দিল্লীৰ সৰ্বজন পৰিচিত  লালকিল্লাৰ পৰা প্ৰধানমন্ত্ৰী শ্ৰী নৰেন্দ্ৰ মোদীয়ে নেতৃত্ব দিব ৭৯ সংখ্যক স্বাধীনতা দিৱস উদযাপনৰ।  দেশে ২০২৫ চনৰ ১৫ আগষ্টত স্বাধীনতা দিৱস উদযাপন কৰিব  । প্ৰধানমন্ত্ৰীয়ে এই ঐতিহ্যমণ্ডিত কীৰ্তিচিহ্নৰ প্ৰাচীৰৰ পৰা ৰাষ্ট্ৰীয় পতাকা উত্তোলন কৰি দেশবাসীক সম্বোধন কৰিব। ২০৪৭ চনৰ ভিতৰত বিকশিত  ভাৰতৰ  বাবে চৰকাৰৰ দৃষ্টিভংগী বাস্তৱায়িত কৰাৰ দিশত দেশ খনে  বিশাল অগ্ৰগতি লাভ কৰাৰ সময়তে এইবাৰৰ স্বাধীনতা দিৱস উদযাপনৰ বিষয়বস্তু হৈছে নতুন ভাৰত। এই উদযাপনসমূহে সমৃদ্ধিশালী, সুৰক্ষিত আৰু নতুন ভাৰতৰ অবিৰত উত্থানৰ যাত্ৰাৰ  এক মঞ্চ হিচাপে কাম কৰিব । ইয়াৰ লগতে দেশ খনক  প্ৰগতিৰ পথত আৰু অধিক আগবাঢ়ি যাবলৈ নৱীকৃত শক্তি প্ৰদান কৰিব।

কাৰ্যসূচীসমূহ

লালকিল্লাত উপস্থিত হোৱাৰ লগে লগে প্ৰধানমন্ত্ৰীক প্ৰতিৰক্ষা মন্ত্ৰী শ্ৰী ৰাজনাথ সিং, প্ৰতিৰক্ষা ৰাজ্য মন্ত্ৰী শ্ৰী সঞ্জয় ছেঠ আৰু প্ৰতিৰক্ষা সচিব শ্ৰী ৰাজেশ কুমাৰ সিঙে আদৰণি জনাব । প্ৰতিৰক্ষা সচিবে প্ৰধানমন্ত্ৰীৰ সৈতে জেনেৰেল অফিচাৰ কমাণ্ডিং (GoC), দিল্লী এৰিয়া লেফটেনেণ্ট জেনেৰেল ভৱনীশ কুমাৰক চিনাকি কৰাই দিব। ইয়াৰ পিছত দিল্লীৰ চৰকাৰে শ্ৰী নৰেন্দ্ৰ মোদীক অভিবাদন ক্ষেত্ৰলৈ লৈ যাব , য’ত আন্তঃসেৱা তথা  দিল্লী আৰক্ষীৰ সংযুক্ত বাহিনীয়ে প্ৰধানমন্ত্ৰীক অভিবাদন জনাব । ইয়াৰ পিছত প্ৰধানমন্ত্ৰীয়ে গাৰ্ড অৱ অনাৰ পৰিদৰ্শন কৰিব।

প্ৰধানমন্ত্ৰীৰ বাবে গাৰ্ড অৱ অনাৰৰ  দলটোত ৯৬ জন লোক থাকিব (সেনা, নৌসেনা, বায়ুসেনা আৰু দিল্লী আৰক্ষীৰ পৰা এজনকৈ বিষয়া তথা ২৪ জনকৈ জোৱান।)  ভাৰতীয় বায়ুসেনাই এই বছৰ স্বাধীনতা দিৱস উদযাপনৰ সমন্বয়ক    হিচাবে কাম কৰিছে। গাৰ্ড অৱ অনাৰৰ কমাণ্ডাৰ হ’ব উইং কমাণ্ডাৰ এ এছ চেখন। প্ৰধানমন্ত্ৰীৰ গাৰ্ড অব অনাৰত  থকা সেনা দলটোৰ কমাণ্ডাৰ হ’ব মেজৰ অৰ্জুন সিং, নৌসেনাৰ দলটোৰ কমাণ্ডাৰ হ’ব লেফটেনেণ্ট কমাণ্ডাৰ কোমলদীপ সিং আৰু বায়ুসেনাৰ দলটোৰ কমাণ্ডাৰ হ’ব স্কোয়াড্ৰন নেতা ৰাজন অৰোৰা। দিল্লী আৰক্ষীৰ দলটোৰ কমাণ্ডাৰ হ’ব অতিৰিক্ত ডিচিপি শ্ৰীযুত ৰোহিত ৰাজবীৰ সিং ।

গাৰ্ড অৱ অনাৰ পৰিদৰ্শন কৰাৰ পিছত প্ৰধানমন্ত্ৰীয়ে লালকিল্লাৰ প্ৰাচীৰলৈ আগবাঢ়ি যাব আৰু তাত তেওঁক আদৰণি জনাব প্ৰতিৰক্ষামন্ত্ৰী শ্ৰী ৰাজনাথ সিং, প্ৰতিৰক্ষা ৰাজ্যমন্ত্ৰী শ্ৰী সঞ্জয় ছেঠ, প্ৰতিৰক্ষা মুৰব্বী জেনেৰেল অনিল চৌহান, সেনা বাহিনীৰ মুৰব্বী জেনেৰেল উপেন্দ্ৰ দ্বিবেদী, নৌসেনাৰ মুৰব্বী এডমিৰেল দিনেশ কে ত্ৰিপাঠী আৰু এয়াৰ ষ্টাফৰ মুৰব্বী এয়াৰ চীফ মাৰ্শ্বাল এ পি সিঙে। প্ৰধানমন্ত্ৰীক   মঞ্চলৈ   আগবঢ়াই নিব  দিল্লী এৰিয়াৰ জিঅচিয়ে  আৰু প্ৰধানমন্ত্ৰীয়ে তাতেই  ৰাষ্ট্ৰীয় পতাকা উত্তোলন কৰিব।

উৰণ বিষয়া ৰশিকা শৰ্মাই প্ৰধানমন্ত্ৰীক ৰাষ্ট্ৰীয় পতাকা উত্তোলনত সহায় কৰিব।  ১৭২১ ফিল্ড বেটাৰী (চেৰমনিয়াল)ৰ জোৱানসকলে ২১টা গান চেলুটৰ সৈতে এই অনুষ্ঠানৰ সৈতে  সমন্বয় ৰক্ষা  কৰিব। থলুৱা ১০৫ মিমি লাইট ফিল্ড গান ব্যৱহাৰ কৰা এই আনুষ্ঠানিক বেটাৰীৰ কমাণ্ড হ’ব মেজৰ পৱন সিং শ্বেখাৱাট আৰু গান পজিচন অফিচাৰ হ’ব নাইব চুবেদাৰ (গানাৰীৰ সহকাৰী প্ৰশিক্ষক) অনুতোষ সৰকাৰ।

ৰাষ্ট্ৰীয় পতাকা গাৰ্ড, সেনা, নৌসেনা আৰু বায়ুসেনা আৰু দিল্লী আৰক্ষীৰ পৰা এজনকৈ বিষয়া তথা  ৩২ জন অন্যান্য ৰেংকৰ মুঠ ১২৮ জন জোৱানে প্ৰধানমন্ত্ৰীয়ে ৰাষ্ট্ৰীয় পতাকা উত্তোলনৰ সময়ত ৰাষ্ট্ৰীয় চেলুট প্ৰদান কৰিব। এই আন্তঃসেৱা গাৰ্ড আৰু পুলিচ গাৰ্ডৰ কমাণ্ডাৰ হ’ব উইং কমাণ্ডাৰ তৰুণ ডাগাৰ।

নেশ্যনেল ফ্লেগ গাৰ্ডত থকা সেনা দলটোৰ কমাণ্ডাৰ হ’ব মেজৰ প্ৰকাশ সিং, নৌসেনাৰ কণ্টিজেণ্টৰ কমাণ্ডাৰ লেফটেনেণ্ট কমাণ্ডাৰ মহম্মদ পাৰৱেজে আৰু বায়ুসেনাৰ কণ্টিজেণ্টৰ কমাণ্ডাৰ হ’ব স্কোয়াড্ৰন লিডাৰ ভি ভি শ্বাৰভান। দিল্লী আৰক্ষীৰ দলটোৰ কমাণ্ডাৰ হ’ব অতিৰিক্ত ডিচিপি শ্ৰী অভিমন্যু পছৱাল।

এজন জেচিঅ’ আৰু ২৫টা অদাৰ ৰেংকৰে গঠিত বায়ুসেনাৰ বেণ্ডটোৱে ৰাষ্ট্ৰীয় পতাকা উত্তোলন আৰু ‘ৰাষ্ট্ৰীয় চেলুট’ প্ৰদানৰ সময়ত ৰাষ্ট্ৰীয় সংগীত পৰিবেশন কৰিব। বেণ্ডটোৰ পৰিচালনা কৰিব জুনিয়ৰ ৱাৰেণ্ট অফিচাৰ এম ডেকাই। প্ৰথমবাৰৰ বাবে ১১ জন অগ্নিবীৰ বায়ু সংগীতজ্ঞই ৰাষ্ট্ৰীয় সংগীত বজাব বেণ্ডটোৰ অংশ হিচাবে ।

প্ৰধানমন্ত্ৰীয়ে ৰাষ্ট্ৰীয় পতাকা উত্তোলন কৰাৰ লগে লগে ভাৰতীয় বায়ুসেনাৰ দুখন মি-১৭ হেলিকপ্টাৰেৰে সভাস্থলীত পুষ্প বৃষ্টি কৰিব। ‘অপাৰেচন সিন্দুৰ’ক  চিত্ৰিত  কৰা পতাকাই  শোভা বৃদ্ধি কৰিব। হেলিকপ্টাৰ কেইখনৰ কেপ্তেইন হ’ব উইং কমাণ্ডাৰ বিনয় পুনিয়া আৰু উইং কমাণ্ডাৰ আদিত্য জয়ছোৱাল।

আমন্ত্ৰণ পত্ৰত অপাৰেচন সিন্দুৰৰ ল’গ’ও আছে। নিমন্ত্ৰণী পত্ৰত ‘নতুন  ভাৰত’ৰ উত্থানৰ চিত্ৰ অংকন কৰা চেনাব দলঙৰ ছবিও আছে।

জ্ঞানপথত ‘নতুন ভাৰত’ গঠন

পুষ্প বৃষ্টিৰ  পিছত প্ৰধানমন্ত্ৰীয়ে ৰাষ্ট্ৰক সম্বোধন কৰিব। তেওঁৰ ভাষণৰ সামৰণিত ৰাষ্ট্ৰীয় কেডেট কৰ্পছৰ কেডেট আৰু ‘মাই ভাৰত’ স্বেচ্ছাসেৱকসকলে ৰাষ্ট্ৰীয় সংগীত পৰিবেশন কৰিব। উদযাপনত মুঠ ২৫০০ ল'ৰা আৰু ছোৱালী কেডেট (সেনা, নৌসেনা আৰু বায়ুসেনা) আৰু ‘মাই ভাৰত’ স্বেচ্ছাসেৱকে অংশগ্ৰহণ কৰিব। এই কেডেটসকল আৰু ‘মাই ভাৰত’ স্বেচ্ছাসেৱকসকলে সমগ্ৰ অনুষ্ঠানটোক উজলাই তুলিব।

বিশেষ অতিথি

এই বছৰ লালকিল্লাত অনুষ্ঠিত হোৱা এই উদযাপনৰ সাক্ষী হ’বলৈ বিভিন্ন শ্ৰেণীৰ ৫ হাজাৰ বিশেষ অতিথিক আমন্ত্ৰণ জনোৱা হৈছে। ইয়াৰ ভিতৰত আছে:

বিশেষ অলিম্পিক ২০২৫ৰ ভাৰতীয় দল

আন্তঃৰাষ্ট্ৰীয় ক্ৰীড়া প্ৰতিযোগিতাৰ বিজয়ী

খেলো ইণ্ডিয়া পেৰা গেমছৰ স্বৰ্ণ পদক বিজয়ী

ৰাষ্ট্ৰীয় মৌপালন আৰু মৌ অভিযানৰ অধীনত প্ৰশিক্ষিত আৰু আৰ্থিকভাৱে সহায় কৰা শ্ৰেষ্ঠ প্ৰদৰ্শনকাৰী কৃষক

ঔষধি উদ্ভিদৰ সংৰক্ষণ, উন্নয়ন আৰু বহনক্ষম ব্যৱস্থাপনাৰ আঁচনিৰ অধীনত শ্ৰেষ্ঠ প্ৰদৰ্শন কৰা কৃষক

ই-আলোচনাযোগ্য গুদাম ৰচিদৰ বাবে ক্ৰেডিট নিশ্চয়তা আঁচনিৰ অধীনত ক্ৰেডিট লাভ কৰা শ্ৰেষ্ঠ প্ৰদৰ্শন কৰা কৃষক ব্যৱসায়ী/সমবায়

মুকলি শৌচ মুক্ত প্লাছ গাঁৱৰ শ্ৰেষ্ঠ প্ৰদৰ্শন কৰা সৰ্পঞ্চ

কেচ দ্য ৰেইন অভিযানৰ শ্ৰেষ্ঠ প্ৰদৰ্শন কৰা সৰ্পঞ্চ

পি এম ইউভা (যুৱ লেখক মেণ্টৰশ্বিপ আঁচনি)ৰ অধীনত শ্ৰেষ্ঠতা প্ৰদৰ্শন কৰা যুৱ লেখক

পি এম-বিকাশ আঁচনিৰ অধীনত শ্ৰেষ্ঠতা  প্ৰদৰ্শন কৰা যুৱক, দক্ষ আৰু প্ৰশিক্ষিত

ট্ৰাইফেডৰ দ্বাৰা পি এম বন ধন যোজনাৰ অধীনত শ্ৰেষ্ঠতা প্ৰদৰ্শন কৰা উদ্যোগী

ৰাষ্ট্ৰীয় অনুসূচিত জাতি/জনজাতি হাব আঁচনিৰ অধীনত অনুসূচিত জাতি/জনজাতি সম্প্ৰদায়ৰ শ্ৰেষ্ঠতা  প্ৰদৰ্শন কৰা উদ্যোগী

PM-DAKSH, SHREYAS আৰু SHRESTA আঁচনিৰ অধীনত শ্ৰেষ্ঠ প্ৰদৰ্শন কৰা ছাত্ৰ-ছাত্ৰী

VISVAS আঁচনিৰ অধীনত শ্ৰেষ্ঠতা প্ৰদৰ্শন কৰা আত্মসহায়ক গোট

এন এছ টি এফ ডি চিৰ দ্বাৰা শ্ৰেষ্ঠ প্ৰদৰ্শনকাৰী উদ্যোগী

শ্ৰেষ্ঠ প্ৰদৰ্শন কৰা  পেকছ্

পি এম ইন্টাৰশ্বিপ আঁচনিৰ শ্ৰেষ্ঠ প্ৰদৰ্শনকাৰী ইন্টাৰ্ণ

শ্ৰেষ্ঠতা প্ৰদৰ্শন কৰা মাই ভাৰত স্বেচ্ছাসেৱকসকল

পি এম আৱাস যোজনা গ্ৰামিনৰ হিতাধিকাৰী

দিল্লী ভিত্তিক স্কুলীয়া শিশু যিসকল অনলাইন/অফলাইন কুইজ/প্ৰতিযোগিতাৰ বিজয়ী

স্বচ্ছতা অভিযানৰ ৫০ গৰাকী উন্নত প্ৰদৰ্শনকাৰী স্বচ্ছতা কৰ্মী

লাখপতি দিদিৰ হিতাধিকাৰী

অংগনবাড়ী কৰ্মী/সহায়ক, তত্বাৱধায়ক, শিশু উন্নয়ন প্ৰকল্পৰ বিষয়া, শিশু যত্ন প্ৰতিষ্ঠান, মিছন শক্তি

বন্ধা শ্ৰমিকসকলক পুনৰুদ্ধাৰ কৰা, মহিলা তথা শিশুসকলক উদ্ধাৰ আৰু পুনৰ্বাসন কৰা ব্যক্তি

আন্তঃৰাষ্ট্ৰীয় যোগ দিৱসৰ সৈতে জড়িত স্বেচ্ছাসেৱক/প্ৰশিক্ষক

কেন্দ্ৰীয়/ৰাজ্যিক খণ্ডৰ সমাজ কল্যাণ আঁচনিৰ যিকোনো এটাত উল্লেখনীয়  পৰ্যায়ত উপনীত হোৱা সৰ্পঞ্চ/গাঁৱৰ নেতা

ভাইব্ৰেণ্ট ভিলেজৰ অতিথি

যোৱা এবছৰৰ ভিতৰত ৰাষ্ট্ৰীয় গ্ৰাম্য জীৱিকা অভিযানৰ অধীনত আত্মসহায়ক গোট

প্ৰতিৰক্ষা উৎকৰ্ষতাৰ বাবে উদ্ভাৱক/উদ্যোগী

আন্দামান আৰু নিকোবৰ দ্বীপপুঞ্জৰ স্থানীয় সম্প্ৰদায়ৰ জনজাতীয় শিশু

বিভিন্ন ৰাজ্য/কেন্দ্ৰ শাসিত অঞ্চলৰ পৰাও পৰম্পৰাগত সাজ-পোছাক পৰিধান কৰা ১৫০০ৰো অধিক লোকক এই অনুষ্ঠানৰ সাক্ষী হ’বলৈ আমন্ত্ৰণ জনোৱা হৈছে।

ৰাজহুৱা সুবিধা

ক্লক ৰুমৰ ব্যৱস্থা: গণৰাজ্য দিৱস উদযাপনৰ সময়ত দৰ্শকে ক্লক ৰুমৰ উপলব্ধতাক শলাগ লৈছিল। ব্যৱহাৰকাৰীৰ সহজতাৰ বাবে স্বাধীনতা দিৱস উদযাপনৰ সময়ত প্ৰথমবাৰৰ বাবে ১২টা স্থানত ২৫টা ক্ল’ক ৰুম স্থাপন কৰা হৈছে।

হেল্পডেস্কত স্বেচ্ছাসেৱক: ১৯০ জন স্বেচ্ছাসেৱকে (‘মাই ভাৰত’ৰ পৰা ১২০ আৰু  এনচিচিৰ পৰা ৭০) আৰক্ষী কৰ্মীৰ সৈতে দৰ্শনাৰ্থীসকলক সহায় কৰিব। স্বেচ্ছাসেৱকসকলক লালকিল্লালৈ যোৱাৰ পথত দৰ্শনাৰ্থীসকলে চিনাক্ত কৰিব পাৰিব ।

হুইল চেয়াৰৰ ব্যৱস্থা: হুইল চেয়াৰৰ সহায়ৰ প্ৰয়োজন হোৱা সকলো দৰ্শনাৰ্থীৰ বাবে মেট্ৰ’ ষ্টেচন আৰু পাৰ্কিং এলেকাত এনচিচিৰ কেডেট থাকিব।

অতিৰিক্ত গাড়ী পাৰ্কিঙৰ সুবিধাঃ ২৫০ খন অতিৰিক্ত গাড়ীৰ বাবে গাড়ী পাৰ্কিঙৰ ব্যৱস্থা কৰা হৈছে পাৰ্কিং নং ৪এত ।

মেট্ৰ’ সেৱাঃ অহা ১৫ আগষ্টৰ পুৱা ৪ বজাৰ পৰা মেট্ৰ’ সেয়া কাৰ্যক্ষম হ’ব,  যাতে ৰাইজক সহজে সভাস্থলীত উপস্থিত হ’ব পাৰে।

প্ৰতিযোগিতা

স্বাধীনতা দিৱসৰ পূৰ্বে প্ৰতিৰক্ষা মন্ত্ৰালয়ে মাই গভৰ সহযোগত কুইজ আৰু অন্যান্য  প্ৰতিযোগিতা অনুষ্ঠিত কৰে।প্ৰতিযোগিতাসমূহৰ সবিশেষ তলত দিয়া ধৰণৰ:

জ্ঞানপথৰ গঠনৰ আৰ্হি বিষয়ক  প্ৰতিযোগিতা

‘অপাৰেচন সিন্দুৰ- সন্ত্ৰাসবাদৰ বিৰুদ্ধে ভাৰতৰ নীতিক পুনৰ সংজ্ঞায়িত কৰা’ বিষয়ক ৰচনা প্ৰতিযোগিতা

ৰিল প্ৰতিযোগিতা: ভাৰতীয় স্বাধীনতাৰ স্মৃতিসৌধ/স্থানলৈ  ভ্ৰমণ

‘নতুন ভাৰত শক্তিশালী ভাৰত’ শীৰ্ষক চিত্ৰকলা প্ৰতিযোগিতা।

অনলাইন কুইজ প্ৰতিযোগিতাৰ বিষয়সমূহ :

নতুন ভাৰত গঢ় দিয়াত মহিলাৰ ভূমিকা

ভাৰত ৰণভূমিঃ ভাৰতৰ সীমান্ত

ৰাষ্ট্ৰীয় নিৰাপত্তাত আত্মনিৰ্ভৰ উদ্ভাৱনৰ উত্থান

প্ৰতিযোগিতাসমূহৰ প্ৰায় ১০০০ বিজয়ীয়েও এই উদযাপনত  অংশগ্ৰহণ কৰিব।

মিলিটাৰী বেণ্ডৰ পৰিবেশন

নাগৰিকসকলৰ মাজত দেশপ্ৰেমৰ মনোভাব  বৃদ্ধিৰ বাবে আৰু অপাৰেচন সিন্দুৰৰ বিজয় উদযাপনৰ বাবে স্বাধীনতা দিৱস উদযাপনৰ সন্ধিয়া প্ৰথমবাৰৰ বাবে সমগ্ৰ ভাৰতবৰ্ষত কেইবাটাও বেণ্ডে  অনুষ্ঠান পৰিবেশন  কৰিব । সমগ্ৰ দেশৰ ১৪০ টাতকৈও অধিক  স্থানত সেনা, নৌসেনা, বায়ুসেনা, ভাৰতীয় উপকূলৰক্ষী, এন চি চি, চি আৰ পি এফ, আই টি বি পি, চি আই এছ এফ, এছ এছ বি, বি এছ এফ, আই ডি এছ, আৰ পি এফ আৰু আছাম ৰাইফলছৰ বেণ্ডে এনে অনুষ্ঠান পৰিচালনা কৰিব।

VK/Savvy/KB