পদ্ম এৱার্দকী নোমিনেসন/রিকম্মেন্দেসন থাজিনবগী অরোয়বা মতম জুলাই ৩১, ২০২৫ ওইরম্বদগী ওগস্ত ১৫, ২০২৫ ফাওবা শাংদোক্লে।  পদ্ম এৱার্দকী নোমিনেসন/রিকম্মেন্দেসন ওনলাইনখক্তদা রাস্ত্রিয় পুরস্কার পোর্তেল (https://awards.gov.in ) লৌগনি। রিপব্লিক দে, ২০২৬ থৌরমদা লাউথোক্কদবা পদ্ম এৱার্দ ২০২৬ কী নোমিনেসন/রিকম্মেন্দেসন মার্চ ১৫, ২০২৫ দগী হৌখিবনি।

পদ্ম এৱার্দ্স, পদ্ম বিভুসন, পদ্ম ভুসন অমসুং পদ্ম শ্রী হায়রিবশিং অসি লৈবাকসিগী মীচমশিংদা পীবা খ্বায়দগী থাক ৱাংবা মনাশিংগী মনুং চল্লি। ১৯৫৪ দা চৎনবা হৌখিবা মনাশিং অসি চহি খুদিংগী রিপব্লিক দে থৌরমদা হেক হেক লাউথোকই। মনাশিং অসিনা ‘তোপ তোপ্না তৌথোরকপা’ থবক থৌওংশিংবু শকখঙই অমদি আর্ত, লিতরেচর অমদি মহৈ মশিং, শান্ন-খোৎনবা, মেদিসিন, সোসিএল ৱর্ক, সাইন্স অমসুং ইঞ্জিনিয়রিং, পব্লিক এফ্যার্স, সিভিল সর্ভিস, ত্রেদ অমসুং ইন্দস্ত্রী অসিনচিংবা লম খুদিংদা তোপ তোপ্না অমদি থোইদোক হেন্দোক্না মায় পাক্লকপা/থবক তৌথোরকপশিংদা পীবনি। কাঙলুপ ফুরুপ, শিনফম, ফম নৎত্রগা নুপা নুগী খায়দনা মীপুম খুদিংমক মনা অসি ফংবা য়াই। দোক্তর অমদি সাইন্তিস্তশিং নত্তনা PSUs দা থবক তৌবা য়াওনা লৈঙাক্কী থবক তৌববা মীওইশিংদি পদ্ম এৱার্দ্স ফংবা য়াদে।

লৈঙাক্না পদ্ম এৱার্দসপু “মীয়ামগী পদ্ম” ওন্থোক্নবা খোঙফম চেৎনা লেপ্লি। মরম অসিনা মীপুম খুদিংমক্কী মফমদা মশানা নোমিনেসন তৌজবা য়াওনা নোমিনেসন/রিকম্মেন্দেসন তৌরক্নবা পুক্নিং থৌগৎলি। নুপী, খুন্নাইগী তুশোন্নবা কাঙলুপ, SCs অমসুং STs, মীমান্নদ্রবা মীওইশিং অমদি খুন্নাইদা ওইজবা থিদনা থবক তৌরিবা মীওইশিংগী মরক্তগী মখোয়না থোইদোক হেন্দোক্না অমদি তোপ তোপ্না তৌথোরকপা অমদি মায় পাক্লকপশিং শকখঙবিবা মতিক চাই খন্বা মীওইশিং মশক খঙদোকমিন্ননবা ময়াম পন্না হোৎনমিন্নবা চঙই।

নোমিনেসন/রিকম্মেন্দেসনশিং রিকম্মেন্দ তৌরক্লিবা মীওই অদুগী মহাক্কী লমদা থোইদোক হেন্দোক্না অমদি তোপ তোপ্না তৌথোরকপা অমদি মায় পাক্লকপশিং ময়েক শেংনা তাক্তুনা ৱারী লিবগী মওংদা ইবা সাইতেসন অমা য়াওনা মথক্তা পীরিবা পোর্তেল অসিদা য়াওরিবা ফোর্মেত্তা পল্লিবা মরী লৈনবা অকুপ্পা ৱারোল পুম্নমক য়াওরক্কদবনি।

মসিগী মতাঙবা মচা খায়বা ৱাফমসু গৃহ মন্ত্রালয়গী ৱেবসাইত (https://mha.gov.in) কী ‘এৱার্দ্স এন্দ মেদল্স’ হায়রিবা হেদিং অসিগী মখাদা, অমদি পদ্ম এৱার্দ্স পোর্তেল (https://padmaawards.gov.in) দা ফংগনি। মনাশিং অসিগা মরী লৈনবা পথাপ অমদি কাঙলোনশিং https://padmaawards.gov.in/AboutAwards.aspx লিঙ্ক অসিদা পীরিবা ৱেবসাইত অসিদা ফংগনি।

*****