কেন্দ্রগী লৌউ-শিংউ, লৌমীশিংগী য়াইফ-থৌরাং অমসুং খুঙ্গং চাউখৎ-থৌরাংগী মন্ত্রী, শ্রী শিবরাজ সিংহ চৌহান্না ওগস্ত 2দা প্রধান মন্ত্রী কিসান সম্মান নিধিগী 20শুবা ইনস্তোলমেন্ত পীথোক্নবগী মতাংদা অৱাংবা থাক্কী মীফম অমা পাংথোকখ্রে। মহাক্না ভিদিও মেসেজ অমা থাদোক্লদুনা লৈবাক শিনবা থুংনা লৈরিবা লৌমীশিংদা থৌরম অসিদা শরুক য়ানবা হায়খি।

মহাক্কী ভিদিও মেসেজতা কেন্দ্রগী লৌউ-শিংউ মন্ত্রীনা হায়খি, "নুংশিজরবা লৌমী ইচিল-ইনাওশিং, ময়াম পুম্নমকপু খুরুমজরি। খারিফ মহৈ-মরোংগী পন্থা অসি অফবা ওইরগনি হায়না পানরি। মসিগী মরক্তা, হেন্না নুংঙাইবা পাউ অমসু লৈরি - প্রধান মন্ত্রী শ্রী নরেন্দ্র মোদীনা পি.এম.-কিসান সম্মান নিধিগী শেনফম অসি ওগস্ত 2গী অয়ুক পুং 11 তাবা মতমদা হকথেংননা অদোমগী একাউন্তশিংদা ত্রান্সফর তৌরগনি। থৌরম অসিদা মহাক্না অদোমদা ৱা ঙাংগনি। মরম অদুনা, ঐহাক্না অদোম পুম্নমকপু ওগস্ত 2গী অয়ুক্কী পুং 11দা পাংথোক্কদৌরিবা থৌরমশিংগী মনুংদা অমা য়াওননবা থম্মোয় শেংনা হায়জরি। থৌরমশিং অসি অদোমগী খুঙ্গংশিংদা, কৃশি বিজ্ঞান কেন্দ্রশিংদা (KVKশিং), ICAR ইন্সতিত্যুৎশিংদা, এগ্রিকলচরেল য়ুনিভর্সিতীশিংদা, কৈথেলশিংদা অমসুং PACS হেদক্বাতর্সতা পাংথোক্কনি। অদোমগী খ্বাইদগী নকপা করম্বা মফমদা থৌরম অসি পাংথোক্কদগে হায়বদু খঙদোকপীয়ু অমসুং মফম অদুদা শোইদনা চৎপীয়ু। প্রধান মন্ত্রীনা ৱারোল পীবা অদু তাবীয়ু। ঐহাকসু শোইদনা শরুক য়াগনি - ঐহাক্না অদোমবুসু মসি তৌনবা হায়জরি। থাগৎচরি।”

Dear farmer brothers & sisters, greetings to you all.

On August 2nd at 11 AM, PM Shri Narendra Modi ji will be transferring the amount of the PM-KISAN scheme directly into your bank accounts. On this occasion, make sure to connect with one of the PM’s programs.

Listen 👇 pic.twitter.com/wY9FqX6cJf

— PIB Agriculture (@PIBAgriculture) July 30, 2025

*****