প্রধানমন্ত্রীগী লোইশঙ
প্রধান মন্ত্রী নরেন্দ্র মোদীগা বেলজিয়মগী রাজকুমারী অস্ত্রীদগা উন্নখ্রে
পি.এম.না রাজকুমারী অস্ত্রীদনা লুচিংবা দোলিগেত 300 না ভারত্তা পায়খৎল্বি থবক অসিগীদমক্তা থাগরখ্রে
পি.এম. না বেলজিয়মগী নিংথৌকোলগী ইমুংগা ভারতকা পুন্না অফবরোমদা চংশিনমিন্নরকপা অদুবু নিংশিংখি
অমগা অমগগী মরক্তা লল্লোন-ইতিক, ইনভেস্তমেন্ত, তেক্নোলেজী, ইনোভেসন, দিফেন্স, এগ্রীকলচর, লাইফ সাইন্স, স্পেস, স্কীলিং য়াওনা লম কয়াদা বেলজিয়মগা পুন্না খুৎশম্মিন্নদুনা খুদোংচাবা পীনবনবগী লুচিংবা অনিসিগী অমগা-অমগা ৱাশক্নি
प्रविष्टि तिथि:
04 MAR 2025 9:58PM by PIB Imphal
প্রধান মন্ত্রী শ্রী নরেন্দ্র মোদী ঙসি হাই লেভেল বেলজিয়ম ইকোনোমিক মিশন অমা ভারত্তী মার্চ 1-8, 2025 অসিবু লুচিংলিবা হার রোয়েল হাইনেস বেলজিয়মগী রাজকুমারী অস্ত্রীদকা ঙসি উন্নখ্রে। প্রধান মন্ত্রীনা রাজকুমারী অস্ত্রীদপু ভারত্তা তরাম্না ওকখি অমসুং মশক নাইরবা বিজিনেসকী লুচিংবা, সরকারগী ওফিসিএলশিং অমসুং তোঙান-তোঙামবা সেক্তরগী মীহুৎশিং য়াওনা মীওই 300 দগী হেনবা চাওরবা দেলিগেৎনা পায়খৎলিবা থবক অসিগীদমক্তা থাগৎপা ফোংদোকখি।
লৈবাক অনিগী মরক্তা অৱাংবা থাক্তা থবক তৌমিন্ননবা অমদা লৈবাক অনিনা শেন্মীৎলোনগী ওইবা ফীভম অসি কনখৎহনমিন্নদুনা খুদোংচাবা পীনমিন্নবগী ৱাফম অসিবু খংমিন্নবা অসি অনিশুবনি।
পি.এম. অমসুং ঐচ.আর.ঐচ. রাজকুমারী অস্ত্রীদ অনিগী মরক্তা লল্লোন-ইতিক, ইনভেস্তমেন্ত, তেক্নোলেজী, ইনোভেসন, দিফেন্স, এগ্রীকলচর, লাইফ সাইন্স, স্পেস, স্কীলিং, একাদমিক একচেজ্ঞ অমসুং কলচর মী অমগা-অমগা পুনশিনমিন্নবা য়াওনা ৱাফম কয়া খন্নখি।
নাকল অনিগী ওইবা তেংবাংনা শেন্মীৎলোনগী থাক হেনগৎহনগদবা, ইনোবেসন্দগী চাউখৎলক্তুনা অনৌবা লম্বী পুথোরক্নবা অমসুং লৈবাক অনিমক্কী মীশিংদা কান্নবা পীননবা হকচিন্না তেংবাংনদুনা পুন্না থবক তৌমিন্ননবা য়ান্নখি।
***
(रिलीज़ आईडी: 2171189)
आगंतुक पटल : 17
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam