ইয়োর এক্সেলেন্সী, প্রসিদেন্ত মেক্রোন,

মফমসিদা লেংশিনবিরিবা ভারত অমসুং ফ্রাঞ্চকী ইন্দস্ত্রীগী মকোক থোংবশিং

খুরুমজরি বোজ্ঞোর!
কা অসিদা ঐহাক শক্তি লৈবা, লাংতক্নবা অমসুং পাঙ্গল লৈবদৌনা ফাওজৈ।

মসি চুম্নগী ইচম চম্বা বিজিনেসকী থৌরম অমখক নত্তে। মসি ভারত অমসুং ফ্রাঞ্চকী খ্বাইদগী ফবা বিজিনেস মাইন্দশিং পুনবনি। হৌজিক লান্থোকপীখিবা সি.ই.ও. ফোরমগী রিপোর্ত অদুবু তারাম্না ওকচরি। ঐহাক্না খংজৈ মদুদি অদোম খুদিংমক্না ইন্নোভেত, কোলাবোরেত অমসুং ইলিভেৎকী লাইশোন অসিবু শোন্দুনা থবক তৌবিরি, অদোম অসি শুপ্নতগী বোর্দ রুম কনেক্সনশিং খক্তৈ শাবা নত্তে। অদোম খুদিংমক্না ভারত-ফ্রাঞ্চ স্ত্রেতিজিক পার্ত্নরশিপ অসিবুসু হেন্না মপাঙ্গল কনখৎহনবিরি।

মরুপশিং,

 ঐহাক্কী মরুপ রাস্ত্রপতী মেক্রোগা লোয়ন-লোয়ননা ঙসিগী ফোরম অসিগা শম্নজবা অসি ঐহাক য়াম্না নুংঙাইবা ফাওজৈ। হৌখিবা চহী 2 সিদা দা ঐখোয়গী তরুকশুবা ওইনা উন্নখি। হৌখিবা চহীদা রাস্ত্রপতী মেক্রো ঐখোয়গী রিপব্লিক দে নুমীত্তা অথোইবা মীথুংলেন ওইনা শরুক য়াবিখি। ঙসি অয়ুক ঐখোয় পুন্না এ.আই. এক্সন সম্মিত্তা কো-চেয়র তৌমিন্নখি। ঐহাক্না রাস্ত্রপতি মেক্রোবু মসিগী মায় পাক্লবা সম্মিৎ অসিগীদমক্তা থাগৎপা ফোংদোকচরি।

মরুপশিং,

ভারত অমসুং ফ্রাঞ্চ অসি শুপ্নতগী দেমোক্রেতিক ওইবা ভেল্যুশিংদা শম্নবদা নত্তনা ঐখোয়গী য়ুম্ফম অসি হকচিন্না থাজনবা, ইনোবেসন, মীয়ামগী য়াইফনবা তৌবগী ৱাখল্লোনসিংদা ওইরিবনি। ঐখোয়গী ই-পাও ফাওনবা অসিসু লৈবাক অনিসিখক্কীদা নত্তে। ঐখোয়না মালেমগী খুদোংচাদবশিং অমসুং শিংনবশিং অসি লোইশিন্নবা অসি পুন্না তেংবাংনদুনা হোৎনমিন্নরি। ঐহাক্কী হৌখিবা খোংচৎকী মতমদা ঐহাক্না শেয়র তৌননবা হায়দুনা রোদমেপ 2047 শেমখি। মদুদা চৎমিন্নদুনা ঐখোয় চাওনা তেংবাংনদুনা খুমাং চাওশিনমিন্নরি।

মরুপশিং,

অদোম ময়ামগী মরক্তগী অয়াম্বা কম্পনিশিংদি ভারত্তা হান্না লৈরে। এরোস্পেস, হীথাংফমশিং, ইলেক্ত্রোনিক্স, দাইরি, কেমিকেলশিং অমসুং কজ্ঞুমর গুদশিংগুম্বা লমদা অদোম লৈবিরি অদুগা এক্তিবসু য়াম্না ওইবিরি। সি.ই.ও. কয়া অমগা ঐহাক্কা ভারত্তা উন্নজখ্রে। ভারত্তা হৌকিবা চহী তরাসিদা লাক্লিবা অহোংবশিং অসি অদোম্না নিংথিনা খংবিরে। ঐখোয়না স্তেবল ওইবা পোলিতী অমসুং প্রিদিক্তেবল ওইবা পোলিসীশিংনা মসিগী ইকোসিস্তেম অসি শেম্বা ঙম্লিবনি। রিফোর্ম, পর্ফোর্ম, ত্রান্সফোর্মগী লম্বিদা চত্তুনা ঙসি ভারত অসি মালেমগী মঙাশুবা খ্বাইদগী চাওবা ইকোনোমী ওইগদৌরে। মালেমগী খ্বাইদগী য়াংনা চাউখৎপা মেজর ইকোনোমী ওইরে। থুনমক মালেমগী অহুমশুবা ইকোনোমী ওইগদৌরে। ভারতকী হৈথোই শিংথোইরবা নহাশিংগী তেলেন্ত ফেক্তরী অমসুং ইনোবেসন স্পিরিত অসি মালেমগী ফম্বাক্তা মশক খংবা ওইরে। ঙসি ভারত অসি থুনা য়াংনা ময়াম্না পাম্নবা গ্লোবেল ইনভেস্তমেন্ত দেস্তিনেসন ওইগদৌরে। ঐখোয়গী ভারত্তা এ.আই., সেমিকন্দক্তর অমসুং ক্বান্তম মিশন লোঞ্চ তৌখ্রে। দিফেন্সতা ঐখোয় মেক ইন ইন্দিয়া এন্দ মেক ফোর দ ৱর্ল্দবু ফগৎহল্লি। অদোম পুম্নমক মসিগসু মরি লৈনবিরি।

স্পেস তেক্নোলোজীদা ঐখোয় পন্দোন লোম্না পাক্কদৌরে, মসি সেক্তর এফ.দি.আই. গীদমক্তা হাংদোক্লগনি। ঐখোয়না ভারত অসি গ্লেবেল বাইয়োতেক পাৱর হাউস শেম্লি। ইনফ্রাস্ত্রকচর চাউখৎহন্নবা ঐখোয়গী ওইনা খ্বাইদগী মরু ওইরি অমসুং মসিদা ঐখোয় বিলিয়ন দোলর 114 দগী হেন্না মীয়ামদা চাদিং তৌগদৌরি। ঐখোয়না মাসিব স্কেলদা রেলৱে ত্রেক শারে, তেক্নোলোজী শিজিন্নদুনা রেলৱে অসি অনৌবা মওংদা ওন্থোক্লি অমদি অপগ্রেদ তৌরি। গীগাৱাত 2030 দগী 500 ফাওবগী রিন্যুএবল ইনর্জীগী পান্দমদা য়াংনা চংশিল্লি, মসিগীদমক্তা ঐখোয়না সোলর সেল মেনুফেকচরিং অসি চাউখৎহল্লি। ক্রিতিকল মিনরেল মিশনসু হৌখ্রে, ঐখোয়না হায়দ্রোজেন মিশনসু পায়রে, মসিগীদমক্তা ইলেক্ত্রোলাইজর মেনুফেকচরিংসু কনখৎহল্লে। 2047 ফাওবদা ঐখোয়না গীগাৱাত 100 গী ন্যুক্লিয়র পাৱরগী তার্গেত্তা থবক চত্থরি। ঐহাক্না ফোংদোকচবদা হরাওবা ফাওজরি মদুদি মসিগী লমসিদা প্রাইবেৎ সেক্তরগীদমক্তা হাংলগনি। ঐখোয়না SMR অমসুং AMR তেক্নোলোজীদা ফোকস তৌগদৌরি।

