প্রধান মন্ত্রী – শাংলবা খোঙচৎ অমগী মতুংদা অদোম হল্লক্লে…

সুভান্সু সুক্লা- হোই, সার।

প্রধান মন্ত্রী – অদোম অহোংবা খর ফাওরমগনি, মসি কমদৌনা অদোম্না থেংনবগে?

সুভান্সু সুক্লা - সার, ঐখোয়না য়াহৌরকপদা, এদমোস্ফিয়ার অমসুং অকোয়বগী ফিবম তোঙাল্লি, গ্রেভিতি অমতা লৈতে।

প্রধান মন্ত্রী :  করিগুম্বা অদোম্ন পাম্লবদি, ফম্ফম লেংদনা লৈবরা…

সুভান্সু সুক্লা – ফম্ফম হোংদে সার।

প্রধান মন্ত্রী –পুং ২৩-২৪ ফম্ফম অদুদা লেংদনা লৈবরা?

সুভান্সু সুক্লা - হোই সার, অদোম্না স্পেসতা হেক য়ৌবদা, অদোমগী ফম্ফম অদু থাদোক্তুনা, অদোমগী পুল্লিবা অদু থাদোক্তুনা, অদোম কেপসুল অদুদা তাউদুনা লৈগনি অমসুং মফম অদুদা থবকশিং পাংথোক্কনি।

প্রধান মন্ত্রী -  মফম অদুদা অহাংবা কয়া য়াম্না লৈবগে?

সুভান্সু সুক্লা – মফম য়াম্না লৈতে, খর খজিক খক্তনি।

প্রধান মন্ত্রী -  হায়বদি অদোমগী ফাইত্তর জেতকী কোকপিত্তগী খর খক্ত চাউবা হেল্লি হায়বা তারে।

সুভান্সু সুক্লা -  সার, কোপিত্তগী চাউবা খর হেল্লি। অদুবু মফম অদুদা য়ৌবদা অহোংবা কয়া থেংনখি, থম্মোয়গী খোঙজেল তপথরকখি, নুমিৎ ৪-৫ অদোম মফম অদুদা লৈরকপা মতমদা, অদোম মফম অদুদা লৈবা নুংঙাইরক্কনি। অদোম্না অমুক হল্লকপা মতমদা, অমুক হন্না অহোংবশিং থেংনগনি, অদোম হকচাং য়াম্না ফরবসু অদোম চৎপা ঙম্লোই। ঐগী হকচাং করি অমতা তৌদ্রবসু, ঐনা অহানবা ওইনা খোঙ থাংবদা, ঐ তুগে তৌখি, মীওই খরনা ঐ চিংখৎখি। অনিরকশুবা, অহুমলকশুবা মতমদা, ঐনা চৎপা ঙমখি, অদুবু মফম অসি অনৌবা মফম অমনি, অনৌবা এদমোস্ফিয়ারনি হায়বা ব্রেন্না খঙবদা মতম খর চঙখি।

প্রধান মন্ত্রী -  মফম অদুদা হকচাংগী ত্রেনিং তৌবা খক নত্তনা, মফম অদুদা ৱাখলগী ত্রেনিং তৌবরা?

সুভান্সু সুক্লা –সার, ৱাখলগী ত্রেনিং পাংথোকই। মফম অদুদা হকচাংগী পাঙ্গল লৈ, মসলগী পাঙ্গল লৈ, অদুবু অনৌবা মফম অদু খঙনবা, ব্রেনগী মথৌ অমুক হন্না শেমদোক-শেমজিন তৌবা দরকার ওই, মফম অদুদা চৎনবা নত্ত্রগা থবক তৌনবা ব্রেনগী মথৌ হোংদোক-হোংজিন তৌবা দরকার ওই।

প্রধান মন্ত্রী -  মতম খ্বাইদগী শাংনা লৈবা মীওই অদু কনানো, মতম কয়া য়াম্না শাংবগে?

সুভান্সু সুক্লা -  হৌজিক ফাওবদা, মীওই অমনা থা ৮ ফাওবা লৈরে। সার, হন্দক্কী মিসন অসিদগী হৌরগা ঐখোয় থা ৮ লৈগদবনি।

প্রধান মন্ত্রী:  মফম অদুদা অদোম্না উনখিবা মীওইশিং অদু…

সুভান্সু সুক্লা – মফম অদুদা মখোয় খর লৈরমখি, মখোয় দিশেম্বরদা হল্লক্কনি।

প্রধান মন্ত্রী-  হৱায় মুঙ অমসুং মিথিদগী করি কান্নবা ফংবগে?

