రాష్ట్రపతి శ్రీమతి ద్రౌపది ముర్ము ఈరోజు తో (2025, జులై 25)తో మూడేళ్ల పదవీకాలాన్ని పూర్తి చేసుకున్నారు.

తన పదవీకాలంలో మూడేళ్లు పూర్తి చేసుకున్న సందర్భంగా రాష్ట్రపతి భవన్, ప్రెసిడెంట్స్ ఎస్టేట్‌లో చేపట్టిన వివిధ ముఖ్యమైన కార్యక్రమాల్లో రాష్ట్రపతి ద్రౌపది ముర్ము పాల్గొన్నారు. అవి:

• దివ్యాంగులకు అనుకూలంగా ప్రెసిడెంట్స్ ఎస్టేట్‌ను మార్చినట్లు ప్రకటన. పండిత్ దీనదయాళ్ ఉపాధ్యాయ నేషనల్ ఇనిస్టిట్యూట్ ఫర్ పర్సన్స్ విత్ ఫిజికల్ డిజెబిలిటీస్ సిఫారసు చేసిన 50 పాయింట్లను అమలు చేసిన అనంతరం రాష్ట్రపతి భవన్, అమృత్ ఉద్యాన్, రాష్ట్రపతి భవన్ మ్యూజియం దివ్యాంగజనులకు అనుకూలమైన ప్రాంగణాలుగా మారాయి.

• 22 భారతీయ భాషల్లో రాష్ట్రపతి భవన్ వెబ్‌సైట్ల ప్రారంభం. రాష్ట్రపతి భవన్ అధికారిక వెబ్‌సైట్లు https://www.rashtrapatibhavan.gov.in/ , https://www.presidentofindia.gov.in/ ఇప్పుడు 22 భారతీయ భాషల్లో అందుబాటులో ఉన్నాయి.

• ప్రెసిడెంట్స్ ఎస్టేట్ ను సందర్శించే వారికి, నివాసితులకు వివిధ మౌలిక వసతుల ప్రారంభం. వాటిలో రాష్ట్రపతి నిలయంలో విజిటర్ ఫెసిలిటేషన్ సెంటర్, హైదరాబాద్‌లోని రాష్ట్రపతి నిలయంలో నిలయం నికుంజ్, మషోబ్రాలోని రాష్ట్రపతి నివాస్‌లో కెఫెటేరియా, సావనీర్ షాప్, రిసెప్షన్, ప్రెసిడెంట్స్ ఎస్టేట్‌లో పునరుద్ధరించిన వ్యాయామశాల ఉన్నాయి.

• 250కి పైగా వస్తువులను వేలం వేసేందుకు ఈ-ఉపహార్ సీజన్ 2 ప్రారంభం. వేలం నుంచి వచ్చే మొత్తాన్ని చిన్నారుల సంక్షేమానికి దోహదపడే కార్యక్రమాలకు విరాళమిస్తారు. వివరాలకు - https://upahaar.rashtrapatibhavan.gov.in/

• ఈ-బుక్ ఆవిష్కరణ – గతేడాది కాలంలో రాష్ట్రపతి పాలనకు సంబంధించిన సంకలనం (లింక్ https://rb.nic.in/ebook25.htm).

• మార్చి 2027 నాటికి రాష్ట్రపతి భవన్లో సున్నా కర్బన ఉద్గారాలు సాధించే కార్యక్రమాల ప్రారంభం.

వివిధ కార్యక్రమాల ప్రారంభోత్సవం సందర్భంగా రాష్ట్రపతి ప్రసంగిస్తూ.. గత మూడేళ్లలో రాష్ట్రపతి భవన్‌తో ప్రజల సంబంధాలను బలోపేతం చేసేలా అనేక నిర్ణయాలు తీసుకోవడం, పనులు చేపట్టడం సంతృప్తికరమైన విషయమన్నారు. సమాజంలోని అన్ని వర్గాలను, ముఖ్యంగా వెనుకబడిన, అణగారిన వర్గాల వారిని దేశాభివృద్ధి ప్రయాణంలో భాగం చేయడమే మా లక్ష్యం. దివ్యాంగజనులకు అనుకూలంగా రాష్ట్రపతి భవన్ మారడం పట్ల ఆమె సంతోషం వ్యక్తం చేశారు. రానున్న రోజుల్లో మరిన్ని కొత్త కార్యక్రమాలు చేపడతామన్న విశ్వాసాన్ని రాష్ట్రపతి వ్యక్తం చేశారు.

***