প্রধান মন্ত্রী, শ্রী নারেন্দ্র মোদীনা 2025কী ওগস্ত 31তগীনা 01 ফাওবা চাইনাগী তিয়াঞ্জিনদা পাংথোকপা শঙঘাইগী কাউন্সিল ওফ এদ ওফ স্তেতকী 25শুবা মীফমদা শরুক য়াখ্রে। সম্মিত অসিদা SCO দেবেলপমেন্ত স্ত্রেতেজী, রিফোর্ম ওফ গ্লোবল গোবর্নেন্স, কাউন্তর-তেরোরিজম, পীস অমসুং সেক্যুরিতী, ইকোনোমিক এন্দ ফাইনান্সিয়েল কোওপরেশন অমসুং সস্তেনেবল দেবেলপমেন্তগী মতাংদা বাম্না প্রোদক্তিব ওইবা দিসকসনশিং পাংথোকখি।

সম্মিত অসিদা ৱা ঙাংলদুনা, প্রধান মন্ত্রীনা SCO ফ্রেমৱার্ক অসিগী মখাদা কোওপরেশন এনগৎহন্নবা ভারতকি খোংথাং অদুগী মতাংদা বাম্না মরুওইনা পনখি। মসিগী মতাংদা, মহাক্না পনখি মদুদি ভারতনা য়ুম্বি অহুম – সেক্যুরিতি, কনেক্তিবিতী অমসুং ওপোর্চুনিতী হাবরিবা অহুম অসিগী মখাদা থবক-থৌরম কয়া অমা পাইখৎনবা হৌৎনরি। খুমাং চাউশিনবা অমসুং নুংঙাই-য়াইফবা হায়বসি পীস, সেক্যুরিতী অমসুং স্তেবিলিতীগী য়াম্না মখা পোল্লি হায়না য়াম্না মরু ওইনা পনখি, মহাক্না মেম্বর ওইরিবা লৈবাকশিংদা তেরোরিজম মওং অমসুং শক্তম খুদিংমক্তা লান্থেংননবা খোংফম চেৎপা অমসুং অচেৎপা ফিরেপ অমা লৌনবা হায়খি। প্রধান মন্ত্রীনা তেরর ফাইনান্সিং অমসুং রেদিকেলাইজেশনগী মায়োক্তা অমত্তা ওইনা লেং মান্ননা থবক পাইখৎপগী তঙাইফদবা অদুগী মতাংদা পনখি। পেহলগাম তেরর এতেক্কী মতমদা ঐখোয়গীদমক্তা লেপ্পীখিবা মেম্বর লৈবাকশিংবু থাগৎলদুনা মহাক্না হায়খি মদুদি তেরোরিজম মায়োক্নবা মতমদা দবল স্তেন্দার্দ লেরোইদবনি অমসুং ক্রোস-বোর্দর তেরোরিজম তৌবা অমসুং শৌগৎপা লৈবাকশিংবু মখোয়গী মরালগীদমক্তা দন্দি পীননবা গ্রুপতা তকশিনখি।

 
চাউখৎ-থৌরাং য়োকখৎপদা অমসুং থাজবা হেনগৎহনবদা কনেক্তিবিতীনালৌরিবা থৌদাং অদুগী মতাংদা পল্লদুনা প্রধান মন্ত্রীনা হায়খি মদুদি ভারতনা চাবাহার পোর্ত অমসুং ইন্তরনেস্নেল নোর্থ-সাউথ ত্রান্সপোর্ত কোরিদোরগুম্বা প্রোজেক্তশিংবু য়াম্না চাউনা শৌগৎলি। মহাক্না SCO গী মখাদা তান্নবা য়াবা স্তার্তঅপশিং, ইন্নোভেশনশিং, য়ুথ এমপাৱরমেন্ত অমসুং শিয়র্দ হেরিতেজকি লমশিংদা লৈরিবা খুদোংচাবশিংগী মতাংদা ঙাংখি। প্রধান মন্ত্রীনা প্রজা মীয়ামগী মরক্তা লৈরিবা মরিশিং অসিবু হেন্না চেৎশিনহন্নবা  অমসুং চৎনবীশিংবু হেন্না মশক খঙনবা গ্রুপ অসিগী মনুংদা সিভিলাইজেস্নেল দাইলোগ ফোরম অমা হোদোক্নবগি ৱাফম থাংগৎলকখি।

 
প্রধান মন্ত্রীনা গ্রুপ অসিগী রিফোর্ম-ওরিয়েন্তেদ ওইবা এজেন্দাবু সপোর্ত তৌই হায়না ফোংদোকখি। মসিগী মতাংদা মহাক্না ওর্গনাইজ ক্রাইম, দ্রগ ত্রাফিক্কিং অমসুং সাইবর সেক্যুরিতীগা লান্থেংননবা সেন্তরশিং থম্বা অদুবু তরাম্না ওকখি। মহাক্না য়ুনিআতেদ নেশ্নস য়াওনা মলতিলেতরেল ইনস্তিত্যুশনশিং রিফোর্ম তৌনবা খোংথাংশিং লৌখৎনবগীদমক্তশু হায়খি। PMগী মপুং ফাবা ৱারোলশিং অদু [Link] অসিদা য়েংবা য়াগনি।

প্রধান মন্ত্রীনা মআকপু হরাও-তয়াম্না ওকপীবগীদমক্তা প্রেসিদেন্ত সি জিনপিংবুশু থাগৎপা ফোংদোকখি অমসুং সম্মিত অসিবু মাইপাক্না শিনবগীদমক্তা মহাকপু থাগৎপা ফোংদোকখি। মআক্না কিরগীস্তানবু SCOগী মথংগী পরেসিদেন্সী ওইবগীদমক্তশু ধাগৎপা ফোংদোকখি। সম্মিত অদু লোইশিল্লকপদা, SCO মেম্বর লৈবাকশিংনা তিয়াঞ্জিন দেক্লেরেশনবু এদোপ তৌখি।

***