ਭਾਰਤ ਦੇ ਰਾਸ਼ਟਰਪਤੀ, ਸ਼੍ਰੀਮਤੀ ਦ੍ਰੌਪਦੀ ਮੁਰਮੂ ਨੇ ਅੱਜ  (25 ਜੁਲਾਈ, 2025)  ਆਪਣੇ ਕਾਰਜਕਾਲ  ਦੇ ਤਿੰਨ ਸਾਲ ਪੂਰੇ ਕਰ ਲਏ।

ਆਪਣੇ ਕਾਰਜਕਾਲ ਦਾ ਤੀਜਾ ਸਾਲ ਪੂਰਾ ਕਰਦੇ ਹੋਏ,  ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਨੇ ਰਾਸ਼ਟਰਪਤੀ ਭਵਨ ਅਤੇ ਪ੍ਰੈਸੀਡੈਂਟਸ ਅਸਟੇਟ ਵਿੱਚ ਸ਼ੁਰੂ ਕੀਤੀਆਂ ਗਈਆਂ  ਵੱਖ-ਵੱਖ ਮਹੱਤਵਪੂਰਣ ਪਹਿਲਾਂ ਵਿੱਚ ਹਿੱਸਾ ਲਿਆ,  ਜਿਨ੍ਹਾਂ ਵਿੱਚ ਸ਼ਾਮਲ ਹਨ:

ਦਿਵਯਾਂਗਜਨਾਂ ਦੇ ਅਨੁਕੂਲ ਰਾਸ਼ਟਰਪਤੀ ਭਵਨ ਦੀ ਘੋਸ਼ਣਾ। ਪੰਡਿਤ ਦੀਨਦਿਆਲ ਉਪਾਧਿਆਏ ਰਾਸ਼ਟਰੀ ਸਰੀਰਕ ਦਿਵਯਾਂਗਜਨ ਸੰਸਥਾਨ ਦੀ 50 ਸੂਤਰੀ ਸਿਫ਼ਾਰਸ਼ਾਂ ਨੂੰ ਲਾਗੂ ਕਰਨ  ਦੇ ਬਾਅਦ ਰਾਸ਼ਟਰਪਤੀ ਭਵਨ, ਅੰਮ੍ਰਿਤ ਉਦਯਾਨ ਅਤੇ ਰਾਸ਼ਟਰਪਤੀ ਭਵਨ ਮਿਊਜ਼ੀਅਮ ਦਿਵਯਾਂਗਜਨਾਂ ਦੇ ਅਨੁਕੂਲ ਪਰਿਸਰ ਬਣ ਗਏ ਹਨ।

• 22 ਭਾਰਤੀ ਭਾਸ਼ਾਵਾਂ ਵਿੱਚ ਰਾਸ਼ਟਰਪਤੀ ਭਵਨ ਦੀਆਂ ਵੈਬਸਾਈਟਾਂ ਦੀ ਸ਼ੁਰੂਆਤ।  ਰਾਸ਼ਟਰਪਤੀ ਭਵਨ ਦੀਆਂ ਅਧਿਕਾਰਿਕ ਵੈਬਸਾਈਟਾਂ -  https://www.rashtrapatibhavan.gov.in/  ਅਤੇ https://www.presidentofindia.gov.in/-  ਹੁਣ 22 ਭਾਰਤੀ ਭਾਸ਼ਾਵਾਂ ਵਿੱਚ ਉਪਲਬਧ ਹਨ।

• ਪ੍ਰੈਜ਼ੀਡੈਂਟਸ ਅਸਟੇਟ ਵਿੱਚ ਸੈਲਾਨੀਆਂ ਅਤੇ ਨਿਵਾਸੀਆਂ ਲਈ ਵੱਖ-ਵੱਖ ਸੁਵਿਧਾਵਾਂ ਦਾ ਉਦਘਾਟਨ,  ਜਿਵੇਂ ਰਾਸ਼ਟਰਪਤੀ ਭਵਨ ਵਿੱਚ ਸੈਲਾਨੀ ਸੁਵਿਧਾ ਕੇਂਦਰ,  ਰਾਸ਼ਟਰਪਤੀ ਨਿਲਯਮ,  ਹੈਦਰਾਬਾਦ ਵਿੱਚ ਨਿਲਯਮ ਨਿਕੁੰਜ,  ਰਾਸ਼ਟਰਪਤੀ ਨਿਵਾਸ,  ਮਸ਼ੋਬਰਾ ਵਿੱਚ ਕੈਫੇਟੇਰੀਆ,  ਸੋਵੀਨੀਅਰ ਸ਼ੌਪ ਅਤੇ ਰਿਸੈਪਸ਼ਨ ਅਤੇ ਪ੍ਰੈਜੀਡੈਂਟਸ ਅਸਟੇਟ ਵਿੱਚ ਇੱਕ ਪੁਨਰਨਿਰਮਿਤ ਜਿਮ।

