৭৯শুবা নিংতম্বা নুমিত্ত, প্রধান মন্ত্রী শ্রী নরেন্দ্র মোদীনা হায়খি অত্মনির্ভর ভারত অসি বিকসিত ভারতকী মরুওইবা য়ুম্বীশিংগী মনুংদা অমনি, হৌজিক ভারত দিফেন্স, তেক্নোলোজি, ইনর্জি, স্পেস অমসুং মেনুফেকচরিংদা খুমাঙ চাউশিল্লে। ওপরেসন সিন্দুরগী মতাংদা পল্লদুনা, প্রধান মন্ত্রীনা হায়খি কিহল্লকপশিং থেংন্নবা, অত্মনির্ভরনা লৈবাক অসিগী মপাঙ্গল ওইহন্নবা, ইকায়খুম্নবা অমসুং ২০৪৭ ফাওবদা বিকসিত ভারত অমা ওইনবগী খোঙচত্ত লালগী থবকশিংদা মশা মরোমদোম লেপচবা অমসুং লৈবাক অসিনা লালগী খুৎলায়শিং শাজবা অসি য়াম্না মরুওই।

অত্মনির্ভর ভারত: প্রধান মন্ত্রীগী মরুওইবা ৱাফমশিং

1.        ঙাক-শেনগী অত্মনির্ভর অমসুং ওপরেসন সিন্দুর: প্রধান মন্ত্রীনা হায়খি ওপরেসন সিন্দুর অসি ভারতকী ঙাক-শেনগী লমদা অত্মনির্ভর ওইবগী খুদম অমনি। মেদ-ই-ইন্দিয়া খুৎলায়শিং, চপ চানা অমসুং মনিংতম্না ভারতনা খুৎ থাবা ঙম্বা, লৈবাক্কী সেকুরিতিগীদমক মপান লৈবাকশিংগী মখা পোন্দবা য়াওনা লৈবাক অসিনা মশানা থবক কয়া পাংথোকচবা ঙম্লে।

2.        জেত ইঞ্জিন্দা অত্মনির্ভর: প্রধান মন্ত্রীনা হায়খি ভারতকী ইন্নোবেতরশিং অমসুং নহারোলশিংনা ভারত মনুংদা জেত ইঞ্জিনশিং শাগদবনি, তুংগী দিফেন্স তেক্নোলোজি পুম্নমক লৈবাক অসিদা শেমগৎলে অমসুং অত্মনির্ভর ওইরে।

3.        সেমিকন্দক্তরশিং অমসুং অৱাংবা থাক্কী তেক্নোলোজিশিংদা মাঙজিল থাবা: ২০২৫ লোইশিল্লকপদা ভারতনা মেদ ইন ইন্দিয়া সেমিকন্দক্তর চিপশিং পুথোক্লগনি, অরুবা তেক্নোলোজিগী লমদা লৈবাক অসিনা চাউখৎলকপগী মমি তারে। মহাক্না হায়খি এ.আই. সাইবর সেকুরিতি, দিপ-তেক অমসুং ওপরেতিং সিষ্টেমশিংদা অনৌবা থবকশিং পায়খৎপা অসি মালেমগী ওইনা চাংদম্নবনি।

4.        স্পেসকী হিরমদা মনিংতম্বা:

•        গ্রুপ কেপ্তেন সুভান্সু সুক্লাগী শিংথানিঙাই ওইরবা মাইপাকপশিং হরাওবা ফোঙদোক্লদুনা, প্রধান মন্ত্রীনা ভারত মশাগী স্পেস ষ্টেসন শেমগৎনবগী থৌরাং লাউথোকখি, লৈবাক অসিগী মশাগী স্পেসকী তৌবা ঙম্বশিংগী অনৌবা যুগ অমগী ইঙ্গিৎ পীখি।

•        মহাক্না হায়খি ষ্টার্দঅপ ৩০০ হেনবনা সেতেল্লাইতশিং, এক্সপ্লোরেসন অমসুং অৱাংবা থাক্কী স্পেস তেক্নোলোজিশিংদা অনৌবা থবকশিং পায়খৎলি, ভারতনা শরুক য়াবা খক নত্তনা স্পেস সাইন্স অমসুং এক্সপ্লোরেসন্দা মালেমগী মাঙজিল থারে।

5.        মৈখু থাংদবা অমসুং রিন্যুএবল ইনর্জি

•        প্রধান মন্ত্রীনা হায়খি ইনর্জিদা মনিংতম্বা অসি য়াম্না মরুওই, নহারোলশিংগী তুংগী য়াইফনবা অমসুং লৌমীশিংগী য়াইফনবা ইনর্জিদা মনিংতম্বা লৈহনগদবনি।

•        মহাক্না হায়খি পৃথিবী অসি শাবা হেনগৎলকপগী মালেম্না মরৈ য়েৎনরিঙৈদা, ২০৩০ ফাওবদা ক্লিন ইনর্জি চাদা ৫০ পুথোক্নবা ভারতনা ৱারেপ লৌরে, পান্দম অসি ২০২৫ দা ফংবদা, ঐখোয়গী মীয়ামগী থবকশিং থাগৎপা ফোঙদোক্লি।

•        সোলার, ন্যুক্লিয়ার, হায়দ্রো অমসুং হায়দ্রোজেন ইনর্জি খুমাঙ চাউশিল্লে, ইনর্জি নিংতম্নবা মাইকৈদা অকনবা থবক অমা পায়খৎলে।

•        প্রধান মন্ত্রীনা হায়খি লনাই কাংবু শরুক য়াহন্দুনা ন্যুক্লিয়ার ইনর্জি পাকথোক-চাউথোকহন্নবা ভারতনা মীৎয়েং চঙলে। হৌজিক অনৌবা ন্যুক্লিয়ার ইনর্জি ১০ থবক তৌরি অমসুং ভারতনা নিংতম্বা চহি ১০০ শুবদা, লৈবাক অসিগী ন্যুক্লিয়ার ইনর্জি পুথোকপা শরুক ১০ দা হেনগৎনবা ভারতনা পান্দম থম্লি।

6.        নেসনেল ক্রিতিকেল মিনরেলস মিসন: ইনর্জি, উদ্যোগ অমসুং ঙাক-শেনগী দরকার ওইবা মচাকশিং ফংনবা, ভারতনা নেসনেল ক্রিতিকেল মিনরেলস মিসন হৌদোক্লে, মফম ১,২০০ খঙদোক্লে। হায়রিবা মিনরেলশিং অসি লৌথোকপদগী মরুওইবা থবকশিংদা মনিংতম্বা হেনগৎলে, ভারতকী উদ্যোগ অমসুং ঙাক-শেনগী হিরমশিং অত্মনির্ভর ওইহল্লে।

7.        নেসনেল দিপৱাতর এক্সপ্লোরেসন মিসন: ভারতনা মসিগী দিপৱাতর ইনর্জি লৌথোক্লগনি, ইনর্জিদা অত্মানির্ভর ওইবা হেনগৎলে অমসুং মপান লৈবাকশিংদগী থাউ পুশিল্লকপগী মখা পোনবা হন্থরে।

8.        লৌউ-শিংউগী অত্মনির্ভর অমসুং হারশিং: প্রধান মন্ত্রীনা হায়খি লৌমীশিংগী ফিবম ফগৎনবা অমসুং লৈবাক অসিগী চীঞ্জাক ৱাৎহন্দনবা লৈবাক অসিনা মশানা হারশিং পুথোকপা দরকার ওইরে। মপান লৈবাকশিংদগী পুশিল্লকপগী মখা পোনবা হন্থহনবনা লৈবাক অসিগী লৌউ-শিংউগী থবকশিং মনিংতমহনগনি, লৌমীশিং য়াইফগনি অমসুং ভারতকী শেন-থুমগী ফিবম ফগৎহনগনি।

9.        দিজিতেলগী মনিংতম্বা অমসুং লৈবাক অসিদা শাজবা প্লেতফোর্মশিং: প্রধান মন্ত্রী মোদীনা হায়খি নহারোলশিংনা ভারত মশাগী সোসিএল মেদিয়া প্লেতফোর্মশিং অমসুং দিজিতেল ইনফ্রাষ্ট্রকচরশিং শেমগৎদবনি, কম্মুনিকেসন, দেতা অমসুং তেক্নোলোজিগী থবকশিং অশোই-অঙাম থোকহল্লোইদবনি অমসুং মনিংতমগদবনি, ভারতকী দিজিতেল ওতোনোমি মপাঙ্গল কনখৎহনগদবনি।

10.      হিদাক-লাংথকশিং অমসুং ইন্নোবেসন্দা অত্মনির্ভর: প্রধান মন্ত্রী মোদীনা হায়খি ভারত অসি “মালেমগী ফার্মাসি” হায়না খঙনরি অমসুং থিজিনবা অমসুং দিবলপমেন্তদা শেন হেন্না থাদবা দরকার ওইরে। মীওইবা খুন্নাইগী য়াইফনবগীদমক করিগীদমক ঐখোয়না খ্বাইদগী ফবা অমসুং মমল হোংবা হিদাকশিং ফংহল্লোইদৌরিবনো? হায়না মহাক্না হংখি।

•        প্রধান মন্ত্রীনা হায়খি লৈবাক অসিগী ওইবা ফার্মাসিউতিকেল ইন্নোবেসন্দা ভারতকী ফিবম ফগৎলে, ভারত মনুংদা অনৌবা হিদাকশিং, ভেক্সিনশিং অমসুং থৱায় কন্নবা লায়েংশিং পুথোকপা দরকার ওইরে।

•        লৈবাক অসিদা পুথোকপা ভেক্সিনশিং অমসুং কোৱিনগুম্বা প্লেতফোর্মশিংনা মালেমগী মীওই মিল্লিয়ন কয়াগী পুন্সি কনখিবা, ভারতনা কোবিদ-১৯ গী পায়খৎখিবা থবকশিং নিংশিংলদুনা, প্রধান মন্ত্রীনা হায়খি মসিগী লৈবাক অসিনা অনৌবা থবক অসি হেন্না পায়খৎকদবনি।

•        প্রধান মন্ত্রীনা হায়খি অনৌবা হিদাকশিং অমসুং মেদিকেল তেক্নোলোজিশিংগী পেতেন্তশিং ফংনবা থিজিল্লোয়শিং অমসুং ওন্ত্রেপ্রেন্যুরশিংনা হোৎনগদবনি, ভারতনা মশাগী অনা-লায়য়েংগী দরকার ওইবশিং ফংবা খক নত্তনা মালেমগী য়াইফনবসু মতেং পাংগদবনি, লৈবাক অসি মেদিকেল অমসুং ইন্নোবেসনগী হিরমদা অত্মনির্ভরগী মফম অমা ওইনা শেমগৎকদবনি।

11.      শ্বাদেসিগী লুচিংবা: প্রধান মন্ত্রীনা হায়খি “ভোকেল ফোর লোকেল” থৌরাংগী মখাদা ভারত্ত শাবা পোৎথোকশিং শীজিন্নবদা মাঙজিল থানবা মীয়াম অমসুং দুকান ফম্লিবশিংনা হোৎনগদবনি। শ্বাদেসি অসি চাউথোকচবা অমসুং পাঙ্গলদগী ওইরক্কদবনি, নমদুনা ওইহনগদবা নত্তে। অত্মনির্ভর ফগৎনবা, ওন্ত্রেপ্রেন্যুরশিপ শৌগৎনবা অমসুং ভারতকী শেন-থুম অমসুং উদ্যোগ মপাঙ্গল কনখৎনবা দুকানশিংগী মমাংদা “শ্বাদেসি” বোর্দশিং থেৎকদবনি।

12.      মিসন সুদর্সন চক্র: চৎনবী ইকায়খুম্নবা উৎলদুনা অমসুং ঙাক-শেনগী থবক মপাঙ্গল কনখৎহল্লদুনা, “মিসন সুদর্সন চক্র” হৌদোক্লে হায়না প্রধান মন্ত্রী মোদীনা লাউথোকখ্র, মসিনা য়েক্নবগী ঙাক-শেনগী থবকশিং থুগাইনবা অমসুং ভারতকী লালগী মপাঙ্গল হেনগৎহন্নবা পান্দম থম্লি।

•        প্রধান মন্ত্রীনা মিসন অসিগা শ্রী কৃষ্ণগী সুদর্নস চক্রগা চাংদম্নখি, অনৌবা মতমগী ঙাক-শেনগী থবকশিং লমজিংবা কমদৌনা ভারতনা লৈবাক অসিগী ইনাকখুল্লবা নাৎ অমসুং মিথোলোজিকেল হেরিতেচদগী ইথিল লৌবগে হায়বা ফোঙদোকখি। লালগী থবকশিংদা মনিংতম্নবা, য়াংনা থবক পায়খৎনবা, খুৎ চুম্নবা অমসুং শিংনরকপা খুদিংমক শক্তি লৈনা পাউখুম পীনবা মিসন অসিনা পান্দম থম্লি।

***