Ka Sorkar ka don ka kamram ban ialeh pyrshah ia ki khubor thok bad ki jingai jingtip kiba ialam bakla.

Ki bynta jong ka ain ban ialeh pyrshah ia ka jingai jingtip ba ialam bakla ki kynthup

· Ki kotkhubor bad kiwei kiwei ki kot: Ki kotkhubor ki hap ban bud ia ka “Norms of Journalistic Conduct” ba la pynbiang da ka Press Council of India (PCI). Kine ki kyndon ki khanglad ia ka jingpynmih ia ki khubor lamler/ pynjah burom/ ialam bakla. Ka Council ka pynlong ia ka jingtohkit halor ki jingkynnoh ba la pynkhein ia ki kyndon, katkum ka kyndon 14 jong ka ain, bad ka lah ban maham, ai jingmut ne kynthoh ia ka kot khubor, ki editor, ki nongthoh khubor, bad kiwei kiwei katkum ka jingjia.

· Ka Television media: Ki channel TV ki dei ban bud ryntih ïa ka Program Code katkum ka Aiñ Cable Television Networks (Regulation) Act, 1995, kaba ong ba ïa ki prokram kiba don ïa kino kino kiei kiei kiba sniew, kiba pynjah burom, ki jingkren siat kiba la thmu, kiba lamler ym dei ban pyni. Ka Cable Television Network (Amendment) Rules, 2021, ka ai ïa ka rukom pynbeit ïa ki jingeh kaba lai kyrdan ban peit bniah ïa ki jingujor kiba ïadei bad ka jingpynkheiñ ïa ka Aiñ da ki TV channel. Ym shim ia ka sienjam kaba iahap ha kaba la lap ia ka jingpynkhein ia ka Program Code.

· Digital media: Na ka bynta ki nongpynmih khubor bad ki jingjia ba mynta ha ki lad pathai khubor digital, ka Aiñ Information Technology (Intermediary Guidelines and Digital Media Ethics Code) Rules, 2021 (IT Rules, 2021) ka ai ïa ka Code of Ethics.

La pynbiang ia ka Fact Check Unit (FCU) hapoh ka Press Information Bureau, ka tnad Information and Broadcasting ha u Naiwieng, 2019 ban peit bniah ïa ki khubor lamler kiba ïadei bad ka Sorkar Pdeng. Hadien ba la pynshisha ia ka jingshisha jong ki khubor na ki tyllong kiba la ai bor ha ki tnad jong ka Sorkar India, ka FCU ka buh ia ki jingtip kiba thikna ha ki rynsan social media jong ka.

Hapoh ka Section 69A jong ka Information Act 2000, ka Sorkar ka pynmih ïa ki hukum ba donkam ban khanglad ïa ki website, ki social media handle bad ki post ban iada ia ka jinglong trai ri bad ka jinglong ryntih jong ka ri India, ka jingïada ïa ka ri India, ka jingshngaiñ jong ka ri, bad ka shongsuk shongsaiñ.

Ka sorkar ka la pynbna ia ka ain Information Technology (Intermediary Guidelines and Digital Media, Ethics Code) Rules, 2021 ha ka 25.02.2021 hapoh ka IT Act, 2000.

· Ka Part-III jong ki kyndon ka ai ia ka Code of Ethics na ka bynta ki nongpynmih khubor digital bad ki nongpynmih ia ki prokram ba la shna online (ki rynsan OTT).

· Ki rynsan OTT kim dei ban pyni ia ki prokram ba la mana katkum ka ain kaba treikam ha kata ka por.

· Ki rynsan OTT ki dei ban peit bniah dalade ban ai jingtip shaphang ki prokram, katkum ki bynta ba la ai ha ka Schedule jong ki Kyndon kiba don ia ki bynta kiba iadei bad ka jingpyni ia ki jinglyngkhuit bad ki jingiashong kha.

· Ki rynsan OTT ki hap ban pynbiang ia ki jingiada ban tehlakam ia ki prokram ki bym iahap ban peit ki khynnah. Shuh shuh, ka Section 79(3)(b) jong ka IT Act, 2000 ka plie lad ban ai jingtip ki Sorkar shaphang kano kano ka prokram ba long beain sha ki nongpyni khnang ba kin weng ne pynduh ia kum kine ki prokram.

Ka sorkar ka la phah ia ka jingai jingmut ha ka 19.02.2025 sha ki rynsan OTT bad ki Self-regulatory Body jong ki rynsan OTT ban pynthikna ia ka jingbud ryntih ia ki Ain jong ka ri India bad ka Code of Ethics ba don hapoh ki IT Rules, 2021 haba ki pyni ia ki prokram ha ki rynsan jong ki.

Hadien ka jingiamir jingmut bad ki tnad Sorkar ba iadon bynta ha kane ka kam, la block haduh 43 tylli ki rynsan OTT haduh mynta.

Kane ka dei ka jingai jingtip da u Myntri Sorkar Pdeng ba dei khmih ia ka tnad Information and Broadcasting, Ashwini Vaishnaw ha ka Lok Sabha mynta ka sngi

*****