প্রধান মন্ত্রী শ্রী নরেন্দ্র মোদীনা ওগস্ত 6গী নুমিৎ য়ুংবা পুং 12:15 রোম তাবদা দিল্লীগী কর্তব্য পথতা কর্তব্য ভবনদা চৎকনি অমসুং শঙ্গাগনি। মসিগী মতুংদা প্রধান মন্ত্রীনা কর্তব্য পথতা মীয়ামগী থৌরম অমদা নুমিদাং পুং 6:30 রোম তাবদা ৱা ঙাংগনি।

মসিনা প্রধান মন্ত্রীগী মোদর্ন, ইফিসিএন্ত অমসুং সিতিজন-সেন্ত্রিক গভর্নান্সকী ভিজনদা সরকারনা থাজবা থম্লিবা অসিদা মরুওইবা মাইলস্তোন অমা ওইরগনি। শঙ্গাগদৌরিবা কর্তব্য ভবন-03 অসি সেন্ত্রেল ভিস্তাগী হেন্না চাউবা ত্রান্সফোর্মেসনগী শরুক অমনি। মসি এদমিনিস্ত্রেতিব প্রোসেসশিং স্ত্রীমলাইন তৌনবা অমসুং মথৌ নীংথিনা পাংথোকপা ঙম্বা গভর্নান্স ওইহন্নবা পান্দম থম্লিবা শেমগৎলক্লিবা কম্মন সেন্ত্রেল সেক্রেতরিয়েৎ বিল্দিং কয়াগী মনুংদা অহানবা বিল্দিংনি।

প্রোজেক্ত অসিনা সরকারগী এদমিনিস্ত্রেতিব রিফোর্ম এজেন্দাগী মপুং ফাবা শরুক অমনি। মন্ত্রালয়শিং কো-লোকেৎ তৌদুনা অমসুং খ্বাইদগী ফবা ইনফ্রাস্ত্রকচর শীজিন্নদুনা, কম্মন সেন্ত্রেল সেক্রেতরিয়েৎনা ইন্তর-মিনিস্ত্রিএল কোওর্দিনেসন ফগৎহনগনি, পোলিসী পায়খৎপদা য়াঙখৎহনগনি অমসুং রেস্পোন্সিব এদমিনিস্ত্রেতিব ইকোসিস্তেম অমা শেমগৎকনি।

হৌজিক্কী ওইনা, মরুওইবা মন্ত্রালয় কয়ানা শাস্ত্রী ভবন, কৃশি ভবন, উদোগ ভবন, অমসুং নির্মান ভবনগুম্বা চহি য়াম্লবা বিল্দিংশিংদগী থবক তৌরি। বিল্দিংশিং অসি 1950 অমসুং 1970গী মরক্তা শাখিবনি। হৌজিক্তি মখোয়শিং অসি স্ত্রকচরেল ওইনা মতমগা চুনদ্রে অমসুং মতিক চাদ্রে। অনৌবা ফেসিলিতীশিং অসিনা শেমজিন-শাজিনবা অমসুং মেনতেন্সনগী শেনফম হন্থহল্লগনি, প্রদক্তিবিতী হেনগৎহল্লগনি, এমপ্লোয়ীগী ৱেল-বিং ফগৎহল্লগনি, অমসুং অপুনবা সর্ভিস দেলিভরী হেনগৎহল্লগনি।

কর্তব্য ভবন-03 অসি হৌজিক্তি দিল্লীগী মফম কয়াদা চাইথোক্তুনা লৈরিবা তোঙান তোঙানবা মন্ত্রালয়শিং অমসুং বিভাগশিং পুনশিন্দুনা ইফিসিএন্সী, ইন্নোভেসন অমসুং কোল্লাবোরেসন হেনগৎহন্নবা দিজাইন তৌখ্রে। মসি বেসমেন্ত অনি অমসুং লেভেল তরেৎ (গ্রাউন্দ + ফ্লোর 6) কোনশিন্দুনা চাউরাক্না স্ক্বার মিতর লাখ 1.5গী পাক-চাউবা স্তেত ওফ দি আর্ত ওফিস কমপ্লেক্স অমা ওইগনি। মসিদা হোম এফিয়র্স, এক্সতর্নেল এফিয়র্স, রুরেল দিবেলপমেন্ত, MSME, DoPT, পেত্রোলিয়ম অমসুং নেচরেল গ্যাস অমসুং প্রিন্সিপাল সাইন্তিফিক এদভাইজর (PSA) গী ওফিসশিং লৈগনি।

অনৌবা বিল্দিং অসিনা IT-রেদী অমসুং সেক্যুর ৱার্কস্পেসশিং, ID কার্দ-বেজ এক্সেস কন্ত্রোলশিং, ইন্তিগ্রেতেদ ইলেক্ত্রোনিক সর্ভিলেন্স, অমসুং সেন্ত্রেলাইজ কমান্দ সিস্তেম য়াওবা মোদর্ন গভর্নান্স ইনফ্রাস্ত্রকচরগী খুদম ওইগনি। মসিনা সস্তেনেবিলিতীদসু মাংজিল থানা চঙগনি, দবল-গ্লাস ফেকেদশিং, রুফতোপ সোলর, সোলর ৱাতর হীতিং, এদভান্স HVAC (হীতিং, ভেন্তিলেসন, অমসুং এয়র কন্দিসনিং) সিস্তেমশিং, অমসুং নোংগী ঈশিং য়োকশিনবা য়াওনা GRIHA-4 রেতিং অমা তার্গেৎ তৌরি। ফেসিলিতী অসিনা জিরো-দিসচার্জ ৱেস্ত মেনেজমেন্ত, ইন-হাউস সোলিদ ৱেস্ত প্রোসেসিং, ই-ভেহিকল চার্জিং স্তেসনশিং, অমসুং রিসাইকল তৌরবা কন্সত্রক্সন মেতরিএলশিং পাক শন্না শীজিন্নদুনা ইকো-কন্সিয়সনেসপু প্রমোৎ তৌগনি।

জিরো-দিসচার্জ কেম্পস অমা ওইনা, কর্তব্য ভবন অসিনা ঈশিংগী মথৌ তাবা মরুওইবা শরুক অমা ফংহন্নবগীদমক্তা ৱেস্তৱাতর ত্রীৎ অমসুং রিয়ুজ তৌরি। বিল্দিং অসিদা রিসাইকল তৌরবা কন্সত্রক্সন অমসুং দিমোলিসন ৱেস্তশিংবু মেসনরী অমসুং পেভিং ব্লোকশিংদা শীজিন্নরি, মথক থংবা লৈমাই শীজিন্নবা অমসুং স্ত্রকচরেল লোদ হন্থহন্নবা লাইৎ ৱাইদ পার্তসনশিং শীজিন্নরি, অমসুং ইন-হাউস সোলিদ ৱেস্ত মেনেজমেন্ত সিস্তেম অমা য়াওরি।

বিল্দিং অসি 30% হেন্না ইনর্জী হন্থনা শীজিন্ননবা দিজাইন তৌই। বিল্দিং অদু ‌ইংনা থম্নবা অমসুং মপান্দা থোকপা মখোল তাবা হন্থহন্নবা অখন্নবা গ্লাসকী থোঙনাওশিং পাল্লি। ইনর্জী কনবা LED লাইৎশিং, মথৌ তাদ্রবা মতমদা মৈ মুত্থৎপা সেন্সরশিং, ইনর্জী কনবা স্মার্ত লিফ্তশিং, অমসুং ইলেক্ত্রিসিতী শীজিন্নবগী মেনেজমেন্তকী অৱাংবা থাক্কী সিস্তেম পুম্নমক অসিনা ইনর্জী কনবা ঙমগনি। কর্তব্য ভবন-03গী মথক্তা লৈরিবা সোলর পেনেলশিংনা চহি খুদিংগী ইলেক্ত্রিসিতী য়ুনিৎ লাখ 5.34 হেন্না পুথোক্লগনি। সোলর ৱাতর হীতরশিংনা নুমিৎ খুদিংগী মথৌ তাবা অশাবা ঈশিংগী ক্বার্তর অমা হেন্না ফংহল্লি। ইলেক্ত্রিক ভেহিকলশিংগী চার্জিং স্তেসনশিংসু লৈরি।

***