প্রধানমন্ত্রীগী লোইশঙ
পি.এম. নরেন্দ্র মোদীদা ফিনলেন্দগী রাস্ত্রপতি এলেকজেন্দর স্তবনা তেলিফোন তৌরকখ্রে
লুচিংবশিংনা য়ুক্রেনদা থোক্লিবা লান অসিগী ৱারোইশিনগী মাইকৈদা লৌখৎলিবা খোঙথাংশিংগী মতাংদা ৱাখল্লোনশিং ফোংদোকখ্রে
প্রধান মন্ত্রী মোদীনা ঙন্না শান্তি অমসুং তংদু লৈতাবা পুরক্নবগীদমক ভারতনা লেপ্পা লৈতনা শৌগৎলি হায়না অমুক হন্না ফোংদোকখ্রে
লুচিংবশিংনা ললোন-ইতিক, তেক্নোলোজী অমসুং সস্তেনেবিলিতী য়াওনা মরু ওইবা সেক্তরশিংদা বাইলেতরেলগী মরীশিং মপাঙ্গল কনখৎহন্নবা লম্বীশিংগী মতাংদসু খন্নখ্রে
Posted On:
27 AUG 2025 8:32PM by PIB Imphal
ঙসি রিপব্লিক ওফ ফিনলেন্দগী রাস্ত্রপতি ঐচ.ই. এলেকজেন্দর স্তবনা প্রধান মন্ত্রী শ্রী নরেন্দ্র মোদীদা তেলিফোন তৌরকখ্রে।
রাস্ত্রপতি স্তবনা য়ুক্রেনগী লানগী মতাংদা ৱারোইশিন পুরক্নবা য়ুরোপ, য়ুনাইতেদ স্তেৎস অমসুং য়ুক্রেনগী লুচিংবশিংনা ৱাশিংতনদা পাংথোকখিবা হন্দক্কী মীফমশিং অদুগী মতাংদা মহাক্কী এসেসমেন্ত অদু পাউদমখি।
প্রধান মন্ত্রী মোদীনা লান অসিগী শান্তি ওইনা ৱারোইশিন পুরক্নবগীদমক অমসুং ঙন্না শান্তি অমদি তংদু লৈতাবা পুরক্নবগীদমক ভারতনা লেপ্পা লৈতনা শৌগৎলি হায়না অমুক হন্না ফোংদোকখ্রে।
লুচিংবশিংনা ইন্দিয়া-ফিনলেন্দ বাইলেতরেলগী মরীদা খুমাং চাউশিল্লিবা অদুসু য়েংশিনখি অমসুং ক্বান্তম তেক্নোলোজীশিং, 6G, আর্তিফিসিএল ইন্তেলিজেন্স, সাইবরসেক্যুরিতী অমসুং সস্তেনেবিলিতী য়াওনা অনৌবা লমশিংদা পার্তনরশিপ হেনগৎহন্নবা মখোয়গী ফিরেপ নৌনা ফোংদোকখি।
রাস্ত্রপতি স্তবনা নাকল অনিমক্তা কান্নবা ফংহনগদবা ইন্দিয়া-EU ফ্রী ত্রেদ এগ্রীমেন্ত অমা ঙন্না লোইশিন্নবগীদমক ফিনলেন্দনা শৌগৎলি ফোংদোকখি। মহাক্না 2026তা ভারতনা য়ুম্বু ওইগদৌরিবা AI ইম্পেক্ত সম্মিৎ অসি মায়পাক্নবগীদমক মতেং পীগনিসু ফোংদোকখি।
প্রধান মন্ত্রীনা রাস্ত্রপতি স্তবতা ভারত্তা অথুবা মতমদা লাকপীনবা বর্তন তৌখি। লুচিংবশিংনা অদুমক পাউ ফাওনদুনা লৈনবা য়ানখি।
***
(Release ID: 2161409)
Visitor Counter : 2
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam