প্রধানমন্ত্রীগী লোইশঙ
প্রধান মন্ত্রী মোদীনা রাষ্ট্রপতি মেক্রোনগা তেলিফোন্দা ৱারি শানখ্রে
য়ুক্রেন্দা মুক্নরিবা অসি শান্তি ওইনা ৱারোইশিন পুরক্নবা হন্দক ওইরক্লিবা ফিবমশিং লুচিংবশিংনা খন্নখ্রে
তোঙান তোঙানবা হিরমশিংদা লৈবাক অনি মতেং পাংনবা হেনগৎলকপদা লুচিংবশিংনা তরাম্না ওকখ্রে
এ.আই ইম্পেক্ত সম্মিৎ শরুক য়ানবগীদমক রাষ্ট্রপতি মেক্রোন ভারত্ত তরাম্না ওক্নবা প্রধান মন্ত্রীনা থাজবা ফোঙদোকখ্রে
Posted On:
06 SEP 2025 6:22PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ফ্রান্সকী রাষ্ট্রপতি ইম্মান্যুএল মেক্রোনগা তেলিফোন্দা ৱারি শানখ্রে।
শেন-থুম, ঙাক-শেন, সাইন্স, তেক্নোলোজি অমসুং স্পেস য়াওনা তোঙান তোঙানবা হিরমশিংদা লৈবাক অনি মতেং পাংনবা হেনগৎলকপদা লুচিংবশিংনা হন্না য়েংশিনখ্রে অমসুং খন্ন-নৈনখ্রে। হোরাইজোন ২০৪৭ রোদমেপ, ইন্দো-পেসিফিক রোদমেপ অমসুং দিফেন্স ইন্দষ্ট্রিয়েল রোদমেপগী পান্দমগা লোয়ননা, ইন্দিয়া-ফ্রান্স ষ্ট্রাতেজিক পার্তনরশিপ মখা তানা মপাঙ্গল কনখৎহন্নবা লুচিংবশিংনা অমুক হন্না ফোঙদোকখ্রে।
য়ুক্রেনগী মুক্নবা লোইশিন্নবা মাইকৈদা পায়খৎলিবা থবকশিংদা মখোয়গী ৱাখল্লোনশিং ফোঙদোকখি। মুক্নবা অসি শান্তি ওইনা ৱারোইশিন পুরক্নবা অমসুং অথুবা মতমদা শান্তি অমসুং তংদু-লৈতাবা পুরক্নবা ভারতনা লেপ্তনা শৌগৎপা প্রধান মন্ত্রী মোদীনা অমুক হন্না ফোঙদোকখি।
ভারতনা য়ুম্বু ওইদুনা ফেব্রুৱারি ২০২৬ দা পাংথোক্কদৌরিবা এ.আই ইম্পেক্ত সম্মিৎ শরুক য়ানবা চেপাউ অয়াবা পীরকপগীদমক প্রধান মন্ত্রী মোদীনা রাষ্ট্রপতি মেক্রোন থাগৎপা ফোঙদোকখ্রে অমসুং রাষ্ট্রপতি মেক্রোন ভারত্ত তরাম্না ওক্নবা থাজবা ফোঙদোকখ্রে।
মখা তানা পাউ ফাওনবা অমসুং মালেমগী শান্তি অমসুং তংদু-লৈতাবা পুরক্নবা পুন্না থবক তৌমিন্নবা হায়না লুচিংবা অনিমক্না য়ানখ্রে।
***
(Release ID: 2164465)
Visitor Counter : 2
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam