প্রধান মন্ত্রী শ্রী নরেন্দ্র মোদীনা ২০২৫গী ওক্তোবর ১দা অম্বেদকর ইন্তর্নেস্নেল সেন্তর, ন্যু দিল্লীদা অয়ুক্কী পুং ১০.৩০ দা রাস্ত্রিয় স্বয়মসেবক সংঘ (আর.এস.এস.) গী চহি ১০০শুবা পালন থৌরমদা অথোইবা মীথুংলেন ওইনা শরুক য়াগনি। থৌরম অদুদা প্রধান মন্ত্রীনা আর.এস.এস.না লৈবাক অসিদা পীরিবা কন্ত্রিব্যুসনশিংবু ময়েক শেংনা তাক্লিবা অখন্নবা দিজাইন তৌরবা কম্মেমোরেতিব পোস্তেজ স্তাম্প অমসুং কোইন অমা মায়খুম হাংগনি অমসুং মীয়ামদা ৱা ঙাংগনি।

ইং 1925দা মহারাস্ত্রগী নাগপুরদা দা. কেশব বালিরাম হেদজিৱরনা, আর.এস.এস. অসি নাগরিকশিংগী মরক্তা কলচরেল এৱেয়রনেস, দিসিপ্লিন, সর্ভিস অমসুং সোসিএল রেস্পোন্সিবিলিতি ফগৎহন্নবা পান্দমগা লোয়ননা ভোলুন্তিয়রদা য়ুম্ফম ওইবা ওর্গনাইজেসন অমা ওইনা লিংখৎখি।

আর.এস.এস. অসি লৈবাক অসিবু নৌনা শেমগৎ শাগৎপগীদমক্তা মীয়ামনা য়োকখৎপা তোপ তোপ্পা খোঙজং অমনি। মসিগী হৌরকফম অসি চহী চা কয়াগী মপান লৈঙাক্কী পাউখুম অমনি হায়না লৌনরি। মসিগী লেপ্তনা হেনগৎলক্লিবা মশক অসি ধর্মদা য়ুম্ফম ওইবা ভারতকী নেস্নেল গ্লোরিগী মিৎয়েং অদুগী ইথিলনা ওইরি।

সঙ্ঘকী মরুওইবা অসি জাতিবু নুংশিবা অমসুং জাতিগী মশক শেমগৎপদা য়ুম্ফম ওই। মসিনা মমা লৈবাক্কীদমক্তা ইকায় খুম্নবা, দিসিপ্লিন, ইশা-ইরোমদোম চেকশিনবা, অমসুং থৌনা হাপচিনবা পাম্মি। সঙ্ঘকী তশেংবা পান্দমদি ভারতকী সর্বাঙ্গীন উনাতি (মায়কৈ খুদিংদা চাউখৎপা) অসিনি, মসিগীদমক্তা স্বয়মসেবক খুদিংমক্না মশামকপু কত্থোক্লি।

হৌখিবা চহি চা অসিদা, আর.এস.এস.না এজুকেসন, হকশেল, সোসিএল ৱেলফেয়র অমসুং দিজাস্তর রিলিফতা মরু ওইবা থৌদাং লৌখি। আর.এস.এস.গী ভোলুন্তিয়রশিংনা ঈশিং-ঈচাউ, জ্বার হাবা অমসুং সাইক্লোনশিং য়াওনা মহৌশাগী ওইবা খুদোংথীবশিংগী মতমদা তেংবাং পীনবা অমসুং হান্নগী ফিবমদা হঞ্জিনহন্নবা হোৎনবদা থৌনা হাপ্লি। মসিগী মথক্তা, আর.এস.এস.গী তোঙান তোঙানবা মরী লৈনবা ওর্গনাইজেসনশিংনা নহাশিং, নুপীশিং অমসুং লৌমীশিংবু শক্তি লৈহন্নবা, মীয়ামগী শরুক য়াবা হেনগৎহন্নবা অমসুং লোকেল কম্ম্যুনিতীশিংবু মপাঙ্গল কনখৎহন্নবা হোৎনরি।

চহি ১০০ শুরকপগী থৌরমশিং অসিনা আর.এস.এস.কী পুৱারী ওইরবা মাইপাকপশিংবু ইকায় খুম্নবা উৎপতা নত্তনা ভারতকী নাৎকী খোঙচৎতা অমসুং জাতিগী অপুনবগী খোঙচৎতা মসিনা লৌরিবা থৌদাং অসিসু ময়েক শেংনা তাক্লি।

***