কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
কেন্দ্রগী ফুদ অমসুং কঞ্জ্যুমর এফিয়র্স মন্ত্রীনা সেপ্তেম্বর ১০দা অনৌবা মখলগী ইলেক্ত্রিক ভেহিকল (ই.ভি.) তেস্তিং ফেসিলিতী শঙ্গাগনি
দোমেস্তিক মেন্যুফেকচরিংবু শৌগৎলিবা মপাঙ্গল লৈরবা ই.ভি. তেস্তিং ইনফ্রাস্ত্রকচর
মালেমগী থাক্তা লৈবা তেস্তিং অমসুং সর্টিফিকেসনগী খুত্থাংদা ই.ভি.গী থাজবা হেনগৎহনবা
Posted On:
09 SEP 2025 12:31PM by PIB Imphal
তুংকোইনা চৎথোক-চৎশিন তৌবা ঙম্বা অমসুং কার্বন থাদোকপা হন্থহন্নবা ভারতকী মিসনগী মতুং ইন্না, কেন্দ্রগী কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ন্যু এন্দ রিন্যুএবল ইনর্জী মন্ত্রী, শ্রী প্রলহাদ জোশীনা সেপ্তেম্বর ১০, ২০২৫দা ন্যু দিল্লীদা পাংথোকপা থৌরম অমদা কলকাতাগী অলিপুর রিজনেল লেবোরেতরীদা অনৌবা ইলেক্ত্রিক ভেহিকল (ই.ভি.) তেস্তিং ফেসিলিতী অমা শঙ্গাগনি।
অৱাংবা থাক্কী ইনফ্রাস্ত্রকচরগা লোয়ননা লেবোরেতরী অসিনা ইলেক্ত্রিক সেফতী, এফ.সি.সি./আই.এস.ই.দি.গী কমপ্লাইএন্স, ফঙ্কস্নেল সেফতী, দ্যুরেবিলিতী, ক্লাইমেৎ তেস্ত (আই.পি., য়ু.ভি., কেরোজিয়ন), অমসুং মেকানিকেল অমসুং মেতরিএল সেফতী (ফ্লেমমেবিলিতী, গ্লো ৱায়র, অসিনচিংবা) য়াওনা ই.ভি. বেতরী অমসুং কম্পোনেন্তশিংদা ক্রিতিকেল তেস্তশিং পাংথোক্কনি। ফেসিলিতী অসিনা ই.ভি. বেতরী মেনুফেকচররশিংদা, মরু ওইনা নোংপোক থংবা ভারতকী মফমশিংদা, থাজবা য়াবা, ইন্তর্নেস্নেল ওইনা শকখঙনরবা তেস্তিং অমসুং সর্টিফিকেসন, প্রদক্ত সেফতী, পর্ফোমেন্স অমসুং রেগুলেতরী কমপ্লাইএন্স ফংহল্লগনি।
মসিগী ফেসিলিতী অসিনা ই.ভি.গী ক্বালিতী এশুরেন্সকী নেস্নেল বেঞ্চমার্ক অমা ওইনা মথৌ তৌগনি। মসিনা মেনুফেকচররশিংদা অঙনবা মতমদা অশোয়বা থিদোকপা, পোৎথোক্কী থাজবা হেনগৎহনবা অমসুং অকনবা সেফতী অমসুং পর্ফোমেন্স রেগুলেসনশিং ঙাক্না চৎপা ঙমহনগনি। মসিনা ই.ভি. শিজিন্নরিবশিংগী মরক্তা থাজবা হেনগৎহনগনি অমসুং ভারতকী গ্রীন মোবিলিতীগী মায়কৈদা চংশিল্লিবা খোঙথাং অসি য়াঙখৎহনগনি।
মসিগী ফেসিলিতী অসি লিংখৎপা অসিনা ভারত সরকারনা মপাঙ্গল কনবা ইভি ইকোসিস্তেম অমা শেমগৎনবা, ইম্পোর্তকী মখা পোনবা হন্থহন্নবা অমসুং দোমেস্তিক মেনুফেকচররশিংবু মমল হোংবা তেস্তিং সর্বিসশিংগা লোয়ননা শক্তি লৈহন্নবা হোৎনরি। মসিগী চাউখৎ-থৌরাং অসিগা লোইননা, এন.তি.ঐচ.না ভারতকী সস্তেনেবল ত্রান্সপোর্তেসনগী মাইকৈদা অহোংবা পুরকপদা মরুওইবা থৌদাং অমা লৌদুনা অমসুং ক্বালিতী ইন্সুরেন্স ইনফ্রাস্ত্রকচরদা মালেমগী লুচিংবা অমা ওইনা মসিগী থৌদাং অসি মপাঙ্গল কনখৎহল্লি।
ইলেক্ত্রিক ভেহিকলশিং অসি মালেমগী ওইনা ইকো-ফ্রেন্দলি মোবিলিতী সোলুসনশিংদা ওন্থোকপগী খোংজেলদা মাংজিল থানা চংশিল্লি, মসিনা ফোসিল ফ্যুলশিংদা মখা পোনবা হন্থহনবদা অমসুং ইমিসন হন্থহনবদা মরু ওইবা থৌদাং অমা লৌরি। ভারতনা ২০৩০ (৩০@৩০) ফাওবদা ই.ভি. পান্দম অসি ঙাক-শেনবগীদমক্তা, ই.ভি.শিং অমসুং মখোয়গী কম্পোনেন্তশিং অসি নেস্নেল অমসুং ইন্তর্নেস্নেল স্তেন্দর্দশিং ফংনবগীদমক্তা অচেৎপা চাংয়েং, ভেলিদেসন অমসুং সর্তিফিকেসন তৌবগীদমক থাজবা পীবা তঙাই ফদে।
***
(Release ID: 2164921)
Visitor Counter : 2