প্রধান মন্ত্রী শ্রী নরেন্দ্র মোদীনা এপ্রিল ৬তা তামিল নাদুদা চৎকনি। রাম নবমীগী নুমিৎতা নুংমিৎ য়ুংবা পুং ১২ রোম তাবদা মহাক্না অনৌবা পম্বন রেল ব্রিজ - ভারতকী অহানবা ভর্তিকল লিফ্ত সী ব্রিদজ শঙ্গাগনি অমসুং মহাক্না রোদ ব্রিজদগী ত্রেন অমসুং জহাজ অমা লমথাগনি অমসুং থোং অসি মথৌ পাংথোকপা য়েংগনি।

মসিগী মতুংদা নুমিৎ য়ুংবা মতুং পুং ১২.৪৫ রোম তাবদা, মহাক্না রামেস্বরমদা লৈবা রামনাথস্বামী লাইশঙদা দর্শন অমসুং পুজা পাংথোক্কনি। নুংথিল পুং ১.৩০ রোম তাবদা রামেস্বরমদা মহাক্না তামিল নাদুগী লুপা করোর ৮৩০০ হেনবগী রেল অমসুং লম্বীগী প্রোজেক্ত কয়া জাতিদা কত্থোক্কনি অমসুং উরেপ উয়ুং তমগনি। থৌরম অসিদা মহাক্না মীয়ামদা ৱা ঙাংগনি।

প্রধান মন্ত্রীনা ন্যু পম্বন রেল ব্রিজ শঙ্গাগনি অমসুং রামেস্বরম-তাম্বরম (চেন্নাই) অনৌবা ত্রেন সর্ভিস লমথাগনি। থোং অসিনা কলচরগী ওইবা মরুওইবা অমা লৈ। রামায়নগী মতুং ইন্না রাম সেতু অসি ধানুশকোদীদগী রামেস্বরমগী মনাক্তা শাগৎপা হৌখি।

রামেস্বরমবু মেনলেন্দগা শম্নহল্লিবা থোং অসি মালেমগী থাক্তা ভারতকী ইঞ্জিনীয়রিংগী শিংথানিংঙাই ওইবা মাইপাকপা অমনি। মসি লুপা করোর ৭০০ হেন্না চাদিং তৌদুনা শাগৎলি। মসিগী অশাংবা অসি কিলোমীতর ২.০৮নি, স্পেন্স ৯৯ লৈ অমসুং মিতর ৭২.৫গী ভর্তিকেল লিফ্ত স্পেন্স অমা লৈ অমসুং মসি মিতর ১৭ ফাওবা ৱাংই, মসিনা ত্রেনগী ওপরেসন লেপ্পা লৈতনা পাংথোকপগা লোয়ননা জহাজশিং অপনবা লৈতনা চৎথোক-চৎশিন তৌবদা মতেং পাংই। স্তেনলেস স্তীলনা শক্তাকপা, অৱাংবা থাক্কী ঙাক-শেনবা পেইন্ত অমসুং মপুং ফানা ৱেলদেদ তৌরবা জোইন্তশিং শিজিন্নদুনা শাখিবা, থোং অসি শাংদোকপা ঙম্মি অমসুং য়েংশিনবগী মথৌ তাবা হন্থহল্লি। মসি তুংগী তঙাই ফদবশিং ফংনবগীদমক্তা দবল রেলগী ত্রেকশিংগীদমক দিজাইন তৌবনি। অখন্নবা পোলিসিলোক্সন কোতিং অমনা মসিবু কোরোজনদগী ঙাকথোকই, মসিনা খুদোংচাদ্রবা সমুদ্রগী অকোয়রোনদা শাংনা লৈবা ঙমহল্লি।

প্রধান মন্ত্রীনা তামিল নাদুদা লুপা করোর ৮৩০০ হেনবগী রেল অমসুং লম্বীগী প্রোজেক্ত কয়া জাতিদা কত্থোক্কনি অমসুং উরেপ উয়ুংসু তমগনি। প্রোজেক্তশিং অসিগী মনুংদা এনঐচ-৪০গী ৱালাজপেৎ-রানিপেৎ সেক্সনগী কিলোমীতর ২৮ শাংবা লেন মরিগী লম্বীশিং শেমগৎনবা অমসুং এনঐচ-৩৩২গী ভিলুপপুরম-পুদুচেরী সেক্সনগী কিলোমীতর ২৯ শাংবা লেন মরিগী লম্বীশিং শেমগৎনবা শঙ্গারকপা য়াওরি। এনঐচ-৩২গী কিলোমীতর ৫৭ শাংবা পুন্দিয়ানকুপ্পম-সততানাথপুরম সেক্সন অমসুং এনঐচ-৩৬গী কিলোমীতর ৪৮ শাংবা চোলাপুরম-থঞ্জাবুর সেক্সন জাতিদা কত্থোক্কনি। হায়ৱেশিং অসিনা লাই খুরুমফমশিং অমসুং তুরিস্তকী মফম কয়া অমগা শম্নহল্লগনি, সহরশিংগী মরক্তা লৈরিবা অরাপ্পা অদু হন্থহল্লগনি অমসুং মেদিকেল কোলেজ অমসুং হোস্পিতাল, পোর্তশিংদা হেন্না থুনা চৎপা য়াহল্লগনি। মসিদা নত্তনা লোকেল ফার্মরশিংদা লৌউ-শিংউগী পোত্থোকশিং অকোয়বদা লৈবা কৈথেলশিংদা পুথোক-পুশিন তৌনবা শক্তি পীগনি অমসুং লোকেল লেদর অমসুং অপীকপা ইন্দস্ত্রীশিংগী শেন্মিৎলোনগী থবকশিং হেনগৎহল্লগনি।

***