প্রধানমন্ত্রীগী লোইশঙ
প্রধান মন্ত্রী সেপ্তেম্বর ১২ দা ন্যু দিল্লিদা জ্ঞান ভারতমগী ইন্তরনেসনেল কনফরেন্স শরুক য়াগনি
প্রধান মন্ত্রীনা অরিবা খুৎই লাইরিকশিং দিজিতেল ওন্থোকপা, ঙাক-শেনবা অমসুং মীয়ামদা ফংহনবগী থবক য়াংশিন্নবা দিজিতেল প্লেতফোর্ম জ্ঞান ভারতম পোর্তেল হাংদোক্কনি
কনফরেন্সকী থিম: মেনুস্ক্রিপ হেরিতেচগী খুৎথাংদা ভারতকী লৌশিংগী পুক্কৈ অমুক ফংনবা হোৎনবা
লাম্বা লৈত্রবা ভারতকী অরিবা খুৎই লাইরিক্কী লন অমুক হিঙ্গৎহন্নবা কনফরেন্স অসিনা পান্দম থম্লি
Posted On:
11 SEP 2025 4:57PM by PIB Imphal
প্রধান মন্ত্রী শ্রী নরেন্দ্র মোদীনা সেপ্তেম্বর ১২ গী নুংথিল পুং ৪:৩০ রোম তাবদা ন্যু দিল্লিগী বিজ্ঞান ভবন্দা জ্ঞান ভারতমগী ইন্তরনেসনেল কনফরেন্স শরুক য়াগনি। মহাক্না থৌরম অদুদা অরিবা খুৎই লাইরিকশিং দিজিতেল ওন্থোকপা, ঙাক-শেনবা অমসুং মীয়ামদা ফংহনবগী থবক য়াংশিন্নবা দিজিতেল প্লেতফোর্ম জ্ঞান ভারতম পোর্তেল হাংদোক্কনি অমসুং মীয়ামদা ৱা ঙাংগনি।
“মেনুস্ক্রিপ হেরিতেচগী খুৎথাংদা ভারতকী লৌশিংগী পুক্কৈ অমুক ফংনবা হোৎনবা” হায়বা থিম অসিগী মখাদা কনফরেন্স অসি সেপ্তেম্বর ১১ দগী সেপ্তেম্বর ১৩ ফাওবা পাংথোক্কনি। লাম্বা লৈত্রবা ভারতকী অরিবা খুৎই লাইরিক্কী লন অমুক হিঙ্গৎহন্নবা লম্বীশিং শেম্নবা অমসুং মসি মালেমগী লৌশিংগী ৱারি শানবগী ময়োন্দা থম্নবা কনফরেন্স অসিদা শক্নাইরবা পন্দিৎশিং, ঙাক-শেনবগী থবক তৌরিবা মীওইশিং, তেক্নোলোজিগী মীওইশিং অমসুং থৌশিলগী অখঙ-অহৈশিং শরুক য়াগনি। থৌরম অসিদা অতাংবা খুৎই লাইরিকশিংগী একজিবিসন অমা পাংথোক্কনি অমসুং অরিবা খুৎই লাইরিক ঙাক-শেনবা, দিজিতেলদা ওন্থোকপা, তেক্নোলোজিশিং, মেতাদাতা ষ্টেন্দার্দশিং, আইনগী ঙাক্লৌশিং, নাৎকী কুতনিতি অমসুং অরিবা ময়েকশিং পানবা হোৎনবগী মতাংদা পন্দিৎশিংনা ৱা ঙাংগনি।
***
(Release ID: 2165760)
Visitor Counter : 2
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Tamil
,
Kannada
,
Malayalam