ಕೇಂದ್ರ ರೈಲ್ವೆ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು ಗುಜರಾತ್‌ ನ ವಡೋದರದಲ್ಲಿರುವ ಅಲ್‌ ಸ್ಟೋಮ್‌ ನ ಸಾವ್ಲಿ ಘಟಕದ ಉತ್ಪಾದನಾ ಸೌಲಭ್ಯಕ್ಕೆ ಭೇಟಿ ನೀಡಿದರು, ಇದು ಭಾರತದಲ್ಲಿ ರೈಲ್ವೆ ರೋಲಿಂಗ್ ಸ್ಟಾಕ್‌ ನ ಪ್ರಮುಖ ಉತ್ಪಾದನಾ ಕೇಂದ್ರವಾಗಿದೆ. ನಿರ್ವಹಣಾ ಅಭ್ಯಾಸಗಳ ಕೇಂದ್ರೀಕೃತ ಮೌಲ್ಯಮಾಪನದೊಂದಿಗೆ ಅವರು ಸಾವ್ಲಿ ಸೌಲಭ್ಯದಲ್ಲಿ ಅಲ್‌ ಸ್ಟೋಮ್‌ ನ ಕಾರ್ಯಾಚರಣೆಗಳನ್ನು ಅವರು ಪರಿಶೀಲಿಸಿದರು. ಅವರು ಪ್ರತಿ ಆರ್ಡರ್‌ ಗೆ ಕಸ್ಟಮೈಸ್ ಮಾಡಿದ ಪರಿಹಾರಗಳನ್ನು ವಿನ್ಯಾಸಗೊಳಿಸುವ ಅಲ್‌ ಸ್ಟೋಮ್‌ ನ ಅಭ್ಯಾಸಕ್ರಮಗಳನ್ನು ಶ್ಲಾಘಿಸಿದರು - ಭಾರತೀಯ ರೈಲ್ವೇಗಳು ಅನುಕರಿಸುವ ನಾವೀನ್ಯತೆ - ಮತ್ತು ಸೃಜನಶೀಲ ಮತ್ತು ಸಹಯೋಗದ ಚೌಕಟ್ಟಿನ ಮೂಲಕ ಗತಿ ಶಕ್ತಿ ವಿಶ್ವವಿದ್ಯಾಲಯದೊಂದಿಗೆ ಜಂಟಿ ತರಬೇತಿ ಕಾರ್ಯಕ್ರಮವನ್ನು ಅಭಿವೃದ್ಧಿಪಡಿಸಲು ಪ್ರಸ್ತಾಪಿಸಿದರು.  ಎಲ್ಲಾ ಪಿಯುಗಳ ಜನರಲ್ ಮ್ಯಾನೇಜರ್‌ಗಳು ಅಲ್‌ ಸ್ಟಾಮ್‌ ನ ಸಾವ್ಲಿ ಘಟಕಕ್ಕೆ ತರಬೇತಿ ಮತ್ತು ಮಾನ್ಯತೆ ಭೇಟಿಗಳನ್ನು ಕೈಗೊಳ್ಳುವಂತೆ ಅವರು ಸೂಚಿಸಿದರು. ಇಲ್ಲಿನ ವಿಶೇಷ ಎಂದರೆ ತಡೆಗಟ್ಟುವ ನಿರ್ವಹಣೆಗಾಗಿ ಸಂವೇದಕಗಳು ಮತ್ತು ಕೃತಕ ಬುದ್ಧಿಮತ್ತೆಯ ಬಳಕೆಯನ್ನು ಸಹ ಚರ್ಚೆಗಳು ಒಳಗೊಂಡಿವೆ.

ಭಾರತ ಸರ್ಕಾರದ ಮೇಕ್ ಇನ್ ಇಂಡಿಯಾ ಮತ್ತು ಆತ್ಮನಿರ್ಭರ ಭಾರತ ಉಪಕ್ರಮಗಳಿಗೆ ಬಲವಾದ ಬದ್ಧತೆಯೊಂದಿಗೆ ಸಾವ್ಲಿ ಸೌಲಭ್ಯವು ಅತ್ಯಾಧುನಿಕ ಕಮ್ಯೂಟರ್ ಮತ್ತು ಟ್ರಾನ್ಸಿಟ್ ರೈಲು ಕಾರುಗಳನ್ನು ಉತ್ಪಾದಿಸುತ್ತಿದೆ.  ನಾವೀನ್ಯತೆ ಮತ್ತು ಉತ್ಪಾದನಾ ಉತ್ಕೃಷ್ಟತೆಯ ಮೇಲೆ ಬಲವಾದ ಗಮನಹರಿಸುವುದರೊಂದಿಗೆ, ಭಾರತದ 3,400 ಕ್ಕೂ ಹೆಚ್ಚು ಇಂಜಿನಿಯರ್‌ ಗಳು ವಿಶ್ವಾದ್ಯಂತ 21 ಅಲ್‌ ಸ್ಟಾಮ್ ಸೈಟ್‌ ಗಳೊಂದಿಗೆ ಸಕ್ರಿಯವಾಗಿ ಸಹಕರಿಸುತ್ತಿದ್ದಾರೆ.  2016 ರಿಂದ, ಭಾರತವು ವಿವಿಧ ಅಂತಾರಾಷ್ಟ್ರೀಯ ಯೋಜನೆಗಳಿಗಾಗಿ 1,002 ರೈಲು ಬೋಗಿಗಳನ್ನು ಯಶಸ್ವಿಯಾಗಿ ರಫ್ತು ಮಾಡಿದೆ, ಆಧುನಿಕ ರೈಲು ವ್ಯವಸ್ಥೆಗಳ ವಿಶ್ವಾಸಾರ್ಹ ಪೂರೈಕೆದಾರರಾಗಿ ದೇಶದ ಸ್ಥಾನವನ್ನು ಬಲಪಡಿಸುತ್ತದೆ.  450 ರೈಲು ಬೋಗಿಗಳನ್ನು ಸಾವ್ಲಿಯಲ್ಲಿ ತಯಾರಿಸಲಾಯಿತು ಮತ್ತು ಕ್ವೀನ್ಸ್‌ ಲ್ಯಾಂಡ್ ಮೆಟ್ರೋ ಯೋಜನೆಗಾಗಿ ಆಸ್ಟ್ರೇಲಿಯಾಕ್ಕೆ ರಫ್ತು ಮಾಡಲಾಯಿತು.

ನಿರ್ಣಾಯಕ ರೈಲು ಘಟಕಗಳ ರಫ್ತು

ಸಾವ್ಲಿ ಘಟಕವು ಜರ್ಮನಿ, ಈಜಿಪ್ಟ್, ಸ್ವೀಡನ್, ಆಸ್ಟ್ರೇಲಿಯಾ ಮತ್ತು ಬ್ರೆಜಿಲ್ ಸೇರಿದಂತೆ ವಿವಿಧ ದೇಶಗಳಿಗೆ 3,800 ಬೋಗಿಗಳನ್ನು ಯಶಸ್ವಿಯಾಗಿ ರಫ್ತು ಮಾಡಿದೆ, ಜೊತೆಗೆ 4,000 ಕ್ಕೂ ಹೆಚ್ಚು ಫ್ಲಾಟ್‌ ಪ್ಯಾಕ್‌ ಗಳನ್ನು (ಮಾಡ್ಯೂಲ್‌ಗಳು) ವಿಯೆನ್ನಾ, ಆಸ್ಟ್ರಿಯಾಕ್ಕೆ ಸರಬರಾಜು ಮಾಡಿದೆ.  ವಿವಿಧ ಜಾಗತಿಕ ಯೋಜನೆಗಳಿಗೆ 5,000 ಪ್ರೊಪಲ್ಷನ್ ಸಿಸ್ಟಮ್‌ ಗಳನ್ನು ರಫ್ತು ಮಾಡುವ ಮೂಲಕ ಮನೆಜಾ ಘಟಕವು ಮಹತ್ವದ ಕೊಡುಗೆ ನೀಡಿದೆ.

