প্রধান মন্ত্রী, শ্রী নরেন্দ্র মোদীনা ঙসি নই দিল্লীগী বাশভুমিদা ভারতকী সেমিকন্দক্তর ইকোসীস্তেম চাউখৎহন্নবগী পান্দমদা ‘সেমিকোন ইন্দিবা - 2025’ হৌদোকখ্রে। মীতিন অদুদু ৱা ঙাংলদুনা প্রধান মন্ত্রীনা ভারত অমসুং মপান লমদগী সেমিকন্দক্তর ইন্দস্ত্রী CEOশিং অমসুং মখোয়গী এসোসিয়েতশিংবুশু থাগৎপা ফোংদোকখি। মআক্না লৈবাক কবাদগী লাক্লিবা মীথুংলেনশিং, স্তার্তশপশিংগা মরি লৈনবা এন্ত্রপ্রেনরশিং অমসুং লৈবাক অসিগী তোঙান-তোঙানবা রাজ্যশিংদগী লাক্লিবা নহা ওইরিবা মহৈরোইশিংবুশু তরাম্না ওকখি।

শ্রী মোদীনা মহাক অসি জপান অমসুং চাইনাগী খোংচত্তগী ঙরাং নুমিদাং হল্লকপনি অমসুং ঙসিনা মহাক অসি অনিংবা-অপাম্বা অমসুং থজবনা থল্লবা য়াশভুমিগী হোলদা তিল্লিবা ভাবোক মবাম অসিগী মরক্তা শরুক য়াররে হায়না হায়খি। মহাক্না তেক্নোলোজীপু কয়াগী মতিক পামজবা হায়বদু মহৌশানি অমসুং ময়াম্না খঙনরবা ৱাফম্নি, প্রধান মন্ত্রীনা হায়খি মদুদি মহাক্না হন্দক্তা চৎলুবা জপানগী খোংচৎ অদুদা মহাক্না জপানগী প্রধান মন্ত্রী, ইস এক্সেলেন্সী শ্রী শিগেরু ইশিবাগা লোইননা তোক্যো ইলেক্ত্রোন ফেক্তরীদা চৎপগী খুদোচাবা ফংলকখি। মহাক্না কমপনী অদুগী CEO অদু ভাবোক ময়াম অসিগী মরক্তা য়াওরি হায়নশু পনখি। প্রধান মন্ত্রীনা তেক্নোলোজীবু পামজবা অসিনা মরম ওইরগা অসিগুম্বা মীতিন অসিদা মহাকপু হঞ্জিন-হঞ্জিন শরুক য়াহল্লি হায়না য়াম্না মরুওইনা পনখি। ঙসিগী ভাবোক ময়াম অসিগী মরক্তা তিনবা ফংজবা  অসিদা য়াম্না নুংঙাইবা ফাওই হায়না ফোংদোরকখি।

মালেম শিনথুংনদগী লৈবাক 40দগীনা 50  মথক্কী মীহুৎ শিন্দুনা লাক্লিবা সেমিকন্দক্তর সেক্তরগী এক্সপর্তশিংনা শরুক য়ারিবা অদু পল্লদুনা, শ্রী মোদী ভারতকী ইন্নোভেশন অমসুং য়ুথকি শক্তি অদু থৌরম অদু মশক খঙবা ঙম্লে হায়না য়াম্না মরুওইনা পনখি। মহাক্না হায়খি মদুদি মসিগী তোপ-তোপ্পা কম্বিনেশন অসিনা “ভারত্তা বাম্না চেৎনা থাজৈ, মালেম অসিনা ভারত্তা থাজবা থম্লি অমসুং মালেম অসিনা ভারত্তা সেমিকন্দক্তরগী ওইবা তুংলমচৎ অমা শেম্বা পাম্লি” হায়বা পাউজেল অসি য়াম্না ময়েক শেংনা তাক্লি। প্রধান মন্ত্রীনা সেমিকোন ইন্দিয়াদা শরুক বারিবা শক্নাইরবা মীথুংলেন পুম্নমকপু তরাম্না ওকখী অমসুং চাউখৎপা অমসুং মরোমদোম লেপচবা ঙম্বা লৈবাক অমা ওইবগি মাইকৈদা চংশিল্লিবা ভারতকী খোংচৎ অসিগী য়াম্না মরুওইবা পার্তনরশিংনি হায়না মহাক্না অমুক্কশু হান্না থাজবা পীখি। 

হন্দক্তা থাদোকখিবা হন্দক্কী চহি অসিগী অহানবা ক্বার্তরগী GDP ফিগরশিং অদুবু পল্লদুনা প্রধান মন্ত্রীনা হায়খি, “অমুক্কশু হন্না ময়ামগী থাজবা খুদিংমক, এস্তিমেত খুদিংমক, ফোরকাস্ত কুদিংমক্তগী থোইদোক-হেন্দোক্না নিংথিনা পর্ফোর্ম তোখ্রে”। মহাক্না পনখি মদুদি মশা-মশাগী ওইজবা থিবনা মরম ওইরগা মালেম অসিগী ইকোনোমীশিংনা অৱাবা অমসুং শিংনবা কয়া মায়োক্নরিঙৈ শরক অসিদা ভারতনা চাদা 7.8কী শাহৌ পুরকপা ঙমখ্রে। শ্রী মোদীনা পনখি মদুদি সেক্তর খুদিংমক্তা – মেন্যুফেকচরিং, সর্বিসশিং, এগ্রিকলচর অমসুং কনস্ত্রক্সননচিংবা কয়াদা ময়েক শেংনা শাহৌ লাকপা উবা ফংলে। ভারতনা য়াম্না য়াংনা চাউখৎলকপা অসিনা ই্দস্ত্রীশিংদা অমসুং নাগ্রিক খুদিংমক্তা অনৌবা শক্তি অমা পীনবীরে হায়না মহাক্না পনখি। মসিগী শাহৌ লাকপগী ত্রাজেক্তরী অসিনা ভারতপু মালেম অসিদা অহুমশুবা খ্বাইদগী চাউবা ইকোনোমী অমা ওইনবা মাইকৈ তম্না য়াংনা চংশিনহল্লি হায়না মহাক্না হায়খি।

সেমিকন্দক্তরশিংগী মালেমদা ‘থাওবু অমুবা সনানি অদুবু চিপশিংদি দিজিতেল দাইমন্দনি’ হায়না য়াম্না তোইনা হায়নৈ হায়না পনখি, প্রধান মন্ত্রীনা হায়খি মদুদি থাওনা হৌখিবা চহি চাগী শক্তম অদু শেমখি অমসুং মালেম অসিগী লাইবক ওইল ৱেলশিংনা লেপখি। মালেমগী ইকোনোমী অদু হায়রিবা ৱেলশিং অসিদগি পেত্রোলিয়ম কয়া য়াম্না পুথোকপগে হাববসিগী মতুং ইন্না অকা-অকুম নাইখি। তৌইগুম্বশুং 21শুবা চহি চাগী শক্তি অসি অপিকপা চিপ অসিদা তাশিন্দুনা লৈরে হায়না মহাক্না য়াম্না মরুওইন পনখি। পিকচরবশু মসিগী চিপশিং অসিদা মালেমগীদমক্তা খুমাং চাউশিন্নবগী মতিক য়াম্না চাউনা লৈ।  শ্রী মোদীনা মালেম অসিগী সেমিকন্দক্তর মার্কেত অসি হান্নদগী $600 বিলিয়ন য়াওখ্রে অমসুং লাক্কদবা চহিশিং অসিদা $1 ত্রিলিয়নন হেল্লগনি হায়না পানরি হায়খি। ভারতনা সেমিকন্দক্তর সেক্তরদা চংশিনবগী খোংজেল অসিগী মতুং ইন্নদি ভারতনা  $1 ত্রিলিয়নন  মার্কেত অসিদা মশাগি ওইবা শরুক অমা য়াম্না চাউনা কনবা ঙম্লগনি হায়না থাজবা ফোংদোরকখি।  

ভারতনা খুমাং চাউশিনবগী খোংজেল অদুগী মতাংদা পনবা পাম্লি হায়রদুনা, শ্রী মোদীনা পনখি মদুদি 2021দা  সেমিকোন ইন্দিয়া প্রোগ্রাম অসি হৌদোকখি। মহাক্না মখাতানা হায়রকখি মদুদি 2023দা ভারতকী খ্বাইদগী আনবা সেমিকন্দক্তর প্লান্তকী অয়াবা পীখি, 2024 প্লান্ত কয়া অমসু অয়াবা পীখি, অমসুং 2025তা অহেনবা প্রোজেক্ত মঙা অমসুং অয়াবা পীখি। মহাক্না মখাতানা হায়রকখি মদুদি পুন্না সেমিকন্দক্তর প্রোজেক্ত তরাগী ধবক পাইখৎলি, মসিদা বিলিয়ন দোলার তরানিপাল হেন্না – হাববদি লুপা করোর লাখ 1.5 হেন্না ইনভেস্ত তৌরি। ভারত্তা মালম পুম্বনা থাজবা হেনগৎলক্লি হায়বদু ময়েক শেংনা তাক্লি হায়না প্রধান মন্ত্রীনা য়াম্না মরুওইনা পনখি।

সেমিকন্দক্তর সেক্তরদদি স্পীদ হায়বসি য়াম্না মরু ওই আবরদুনা শ্রী মোদীনা, “ফাইলদগী ফেক্তরী ফাওবদা চংবা মতম অদু তেল্লিবমখৈ, অমসুং পেপরৱার্ক হন্থরিবমখৈ, ৱেফর ৱার্ক অদুনা য়াম্না থুনা হৌবা ঙমগদৌরিবনি” হায়না হায়খি। মহাক্না য়াম্না মরুওইনা পনখি মদুদি সরকার অসিনা মসিগী খোংথাং অসিমক্তদা থবক তৌরিবনি।  নেস্নেল সিঙ্গল ৱিন্দো সীস্তেম চৎন্নখ্রে, মসিনা কেন্দ্র অমসুং রাজ্য অনিমক্তগী এপ্রুভল কুদিংমকপু প্লেতফোর্ম অমখক্তদা এক্সেস তৌবা য়াহল্লি। মসিনা মরম ওইরগা ইনভেস্তরশিংবুশু কাহেনবা পেপরৱার্কতগী কোকহল্লি হায়না মহাক্না মকা তাখি। প্রধান মন্ত্রীনা প্লগ-এন্দ-প্লে ইনফ্রাস্ত্রকচর মোদেল মকাদা লৈবাক শিনথুংনা সেমিকন্দক্তর পার্কশিং দেবেলপ তৌহনখ্রে, মসিনা লেন্দ, পাৱর সপ্লাই, পোর্ত অমসুং এয়রপোর্ত কনেক্তিবিতী  অমসুং হৈ-শিংলবা ৱার্কর পুলদা এক্সেস ফংহল্লি হায়না পনখি। অসিগুম্বা ইনফ্রাস্ত্রকচরশিং অসিনা ইন্সেন্তিবশিংগা লোইননা পুনশিনবা মতমদা, ইন্দস্ত্রিয়েল গ্রোথ লাকপা হাববসিদি শোইদ্রবা ৱাফম্নি হায়না মহাক্না হায়খি। PLI ইন্সেন্তিবশিং নত্রগা দিজাইন লিঙ্ক গ্রান্তশিংগী খুত্থাংদা ভারতনা এন্দ-তু-এন্দ কেপাবিলিতীশিং পীরি। মরম অদুনা ইনভেস্তমেন্ত লেপ্তনা লাক্লিবনি হায়খি। ভারতনা হৌজিক্তি বাকএন্দ ওপরেশন থাদোক্তুনা মপুং ফাবা সেমিকন্দক্তর নেশন অমা ওইনবগী মাইকৈদা খুমাং চাউশিল্লি, ভারতকি খ্বাইদগী পিকপা চিপনা মালেম অসিগী খ্বাইদগী অচৌবা অহোংবা পুরক্কদবা মতম অদু কুইদ্রবনি হায়না শ্রী মোদীনা হায়খি। মহাক্না হায়খি, “ঐখোয়গী খোংচৎ অদু থেংনা হৌখি … অদুবু হৌজিক্তি কনানশু থিংবা ঙম্লরোই।” নুমিৎ 4-5কী মমাংদা ওগস্ত 28da CG পাৱরগী পাইলোত প্লান্ত মথৌ তৌবা হৌখ্রে হায়না প্রধান মন্ত্রী খঙহল্লকখি। কৈনসকী পাইলোত প্লান্তশু হৌরগনি হায়না মহাক্না মখা তারকখি।মাইক্রোন অমসুং তাতাদগী চিপশিং অদুশু প্রোদক্সন হৌখ্রে।  মআক্না ভারতকী সেমিকন্দক্তর সেক্তর য়াম্না য়াংনা খুমাং অসিনা মরম ওইরগা  চাউশিল্লিবা  কমর্সিয়েল চিপ প্রোদক্সনশু হন্দক্কী চহি অসিদা হৌরগনি হায়না হায়খি।

