প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা কম্মনৱেল্থ গেম্স (CWG) 2030গীদমক বিদ পীশিন্নবগী য়ুথ এফিয়র্স অমসুং স্পোর্তস মন্ত্রালয়গী প্রপোজেল অদু অয়াবা পীখ্রে। হোস্ত কোলাবোরেসন এগ্রীমেন্ত (HCA) দা মরী লৈনবা মন্ত্রালয়শিং, দিপার্তমেন্তশিং অমসুং ওথোরিতীশিংদগী মথৌ তাবা গেরেন্তীশিংগা লোয়ননা খুৎয়েক পীনবা অমসুং বিদ অদু অয়াবা পীরবদি গুজরাত সরকারদা মথৌ তাবা গ্রান্ত-ইন-এদ পীনবা অয়াবা পীখি।

লৈবাক 72গী শান্নরোইশিংনা কম্মনৱেল্থ গেম্সতা শরুক য়াগনি। মসিদা শান্নরোইশিং, কোচশিং, তেক্নিকেল ওফিসিএলশিং, তুরিস্তশিং, মীদিয়া পার্সনশিং অমদি গেম্স মনুংদা ভারত্তা লাক্লিবা অতোপ্পা কয়া য়াওনা মশিং য়াম্লবা মীয়ামসু শরুক য়াগনি মসিনা লোকেল বিজিনেসশিংদা কান্নবা ফংহল্লগনি অমসুং রেভেন্যু লাকহল্লগনি।

অহমদাবাদ অসি মালেমগী থাক্কী স্তেদিয়মশিং, অৱাংবা থাক্কী ত্রেনিং ফেসিলিতীশিং, অমসুং অফবা স্পোর্তস কলচর পীরিবা অফবা হোস্ত সিতী অমনি। মালেমগী খ্বাইদগী চাউবা স্তেদিয়ম ওইরিবা নরেন্দ্র মোদী স্তেদিয়ম অসিনা 2023গী ICC ক্রিকেৎ ৱার্ল্দ কপ ফাইনেল মায় পাক্না পাঙথোক্তুনা মসিগী তৌবা ঙম্বগী মতিক অদু উৎখ্রে।

শান্ন-খোৎনবতা নত্তনা, ভারত্তা CWG হোস্ত তৌবনা তুরিজম হেনগৎহন্দুনা, থবক ফংহন্দুনা অমসুং নহা ওইরিবা শান্নরোই মিলিয়ন কয়াদা ইথিল পীরদুনা তুং কোইনা চৎকদবা কান্নবা অমা পীরগনি। মসিগী মথক্তা, স্পোর্তস সাইন্স, ইভেন্ত ওপরেসন অমসুং মেনেজমেন্ত, লোজিস্তিক্স অমসুং ত্রান্সপোর্ত কোওর্দিনেতর, ব্রোদকাস্ত অমসুং মীদিয়া, IT অমসুং কম্ম্যুনিকেসন, পব্লিক রিলেসন অমসুং কম্ম্যুনিকেসন অমসুং অতোপ্পা লমশিংদা মশীং য়াম্লবা প্রোফেস্নেলশিংনা খুদোংচাবা ফংলগনি।

অসিগুম্বা মালেমগী থাক্তা মমিং লৈরবা থৌরম অমা পাঙথোকপনা জাতিগী চাউথোকচবা অমসুং অপুনবগী শক্তম মপাঙ্গল কনখৎহল্লগনি। মসিনা শেয়র নেস্নেল এক্সপরিয়েন্স অমা ফংহল্লগনি অমসুং ঐখোয়গী জাতিগী মোরেল হেনগৎহল্লগনি। মসিনা শান্নরোইশিংগী অনৌবা মীরোনবু কেরিয়রগী ওপ্সন অমা ওইনা শান্ন-খোৎনবদা চঙশিনবা অমসুং থাক খুদিংমক্তা শান্ন-খোৎনবদা শরুক য়াবা হেনগৎহন্নবা পুক্নিং থৌগৎকনি।

*****