وزیراعظم کا دفتر
وزیر اعظم نے 127 سال بعد مقدس پپرہوا آثار کی واپسی کا خیرمقدم کیا
Posted On:
30 JUL 2025 2:44PM by PIB Delhi
وزیر اعظم جناب نریندر مودی نے آج بھگوان بدھا کے مقدس پپرہوا آثار کی 127 سال بعد ہندوستان واپسی کی ستائش کی اور اسے ملک کے شاندار ثقافتی ورثے کے لیے ایک قابل فخر اور خوشی کا لمحہ قرار دیا۔
وکاس بھی وارثت بھی کے جذبے کی عکاسی کرنے والے ایک بیان میں، وزیر اعظم نے بھگوان بدھ کی تعلیمات اور ان کی روحانی وراثت اور تاریخی وراثت کو محفوظ رکھنے کے لیے ملک کے غیر متزلزل عہد کے لیے ہندوستان کی گہری عقیدت پر زور دیا۔
ایکس پرایک سلسلے وار پوسٹ میں، جناب مودی نے لکھا:
‘‘ہمارے ثقافتی ورثے کے لیے ایک خوشی کا دن!
اس سے ہر ہندوستانی کو فخر ہوگا کہ بھگوان بدھ کے مقدس پپرہوا آثار 127 سال کے طویل عرصے کے بعد گھر آئے ہیں۔ یہ مقدس آثار بھگوان بدھ اور ان کی عظیم تعلیمات کے ساتھ ہندوستان کے قریبی تعلق کو اجاگر کرتے ہیں۔ یہ ہماری شاندار ثقافت کے مختلف پہلوؤں کے تحفظ اور تحفظ کے لیے ہمارے عزم کو بھی واضح کرتا ہے۔ VikasBhiVirasatBhi #"
‘‘یاد رہے کہ پپرہوا کے آثار 1898 میں دریافت ہوئے تھے لیکن نوآبادیاتی دور میں انہیں ہندوستان سے چھین لیا گیا تھا۔ جب وہ اس سال کے شروع میں ایک بین الاقوامی نیلامی میں پیش کیے گئے تو ہم نے ان کی وطن واپسی کو یقینی بنانے کے لیے کام کیا۔ میں ان تمام لوگوں کی پذیرائی کرتا ہوں جو اس کوشش میں شامل رہے ہیں۔’’
****
ش ح۔ ع و۔اش ق
U NO: 3591
(Release ID: 2150117)
Read this release in:
Gujarati
,
Telugu
,
Malayalam
,
Bengali
,
Bengali-TR
,
Assamese
,
Odia
,
English
,
Hindi
,
Marathi
,
Manipuri
,
Punjabi
,
Tamil
,
Kannada