ಸಹಕಾರಿ ಸಂಸ್ಥೆಗಳು, ರೈತರು, ಗ್ರಾಮೀಣ ಉದ್ಯಮಗಳ ಮೇಲೆ ನೇರವಾಗಿ ಪರಿಣಾಮ ಬೀರುವ ಮತ್ತು ದೇಶದ 10 ಕೋಟಿಗೂ ಹೆಚ್ಚು ಹೈನುಗಾರರಿಗೆ ಪ್ರಯೋಜನವಾಗುವ ಪ್ರಮುಖ ಕ್ಷೇತ್ರಗಳಲ್ಲಿ ಸರಕು ಮತ್ತು ಸೇವಾ ತೆರಿಗೆಯಲ್ಲಿ ಜಿ ಎಸ್ ಟಿ) ವ್ಯಾಪಕ ಕಡಿತವನ್ನು ಕೇಂದ್ರ ಸರ್ಕಾರ ಘೋಷಿಸಿದೆ. ಈ ಸುಧಾರಣೆಗಳು ಸಹಕಾರಿ ಕ್ಷೇತ್ರವನ್ನು ಬಲಪಡಿಸುತ್ತವೆ, ಅವರ ಉತ್ಪನ್ನಗಳನ್ನು ಸ್ಪರ್ಧಾತ್ಮಕವಾಗಿಸುತ್ತವೆ, ಬೇಡಿಕೆ ಅಥವಾ ಅವರ ಉತ್ಪನ್ನಗಳನ್ನು ಹೆಚ್ಚಿಸುತ್ತದೆ ಮತ್ತು ಸಹಕಾರಿ ಸಂಸ್ಥೆಗಳ ಆದಾಯವನ್ನು ಹೆಚ್ಚಿಸುತ್ತದೆ. ಇದು ಗ್ರಾಮೀಣ ಉದ್ಯಮಶೀಲತೆಯನ್ನು ಉತ್ತೇಜಿಸುತ್ತದೆ, ಆಹಾರ ಸಂಸ್ಕರಣಾ ಕ್ಷೇತ್ರದಲ್ಲಿ ಸಹಕಾರಿ ಸಂಸ್ಥೆಗಳನ್ನು ಉತ್ತೇಜಿಸುತ್ತದೆ ಮತ್ತು ಲಕ್ಷಾಂತರ ಕುಟುಂಬಗಳಿಗೆ ಅಗತ್ಯ ವಸ್ತುಗಳು ಕೈಗೆಟುಕುವ ದರದಲ್ಲಿ ಲಭ್ಯವಾಗುವಂತೆ ಖಚಿತಪಡಿಸುತ್ತದೆ. ಜಿ ಎಸ್ ಟಿ ದರ ಕಡಿತವು ಕೃಷಿ ಮತ್ತು ಪಶುಸಂಗೋಪನೆಯಲ್ಲಿನ ಸಹಕಾರಿ ಸಂಸ್ಥೆಗಳಿಗೆ ಪ್ರಯೋಜನವನ್ನು ನೀಡುತ್ತದೆ, ಸುಸ್ಥಿರ ಕೃಷಿ ಪದ್ಧತಿಗಳನ್ನು ಉತ್ತೇಜಿಸುತ್ತದೆ ಮತ್ತು ಸಣ್ಣ ರೈತರು ಹಾಗು  ಎಫ್ಪಿಒಗಳಿಗೆ ಪ್ರಯೋಜನವನ್ನು ನೀಡುತ್ತದೆ. ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಜೀ ಅವರ ನಾಯಕತ್ವದಲ್ಲಿ ತರಲಾದ ಮುಂದಿನ ತಲೆಮಾರಿನ ಜಿ.ಎಸ್.ಟಿ. (#NextGenGST) ಸುಧಾರಣೆಗಳನ್ನು ಅಮುಲ್ ನಂತಹ ದೊಡ್ಡ ಸಹಕಾರಿ ಬ್ರಾಂಡ್ ಗಳು ಸೇರಿದಂತೆ ಇಡೀ ಡೈರಿ ಸಹಕಾರಿ ವಲಯವು ಶ್ಲಾಘಿಸಿದೆ.

ಹೈನುಗಾರಿಕೆ ಕ್ಷೇತ್ರದಲ್ಲಿ, ಹಾಲು ಮತ್ತು ಪನೀರ್ ಬ್ರಾಂಡೆಡ್ ಅಥವಾ ಬ್ರಾಂಡ್ ರಹಿತವಾಗಿರಲಿ, ಜಿ ಎಸ್ ಟಿಯಿಂದ ವಿನಾಯಿತಿ ನೀಡಲಾಗಿದ್ದು, ಬೆಣ್ಣೆ, ತುಪ್ಪ ಮತ್ತು ಅಂತಹುದೇ ಉತ್ಪನ್ನಗಳ ಮೇಲಿನ ತೆರಿಗೆಯನ್ನು 12% ರಿಂದ 5% ಕ್ಕೆ ಇಳಿಸಲಾಗಿದೆ ಮತ್ತು ಕಬ್ಬಿಣ, ಉಕ್ಕು ಅಥವಾ ಅಲ್ಯೂಮಿನಿಯಂನಿಂದ ಮಾಡಿದ ಹಾಲಿನ ಕ್ಯಾನ್ ಗಳ ಮೇಲಿನ ಜಿಎಸ್ಟಿಯನ್ನು 12% ರಿಂದ 5% ಕ್ಕೆ ಇಳಿಸಲಾಗಿದೆ.

ಈ ಕ್ರಮಗಳು ಡೈರಿ ಉತ್ಪನ್ನಗಳನ್ನು ಹೆಚ್ಚು ಸ್ಪರ್ಧಾತ್ಮಕವಾಗಿಸುತ್ತವೆ, ಹೈನುಗಾರರಿಗೆ ನೇರ ಪರಿಹಾರವನ್ನು ನೀಡುತ್ತವೆ ಮತ್ತು ಮಹಿಳಾ ನೇತೃತ್ವದ ಗ್ರಾಮೀಣ ಉದ್ಯಮಗಳನ್ನು, ವಿಶೇಷವಾಗಿ ಹಾಲು ಸಂಸ್ಕರಣೆಯಲ್ಲಿ ತೊಡಗಿರುವ ಸ್ವಸಹಾಯ ಗುಂಪುಗಳನ್ನು ಬಲಪಡಿಸುತ್ತದೆ. ಕೈಗೆಟುಕುವ ಡೈರಿ ಉತ್ಪನ್ನಗಳು ಅಗತ್ಯ ಪ್ರೋಟೀನ್ ಮತ್ತು ಕೊಬ್ಬಿನ ಮೂಲಗಳನ್ನು ಕುಟುಂಬಗಳಿಗೆ ಹೆಚ್ಚು ಕೈಗೆಟುಕುವಂತೆ ಮಾಡುವ ಮೂಲಕ ಪೌಷ್ಠಿಕಾಂಶದ ಭದ್ರತೆಯನ್ನು ಹೆಚ್ಚಿಸುತ್ತವೆ ಮತ್ತು ಹೈನುಗಾರಿಕೆ ಕ್ಷೇತ್ರದ ಸಹಕಾರಿ ಸಂಸ್ಥೆಗಳಿಗೆ ಆದಾಯವನ್ನು ಹೆಚ್ಚಿಸುತ್ತವೆ.

ಜೊತೆಗೆ ಪ್ಯಾಕಿಂಗ್ ಪೇಪರ್, ಕೇಸ್ ಗಳು ಮತ್ತು ಕ್ರೇಟ್ ಗಳ  ಮೇಲಿನ ಜಿ ಎಸ್ ಟಿಯನ್ನು 5% ಕ್ಕೆ ಇಳಿಸಲಾಗಿದೆ, ಇದು ಸಹಕಾರಿಗಳು ಮತ್ತು ಆಹಾರ ಉತ್ಪಾದಕರಿಗೆ ಲಾಜಿಸ್ಟಿಕ್ಸ್ ಮತ್ತು ಪ್ಯಾಕೇಜಿಂಗ್ ವೆಚ್ಚವನ್ನು ಕಡಿತಗೊಳಿಸುತ್ತದೆ.

1800 ಸಿಸಿಗಿಂತ ಕಡಿಮೆ ಸಾಮರ್ಥ್ಯದ ಟ್ರ್ಯಾಕ್ಟರುಗಳ ಮೇಲಿನ ಜಿಎಸ್ಟಿಯನ್ನು 5%ಕ್ಕೆ ಇಳಿಸಲಾಗಿದೆ, ಇದು ಟ್ರಾಕ್ಟರುಗಳನ್ನು ಹೆಚ್ಚು ಕೈಗೆಟುಕುವಂತೆ ಮಾಡುತ್ತದೆ ಮತ್ತು ಬೆಳೆ ಬೆಳೆಯುವ ರೈತರಿಗೆ ಮಾತ್ರವಲ್ಲದೆ ಪಶುಸಂಗೋಪನೆ ಮತ್ತು ಮಿಶ್ರ ಕೃಷಿಯಲ್ಲಿ ತೊಡಗಿರುವವರಿಗೂ ಪ್ರಯೋಜನವನ್ನು ನೀಡುತ್ತದೆ, ಏಕೆಂದರೆ ಈ ಟ್ರಾಕ್ಟರುಗಳನ್ನು ಮೇವು ಕೃಷಿ, ಮೇವು ಸಾಗಣೆ ಮತ್ತು ಕೃಷಿ ಉತ್ಪನ್ನಗಳನ್ನು ಹೆಚ್ಚು ಪರಿಣಾಮಕಾರಿಯಾಗಿ ನಿರ್ವಹಿಸಲು ಬಳಸಬಹುದು.  ಹೈಡ್ರಾಲಿಕ್ ಪಂಪ್ ಗಳು ಮತ್ತು ಇತರ ಹಲವಾರು ಭಾಗಗಳು ಸಹ 18% ರಿಂದ 5% ಕ್ಕೆ ಇಳಿಕೆಯನ್ನು ಕಂಡಿವೆ, ವೆಚ್ಚವನ್ನು ಮತ್ತಷ್ಟು ಕಡಿಮೆ ಮಾಡಿವೆ  ಮತ್ತು ಕೃಷಿ ಕ್ಷೇತ್ರದ ಅನೇಕ ಸಹಕಾರಿ ಸಂಸ್ಥೆಗಳಿಗೆ ನೇರವಾಗಿ ಪ್ರಯೋಜನವನ್ನು ನೀಡಿವೆ.

ಪ್ರಮುಖ ರಸಗೊಬ್ಬರ ಒಳಹರಿವುಗಳಾದ ಅಮೋನಿಯಾ, ಸಲ್ಫ್ಯೂರಿಕ್ ಆಮ್ಲ ಮತ್ತು ನೈಟ್ರಿಕ್ ಆಮ್ಲದ ಮೇಲಿನ ಜಿಎಸ್ಟಿಯನ್ನು 18% ರಿಂದ 5%ಕ್ಕೆ ಇಳಿಸಲಾಗಿದೆ, ಇದು ವಿಲೋಮ (ತಲೆಕೆಳಗಾದ)  ಸುಂಕ ರಚನೆಯನ್ನು ಸರಿಪಡಿಸುತ್ತದೆ, ರಸಗೊಬ್ಬರ ಕಂಪನಿಗಳಿಗೆ ಇನ್ಪುಟ್ ವೆಚ್ಚವನ್ನು ಕಡಿಮೆ ಮಾಡುತ್ತದೆ, ರೈತರಿಗೆ ಬೆಲೆ ಏರಿಕೆಯನ್ನು ತಡೆಯುತ್ತದೆ ಮತ್ತು ಬಿತ್ತನೆ ಋತುಗಳಲ್ಲಿ ಕೈಗೆಟುಕುವ ರಸಗೊಬ್ಬರಗಳ ಸಕಾಲಿಕ ಲಭ್ಯತೆಯನ್ನು ಖಚಿತಪಡಿಸುತ್ತದೆ, ಇದು ಕೃಷಿ ಕ್ಷೇತ್ರದ ಅನೇಕ ಸಹಕಾರಿ ಸಂಸ್ಥೆಗಳಿಗೆ ನೇರವಾಗಿ ಪ್ರಯೋಜನವನ್ನು ನೀಡುತ್ತದೆ.

ಅಂತೆಯೇ, ಹನ್ನೆರಡು ಜೈವಿಕ ಕೀಟನಾಶಕಗಳು ಮತ್ತು ಹಲವಾರು ಸೂಕ್ಷ್ಮ ಪೋಷಕಾಂಶಗಳ ಮೇಲಿನ ಜಿಎಸ್ಟಿಯನ್ನು 12% ರಿಂದ 5% ಕ್ಕೆ ಇಳಿಸಲಾಗಿದೆ, ಜೈವಿಕ ಆಧಾರಿತ ಒಳಹರಿವುಗಳನ್ನು ಹೆಚ್ಚು ಕೈಗೆಟುಕುವಂತೆ ಮಾಡುವ ಮೂಲಕ ಪರಿಸರ ಸ್ನೇಹಿ ಮತ್ತು ಸುಸ್ಥಿರ ಕೃಷಿ ಪದ್ಧತಿಗಳನ್ನು ಉತ್ತೇಜಿಸುತ್ತದೆ, ಉತ್ತಮ ಮಣ್ಣಿನ ಆರೋಗ್ಯ ಮತ್ತು ಬೆಳೆ ಗುಣಮಟ್ಟಕ್ಕಾಗಿ ರಾಸಾಯನಿಕದಿಂದ ಜೈವಿಕ ಕೀಟನಾಶಕಗಳಿಗೆ ಬದಲಾಗಲು ರೈತರನ್ನು ಪ್ರೋತ್ಸಾಹಿಸುತ್ತದೆ, ಸರ್ಕಾರದ ನೈಸರ್ಗಿಕ ಕೃಷಿ ಮಿಷನ್ ಗೆ ಅನುಗುಣವಾಗಿ ಸಣ್ಣ ಸಾವಯವ ರೈತರು ಮತ್ತು ಎಫ್ಪಿಒಗಳಿಗೆ ನೇರ ಪ್ರಯೋಜನಗಳನ್ನು ನೀಡುತ್ತದೆ. ಈ ಬದಲಾವಣೆಯು ಕೃಷಿ ಕ್ಷೇತ್ರದ ಅನೇಕ ಸಹಕಾರಿ ಸಂಸ್ಥೆಗಳಿಗೆ ಮತ್ತಷ್ಟು  ಪ್ರಯೋಜನವನ್ನು ನೀಡುತ್ತದೆ.

ಟ್ರಕ್ ಗಳು ಮತ್ತು ವಿತರಣಾ ವ್ಯಾನ್ ಗಳಂತಹ ವಾಣಿಜ್ಯ ಸರಕು ವಾಹನಗಳ ಮೇಲಿನ ಜಿಎಸ್ಟಿಯನ್ನು 28% ರಿಂದ 18% ಕ್ಕೆ ಇಳಿಸಲಾಗಿದೆ, ಇದು ಸುಮಾರು 65-70% ಸರಕು ಸಾಗಣೆಯನ್ನು ಸಾಗಿಸುವ ಮೂಲಕ ಭಾರತದ ಪೂರೈಕೆ ಸರಪಳಿಯ ಬೆನ್ನೆಲುಬಾಗಿರುವ ಟ್ರಕ್ ಗಳ ಬಂಡವಾಳ ವೆಚ್ಚವನ್ನು ಕಡಿಮೆ ಮಾಡುತ್ತದೆ, ಆ ಮೂಲಕ ಪ್ರತಿ ಟನ್-ಕಿ.ಮೀ.ಗೆ ಸರಕು ದರವನ್ನು ಕಡಿಮೆ ಮಾಡುತ್ತದೆ ಮತ್ತು ಕೃಷಿ ಸರಕುಗಳ ಚಲನೆಯನ್ನು ಅಗ್ಗವಾಗಿಸುತ್ತದೆ. ಲಾಜಿಸ್ಟಿಕ್ಸ್ ವೆಚ್ಚಗಳನ್ನು ಕಡಿತಗೊಳಿಸುತ್ತದೆ, ಮತ್ತು ರಫ್ತು ಸ್ಪರ್ಧಾತ್ಮಕತೆಯನ್ನು ಸುಧಾರಿಸುತ್ತದೆ. ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ (ಐಟಿಸಿ) ಯೊಂದಿಗೆ ಸರಕು ಸಾಗಣೆಯ ಥರ್ಡ್ ಪಾರ್ಟಿ ವಿಮೆಯ ಮೇಲಿನ ಜಿಎಸ್ಟಿಯನ್ನು 12% ರಿಂದ 5% ಕ್ಕೆ ಇಳಿಸಿರುವುದು ಈ ಪ್ರಯತ್ನಗಳಿಗೆ ಮತ್ತಷ್ಟು ಪೂರಕವಾಗಿದೆ.

*****