প্রধান মন্ত্রী স্তামর্র

মরুপশিং,

খুরুমজরি!

অহানবদা, ঐহাক্না প্রধান মন্ত্রী স্তার্মরবু মহাক্না তরাম্না ওকপিবগীদমক থমোয় শেংনা তৌবীমল খঙবা ফোংদোকচরি। ঙসি অসি ঐখোয়গী মরীদা পুৱারী ওইরবা নুমিৎ অমনি। চহি কয়া কন্না হোৎনরবা মতুংদা ঙসি লৈবাক অনিগী মরক্তা কমপ্রিহেন্সিব ইকনোমিক এন্দ ত্রেদ এগ্রীমেন্ত অমা লোইশিনখিবা অসিদা ঐহাক নুংঙাইবা ফাওই।

মসিগী এগ্রীমেন্ত অসি ইকনোমিক পার্তনরশিপ খক্তমক নত্তে, অদুবু মান্নবা চাউখৎ-থৌরাং অমগীদমক পোরম অমনি। নাকল অমরোমদা, ভারতকী তেক্সতাইল, ফুতৱেয়র, জেম্স অমসুং জ্বেলরী, সীফুদ অমসুং ইঞ্জিনীয়রিংগী পোৎলমশিং য়ু.কে.দা হেন্না ফবা কৈথেল ফংলগনি। ভারতকী লৌউ-শিংউগী পোত্থোক অমসুং প্রোসেস ফুদ ইন্দস্ত্রীগীদমক য়ু.কে.গী কৈথেলদা অনৌবা খুদোংচাবশিং শেমগৎলগনি। মসিগী এগ্রীমেন্ত অসিনা ভারতকী নহাশিং, লৌমীশিং, ঙামীশিং অমসুং MSME সেক্তরগীদমক মরুওইনা কান্নবা ওইগনি।

নাকল অমরোমদা, য়ু.কে.দা মেদিকেল দিভাইসশিং অমসুং এরোস্পেস পার্তশিংগুম্বা পোত্থোকশিং অসি ভারতকী মীয়াম অমসুং ইন্দস্ত্রীদা মমল হোংনা অমসুং এক্সেসিবল ওইবা মমলশিংদা ফংহনগনি।

হায়রিবা এগ্রীমেন্ত অসিগা লোয়ননা, দবল কন্ত্রিব্যুসন কনভেন্সনগী মতাংদা এগ্রীমেন্তসু য়ান্নবা পুরকপা ঙমখ্রে। মসিনা লৈবাক অনি অসিগী সর্ভিস সেক্তরদা, মরু ওইনা তেক্নোলোজী অমসুং ফাইনান্সতা অনৌবা ইনর্জী পীগনি। ইজ ওফ দুইং বিজিনেসনা খোঙজেল য়াঙখৎলগনি। ললোন-ইতিক তৌবদা চংবা শেনফম হন্থগনি অমসুং ললোন-ইতিক তৌবদা থাজবা হেনগৎলগনি। মসিগা লোয়ননা, য়ু.কে.গী শেন্মিৎলোন্না ভারতকী স্কিল লৈরবা তেলেন্ত ফংলগনি।

হায়রিবা এগ্রীমেন্তশিং অসিনা লৈবাক অনিমক্তা ইনভেস্তমেন্ত হেনগৎহল্লগনি অমসুং থবক ফংহন্নবা অনৌবা খুদোংচাবশিং ফংহল্লগনি। মসি খক্তা নত্তে, দিমোক্রেতিক ওইবা লৈবাক্কী অনি অমসুং মালেমগী অচৌবা শেন্মিৎলোন অনিগী মরক্তা এগ্রীমেন্তশিং অসিনা মালেমগী তংদু লৈতাবা অমসুং চাউখৎপা হেনগৎহনগনি।

মরুপশিং,

লাক্কদৌরিবা দিকেদ অসিদা ঐখোয়গী কমপ্রিহেন্সিব স্ত্রেতেজিক পার্তনরশিপতা অনৌবা থৌনা অমসুং ইনর্জী পীনবগীদমক ভিজন 2035 রিলিজ তৌরি। মসিনা তেক্নোলোজী, ঙাকশেল, ক্লাইমেৎ, এজুকেসন অমসুং পিপল-তু-পিপল কন্নেক্ত হায়রিবা লমশিংদা মপাঙ্গল কনবা, থাজবা য়াবা অমসুং অচৌবা পার্তনরশিপ অমগী রোদমেপ অমা ওইগনি।

দিফেন্স অমসুং সেক্যুরিতীদা পার্তনরশিপকীদমক দিফেন্স ইন্দস্ত্রীএল রোদমেপ শেমখ্রে। ঐখোয়গী তেক্নোলোজী সেক্যুরিতী ইনিসিএতিববু হেন্না মপাঙ্গল কনখৎহন্নবা থবক পায়খৎকনি।

AIদগী হৌরগা ক্রিতিকেল মিনরেলশিং, সেমিকন্দক্তরশিংদগী হৌরগা সাইবর সেক্যুরিতী ফাওবা, ঐখোয়না পুন্না তুংলমচৎ শেমগৎকনি।

মরুপশিং,

এজুকেসনগী লমদসু লৈবাক অনিমক্না পুন্না অনৌবা পন্দুপ অমা ইরি। য়ু.কে.গী য়ুনিভর্সিতী 6না ভারত্তা কেম্পসশিং হাংলি। হৌখিবা চয়োলদা ভারতকী গুরুগ্রাম শহরদা সাউথ-হেম্পতন য়ুনিভর্সিতী কেম্পস শঙ্গাখি।

মরুপশিং,

ঐখোয়না প্রধান মন্ত্রী স্তার্মর অমসুং মহাক্কী সরকারবু পহলগামদা থোকখিবা তেরোরিস্ত এতেক্ত অদুবু অকনবা মওংদা য়ানিংদবা ফোঙদোকপগীদমক থাগৎপা ফোংদোক্লি। তেরোরিজমগা লান্থেংনবদা দবল স্তেন্দর্দশিংগী মফম লৈতে হায়বসিদা ঐখোয়না অমত্তা ওইনা য়ানরি।  এক্সত্রিমিস্তকী আইদিওলোজি য়াওবা ফোর্সশিংনা দিমোক্রেসীগী ফ্রীদমেন্তশিংবু লান্না শীজিন্নবা য়াহল্লোই হায়বসিদসু ঐখোয়না য়ানরে।

দেমোক্রেসী মশামকপু নমথনবা দেমোক্রেসীগী নীংতম্বা অসিবু লান্না শীজিন্নরিবা মীওইশিংনা দাইদা লৌগদবনি।

ঐখোয়গী এজেন্সীশিংনা ইকনোমিক ওফেন্দরশিং এক্সত্রাদিসন তৌবগী ইসুদা পুন্না থবক তৌমিন্নবা অমসুং মতেং পীবা মখা চত্থখিগনি।

মরুপশিং,

ঐখোয়না ইন্দো-পেসিফিক্তা শান্তি অমসুং তংদু লৈতাবা, য়ুক্রেনদা চত্থরিবা চয়েৎনবা অমসুং নোংচুপ এসিয়াদা ওইরিবা ফীভমগী মতাংদা ৱাখল্লোনশিং ফোংদোক্নখি। ঐখোয়না অথুবা মতমদা শান্তি অমসুং তংদু লৈতাবা অমুক হন্না পুরকপদা মতেং পাংই। লৈবাক পুম্নমক্কী সোভরেন্তী অমসুং তেরিতোরিএল ইন্তিগ্রিতী ইকাই খুম্নবা অসি তঙাইফদবনি। ঙসিগী মতমগী দিমান্দ অসি চাউখৎপা হায়বনি, পাকথোক চাউথোকপা হায়বদি নত্তে।

মরুপশিং,

মমাং থাদা, অহমদাবাদতা থোকখিবা এক্সিদেন্ত অদুদা লৈখিদ্রবশিংগী মরক্তা য়ু.কে.গী নাগরিক কয়াসু য়াওখি। মখোয়গী ইমুং-মনুংশিংদা ঐহাক্না অৱাবা ফোংদোকচরি।

য়ুনাইতেদ কিংদমদা লৈরিবা ভারত মচাশিংনা ঐখোয়গী মরীশিংদা অহিংবা থোং অমা ওইনা থবক তৌরি। মখোয়না ভারতকী মথেল খক্তমক পুশিল্লক্তে, ক্রীএতিবিতী, কম্মিতমেন্ত অমসুং কেরেক্তরসু পুশিল্লকখি। মখোয়গী কন্ত্রিব্যুসন অসি য়ু.কে.গী চাউখৎলক্লিবা শেন্মিৎলোন খক্তদা অকক্নবা ওইদে, অদুবু য়ু.কে.গী কলচর, স্পোর্তস অমসুং পব্লিক সর্ভিসতা উবা ফংই।

মরুপশিং,

ভারত অমসুং য়ু.কে.না পুল্লকপা মতমদা, অমসুং মদুসু তেস্ত সেরিজ মনুংদা, ক্রিকেৎকী মতাংদা পনগদবনি!

ঐখোয়গী অনিমক্কী ওইনা, ক্রিকেৎ অসি শান্ন-খোৎনবা খক্তা নত্তে, মসি অপাম্বনি। অমসুং ঐখোয়গী পার্তনরশিপকীদমক্তা অচৌবা মেতাফোর অমসুনি। করিগুম্বা মতমদা স্বিং অমসুং মাংখিবা য়াই, অদুবু ঐখোয়না মতম পুম্নমক্তা অচুম্বা বেৎ অমগা লোয়ননা শান্নৈ! ঐখোয়না অৱাংবা স্কোরিং লৈবা মপাঙ্গল কনবা পার্তনরশিপ অমা শেমগৎনবা হোৎনরি।

ঙসি লোইশিনখিবা এগ্রীমেন্তশিং অমসুং ভিজন 2035 অসি অসিগুম্বা ৱাখল্লোন অসি মাংলোমদা পুখৎলকপা য়াবা মাইলস্তোনশিংনি।

প্রধান মন্ত্রীজী,

ঐহাক্না অমুক্কা হন্না অদোমগী মীয়োক মীচান ফবা মতৌগীদমক অদোমদা থাগৎপা ফোংদোকচরি ।

ঐহাক্না অদোমবু ভারত্তা লাক্নবা কৌজরি অমসুং ঐখোয়না অথুবা মতমদা অদোমবু তরাম্না ওকপগী খুদোংচাবা ফংগনি হায়না আশা তৌজরি।

অদোমবু হন্না-হন্না থাগৎচরি।

****