ভারতকী রাস্ত্রপতি, শ্রীমতী দ্রৌপদি মুরমুনা ওফিস পায়রকপা ঙসি (জুলাই ২৫, ২০২৫) চহি অহুম মপুং ফারে।

মহাক্কী তর্ম চহি অহুম মপুং ফারকপগা লোয়ননা, রাস্ত্রপতি দ্রৌপদি মুরমুনা রাস্ত্রপতি ভবন অমদি প্রেসিদেন্তকী এস্তেত্তা পায়খৎপা তোঙান তোঙানবা মরুওইবা থৌশিল কয়াদা শরুক য়াখি। মখোয়শিং অদুদি:

প্রেসিদেন্তকী এস্তেতবু মীমান্নদ্রবশিংগী চুনবা ওইরে হায়না লাউথোকপা। রাস্ত্রপতি ভবন, অমৃত উদয়ন, অমদি রাস্ত্রপতি ভবন ম্যুজিয়ম, পন্দিত দীনদয়াল উপধ্যায় নেস্নেল ইন্সতিত্যুৎ ওফ পর্সন্স ৱিথ ফীজিকেল দিসএবিলিতিজনা পীবা পোইন্ত ৫০ গী রিকমেন্দেসন পায়খৎলবা মতুংদা মীমান্নদ্রবশিংগা চুনবা মফম ওইরকখিবনি।

রাস্ত্রপতি ভবন ৱেবসাইত ভারতকী লোল ২২ দা লোঞ্চ তৌবা। রাস্ত্রপতি ভবনগী ওফিসিএল ৱেবসাইত - https://www.rashtrapatibhavan.gov.in/  অমদি https://www.presidentofindia.gov.in/  – হৌজিক্তি ভারতকী লোল ২২ দা ফংলে।

রাস্ত্রপতি ভবনগী ভিজিতর ফেসিলিতেসন সেন্তর, রাস্ত্রপতি নিলয়াম, হায়দ্রবাদকী নিলয়াম নিকুঞ্জ, রাস্ত্রপতি নিৱাস, মসোব্রাদা কেফেতরিয়া, সোভেনর দুকান, অমসুং রিসেপ্সন, অমদি প্রেসিদেন্তকী এস্তেত্তা নৌনা শেমজিন শাজিল্লবা জীম অমা অসিনচিংবা তোঙান তোঙানবা ভিজিতর অমদি রেসিদেন্তশিংগী ফেসিলিতীশিং প্রেসিদেন্তকী এস্তেত্তা শঙ্গাখি।

পোৎলম ২৫০ হেন্না নিলাম লাউথোক্নবা ই-উপহার সীজন ২ হৌদোকখি। নিলাম অসিদগী লাকপা শেনফম পুম্নমক অঙাংশিংগী য়াইফ থৌরাংদা ঙাক্লৌ পীবা থৌশিলশিংদা কত্থোক্কনি। অকুপ্পা ৱারোল - https://upahaar.rashtrapatibhavan.gov.in/ 

ই-বুক ফোঙবা – প্রেসিদেন্সীগী হৌখিবা চহি অমগী শক্তমশিং (link https://rb.nic.in/ebook25.htm).

রাস্ত্রপতি ভবনবু মার্চ ২০২৭ ফাওবদা নেত জিরো ওইহন্নবা থৌশিল হৌদোকখি।

তোঙান তোঙানবা থৌশিলশিং হৌদোকপগী থৌরমদা মহাক্না অতেন্বা ৱাহৈ খরা থম্লদুনা, রাস্ত্রপতিনা হৌখিবা চহি অহুমসিদা মীয়ামগী রাস্ত্রপতি ভবনগা তোৎন-তিন্নবগী চাং হেনগৎহন্নবা ৱারেপ কয়া লৌখিবা অমদি থবক কয়া পায়খৎখিবা অসি পেন্নিংঙাই ওই। খুন্নাইগী কাঙলুপ পুম্নমক্কা, মরুওইনা চাকথুং ফিথুংদ্রবা অমদি শোত্থহৌরবা কাঙলুপশিংগা লৈবাক্কী চাওখৎ খোঙচৎকা মরী শম্নহনবা হায়বসিদা মতম চুপ্পদা ঐখোয়না হোৎনখিবা থৌরাংনি। রাস্ত্রপতি ভবন মীমান্নদ্রবশিংনা চঙথোক চঙশিন তৌবদা হেন্না কোমহল্লকপদা মহাক্না হরাওবা ফোঙদোকখি। তুংদসু তোঙান তোঙানবা অনৌবা থৌশিলশিং পায়খৎলকখিগনি হায়না মহাক্না থাজবা ফোঙদোকখি।

*****