প্রধানমন্ত্রীগী লোইশঙ
পি.এম. নরেন্দ্র মোদীদা রাস্ত্রপতি মেক্রোন্না তেলিফোন তৌরকখ্রে
লুচিংবশিংনা য়ুক্রেন অমসুং ৱেস্ত এসিয়া রিজনদা থোক্লিবা লানশিং অসি শান্তি ওইনা ৱারোইশিন পুরক্নবা খোঙথাংশিংদা ৱাখল্লোনশিং ফোংদোক্নখ্রে
প্রধান মন্ত্রী মোদীনা শান্তি অমসুং তংদু লৈতাবা থুনা পুরকপা ঙম্নবগীদমক ভারতনা লেপ্পা লৈতনা মতেং পাংলি হায়না অমুক হন্না ফোংদোকখ্রে
লুচিংবশিংনা ইন্দিয়া-ফ্রান্স স্ত্রেতেজিক পার্তনরশিপ হেন্না মপাঙ্গল কনখৎহন্নবা লম্বীশিংগী মতাংদা খন্নখ্রে
Posted On:
21 AUG 2025 6:30PM by PIB Imphal
ঙসি প্রধান মন্ত্রী শ্রী নরেন্দ্র মোদীদা ফ্রেঞ্চ রিপব্লিক্কী রাস্ত্রপতি ঐচ.ই. ইম্মান্যুএল মেক্রোন্না ফোন তৌরকখ্রে।
লুচিংবা অনিনা য়ুক্রেন অমসুং ৱেস্ত এসিয়া রিজনদা থোক্লিবা লানশিং অসি শান্তি ওইনা ৱারোইশিন পুরক্নবা চত্থরিবা থবকশিংগী মতাংদা ৱাখল্লোনশিং ফোংদোকখ্রে।
য়ুরোপ, য়ু.এস. অমসুং য়ুক্রেনগী লুচিংবশিংগী মরক্তা ৱাশিংতন্দা পাংথোকখিবা হন্দক্কী মীফমশিংগী মতাংদা রাস্ত্রপতি মেক্রোন্না পাউদমখি। মহাক্না গাজাদা ওইরিবা ফীভমগী মতাংদা মহাক্কী ৱাখল্লোনশিংসু ফোংদোকখি।
প্রধান মন্ত্রী মোদীনা লানশিং অসি শান্তি ওইনা লোইশিন্নবা অমসুং শান্তি অমসুং তংদু লৈতাবা থুনা পুরক্নবগীদমক ভারতনা লেপ্পা লৈতনা মতেং পাংলি হায়না অমুক হন্না ফোংদোকখি।
লুচিংবা অনিনা ত্রেদ, দিফেন্স, সিভিল ন্যুক্লিয়র কোওপরেসন, তেক্নোলোজী অমসুং ইনর্জী য়াওনা লৈবাক অনিগী ওইবা কোওপরেসন এজেন্দাগী প্রোগ্রেসকী মতাংদসু খন্নখি। মখোয়না ইন্দিয়া-ফ্রেন্স স্ত্রেতেজিক পার্তনরশিপ মপাঙ্গল কনখৎহন্নবা অমসুং 2026 অসি মতিক চাবা মওংদা 'ইন্নোবেসনগী চহি' ওইনা পাংথোক্নবা পুন্না হোৎনমিন্নবগী ফিরেপ অদু অমুক হন্না ফোংদোকখি।
ভারত অমসুং EUগী মরক্তা ফ্রী ত্রেদ এগ্রীমেন্ত অথুবা মতমদা লোইশিন্নবগীদমক রাস্ত্রপতি মেক্রোন্না শৌগৎলি হায়না ফোংদোকখি।
লুচিংবা অনিনা হীরম খুদিংমক্তা পাউ ফাওন্দুনা লৈনবা য়ানখি।
***
(Release ID: 2159553)
Read this release in:
Malayalam
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada