ورلڈ آڈیو ویژول اینڈ انٹرٹینمنٹ سمٹ (ڈبلیو اے وی ای ایس) 2025 کا اہتمام وزیر اعظم کے ہندوستان کو مواد کی تخلیق کا عالمی مرکز بنانے کے وژن کے مطابق کیا گیا تھا۔ اس نے تخلیق کاروں، پالیسی سازوں، صنعت کے رہنماؤں، میڈیا پلیٹ فارمز اور ٹیکنالوجی کے علمبرداروں کو ایک پلیٹ فارم پر اکٹھا کیا۔

ڈبلیو اے وی ای ایس نے ہندوستانی تخلیق کاروں کو نئی ٹیکنالوجیز، سرمایہ کاروں، پروڈیوسرز اور خریداروں سے مربوط ہونے کے لیے ایک پلیٹ فارم فراہم کیا۔ اس میں 100 سے زیادہ ممالک کے ایک لاکھ سے زیادہ لوگوں نے شرکت کی۔ تقریب میں 140 سے زیادہ سیشنز شامل تھے جن میں 50 مکمل اجلاسات، 35 ماسٹر کلاسز اور 55 بریک آؤٹ اجلاسات شامل تھے جن میں عالمی صنعت کے رہنماؤں کی شرکت تھی۔

ویوز 2025 کی نمایاں خصوصیات:

● گلوبل میڈیا ڈائیلاگ: حکومت اور نجی شعبے کے نمائندوں سمیت کلیدی اسٹیک ہولڈرز نے میڈیا اور تفریح کے ابھرتے ہوئے کردار پر تبادلہ خیال کیا۔ ویوز ڈیکلریشن امن اور ڈیجیٹل شمولیت کے لیے میڈیا کو فروغ دینے کے لیے اپنایا گیا۔

● ڈبلیو اے وی ای ایکس: میڈیا اور تفریح کے شعبے میں اسٹارٹ اپ کی قیادت میں جدت طرازی کا پلیٹ فارم۔ اس میں دو روزہ لائیو پچنگ ایونٹ بھی شامل تھا جہاں اسٹارٹ اپس نے سرمایہ کاروں کو آئیڈیاز پیش کیا۔

● ویوز بازار: اسکرپٹس، موسیقی ، کامکس اور اے وی رائٹس کے لیے مارکیٹ پلیس کے طور پر کام کر کے 3 ہزار سے زیادہ بی 2 بی میٹنگوں  کو فعال کیا، جس سے آمدنی کے نئے راستے پیدا ہوئے۔

● اقتصادی اور اسٹریٹجک نتائج: فلمی شہروں، تخلیقی ٹیک ایجوکیشن اور لائیو تفریحی انفراسٹرکچر میں سرمایہ کاری کے لیے 8 ہزار کروڑ روپے کے مفاہمت ناموں پر دستخط کیے گئے۔

● کریئٹ ان انڈیا چیلنج: اینیمیشن، گیمنگ، اے آر / وی آر اور موسیقی جیسے 34 تخلیقی زمروں میں ملک گیر اگلی نسل کے تخلیقی ہنر کی تلاش۔ اس نے دنیا بھر سے تخلیق کاروں کی طرف سے ایک لاکھ سے زیادہ رجسٹریشن راغب کیے۔

● کریٹواسفیئر: ہندوستان کی اگلی نسل کی تخلیقی صلاحیتوں کو اجاگر کرنے کے لیے ماسٹر کلاسز، مقابلے اور لائیو شوکیسز کی میزبانی کی گئی۔

● بھارت پویلین: اس نے عالمی سطح پر ہندوستان کی نرم طاقت اور ثقافتی قیادت کو پیش کرتے ہوئے ہندوستان کی کہانی سنانے کی میراث میں ایک عمیق تجربہ پیش کیا۔

● 8ویں نیشنل کمیونٹی ریڈیو کانفرنس: 12 اسٹیشنوں کو کمیونٹی براڈکاسٹنگ میں جدت اور شمولیت کے لیے نیشنل کمیونٹی ریڈیو ایوارڈز حاصل ہوئے۔

یہ معلومات اطلاعات و نشریات اور پارلیمانی امور کے وزیر مملکت ڈاکٹر ایل مروگن کے ذریعہ آج لوک سبھا میں ساجھا کی گئی۔

**********

 (ش ح –ا ب ن)

U.No:3336