সুভান্সু সুক্লা - মসি য়াম্না কান্নৈ সার, অফবা পোৎলমশিং অসিগী কান্নবা মীয়াম্না খঙদে, স্পেসন ষ্টেসন অমদা চীঞ্জাক ফংবা হায়বসি অচৌবা শিংনবা অমনি, মফম য়াম্না লৈতে, কার্গোগী মমল য়াম্না ৱাংই, পীকখ্রবা মফম অমদা অদোম্না ঙম্লিবমখৈ কেলোরিশিং অমসুং মচি ওইবা চীঞ্জাক পৈশিন্দুনা থমগনি। সার, চাংয়েং পাংথোকখি অমসুং মখোয় য়াম্না লাইনা হৌখি, স্পেস ষ্টেসন অদুদা পোৎলম কয়া দরকার ওইখিদে, শুপ্নগী অপীকপা পুখম অমদা ঈশিং খর হাপ্লগা মরুশিং অদু থমখি অমসুং নুমিৎ ৮ গী মতুংদা মরুশিং অদু মতোল ফজনা চোংলকখি সার।  ষ্টেসন অদুদা ঐনা মখোয় উখি। মখোয় ঐখোয়গী লৈবাক্কী মমল তাংবা পোৎলমশিংনি, সার ঐখোয়না মসিগী খুদোংচাবা অসি হেক ফংবগা ঐখোয় মাইক্রো গ্রেভিতিগী রিছার্স পাংথোকপা ঙমগনি। মসিনা ঐখোয়গী ফুদ সেকুরিতিগী অৱাবা কোকহনবা ঙমগনি হায়বা কনানা খঙগনি, মরমদি ষ্টেসন অসিদা এষ্ট্রোনোতশিংগী লম্বী অমা লৈরি। মসিনা পৃথিবীদা লৈরিবা মীয়ামগী ফুদ সেকুরিতিগী অৱাবা কোকহনবদা মতেং পাংগনি।

প্রধান মন্ত্রী – হন্দক্কী অসিনা অহানবা ওইনা ভরতমচা অমা চৎপনি, মালেমগী অতোপ্পা লৈবাকশিংগী মীওইশিং অদুনা ভারতমচা অমা উবদা মখোয়দা করি খনবগে, মখোয়না করি হংলকপগে, মখোয়না করি ৱারি শানবগে?

সুভান্সু সুক্লা – সার, হৌখিবা চহি খর অসিদা ঐনা থেংনবদা ঐনা চৎলুবা মফমশিং অমসুং ঐনা উনবা মীওইশিং, ঐগা উনবদা মখোয় য়াম্না হরাওখি, ৱারি শানবদা য়াম্না নুংঙাইখি, ঐখোয়না করি তৌরিবগে হায়না হংখি অমসুং মদু ঐখোয়না কমদৌনা পাংথোকপগে হায়না হংখি। খ্বাইদগী মরুওইবদি, স্পেসকী লমদা ভারতনা চাউখৎলকপা অসি মীওই খুদিংমক খঙই। সার, ঐনা হরাওরিবা অসিদগী হেন্না মীওই কয়ানা গগনয়ানগী মরমদা হরাওই। করম্বা মতমদা ঐখোয়গী মিসন থাগৎকনি হায়না মখোয়না হংখি। তশেংনা হায়রবদা, ঐগী ক্রিয়ুমেতশিং ফাওবনা গগনয়ান থাগৎপা মতমদা ঐনা মখোয় চেপাউ পীগনি হায়বা নোত অমগা লোয়ননা ঐগী সহি লৌখি অমসুং মদুগী মতুংদা মখোয়না ঐখোয়গী ভেহিকলদা ফম্বা পামখি। অঙকপা ফংনা হরাওরে হায়না ঐনা খল্লি সার।

প্রধান মন্ত্রী –মখোয়না অদোম তেক জিনিয়স অমনি হায়খি। করি মরমদগী হায়বনো?

সুভান্সু সুক্লা – নত্তে, সার। মখোয়না নুংশিবদগী হায়বনি হায়না ঐনা খল্লি। অদুবু সার, ঐনা এয়রফোর্সতা ত্রেনিং তৌরকপা অমসুং তুংদা তেষ্ট পাইলোত অমা ওইনা ত্রেনিং তৌখিবা অদু য়াম্না কন্না পাংথোকখি। ঐনা এয়রফোর্সতা চংবা মতমদা, ঐনা লাইরিক য়াম্না কন্না তম্লোই হায়না খনখি, অদুবু ঐ লাইরিক য়াম্না কন্না তমখি। তেষ্ট পাইলোত অমা ওইরবা মতুংদা, মসি ইঞ্জিনিয়ারিংগী সবজেক অমগুম্না থোকখি। ঐখোয় মখা তানা ত্রেনিং তৌখি, ঐখোয়গী সাইন্তিস্তশিংনা ঐখোয় চহি ৩-৪ তাকখি। মরম অদুনা, সার, ঐখোয়না মসিন অসিগীদমক চৎপা মতমদা ঐখোয় মপুংফানা শেম-শারে হায়না ঐনা খল্লি।

প্রধান মন্ত্রী –ঐনা পীখিবা হোমৱার্ক অদু অদোম কয়া য়াম্না মাইপাকপগে?

সুভান্সু সুক্লা –য়াম্না মপুংফানা মাইপাক্লে সার। মীয়াম্না  ঐগী তুংদা ঐঙোন্দা নোক্নখি। “অদোমগী প্রধান মন্ত্রীনা অদোমদা হোমৱার্ক পীরকই” হায়রদুনা, মখোয়না ঐঙোন্দা লক্নখি। থবক অদুগীদমক ঐনা মফম অদুদা চৎলিবনি হায়বা ঐখোয়না খঙজিনবা য়াম্না দরকার ওই। মিসন অসি মাইপাক্লে, সার অমসুং ঐখোয় হল্লক্লে। অদুবু মিসন অসিনা অরোইবা নত্তে, মসিনা অহৌবনি।

প্রধান মন্ত্রী –মদুমক্নি ঐনা নুমিৎ অদুদা হায়খিবদু।

সুভান্সু সুক্লা –হোই সার, নুমিৎ অদুদা অদোম্না হায়খি…

প্রধান মন্ত্রী –মসি ঐখোয়গী অহানবা খোঙথাংনি।

সুভান্সু সুক্লা –হোই সার, অহানবা খোঙথাংনি। অহানবা খোঙথাং অসিগী মরুওইবা পান্দমদি ঐখোয়না মসিদগী কয়া য়াম্না কুপ্না তম্বা ঙম্মী হায়বা অমসুং ঐখোয়গা অফবা মরী থম্নবা অদুনি।

প্রধান মন্ত্রী –য়েংউ, ঐখোয়গী মাঙদা তারিবা য়াম্না মরুওইবা থবক্তি মশিং য়াম্লবা এষ্ট্রোনোতশিং শেমগৎপনি। ঐখোয়না মীওই ৪০-৫০ থৌরাং তৌগদবনি। হৌজিক ফাওবা, মসি পাংথোকপা য়াবা থবক অমনি হায়বা অঙাং খর খক্তনা খল্লি। অদুবু অদোমগী খোঙচৎ মতুংদা, থাজবা হেনগৎলক্কনি অমসুং মসিদা পাম্নবসু হেনগৎলক্কনি।

সুভান্সু সুক্লা – সার, ঐনা অঙাং ওইরিঙৈদা, ১৯৮৪ দা রাকেস শর্মা স্পেসতা চৎখ্রে। অদুবু, ঐখোয়গী প্রোগ্রাম অমতা লৈতবদগী এষ্টোনোত অমা ওইনিংবগী ৱাখল ঐ খনখিদে। সার,অদুবু হন্দক ঐনা ষ্টেসেন্দা চৎপা মতমদা, লাইফ ওইনা অমুক্তং অমসুং রেদিওদা অনিরক-ঐনা অঙাংশিংগা অহুমলক ৱারি শানখি।থৌরম অহুম অদুদা, সার, অঙাং অমনা “সার, কমদৌনা ঐ এষ্ট্রোনোত অমা ওইগনি?” হায়না ৱাহং অমা হংলকখি। মসিমক ঐখোয়গী লৈবাক্কী অচৌবা মাইপাকপা অমনি হায়না ঐনা খল্লি, সার- ঙসিগী ভারত্ত অঙাংশিং ইচম চম্না মঙ মঙদ্রে, মসি কমদৌনা পাংথোকপা ঙমগনি হায়বা মহাক খঙলে, মদুগী পাম্বৈ অমা লৈরে অমসুং মহাক তশেংনা এষ্ট্রোনোত অমা ওইবা ঙমগনি। অদোম্না হায়খিবগুম, সার, মসি থবক ওইনা পাংথোকপা ঐগী থৌদাংনি। ঐগী লৈবাক্কী মহুৎশীনবা ফংবা অসি ঐগী লাইবক ফবনি হায়না ঐনা খল্লি অমসুং মীওই কয়া তাঙ্কক অসিদা য়ৌহন্নবা মতেং পাংবা হায়বসি হৌজিক ঐগী থৌদাংনি।

প্রধান মন্ত্রী –হৌজিক, স্পেস ষ্টেসন অমসুং গগনয়ান…

সুভান্সু সুক্লা – সার!

প্রধান মন্ত্রী –মখোয় ঐখোয়গী মরুওইবা মিসনশিংনি…

সুভান্সু সুক্লা – সার!

প্রধান মন্ত্রী –অদোম্না থেংরকপশিং অদু মিসনশিং অদুদা য়াম্না কান্নগনি।

সুভান্সু সুক্লা – সার, ঐসু থাজৈ। ঐখোয়গী সরকারগী থবক্না, অদোমগী লুচিংবগী মখাদা, মাইথিবা কয়া লৈজরবসু চহি খুদিংগী বজেত্ত স্পেস প্রোগ্রামগী শেনফম হেনগৎলে। খুদম ওইনা, সার, চন্দ্রয়ান-২ মাইপাকখিদে, অদুবু ঐখোয় মাঙলোমদা চঙশিনগনি হায়না ঐখোয়না হায়খি অমসুং চন্দ্রয়ান-৩ মাইপাকখি। মাইথিবা কয়াগী মতুংদা ফাওবা, অসিগুম্বা মতেং লাক্লবদি, অমসুং মালেম শীনবা থুংবনা য়েংলি, মতম অদুদা শোইদনা, হিরম অসিদা মাংজিল থাবগী থৌদাং অমা লৌনবা ঐখোয়গী থৌনা অমসুং ফিবম অনিমক লৈরি। অতোপ্পা লৈবাকশিংসু শরুক য়াদুনা, ভারতনা লমজিংবা স্পেস ষ্টেসন অমা লৈরবদি, মদু শক্তি য়াম্না লৈবা ষ্টেসন অমা ওইগনি। স্পেস মেনুফেকচরিংদা অত্মনির্ভরতাগী মরমদা অদোমগী ৱাহৈশিং ঐ তারে। সার, থবকশিং অসি অমগা অমগা শম্নৈ। অদোমগী পান্দমনা ঐখোয়দা পীরে- গগনয়ান, বি.এস.এ অমসুং থাগী লৈমাইদা তাবা- মসি অচৌবা মঙলান অমনি সার।

প্রধান মন্ত্রী –অত্মনির্ভরগা লোয়ননা করিগুম্বা ঐখোয়না মসি পাংথোকপা ঙম্লবদি, মসি য়াম্না ফবা ওইগনি।

সুভান্সু সুক্লা – শোইদনা ওইগনি, সার।

সুভান্সু সুক্লা – সার, স্পেসতগী ভারতকী ফোতোগ্রাফশিং লৌনবা ঐসু হোৎনখি। সার, মসিদগী ভারত হৌবনি। মসিগী ত্রাইএঙ্গল অসি বেঙ্গালুরুনি, সার। মসিনা হায়দ্রবাদনি। অদোম্না উরি মৈ মঙাল অসিনা,সার, মসি নোংথাং কুপ্পনি। মফম অসিদা চীঙজাওশিং লৈরে। ঐখোয়না লান্দুনা চৎলিবা অমম্বা শরুক অসিনা হিমালায়শিংনি। সার, মথক্কী অসিনা থৱান্মিচাকশিংনি অমসুং সার, নুমিৎনা ঐখোয়গী তুংদা থোক্লি।

*****