ಭಾರತದಲ್ಲಿ ವಿನ್ಯಾಸಗೊಳಿಸಲಾಗಿದೆ, ಹಲವು ದೇಶಗಳಲ್ಲಿ ಸ್ಥಾಪಿಸಲಾಗಿದೆ

ಭಾರತವು ಪ್ರಸ್ತುತ 27 ಅಂತಾರಾಷ್ಟ್ರೀಯ ಸಿಗ್ನಲಿಂಗ್ ಯೋಜನೆಗಳನ್ನು ಮುನ್ನಡೆಸುತ್ತಿದೆ ಮತ್ತು ವಿಶ್ವಾದ್ಯಂತ ಹೆಚ್ಚುವರಿ 40 ಯೋಜನೆಗಳಿಗೆ ಬೆಂಬಲವನ್ನು ನೀಡುತ್ತದೆ. ಬೆಂಗಳೂರಿನ ಡಿಜಿಟಲ್ ಎಕ್ಸ್‌ಪೀರಿಯೆನ್ಸ್ ಸೆಂಟರ್ ವಿಶ್ವಾದ್ಯಂತ 120+ ಯೋಜನೆಗಳನ್ನು ಬೆಂಬಲಿಸುವ ಮೂಲಕ ಆವಿಷ್ಕಾರವನ್ನು ನಡೆಸುತ್ತಿದೆ, ಐಒಟಿ, ಎಐ, ಬ್ಲಾಕ್‌ ಚೈನ್ ಮತ್ತು ಸೈಬರ್ ಸುರಕ್ಷತೆಯನ್ನು ಬಳಸಿಕೊಂಡು ಮುಂದಿನ-ಜನ್ ಸಿಗ್ನಲಿಂಗ್‌ ನ ಮೇಲೆ ವ್ಯವಸ್ಥೆ ಕೇಂದ್ರೀಕರಿಸಿದೆ.

“ವಿನ್ಯಾಸ, ಅಭಿವೃದ್ಧಿ ಮತ್ತು ಭಾರತದಿಂದ ಜಗತ್ತಿಗೆ ತಲುಪಿಸಿ” ಎಂಬ ದೃಷ್ಟಿಕೋನದ ಭಾಗವಾಗಿ ಭಾರತದ ರೈಲು ಉತ್ಪನ್ನಗಳ ರಫ್ತು ಹೆಚ್ಚುತ್ತಿದೆ

•  ಮೆಟ್ರೋ ಕೋಚ್‌ಗಳು: ಆಸ್ಟ್ರೇಲಿಯಾ, ಕೆನಡಾಕ್ಕೆ ರಫ್ತು ಮಾಡಲಾಗಿದೆ
•  ಬೋಗಿಗಳು: ಯುಕೆ, ಸೌದಿ ಅರೇಬಿಯಾ, ಫ್ರಾನ್ಸ್ ಮತ್ತು ಆಸ್ಟ್ರೇಲಿಯಾಕ್ಕೆ ರವಾನಿಸಲಾಗಿದೆ
•  ಪ್ರೊಪಲ್ಷನ್ ಸಿಸ್ಟಮ್ಸ್: ಫ್ರಾನ್ಸ್, ಮೆಕ್ಸಿಕೋ, ರೊಮೇನಿಯಾ, ಸ್ಪೇನ್, ಜರ್ಮನಿ ಮತ್ತು ಇಟಲಿಗೆ ಸರಬರಾಜು ಮಾಡಲಾಗುತ್ತಿದೆ 
•  ಪ್ಯಾಸೆಂಜರ್ ಕೋಚ್‌ ಗಳು: ಮೊಜಾಂಬಿಕ್, ಬಾಂಗ್ಲಾದೇಶ ಮತ್ತು ಶ್ರೀಲಂಕಾಕ್ಕೆ ತಲುಪಿಸಲಾಗಿದೆ
• ಲೋಕೋಮೋಟಿವ್‌ಗಳು: ಮೊಜಾಂಬಿಕ್, ಸೆನೆಗಲ್, ಶ್ರೀಲಂಕಾ, ಮ್ಯಾನ್ಮಾರ್, ಬಾಂಗ್ಲಾದೇಶ ಮತ್ತು ಗಿನಿಯಾ ಗಣರಾಜ್ಯಕ್ಕೆ ರಫ್ತು ಮಾಡಲಾಗಿದೆ

ಸ್ಥಳೀಯ ಆರ್ಥಿಕತೆಗೆ ಉತ್ತೇಜನ

ಪ್ರಮುಖ ಪೂರೈಕೆದಾರರ ಪ್ರಬಲ ಜಾಲವು ಸಾವ್ಲಿ ಬಳಿ ಉತ್ಪಾದನಾ ಪರಿಸರ ವ್ಯವಸ್ಥೆಯನ್ನು ಬೆಂಬಲಿಸುತ್ತದೆ. ಈ ಕ್ಷೇತ್ರದಲ್ಲಿ ಪ್ರಮುಖ ಉದ್ಯಮ ಪಾಲುದಾರಾದ ಇಂಟೆಗ್ರಾ, ಅನೋವಿ, ಹಿಂದ್ ರೆಕ್ಟಿಫೈಯರ್, ಹಿಟಾಚಿ ಎನರ್ಜಿ, ಮತ್ತು ಎಬಿಬಿ, ಫ್ಯಾಬ್ರಿಕೇಶನ್, ಇಂಟೀರಿಯರ್ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್‌ ಗಳಲ್ಲಿ ಪರಿಣತಿ ಹೊಂದಿದ್ದಾರೆ.

ಮಾಧ್ಯಮಗಳೊಂದಿಗೆ ಮಾತನಾಡಿದ ಕೇಂದ್ರ ರೈಲ್ವೆ ಸಚಿವರು, “ಮೇಕ್ ಇನ್ ಇಂಡಿಯಾ ಮತ್ತು ಮೇಕ್ ಫಾರ್ ದಿ ವರ್ಲ್ಡ್” ಉಪಕ್ರಮಗಳ ಪರಿಣಾಮವು ಭಾರತೀಯ ರೈಲ್ವೆ ಉತ್ಪಾದನಾ ವಲಯದಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ ಎಂದು ಹೇಳಿದರು.  ಅನೇಕ ದೇಶಗಳಿಗೆ ವಿವಿಧ ರೈಲ್ವೆ ಘಟಕಗಳ ರಫ್ತು ಭಾರತದಲ್ಲಿ ಗಮನಾರ್ಹ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತಿದೆ ಎಂದು ಅವರು ಉಲ್ಲೇಖ ಮಾಡಿದರು. ಭಾರತೀಯ ಇಂಜಿನಿಯರ್‌ ಗಳು ಮತ್ತು ಕಾರ್ಮಿಕರು ಈಗ ಅಂತಾರಾಷ್ಟ್ರೀಯ ಗುಣಮಟ್ಟದಲ್ಲಿ ಪರಿಣತಿಯನ್ನು ಪಡೆಯುತ್ತಿದ್ದಾರೆ, ಇದು ಮೇಕ್ ಇನ್ ಇಂಡಿಯಾ ಮಿಷನ್‌ ನ ಪ್ರಮುಖ ಯಶಸ್ಸಾಗಿದೆ ಎಂದು ಅವರು ವಿಷಯವನ್ನು ಬಣ್ಣಿಸಿದರು.

*****