প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা শেন্মিৎলোনগী মন্ত্রী মন্দলগী মীফম্না ঙসি বিহার, ঝারখন্দ অমসুং ৱেস্ত বেঙ্গলদা শরগলপুর-দুমকা-রামপুরহাৎ সিঙ্গল রেলৱে লাইন সেক্সন (কি.মি. ১৭৭) অপুনবা শেনফম লুপা করোর ৩,১৬৯ ( চাউরাক্না লুপা করোর ৩,১৬৯) গা লোইননা দবল ওনবদা অয়াবা পীখ্রে।

লাইন কেপাসিতী হাপকৎপা অসিনা পোৎচৈ পুথোক পুশিন নুংঙাইহল্লগনি, ইন্দিয়ন রেলৱেজদা থবক হেন্না নুংঙাইনা তৌবা অমসুং সর্বিস রিলাইএবিলিতী হেনগৎহল্লগনি। মল্তি-ত্রেকিংগী ৱাফম অসিনা ওপরেসনশিং লাইথোকহল্লগনি অমসুং চিনবগী চাং হন্থহল্লগনি। মসিনা ইন্দিয়ন রেলৱেজগী খ্বাইদগী চিনবা সেক্সনশিংদা য়াম্না মথৌ তারিবা ইনফ্রাস্ত্রকচর দিবেলপমেন্ত ফংহল্লগনি। প্রোজেক্তশিং অসি প্রধান মন্ত্রী শ্রী নরেন্দ্র মোদীজীগী অনৌবা ভারতকী মঙলানগী মতুং ইন্না পায়খৎপনি। মসিনা লমদম অসিগী মীয়াম্বু "আত্মানির্ভর" ফংহল্লগনি।  মসিনা মখোয়গী থবক ফংবগী/ মশাগী থবক ফংবগী খুদোংচাবশিং হেনগৎহল্লগনি।

প্রোজেক্তশিং অসি ইন্তিগ্রেতেদ প্লান্নিং অমসুং স্তেকহোল্দরশিং তান্নদুনা মল্তি-মোদেল কনেক্তিবিতী অমসুং লোজিতিক ইফিসিএন্সী হেনগৎহনবদা মীৎয়েং থমদুনা পি.এম.-গতি শক্তি নেস্নেল মাস্তর প্লানগী মখাদা থৌরাং তৌরি। প্রোজেক্তশিং অসিনা মীওইশিং, পোৎলমশিং অমসুং সর্বিসশিং চত্থোক-চৎশিন পুথোক-পুশিন তৌবদা নুনঙাইহল্লগনি।

রাজ্য অহুমগী দিস্ত্রিক্ত মঙা, হায়বদি, বিহার, ঝারখন্দ অমসুং ৱেস্ত বেঙ্গলনা হৌজিক লৈরিবা ইন্দিয়ন রেলৱেজগী নেৎৱর্ক অসি কিলোমিতর ১৭৭ হেনগৎহনগনি।

প্রোজেক্ত সেক্সন অসিনা দেওঘর (বাবা বাইদ্যনাথ ধাম), তারাপিথ (শক্তি পীথ) অসিনচিংবা মরুওইবা দিস্তিনেসনশিংদা রেলগী কনেক্তিবিতীসু ফংহল্লি। মসিনা লৈবাক শিনবা থুংবদগী লাই খুরম্বা লাকপা  অমসুং তুরিস্তশিংসু পুক্নিং চিংশিল্লি।

মল্তি-ত্রেকিং প্রোজেক্তশিংনা চাউরাক্না খুঙ্গং ৪৪১ অমসুং চাউরাক্না মীশিং লাখ ২৮.৭২ অমসুং এস্পিরেস্নেল দিস্ত্রিক্ত অহুম (বঙ্কা, গোদ্দা অমসুং দুমকা) শম্নহনগনি।

মসিনা কোইলা, সিমেন্ত, ফর্তিলাইজর, ব্রিক অমসুং নুংশিৎ অসিনচিংবা পোৎলমশিং পুথোক পুশিন তৌনবগী মরুওইবা লম্বী অমনি। কেপাসিতী হেনগৎহনবগী থবকশিং অসিনা এম.তি.পি.এ. (মিল্লিয়ন তন পর এন্নুম) ১৫গী অহেনবা ফ্রেৎ ত্রাফিক পুরক্লগনি। রেলৱেজ অসি অকোইবগী ফ্রেন্দলী অমসুং ইনর্জী ইফিসিএন্ত ওইবা ত্রান্সপোর্তেসনগী মোদ ওইবনা ক্লাইমেৎকী পান্দমশিং ফংবদা অমসুং লৈবাক অসিগী লোজিস্তিক্সকী শেনফম হন্থহনবদা মতেং পাংগনি। মসিনা ওইল ইম্পোর্ত (কোরোর লিতর ৫) হন্থহল্লগনি অমসুং CO2 থাদোকপা (কোর কেজি ২৪) হন্থহল্লগনি। মসিনা ক্রোর ১গী পাম্বী থাবগা মান্নৈ।

***