লৈঙাক অসিনা মেনুফেকচরিং সেক্তরদা মরুওইবা মীৎয়েঙ থম্লগা, সেক্তর পুম্নমক্তা থবক পীবগী চাং অমসুং সোসিএল সিক্যুরিতী হেনগৎহনবদা ঙাক্লৌ পীননবা এমপ্লোইমেন্ত লিঙ্ক ইন্সেন্তিব (ELI) স্কীমবু প্রধান মন্ত্রী বিক্সিত ভারত রোজগার য়োজনা হায়না মিংথোন্দুনা ০১.০৭.২০২৫ দা হৌদোকখি।

স্কীম অসি লেবর মরাং কায়না য়াওবা মন্ত্রালয়শিং, ত্রেদ য়ুনিয়নশিং, ইন্দস্ত্রীগী লুপশিং অমদি অখঙ অহৈশিং য়াওনা স্তেকহোল্দর পুম্নমক্কা মমুৎ তানা খন্নরবা মতুংদা শেমখিবনি। লেবর-ইন্তেন্সিব মন্ত্রালয়/দিপার্তমেন্তশিংদগী মীহুৎশিং য়াওবা স্তীরিং কম্মিতী অমা শেমখ্রে। মসিগী মথক্তা, স্কীম অসিবু মওং চুম্না থবক পায়খৎনবা, কুপ্না শেন্ননবা, অমদি চাং নাইনা য়েংশিন্নবা একজেক্যুতিব কম্মিতী অমসু শেমখ্রে।

স্কীম অসিগী ০১.০৮.২০২৫ দগী ৩১.০৭.২০২৭ ফাওবগী চহি অনিগী রেজিস্ত্রেসন মতম লৈগনি, অমদি শেনবা চহি ২০২৫-২৬ দগী শেনবা চহি ২০৩১-৩২ ফাওবগী ওইনা লুপা করোর ৯৯,৪৪৬ কী বজেৎকী শেনফম কাইথোক্তুনা থম্লে। স্কীম অসিদা শরুক অনি য়াওরি, হায়বদি পার্ত এ অমসুং পার্ত বি, অমদি মসিনা শিন্মী অমদি থবক পীরিবা অনিমক্তা ইন্সেন্তিবকী মওংদা ঙাক্লৌ পীবদা মীৎয়েঙ থম্লি। স্কীম অসিনা পার্ত এ গী মখাদা ইলিজিবল ওইবা শিন্মী করোর ১.৯২ দা ইন্সেন্তিব পীরি। অহেনবা থবক করোর ২.৫৯ লোম শেম্ননবা এমপ্লোয়রশিংদা স্কীম অসিগী পার্ত বি গী মখাদা ইন্সেন্তিব পীরি।

অনওর্গনাইজ ৱর্করশিংদা তোঙান তোঙানবা সোসিএল সিক্যুরিতী স্কীমশিংগী কান্নবা ফংহন্নবা ৱন-স্তোপ সোলুসন অমা ওইনা ই-শ্রম শেমগৎনবা বজেত এনাউন্সমেন্ত ২০২৪-২৫ তা থমখিবা মীৎয়েঙ মতুং ইন্না, লেবর অমসুং এমপ্লোইমেন্ত মন্ত্রালয়না ই-শ্রম-“ৱন-স্তোপ সোলুসন” ওক্তোবর ২১, ২০২৪ দা হৌদোকখি। ই-শ্রম-“ৱন-স্তোপ সোলুসন” গী মখাদা তোঙান তোঙানবা সোসিএল সিক্যুরিতী/ৱেলফ্যার স্কীমশিং পোর্তেল অমখক্তগী মখাদা পুনশিল্লি। মসিনা অনওর্গনাইজ ৱর্করশিংবু সোসিএল সিক্যুরিতী স্কীমশিং ফংননবা ই-শ্রমদা রেজিস্তর তৌবা য়াহল্লি, অমদি ই-শ্রমগী খুত্থাঙদা মখোয়না হৌজিক ফাওবদা ফংখ্রবা কান্নবশিং উবা ঙমহল্লি।

হৌজিক ফাওবদা, প্রধান মন্ত্রী স্ত্রীত ভেন্দর্স আত্মনিরভর নিধি (PMSVANidhi), প্রধান মন্ত্রী সুরক্সা বিমা য়োজনা (PMSBY), প্রধান মন্ত্রী জীবন জ্যোতি বিমা য়োজনা (PMJJBY), নেস্নেল ফেমিলী বিনিফিত স্কীম (NFBS), মহাত্মা গান্ধী নেস্নেল রুরেল এমপ্লোইমেন্ত গরেন্তী স্কীম (MGNREGS), প্রধান মন্ত্রী অৱাস য়োজনা – গ্রামিন (PMAY-G), অসুস্মান ভারত – প্রধান মন্ত্রী জন অরোগ্য য়োজনা (AB-PMJAY), প্রধান মন্ত্রী অৱাস য়োজনা – অর্বান (PMAY-U), প্রধান মন্ত্রী মতস্য সম্পদ য়োজনা (PMMSY), প্রধান মন্ত্রী কিসান মান ধন য়োজনা (PM-KMY), ৱন নেসন ৱন রেসন কার্দ (ONORC) অমদি প্রধান মন্ত্রী মাত্রু বন্দনা য়োজনা (PMMVY) য়াওনা তোঙান তোঙানবা কেন্দ্রগী মন্ত্রালয়শিং/ দিপার্তমেন্তশিংগী স্কীম তরামরি (১৪) ই-শ্রম কার্দ হোল্দরশিংদা সোসিএল সিক্যুরিতী, ইন্স্যুরেন্স নৎত্রগা স্কিল দিভেলপমেন্ত প্রোগ্রামগী কান্নবশিং ফংহন্নবা ই-শ্রমদা পুনশিল্লে/পুশিল্লক্লে।

ই-শ্রম অমদি মসিগা মরী. লৈনবা সর্ভিসশিংবু অনওর্গনাইজ ৱর্করশিংদা ফংবগী চাং মখা তানা হেনগৎহন্নবা, লেবর অমদি এমপ্লোইমেন্ত মন্ত্রালয়না ফেব্রুৱারী ২৪, ২০২৫ দা ই-শ্রম মোবাইল এপ্লিকেসন ওফিসিএল ওইনা পুথোকখ্রে। এপ্লিকেসন অসিনা ই-শ্রম প্লেতফোর্মদা পুনশিল্লিবা য়াইফ-থৌরাংগী স্কীমশিং রিএল-তাইমদা এক্সেস তৌবা য়াহন্দুনা, এসেসিবিলিতী অমদি য়ুজর কন্ভিনিএন্স মশক থোক্না হেনগৎহল্লি।

লৈঙাক অসিনা শেনবা চহি ২০২৫-২৬ কী বজেৎ এনাউন্সমেন্ততা, ই-শ্রম পোর্তেলদা রেজিস্ত্রেসন তৌবা, আইদেন্তিতী কার্দ পীবা, অমদি অয়ুস্মান ভারত-প্রধান মন্ত্রী জন অরোগ্য য়োজনা (AB-PMJAY) গী মখাদা অনা লায়েংগী খুদোংচাবা ফংহনবনচিংবা ওনলাইন প্লেতফোর্মশিংগী গিগ ৱর্করশিংগী (প্লেতফোর্ম ৱর্কর) তোঙান তোঙানবা য়াইফ থৌরাংশিং লাউথোকখি।

ৱাফম অসি লেবর অমসুং এমপ্লোইমেন্তকী রাজ্য মন্ত্রী সুস্রি সোভা করন্দলাজেনা ঙইি রাজ্য সভাদা অইবা পাউখুম ওইনা পীদুনা ফোঙদোকখিবনি।

*****