প্ৰধানমন্ত্ৰীৰ কাৰ্যালয়
ফিনলেণ্ডৰ ৰাষ্ট্ৰপতি আলেকজেণ্ডাৰ ষ্টাবৰ টেলিফোনিক বাৰ্তালাপ প্ৰধানমন্ত্ৰী নৰেন্দ্ৰ মোদীৰ
ইউক্ৰেইনৰ সংঘাত সমাধানৰ দিশত শেহতীয়াকৈ কৰা প্ৰচেষ্টাৰ সন্দৰ্ভত মত বিনিময় নেতাদ্বয়ৰ
প্ৰধানমন্ত্ৰী মোদীয়ে শান্তি আৰু সুস্থিৰতা আগতীয়াকৈ পুনৰুদ্ধাৰৰ বাবে ভাৰতৰ ধাৰাবাহিক সমৰ্থন পুনৰবাৰ প্ৰকাশ কৰে
বাণিজ্য, প্ৰযুক্তি আৰু বহনক্ষমতাকে ধৰি মূল খণ্ডসমূহত দ্বিপাক্ষিক সম্পৰ্ক শক্তিশালী কৰাৰ উপায়সমূহৰ বিষয়েও আলোচনা নেতাদ্বয়ৰ
Posted On:
27 AUG 2025 8:32PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে আজি ফিনলেণ্ড গণৰাজ্যৰ ৰাষ্ট্ৰপতি আলেকজেণ্ডাৰ ষ্টাবৰ সৈতে টেলিফোনিক বাৰ্তালাপত মিলিত হয়।
ৰাষ্ট্ৰপতি ষ্টাবে ইউক্ৰেইনৰ সংঘাত সমাধানৰ ক্ষেত্ৰত ইউৰোপ, আমেৰিকা আৰু ইউক্ৰেইনৰ নেতাসকলৰ মাজত শেহতীয়াকৈ ৱাশ্বিংটনত অনুষ্ঠিত বৈঠকৰ সন্দৰ্ভত তেওঁৰ পৰ্যালোচনা শ্বেয়াৰ কৰে।
প্ৰধানমন্ত্ৰী মোদীয়ে সংঘাতৰ শান্তিপূৰ্ণ সমাধান আৰু শান্তি আৰু সুস্থিৰতা আগতীয়াকৈ পুনৰুদ্ধাৰৰ বাবে ভাৰতৰ ধাৰাবাহিক সমৰ্থন পুনৰবাৰ উল্লেখ কৰে।
ভাৰত-ফিনলেণ্ডৰ দ্বিপাক্ষিক সম্পৰ্কৰ অগ্ৰগতিৰ পৰ্যালোচনা কৰি নেতাসকলে কোৱাণ্টাম প্ৰযুক্তি, ৬জি, কৃত্ৰিম বুদ্ধিমত্তা, চাইবাৰ সুৰক্ষা আৰু বহনক্ষমতাকে ধৰি উদীয়মান ক্ষেত্ৰসমূহত অংশীদাৰিত্ব বৃদ্ধিৰ প্ৰতিশ্ৰুতি পুনৰ দৃঢ় কৰে।
ৰাষ্ট্ৰপতি ষ্টাবে পাৰস্পৰিকভাৱে লাভজনক ভাৰত-ইউৰোপীয় ইউনিয়নৰ মুক্ত বাণিজ্য চুক্তিৰ আগতীয়া সমাপ্তিৰ বাবে ফিনলেণ্ডৰ সমৰ্থন পুনৰবাৰ উল্লেখ কৰে। ২০২৬ চনত ভাৰতে আয়োজন কৰিবলগীয়া এআই ইমপেক্ট ছামিটৰ সফলতাৰ বাবেও তেওঁ সমৰ্থন জনায়।
প্ৰধানমন্ত্ৰীয়ে ভাৰত ভ্ৰমণৰ বাবে ৰাষ্ট্ৰপতি ষ্টাবক আমন্ত্ৰণ জনায়। নেতাদ্বয়ে ভৱিষ্যতেও যোগাযোগ অব্যাহত ৰাখিবলৈ সন্মত হয়।
***
MJPS/SR/DB
(Release ID: 2161421)
Visitor Counter : 3
Read this release in:
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam