहा यांच्या मार्गदर्शनाखाली सक्रिय सहभागातून विशेष मोहीम राबवत आहे.

या मोहिमेच्या कालावधीमध्‍ये खालील कामे करण्‍यात यश मिळाले :

मंत्रालयाने क्षेत्रीय आणि बाह्य कार्यालये असलेल्या विविध ठिकाणी 2405 स्वच्छता मोहिमा आयोजित केल्या.

खासदारांकडून आलेले 493 संदर्भ, मंत्रिमंडळाकडून आलेले 2 प्रस्ताव, राज्य सरकारांकडून आलेले 104 संदर्भ आणि पंतप्रधान कार्यालयाकडून आलेले 30 संदर्भ निकाली काढले.

नोव्हेंबर 2024 ते ऑगस्ट 2025 दरम्यान प्राप्त झालेल्या एकूण 40880 सार्वजनिक तक्रारी आणि 1864 सार्वजनिक तक्रारींवरील अपीले मंत्रालयाने निकाली काढली आहेत.

गृहमंत्रालय/केंद्रीय सशस्त्र पोलीस दलांच्या कार्यालयांमध्ये 79774 चौरस फूट जागा मोकळी करण्यात आली आहे.

या उपक्रमाअंतर्गत राबवल्या गेलेल्या विशेष मोहीम 5.0 च्या अंमलबजावणीवर मंत्रालयाच्या वतीने उच्चस्तरीय देखरेख ठेवली जात आहे. केंद्रीय सशस्त्र पोलीस दले आणि केंद्रीय पोलीस संघटनांना या विशेष मोहिमेचे महत्त्व समजावून सांगण्यात आले आणि त्यांनी निश्चित केलेल्या मानकांनुसार सर्वोत्तम कामगिरी करण्यासाठी अधिक प्रयत्न करण्याची तयारीही दर्शविली.

सुवर्णा बेडेकर/तुषार पवार/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai