লৈবাক নুংশিবা পুক্নিং থৌগৎনবা অমসুং ভারতকী নেস্নেল ফ্লেগগী মতাংদা এৱেরনেস হেনগৎহন্নবা অখন্নবা খোংথাং অমা ওইনা, মেরা য়ুবা ভারত (মাইভারত) না য়ুথ এফিয়র্স অমসুং স্পোর্তস মন্ত্রালয়গী মীৎয়েং মখাদা লৈবাক শীনবা থুংনা ক্বিজ কম্পিতিসন অমা লাউথোকখ্রে। মাইভারত পোর্তেল (mybharat.gov.in) দা হোস্ত তৌরিবা ওনলাইন ক্বিজ অসিনা প্রজা পুম্নমকপু শরুক য়ানবা অমসুং তিরঙ্গাগী মরমদা মখোয়গী লৌশিং অদু চাংয়েং তৌনবা বর্তন তৌরি।

ক্বিজ অসি পার্তিসিপেন্ত পুম্নমক্কী ওইনা পুক্নিং চিংশিন্নবা অমসুং এজুকেসনেল ওইবা এক্সপরিয়েন্স ফংহন্নবা দিজাইন তৌই। মসিদা মল্তিপল-চোইস ক্বেসনশিং (MCQশিং) য়াওগনি। ৱাহং খুদিংমক্তা ওপ্সন মরি লৈগনি অমসুং অচুম্বা পাউখুম অমা খক্তমক লৈগনি। মখোয়ন শরুক য়াখিবগীদমক, কন্তেসতেন্ত পুম্নমক্তা ই-সর্তিফিকেৎ অমা পীগনি।

অচৌবা ইন্সেন্তিব অমা ওইনা, তোপ-স্কোরিং পার্তিসিপেন্ত 25বু কেন্দ্রগী য়ুথ এফিয়র্স অমসুং স্পোর্তস মন্ত্রী, দা. মনসুখ মন্দভিয়াগা লোয়ননা সিয়াচেনদা চৎনবা অচৌবা খুদোংচাবা অমগীদমক খনগৎকনি।

ক্বিজ অসি মাইভারত প্লেৎফোর্মদা রেজিস্তার তৌরবা য়ুজর পুম্নমক্তা ওপন ওই, অদুবু সিয়াচেন খোঙচৎকীদমক ৱিন্নরশিং খনগৎপা অসি চহি 21 অমসুং 29গী মরক্তা লৈবা নহারোলশিংগী মরক্তা লেপকনি। তোপ স্কোররশিংগী পুল অদুদগী কম্প্যুতরদা য়ুম্ফম ওইবা লোত্তরী সিস্তেম অমগী খুত্থাংদা ৱিন্নর 25গী অরোইবা সেলেক্সন অদু পাংথোক্কনি।

ক্বিজ অসিদা শরুক য়ানবগীদমক্তা এন্ত্রী ফী অমত্তা লৌদে। পার্তিসিপেন্তশিংনা প্রাইজশিংগীদমক ইলিজিবল ওইনবগীদমক মাইভারত পোর্তেলদা লৈরিবা মখোয়গী প্রোফাইলশিং অদু মরিক চুম্বা অমসুং অপ-তু-দেৎ ওইহনগনি।

মেরা য়ুবা ভারত (https://mybharat.gov.in/) অসি লৈবাক অসিগী নহাশিংগীদমক ৱান স্তোপ সর্বিস প্লেৎফোর্ম অমা ওইনা শেমখি। প্লেৎফোর্ম অসিনা নহাশিংগী প্রোফাইল শেম্বা, তোঙান তোঙানবা ভোলুন্তিয়রিং অমসুং লর্নিং এক্তিবিতীশিংদা শরুক য়াবা, এক্সপর্তশিংগী মেন্তরশিপ ফংহনবা, অতোপ্পা নহাশিংগা শম্নবা অসিনচিংবা ঙমহল্লি। এক্সপরিএন্সিএল লর্নিং প্রোগ্রামশিং (ELPশিং) য়াওনা এঙ্গেজমেন্ত প্রোগ্রাম কয়া অমা প্লেৎফোর্ম অসিদা হোস্ত তৌরি। পোর্তেল অসিনা তোঙান তোঙানবা এঙ্গেজমেন্ত প্রোগ্রামশিং পাংথোক্নবগীদমক অতোপ্পা মন্ত্রালয়শিং, ওর্গনাইজেসনশিং, ইন্দস্ত্রীশিং, য়ুথ ক্লবশিং অসিনচিংবদা ৱেব স্পেসসু পীরি। প্লেৎফোর্ম অসিদা নহারোল করোর 1.76 হেনবনা রেজিস্তর তৌখ্রে।

*****