প্রধানমন্ত্রীগী লোইশঙ
প্রধান মন্ত্রীনা কন্নাদাগী কবি অমসুং থিঙ্কর শ্রী এস.এল. ভাইরপ্পানা লৈখিদবদা অৱাবা ফোংদোকখ্রে
Posted On:
24 SEP 2025 3:44PM by PIB Imphal
প্রধান মন্ত্রী শ্রী নরেন্দ্র মোদীনা জাতী অসিগী থম্মোয়নুংবু থুমহনবা ঙম্বা অমসুং ভারতকী থম্মোয়দা লুনা চংখ্রবা অথোইবা মীশক অমনি হায়না শিংথারদুনা ঙসি কন্নাদাগী শক্নাইরবা কবি অমসুং থিঙ্কর শ্রী এস.এল. ভাইরপ্পানানা লৈখিদবদা অৱাবা ফোংদোকখ্রে।
পি.এম. না ফোংদোকখিবদা শ্রী ভাইরপ্পা অসি ভারতকী লিতরেচরদা মরুওইনা কন্নাদাদা চাউরবা থৌদাং লৌরম্বা মীওই অসিনা জাতী অসিদা মুৎনাইদ্রবা ৱাখলগী অমদি নাৎকী ওইবা মফম অমা থম্বিরম্লে হায়খি। পুৱারী, ফিলোজোফী অমসুং মীয়ামগী খুদোংচাদবশিংদা মহাক্কী অকিবা লৈতনা হোৎনরম্বশিংদুনা মীরোল কয়া-কয়াদা অমসুং মালেমগী মফম কয়াদা মহাকপু পাম্নহল্লমখি।
X তা থাগৎলকপা পোস্ত অমদা মহাক্না হায়খি:
“শ্রী এস.এল. ভাইরপ্পানা লৈখিদবা অসিদা ঐখোয়না জাতী অসিগী থম্মোয়নুংবু থুমহনবা ঙম্বা অমসুং ভারতকী থম্মোয়দা লুনা চংখ্রবা অথোইবা মীশক অমা মাংজরবনি। অকিবা য়াওদ্রবা অমসুং মুৎনাইদ্রবা থিঙ্কর অমা ওইবনা মহাক্কী নিংথিজরবা ৱাখল্লোনশিংনা কন্নাদা সাহিত্যদা মনুং হুজ্ঞিন্না ইনাক খুল্লবা শক্তম অমা ওইহল্লম্মী। মহাক্না ইরম্বশিং অদুনা মীরোল কয়াদা মমি তাহন্দুনা ৱাহং হংনবা অমসুং খুন্নাইগা হকচিন্না থবক তৌমিন্নবগী মমি তাহল্লি।
মহাক্কী ঐখোয়গী পুৱারী অমসুং নাৎতা অদুক্কী মতিক য়ৌনা থৱায় লুপচরম্বা অসিনা তুংদা লাক্কদৌরিবা চহীশিংদা মখা তানা পুক্নিং থৌগত্তুনা লৈহৌরগনি। ৱারবা পুংফম অসিদা ঐহাক মখোয়গী ইমুং-মনুংগীদমক্তা লেপচরি। ওম শান্তী।”
***
(Release ID: 2170802)
Visitor Counter : 7