ভারতকী সেমিকন্দক্তর মাইপাকপগী ৱারি অসি নাকল অমখ্তদা নত্রগা তেক্নোলোজী অমখক্তদা লোইবা নত্তে, শ্রী মোদীনা পনখি মদুদি ভারতনা লৈবাক অসিমক্তদা দিজাইনিং, মেন্যুফেকচরিং, পেকেজিং অমসুং হাই-তেক দিভাইসশিং অসি লোইনা য়াওবা য়াম্না চাউবা ইকোসীস্তেম অমা শেমগৎলি। সেমিকন্দক্তর মিসন অসি ফেব  অমখক লিংখৎপানত্রগা চিপ অমখক পুথোকপদা লোইবা নত্তে। মসিদা ভারতনা জাতি অসিবু মরোমদোম লেপচবা ঙম্বা অমসুং মালেমগী থাক্তা লম্বা তৌনবা ঙমহনগদবা য়াম্না চাউবা সেমিকন্দক্তর ইকোসীস্তেম অমা শেম্লিবনি হায়না প্রধান মন্ত্রীনা হায়খি।

ভারতকি সেমিকন্দক্তর মিসনগী য়াম্না মরুওইবা ফীচর অমগী মতাংদা পল্লদুনা শ্রী মোদী হায়খি মদুদি লৈবাক অসিনা মালেম অসিগী খ্বাইদগী হেন্না চাউখৎলবা তেক্নোলোজীশিংগা লোইন-লোইননা সেক্তর অসিদা খুমাং চাউশিল্লি। লমদম অসিদা মশানা পুথোকচবা চিপশিংগী খুত্থাংদা ফাওগৎলক্লিবা তেক্নোলোজীশিংবু এমপাৱর তৌবদা ভারতনা অখন্নবা মীৎয়েং থম্লি হায়না হায়খি। প্রধান মন্ত্রীনা নোইদা অমসুং বেঙ্গলুরুদা লৈবা দিজাইন সেন্তরশিং ত্রান্সিস্তর বিলিয়ন কবা অমা স্তোর তৌবা ঙম্বা মালেম অসিগী খ্বাইদগী এদভান্স ওইরবা চিপশিংগী মতাংদা কন্না হোৎনরি হায়না হায়খি। মসিগী চিপশিং অসিনা 21শুবা চহি চা অসিগী পুক্নিং চিংশিন্নিংঙাই ওইরবা তেক্নোলোজীশিং চলাইগদৌরিবনি হায়না মহাক্না য়াম্না মরুওইনা পনখি। মালেম অসিগী সেমিকন্দক্তর সেক্তরনা মায়োক্নিরবা শিংনবশিং অদুগী মতাংদা পল্লদুনা, প্রধান মন্ত্রীনা ভারতনা মসিবু লাকশিন্নবা কন্না হোৎনরি হায়না থাজবা পীখি। সহরশিংদা অৱাংবা বিলদিংশিং অমসুং বাম্না ফজরবা ফিজিকেল ইনফ্রাস্ত্রকচরশিং উবা ফংলি অদুবু মখোয়গী ফাউন্দেশনদুদি স্তীলনা পিরি হায়না হায়খি। অসুম্না ভারতকী দিজিতেল ইনফ্রাস্ত্রকচরগী ফাউন্দেশন অসি য়াম্না তাংবা মিনরেলশিংনা শেম্বনি। ভারতনা হৌজিক নেস্নেল ক্রিতিকেল মিনরেল মিসনগী মতাংদা থবক তৌরি অমসুং অতাংবা মিনরেলশিংগী দিমান্দ অদু লমদম অসিমক্তদা পীবা ঙম্নবা অচেৎপা ফিরেপ অমগা লোইননা কন্না হোৎনরি হায়না শ্রী মোদীনা পনখি। হৌখিবা চহি মরি অসিদা ক্রিকেল মিনরেল প্রোজেক্তশিংগী মতাংদা য়াম্না মাইপাক্না খুমাং চাউবা ঙমখ্রে হায়নশু মহাক্না মখা তাখি।

সেমিকন্দক্তর সেক্তর চাউখৎহনবদা স্তার্ত-অপশিং অমসুং MSMEশিংগীদমক সরকারনা মরু ওইবা থৌদাং অমা লৌগনি হায়না পল্লদুনা প্রধান মন্ত্রীনা হায়খি মদুদি ভারতনা মালেমগী সেমিকন্দক্তর দিজাইন তেলেন্তকী চাদা 20গী শরুক অমা ওইরি অমসুং লৈবাক অসিগী নহারোলশিংনা সেমিকন্দক্তর ইন্দস্ত্রীগী খ্বাইদগী চাউবা হ্যুমেন কেপিতেল ফেক্তরী ওইরি। নহা ওইরিবা ইন্ত্রপ্রেনরশিং, ইন্নোবেতরশিং অমসুং স্তার্ত-অপশিংদা ৱা ঙাংলদুনা শ্রী মোদীনা মখোয়বু মাংলোমদা চংশিন্নবা তকশিনখি। মহাক্না সরকারনা মখোয়গা লোইননা লেপমিন্নগনি হায়না থাজবা পীখি। দিজাইন লিঙ্ক ইন্সেন্তিব স্কিম অমসুং চিপ্স-তু-স্তার্তঅপ প্রোগ্রাম অসি মখোয়গীদমক্তা অখন্ননা শেমগৎপনি হায়না মহাক্না অকনবা ৱাফম থমখি। মহাক্না দিজাইন লিঙ্কেদ ইন্সেন্তিব স্কিম অসি মসিগী পান্দমশিং অসি হেন্না ফজনা ফংহন্নবা শেমদোক-শাদোক তৌরি হায়নসু লাউথোকখি। প্রধান মন্ত্রীনা হায়খি মদুদি সরকার অসিনা সেক্তর অসিদা ভারতকী ইন্তেলেকচুৱল প্রোপর্তী (IP) শেমগৎনবা অচেৎপা ফিরেপ লৌরি। মহাক্না মখা তাখি মদুদি নৌনা হৌদোকখিবা নেস্নেল রিসর্স ফন্দনা স্ত্রেতেজিক তাই-অপশিংগী খুত্থাংদা মসিগী হোৎনবা অসিদা মতেং পাংগনি। সেমিকন্দক্তর মিসনদা রাজ্য কয়া অমা থৌনা লৈনা শরুক য়াদুনা, সেক্তর অসিগীদমক্তা অখন্নবা পোলিসী কয়া শেমখ্রে হায়না পল্লদুনা প্রধান মন্ত্রীনা হায়খি মদুদি রাজ্যশিং অসিনা অখন্নবা ইনফ্রাস্ত্রকচর শেমগৎপদা মীৎয়েং থম্লি। সেমিকন্দক্তর ইকোসিস্তেম শেমগৎনবা অমসুং মখোয়গী লমদমশিংদা ইনভেস্তমেন্তকী ফিভম ফগৎহন্নবা রাজ্য খুদিংমকপু অমগা অমগা অফবা মওংদা চাংদম্ননবা হায়খি।

“রিফোর্ম, পর্ফোর্ম অমসুং ত্রান্সফোর্মগী মন্ত্র অসি ঙাক্না চৎতুনা ভারতনা মসিগী থাক অসি য়ৌরে। অনৌবা মীরোলগী রিফোর্মশিংগী অনৌবা তাঙ্কক অমা অথুবা মতমদা হৌরগনি।" হায়রদুনা প্রধান মন্ত্রীনা হায়খি মদুদি ইন্দিয়া সেমিকন্দক্তর মিসনগী অনৌবা তাঙ্কক্কী থবক পায়খৎলি। মফম অদুদা তিল্লিবা ইনভেস্তরশিংদা ৱা ঙাংলদুনা মহাক্না ভারতনা মখোয়বু থম্মোয় শেংনা তরাম্না ওক্নবা শেম-শাদুনা লৈরি হায়না ফোংদোকখি অমসুং হায়খি, "দিজাইন  শেম-শারে। মাস্ক অসি চানরে। হৌজিক অসি নিংথিনা পাংথোকপা অমসুং পাক-শন্না য়ৌহনবগী মতম ওইরে। মহাক্না হায়খি মদুদি ভারতকী পোলিসীশিং অসি মতম খরগী ওইবা সিগ্নেলশিং নত্তে অদুবু লিশাং-শিৎনা লৈহৌগদবা  ওইবা কম্মিতমেন্তশিংনি অমসুং ইনভেস্তর খুদিংমক্কী মথৌ তাবশিং ফংহনগনি হায়না থাজবা পীখি।  মালেমনা: ভারত্তা দিজাইন তৌবা, ভারত্তা শাবা, মালেমনা চেৎনা থাজবা, আয়বা ৱাহৈ অসি হায়গদবা মতম অদু অরাপ লাপত্রে হায়না প্রধান মন্ত্রীনা হায়খি। মহাক্না ভারতকী হোৎনরিবা খুদিংমক মায় পাকপা ওইরসনু, বাইত খুদিংমক ইন্ভেবেসনগা লোয়ননা মপুং ফানা চৎপা ওইরসনু, অমসুং খোঙচৎ অসি অশোই-অঙাম য়াওদনা অমসুং অৱাংবা থাক্কী থবক পাংথোকপা ওইরসনু হায়না মহাক্কী অপাম্বা ফোঙদোক্লদুনা ৱারোইশিন পীখি।

থৌরম অদুদা কেন্দ্রগী মন্ত্রীশিং, শ্রী অশ্বিনী বৈষ্ণব, শ্রী জিতিন প্রসাদা, দিল্লীগী মুখ্য মন্ত্রী, শ্রীমতী রেখা গুপ্তা, ওরিশাগী মুখ্য মন্ত্রী, শ্রী মোহন চরন মাঝি অমসুং অতোপ্পা শক্নাইরব মীওইশিংসু শরুক য়াখি।

বেকগ্রাউন্দ

সেমিকোন ইন্দিয়া - 2025 অসি সেপ্তেম্বর 2দগী 4 ফাওবা নুমিৎ হুমনিগী ওইবা কনফরেন্স অমনি। মসিনা ভারত্তা মপাঙ্গল লৈরবা, রেজিলিয়েন্ত ওইবা অমসুং সস্তেনেবল ওইবা সেমিকন্দক্তর ইকোসীস্তেম অমা পুথোকপদা অখন্নবা মীৎয়েং থমগনি। সেমিকোন ইন্দিয়া প্রোগ্রাম, সেমিকন্দক্তর ফেব অমসুং এদভান্স পেকেজিং প্রোজেক্তশিং, ইনফ্রাস্ত্রকচর রেদিনেস, স্মার্ত মেন্যুফেকচরিং, R&D অমসুং আর্তিফিসিএল ইন্তেলিজেন্সকী ইন্নোভেসনশিং, ইনভেস্তমেন্তগী খুদোংচাবশিং, রাজ্যগী থাক্তা পোলিসী ইমপ্লিমেন্ত তৌবা অসিনচিংবগী মতাংদা সেসনশিং পাংথোক্কনি। মসিগী মথক্তা, থৌরম অসিনা দিজাইন লিঙ্ক ইন্সেন্তিব (DLI) স্কীমগী মখাদা পায়খৎলিবা থবকশিং, স্তার্ত-অপ ইকোসীস্তেম চাউখৎহনবা, ইন্তর্নেস্নেল কোওপরেসন, অমসুং ভারতকী সেমিকন্দক্তর সেক্তরগী তুংগী রোদমেপশিং উৎকনি।

মসিদা লৈবাক 48 হেনবদগী দেলিগেত 2,500 হেন্না, মালেমগী লুচিংবা 50 য়াওনা স্পীকর 150 হেন্না, অমসুং একজিবিতর 350 হেন্না, পুন্না এতেন্দী 20,750গী মথক্তা শরুক য়ারগনি, শরুক য়ারগনি। মসিদা লৈবাক 6কী রাউন্দতেবল দিসকসন, কন্ত্রী পেভিলিয়নশিং অমসুং ৱার্কফোর্স দেবেলপমেন্ত অমসুং স্তার্তঅপশিংগীদমক্তা অকন্নবা পেভিলিয়নশু য়াওগনি।

A defining chapter in India's semiconductor journey is unfolding, with innovation and investment driving a new wave of growth. Addressing Semicon India 2025 in Delhi. https://t.co/5jurEGuYnI

— Narendra Modi (@narendramodi) September 2, 2025

The world trusts India.

The world believes in India.

The world is ready to build the semiconductor future with India: PM @narendramodi pic.twitter.com/B9MI5xEJwH

— PMO India (@PMOIndia) September 2, 2025

Chips are digital diamonds. pic.twitter.com/PNK6AjXIeM

— PMO India (@PMOIndia) September 2, 2025

जितना कम पेपरवर्क होगा... वेफर वर्क उतना जल्दी शुरू हो पाएगा: PM @narendramodi pic.twitter.com/33JY7rin35

— PMO India (@PMOIndia) September 2, 2025

वो दिन दूर नहीं है, जब भारत की सबसे छोटी chip, दुनिया के सबसे बड़े change को drive करेगी: PM @narendramodi pic.twitter.com/SGiuv70j2m

— PMO India (@PMOIndia) September 2, 2025

The day is not far when the world will say – Designed in India, Made in India, Trusted by the World: PM @narendramodi pic.twitter.com/8TXxvVodyB

— PMO India (@PMOIndia) September 2, 2025

***