• ਵੇਰਵਾ- https://upahaar.rashtrapatibhavan.gov.in/

• 250 ਤੋਂ ਜ਼ਿਆਦਾ ਆਈਟਮਾਂ ਦੀ ਨੀਲਾਮੀ ਲਈ ਈ-ਉਪਹਾਰ ਸੀਜਨ 2 ਦੀ ਸ਼ੁਰੂਆਤ।  ਨੀਲਾਮੀ ਤੋਂ ਪ੍ਰਾਪਤ ਸਾਰੀ ਆਮਦਨ ਬੱਚਿਆਂ ਦੇ ਕਲਿਆਣ ਨਾਲ ਜੁੜੀਆਂ ਪਹਿਲਾਂ ਨੂੰ ਦਾਨ ਕੀਤੀ ਜਾਵੇਗੀ।  ਵੇਰਵਾ  https://upahaar.rashtrapatibhavan.gov.in/  

• ਈ - ਬੁੱਕ ਦਾ ਉਦਘਾਟਨ -  ਰਾਸ਼ਟਰਪਤੀ ਕਾਰਜਕਾਲ ਦੇ ਪਿਛਲੇ ਇੱਕ ਸਾਲ ਦੀਆਂ ਝਲਕੀਆਂ ਦਾ ਸੰਕਲਨ  ( ਲਿੰਕ https://rb.nic.in/ebook25.htm) ।

• ਮਾਰਚ 2027 ਤੱਕ ਰਾਸ਼ਟਰਪਤੀ ਭਵਨ ਨੂੰ ਨੈੱਟ ਜ਼ੀਰੋ ਬਣਾਉਣ ਦੀਆਂ ਪਹਿਲਾਂ ਦੀ ਸ਼ੁਰੂਆਤ। 

ਵੱਖ-ਵੱਖ ਪਹਿਲਾਂ ਦੀ ਸ਼ੁਰੂਆਤ ਦੇ ਮੌਕੇ ‘ਤੇ ਆਪਣੀ ਸੰਖੇਪ ਟਿੱਪਣੀ ਵਿੱਚ ਰਾਸ਼ਟਰਪਤੀ ਨੇ ਕਿਹਾ ਕਿ ਇਹ ਸੰਤੁਸ਼ਟੀ ਦੀ ਗੱਲ ਹੈ ਕਿ ਪਿਛਲੇ ਤਿੰਨ ਸਾਲਾਂ ਵਿੱਚ ਕਈ ਫ਼ੈਸਲੇ ਲਏ ਗਏ ਅਤੇ ਅਜਿਹੇ ਕਾਰਜ ਕੀਤੇ ਗਏ ਜਿਨ੍ਹਾਂ ਤੋਂ ਰਾਸ਼ਟਰਪਤੀ ਭਵਨ ਦੇ ਨਾਲ ਨਾਗਰਿਕਾਂ ਦਾ ਜੁੜਾਅ ਵਧਿਆ।  ਸਾਡੀ ਹਮੇਸ਼ਾ ਇਹ ਕੋਸ਼ਿਸ਼ ਰਹੀ ਹੈ ਕਿ ਸਮਾਜ ਦੇ ਸਾਰੇ ਵਰਗਾਂ,  ਖਾਸ ਤੌਰ 'ਤੇ ਵੰਚਿਤ ਅਤੇ ਪਿਛੜੇ ਵਰਗਾਂ ਨੂੰ ਦੇਸ਼ ਦੀ ਵਿਕਾਸ ਯਾਤਰਾ ਤੋਂ ਪ੍ਰਭਾਵੀ ਢੰਗ ਨਾਲ ਜੋੜਿਆ ਜਾਵੇ।  ਉਨ੍ਹਾਂ ਨੇ ਇਸ ਗੱਲ ‘ਤੇ ਪ੍ਰਸੰਨਤਾ ਵਿਅਕਤ ਕੀਤੀ ਕਿ ਰਾਸ਼ਟਰਪਤੀ ਭਵਨ ਦਿਵਯਾਂਗਜਨਾਂ ਲਈ ਜਿਆਦਾ ਆਸਾਨ ਹੋ ਗਿਆ ਹੈ।  ਉਨ੍ਹਾਂ ਨੇ ਵਿਸ਼ਵਾਸ ਵਿਅਕਤ ਕੀਤਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਕਈ ਨਵੀਆਂ ਪਹਿਲਕਦਮੀਆਂ ਕੀਤੀਆਂ ਜਾਣਗੀਆਂ ।

***************

ਐੱਮਜੇਪੀਐੱਸ/ਐੱਸਆਰ/ਐੱਸਕੇਐੱਸ