মরুপশিং,

ঙসি ভারতকী দাইবর্সিফিকেসন অমসুং দি-রিস্কিংদা খ্বাইদগী চাওবা সেন্তর অমা ওইগদৌরে। নুমীৎ খরনিগী মমাংদা ঐখোয়গী বজেত্তা ন্যু জেনরেসন রিফোর্মগী আউতলাইন তৌখ্রে। ইজ ওফ দুইং বিজিনেসকী ওইনা অনৌবা খোংথাং লৌখৎলে। হৌখিবা চহী খরসিদা ঐখোয়না 40,000 দগী হেনবা কম্প্লায়েন্স অসি রেস্নেলাইজ তৌরে। ত্রস্ত বেজ ইকোনোমিক গবর্নেন্স অসি খুমাং চাউশিলহন্নবগীদমক্তা রিগুলরেতরী রিফোর্মগী ওইনা হাই লেভেল কম্মিতী শেম্লে। কস্তম রেত স্ত্রকচর অসি রেস্নেলাইজ তৌরে। ইন্তর্নেস্নেল ত্রেদ অসি লায়থোকহন্নবগীদমক্তা দিজিতেল পব্লিক ইনফ্রাস্ত্রকচরগী মতেংনা ভারত ত্রেদ নেৎ হৌদোক্কদৌরে। ইজ ওফ লিভিংগী মায়কৈরোমদা সিম্প্লিফাইদ ইনকম তেক্স কোদ ঐখোয় ঐখোয়না পুরক্কদৌরে। নেশ্নেল মেনুফেকচরিং মিশন লাওথোকখ্রে অমসুং অনৌবা সেক্তর হায়বদি ইন্সুরেন্স সেক্তর অসি চাদা চাম্মাগী এফ.দি.আই.গী ওইনা হাংদোকখ্রে। হায়রিবা ইনিসিএতিবশিং অসি অদোম্না শোয়দনা স্তদী তৌবিয়ু। ঐহাক্না অদোম খুদিংমক্তা ভারত্তা লাক্নবা মতম অসি ‘মতম অসিনি, অচুম্বা মতম্নি’ হায়না হায়জরি। ভারত অসি চাউখৎনবদা অতৈ চাউখৎপা খুদিংমক্তা শম্নরি, মসিগী খুদমদি এভিএসনগী লমদা য়েংবা য়াই, মসিদা ভারতকী এরোপ্লেনগী চাওর-চাওরবা ওর্দরশিং তৌখ্রে অদুগা হৌজিক ঐখোয়না অনৌবা এয়রপোর্ত 120 হাংদোক্কদৌরিবা অসিদা তুংদা করি ওইরক্কদগে হায়বসি অদোম খুদিংমক্না ৱাখলনা শাগত্তুনা য়েংবিয়ু।

ভারত্তা 2047 ফাওবদা মীওই বিলিয়ন 1.4 না ভারত অসি চাউখৎহন্নবা ৱাশক্লে। দিফেন্স ওইগেরা নত্রগা এদভান্স তেক্নোলোজী ওইরো, ফিন্তেক ওইরো নত্রগা ফার্মা, তেক ওইরো নত্রগা তেক্সতাইল, এগ্রীকলচর ওইরো নত্রগা এভিয়েসন, হেল্থ কেয়র ওইরো নত্রগা হাইৱেশিং, স্পেস ওইরো নত্রগা সস্তেনেবল দিভেলপমেন্ত অদোম খুদিংমক্কীদমক্তা হীরম খুদিংমকসিদা ইনভেস্তমেন্ত অমসুং কোলাবোরেসনগী ওইথোকপা য়াবা য়াম্না লৈ। ঐহাক্না অদোম পুম্নমকপু ভারতকী চাউখৎপগী খোংচৎ অসিগা শম্ননবা পাওকৎচরি। ফ্রাঞ্চকী ফীতনেস অমসুং ভারতকীনা স্কেল অসি ফংবা তারবা, ভারতকীনা স্পেস অমসুং ফ্রাঞ্চকীনা প্রেসিজন অসি ফংবা তারবদি, ফ্রাঞ্চকীনা তেক্নোলোজী অমসুং ভারতকীনা তেলেন্ত ফংবা তারবদি বিজিনেস লেন্দস্কেপ্তদা নত্তনা গ্লোবেল ত্রান্সফোর্মেসন তৌগনি। অমুক্কা হন্না অদোম পুম্নমক্কী তাংলবা মতম অদু কায়থোক্তুনা মফম অসিদা লাকপিবগীদমক্তা হন্না-হন্না থাগৎচরি।

***